ئىھ،خىرۇستال قىز (تۈگىدى)

tawba

	ۋاي ئاللاھ .يەنە تۇگەپ كەتتى ....قاچانغىچە كۇندە بىر كىرىپ قاراپ يۇرەرمەن .......

mahxiya

	مۇھەببەت بولمىسا بەلكىم نەپرەتمۇ بولماس ئىدى ... پەزىلەتنىڭ تۇنجى مۇھەببىتىدىلا بۇنداق ئازاپقا قېلىشىنى خالىمىساممۇ ، لېكىن ۋاقىتنىڭ ھەممىگە جاۋاپ بېرەلەيدىغانلىقىغا، پەقەت ۋاقىتنىڭ سىنىقىغا بەرداشلىق بېرەلىگەن مۇھەببەتنىڭلا ئەڭ مۇكەممەل مۇھەببەت بولىدىغانلىقىغا ئىشىنىمەن ھەم ئاخىرىغا تەقەززامەن ... ھەدە ، ھارمىغايسىز ...

sarwinaz

	ئوخشاشلا تۇنجى قېتىم سېنىڭ باغرىڭغا تاشلىنىپ سەۋەبسىز ئۆكسۈشتىن تۆكۈلگەن ياشلىرىمنى مىھرىڭ بىلەن ئالقانلىرىڭدا سۈرتكەن مىنۇتلارنى ئاخىرقى مىنۇتلىرىمدا ئۆكسۈپ تۇرۇپ ئەسلەيدىغىنىمغا ئىشەنچەم بولغىنىغا ئوخشاش ئاشۇ قاباھەتلىك كۈندىكى مەھبۇبەنىڭ رەھىمسىزلىك بىلەن ئەسلى قىياپىتىڭنى ئېچىپ تاشلىغان ئاشۇ كۈننىڭ دەھشىتىنى،شۇ ئازابنىڭ يۈرىكىمنى تىلىپ پارە–پارە قىلىپ قالدۇرغان يارىسىنىمۇ ئوخشاشلا قان قۇسۇپ تۇرۇپ ئەسلەيدىغانلىقىمغا ئىشىنەتتىم. سەندىن شۇ قەدەر نەپرەتلەندىم،شۇ قەدەر نەپرەتلەنگەنلىكىم ئۈچۈنلا سېنىڭ ئالدىمنى توراپ،قايسىلا ۋاقىتتا بولسۇن ماڭغان يوللىرىمدا ساقلاپ تۇرۇپ يېلىنىپ–يالۋۇرۇپ پاراڭلىشىشقا ئۈندەشلىرىڭنى رەت قىلدىم.ئىككىنجىلەپ سەن تەرەپكە باقماسلىققا نىيەت قىلغان كۆزلىرىمدىن پەقەت تۈن كېچىلەردە تۈن قاراڭغۇلىقى ھەممىنى شېرىن چۈش قوينىدا ئەللەيلىگەن ۋاقىتلاردا تارام–تارام ئۈنچىلەر تۆكۈلەتتى.ئاجىزلىقىمدىن سىلكىنىپ تۇرۇپ سېنىڭ ئاشۇ قويۇق كىرپىك ئورىغان كۆزلىرىڭنىڭ ئولجىسىغا ئايلانماقچى بولغان خىيال كەپتەرلىرىمنى كۆڭۈل قازناقلىرىمغا تۇتقۇن قىلاتتىم،ئۈنسىز ئۆكسۈشتىن تۈن كېچىنىڭ ئارامىنى بۇزماسلىق ئۈچۈن لەۋلىرىمنى چىشلەپ ئىز چىقىرىۋىتەتتىم...ئاھ... قىسقىسى.. مەن قىيناق ئىچىدىكى مەھبۇسلۇق ھاياتىمنىڭ شاھىدى بولمىش خاتىرەمگىمۇ قىيا بېقىپ نەزەر سالمىغان ئىدىم ئۇھ ،بۇ قۇرلاردىن ھەجەپمۇ يۈرىكىم ئېزىلدى. ئەينى ۋاقىتتا "چالىقۇشى"رومانىنى ئوقۇغىنىمدىمۇ مۇشۇنداق  يۈرەكتە ساقلانغان مۇھەببەت پەقەت ئىچكى تىۋىشلار ئارقىلىق تەسۋىرلىنىپ كىشىنى شۇنداق ھاياجانغا سالىدىغان دەقىقىلەرنى بېشىمدىن ئۆتكۈزگەن ئىدىم. پەزىلەتكە  ئەگىشىپ يۈرىكىم ئەنسىز سوقۇۋاتىدۇ.ئەزىمەت راستىنلا شۇنداق ۋىجدانسىزمىدۇ؟؟ ئەسەرنىڭ باش قىسمىدىكى ئەزىمەتنىڭ پەزىلەتنىڭ قەبرىسى ئالدىدىكى "مېنى كەچۈرۈڭ!"دەپ يىغلىغانلىرىنى بىرلەشتۇرسە ئادەم تېخىمۇ بۇنىڭ سىرىنى بىلگۈسى كېلىپ كېتىدىكەن. بەرگىيە غەيرەت قىلىڭ!!

gvlziba

	ئۇھ..ئۇھ.... بەرگىيە بولۇڭە تېز!!

bargiya

	تەتىلدىكى كۈنلىرىم خېلىلا مەنىلىك ئۆتتى. ئۆيدىن چىقماي ئاپامدىن ھارماي ئۇنى– بۇنى پىشۇرۇش ۋە ئۆزۈم ئېتەلمەيدىغان تاماقلارنى ئېتىشنى ئۈگەندىم. دادام رەنجىيتتى ئاپامغا«سەن بۇ بىچارە قىزىمنى تەتىلدە ئاران كەلگەندىمۇ ئارام ئالغۇزمىدىڭ»دەپ ئۇكام ئاپامغا بولىشىپ« دادا،پەزىلەت  ھەدەم مەكتەپتىن ئوقۇشتىن يالتىيىپ قاپتۇ،ئۇ مەندەك ئۇكىسىنىڭ  بۇ يىل ئالىي مەكتەپ ئىمتىھانىغا تەيارلىق قىلىشى ئۈچۈن قۇۋۋەتلىك،ئوزۇقلۇق قىممىتى يۇقۇرى يىمەكلىكلەرنى يەپ بېرىپ زىھنىنى يىغىشى ئۈچۈن مەخسۇس قايىپ كېلىپ ئۇكىسى ئۈچۈن قۇۋۋەت يىمەكلىكلىرى ۋە تاماقلارنى ئېتىپ كۈتمەكچىكەن» دەپ مېنى تېرىكتۈرەتتى.ئاپام بولسا مېنىڭ كۈندىن–كۈنگە ئۆي ئىشلىرىغا پىشىۋاتقانلىقىمنى ۋە يۇۋاشلىق بىلەن ئۆيدىن چىقماي كەچكىچە ئۆي تازىلاپ،تاماق ئېتىپ،ئۇنى–بۇنى پىشۇرۇپ ئۆتۈۋاتقانلىقىمنى كېيىنكى تۇرمۇشىغا ئاساس سېلىش دەپ قاراپ ئىچىدىن خۇش بولۇۋاتقانلىقىنى بەزىبىر مەمنۇنلۇق ئىپادىلىرى بىلەن ئىپادىلەپ قوياتتى.نىمىلا بولسۇن كۈنلىرىم شۇ ئىشلار بىلەن مەزشغۇل بولغانلىقى ئۈچۈن مەكتەپتىكى ۋاقىتتىكىدىن خېلىلا ئارام تېپىپ قالدىم.ئاندا–ساندا گۈلزار بىلەن چىقىپ بازار ئايلىنىمەن. شەھەرلىك كۈتۈپخانىغا بارىمەن،ئۇنىڭ ھاياجان بىلەن ئالىم بىلەن بىللە ئۆتكەن ۋاقىتلىرىدىكى ئىشلىرىنى ئۇيۇلۇپ تۇرۇپ،خۇشاللىق ھېسسىياتىدا شۇ ئۇيۇلۇشنى يېڭىپ تۇرۇپ سۆزلەپ بېرىشلىرىنى تىڭشايمەن.ئۇنىڭ مېنىڭ شەخسىي تۇرمۇشۇم توغرىلىق سورىغان سۇئاللىرىدىن ئۇستىلىق بىلەن گەپ بۇراپ ئۆزۈمنى قاچۇرۇمەن.بىراق دەل شۇ كېچىسى تۈن يېرىمغىچە كۆزلىرىمدىن ئۇيقۇ قاچىدۇ. جۇپلەشمىگەن كىرپىكلىرىمگە ئېسىلىپ قارچۇقۇمدىن ئورۇن ئېلىشقا ھە دەپ تىرىشىۋاتقان ئاشۇ ئاپەت تېرىغۇچى كۆزلەردىن  نەپرەتلىنىمەن.

ahu ھەقىي سالاھىيەتلىك ئەزا

	يازمىڭىزنى ياقتۇرۇپ ئوقۇپ كېلىۋاتقانلىقىمنى دېمىسەممۇ بىلىسىز.بىر تەكلىپ،كىشى ئىسىملىرىنىڭ ئۆزگۈرۈپ كەتمەسلىگىگە دىققەت قىلسىڭىز.يەنى قوشنىڭىز دەسلەپتە ئەركىن ،كەينىدىن ئىمران دەپ يېزىلىپ قاپتۇ.

altumar

	مۇھەببەت بىر ئۆلمەس تېما.بۇ دۇنيادا ئۇنىڭغا ئېرىشىشنى ئارزۇ قىلمايدىغان ئىنسان بولمىسا كېرەك.مەھبۇبەنىڭ سۆزلىرىنى ئوقۇۋىتىپ ئىنساننىڭ مۇھەببەت ئۈچۈن بېرىدىغان قۇربانلىرىنىڭ ھېساپسىز بولىدىغانلىقىنى يەنە بىر قېتىم تونۇپ يەتتىم. يۈرىكىم ئەنسىز سوقۇپ تۇرىدۇ:پەزىلەت ئاق قان كېسىلىمۇ نىمە؟شۇ سەۋەپتىن ئۆلۈپ كېتىدىغاندەك، شوڭا بىچارە ئەزىمەت ئازاپتا قالىدىغاندەكلا ھېس قىلىپ تۇرىمەن. بۇ مېنىڭ پەرىزىم ئەلۋەتتە،بەرگىيە قانداق ئويلىدىكىن؟

bargiya

	بۇ 130قەۋەتتىكىahu يوللىغان 2011-01-13 18:21 غا قارتىلغان  : يازمىڭىزنى ياقتۇرۇپ ئوقۇپ كېلىۋاتقانلىقىمنى دېمىسەممۇ بىلىسىز.بىر تەكلىپ،كىشى ئىسىملىرىنىڭ ئۆزگۈرۈپ كەتمەسلىگىگە دىققەت قىلسىڭىز.يەنى قوشنىڭىز دەسلەپتە ئەركىن ،كەينىدىن ئىمران دەپ يېزىلىپ قاپتۇ. ئۆزگەرتىپ قويدۇم. خاتالىقلارنى ۋاقتىدا كۆرسىتىپ تۇرساڭلار ئەلۋەتتە خۇش بولۇمەن. رەھمەت سىزگە!!

mahxiya

	مەنمۇ تېخى بېشىدا خاتا ئوقىۋالدىممۇ نېمە دەپ قاپتىمەن ... ھەدە چارچاپ قالغان ئوخشايسىز ؟ ئارام ئېلىشنىمۇ ئۇنتۇپ قالماڭ ... شۇنچە ئالدىراشلىق ئىچىدىن ۋاقىت چىقىرىپ ، بىزنى خىرۇستال قىز بىلەن ئۇچراشتۇرۋاتقىنىڭىزغا رەھمەت ! قولىڭىزغا دەرت كەلمىسۇن ... ۋاز كېچىش گەرچە شۇنچىلىك ئازابلىق بولسىمۇ ،ئۆزىگە تەئەللۇق بولمىغان مۇھەببەتتىن چوقۇم ۋاز كېچىش كېرەك ،ۋاز كەچمىگەندە ئۆزىنى ــ ئۆزى نابۇت قىلغانلىق بولىدۇ ......

ayding

	بەرگىيە جانىم ، بىر قانچە كۈندىن بېرى مەخپى نومۇرۇم توغرا بولماسلىق سەۋەبىدىن مۇنبەرگە كىرەلمەي بەكمۇ تىت تىت بولۇپ كەتتىم ،چۈنكى يازغانلىرىڭىزغا ئىنكاس قايتۇرغۇم كېلىپ تۇرالمىدىم دەڭە ، ئاخىرى ئۈمىدۋار بىلەن ئالاقىلىشىپ مەخپى نومۇرۇمنى ئۆزگەرتكۈزۈپ ، مۇنبەرگە كىرىۋېلىپ سىزنى ئالدىراتقىلى باشلىدىم ، بىزگىمۇ نىمە ئامال دەيسىز ؟ كىم سىزنى بۇنداق ياخشى ئەسەرلەرنى يازسۇن دەپتۇ ؟ قارىسام مۇنبەردە باركەنسىز ، شۇڭا بۈگۈنمۇ بىرەر بۆلەك يوللىۋەتسىڭىزچۇ ؟