تەكلىماكاندىكى سوپى - ئىشانلار ( فىلىم )

adiyat

ئەرەبلەرنىڭ ھارامدىن بولغان باللىرىدىن ياخشى

bayram007

سالام تورداشلار :

  ھەممىڭلارنىڭ يازما ئىنكاسىڭلارنى تەپسىلىي ئوقۇشقا ۋاقتىم يەتمىدى، بىراق ئومۇمى روھىدىن خەۋەردار تاپتىم . بۇ قىسقا فىلىم ھەققىدە مۇنداق بىر قانچە مەسلىنى ئايدىڭلاشتۇرۋېلىشقا توغرا كىلىدۇ .
1. بۇ فىلىم بۆگۈنكى كۈنىمىزدە سۆرەتكە ئېلىنغان، كۆپىنچىسى خوتەندە تارتىلغان .
2. بۇ فىلىمدا ئەكىس ئەتكۈزۈلمەكھى بولغان مەزمۇن بىلەن خۇراپىيلىپ بىر - بىرىدىن پەرق قىلىدۇ . بۇ فىلىمدىكى پائالىيەت ئىسلام سوفىزىمىنىڭ جەسىدىيە مۇراسىملىرىدىكى كۆرۈنۈشتىن ئارىيە بولۇپ ، ناۋادا سىز شۇ پائالىيەتكە قاتنىشىپ قالسىڭىز ۋە پۈۈتن ۋۇجۇدىڭىز بىلەن بىرىلسىڭىز، چوقۇمكى ۋۇجۇدىڭىز تىترەپ يىغلاپ كىتىشىڭىز مۇمكىن . بۇنىڭ بىز مەدەنىيەتشۇناسلىقتا ‹‹ مەدەنىيەت كونتېكىستى ›› نىڭ تەسىرىدىن ئىزاھلايمىز .
3. بۇ خىلدىكى پائالىيەت كۆپىنچە مەخىپى ئۆتكۈزۈلىدۇ . بۇ پائالىيەتلەر بىلەن سوفىزىمنىڭ مۇناسىۋىتى بار بولۇپ، بۇنى يالغۇزلا ئاپپاق خوجا ۋە شۇ دەۋىر ئۇيغۇرلىرىدىن كۆرغكىلا بولمايدۇ . بۇنى چوقۇم ئوتتۇرا ئەسىر ئىسلام دۇنياسىنىڭ غەيرى تەپەككۇر غەلىيانچىلىقى ۋە ئوتتۇرا ئاسىيانىڭ دىنىي، جۇغراپىيىۋى ھاۋاسى بىلەن مۇناسىۋەتلەشتۈرۈپ ئىزاھلاش كېرەككى ، بۇنى يالغۇزلا ئاپپاق خوجىدىنلا كۆرۈشكە بولمايدۇ. ناۋادا ئاپپاق خوجا شۇ ۋاقىتتا دىيارىمىزغا كەلمىگەن بولسا، بەلكىم يەنە باشقا بىر ياكى بىر نەچچە خوجا ياكى ئەۋلىيا سىياقىغا كىرىۋالغانلار دىيارىمىزغا  كىلىپ ، تەسەۋۋۇپنى سۈيئىستىمال قىلىپ مۇرت توپلىغان بولاتتى .
4. سوفىزىم بىر پەلسەپىۋى ئاتالغۇ بولۇپ ئىسلام دىنى بىلىملىرى بىلەن زىچ بىرلىشىپ كەتكەن . .ئۇنى پۈتۈنلەي سەلبىي نوقتىدىن كۆزۈتۈشكىمۇ بولمايدۇ. بۈيۈك شائىر ئەلشىر ناۋايى دەل شۇ ۋاقىتتىكى بۈيۈك سوپى ۋە شائىر جالالىدىن رۇمىنىڭ ئىخلاسمەن شاگىرتى بولغان .
5. ھىچقاچان ئەنئەنىنىڭ ئېقىنلىرى ئۈزۈلۈپ قالمىغان . يوقىرقى فىلىم دەل بىزنىڭ ئەجدادلىرىمىزنىڭ غەيرى سوفىستىىك ئىددىيەسىنىڭ  بۆگۈنكى كۈندىكى ئىزناسى بولۇپ ، قەلبتىكى ھىسىيات ۋە ھىسسى سەنئەت گىنلىرىنى بىراقلا چىقىرىپ تاشلىغىلى بولمايدۇ .
6.  بۇ فىلىمنىڭ ناھايتى يوقىرى تەتقىقات قىممىتى بار ، مەندە شۇ فىلىمدەك سىن لىنتىلىرى نۇرغۇن .
7. سىز ئەقىلسىزلىق بىلەن بىلجىرلىماي ، ئالدى بىلەن مۇناسىۋەتلىك پەنلەرنى پۇختا ئۆگىنىپ، بىلىم ئاساسىڭىزنى پۇختىلاڭ .
8. مەزكۇر فىلىمنى بۇر تور بىكەتكە يوللىغان دوستىمىزغا كۆپ تەشەككۈر .

adiyat

ھاراقكەشلەر خاپا بولماڭلار  سىلەرنىڭ ئىچىڭلاردىنمۇ قەھرىمان  چىققان ..مەسىلەن مۇستاپا  كامال

ئەمما  ھازىرقى ما  ساقاللىقلارنىڭ ئىچىدىن مەڭگۈ خائىندىن باشقا  نەرسە  چىقمايدۇ،
سەن ئاۋال  بالاغەتكە  يەت. خەتمەڭنى قىلغان ئەكەك ئىكەنلىكىڭنى بىل. ئاندىن سۈننەتتىن گەپ  قىل.

uyultash

بۇ پەقەتلا بىر قىسىم كىشىلەردۇر.

aishe

ilyas.hamit يوللىغان ۋاقتى  2013-2-25 05:35
ئەسسىلامۇ ئەلەيكۇم ئايشە! سىزنىڭ ئىنكاسىڭزغا ئاساسەن ...

ۋە ئەلەيكۇم ئەسسالام!
مەن ئەسلى بۇ ھەقتە مۇنازىرىلەشمەيمەن دەپ چىقىپ كەتكەنتىم. سىزنىڭ سوئالىڭىزنى كۆرۈپ يەنە ئىنكاس يېزىشقا مەجبۇر بولدۇم. سوئالىڭىزغا جاۋاب بېرەي:
1-ئوقىغان مەكتىپىمنى سوراپسىز. مەن دۆلەتنىڭ ئالىي مەكتىپىنىڭ ئىلاھىيەت پاكولتېتىدا ئوقۇدۇم. ئادەتتە دۆلەتنىڭ باشقۇرىشىدىكى مەكتەپلەر شەخسىي ئۇنىۋېرسىتلارغا ئوخشىمايدۇ. بولۇپمۇ دۆلەتنىڭ باشقۇرۇشىدىكى ئىلاھىيەت پاكولتېتلىرى ئوقۇغۇچىلىرىنىڭ مەلۇم بىر جامائەتكە تەۋە بولۇپ كېتىشىگە يول قويمايدۇ. شۇڭا، پېقىرمۇ ئېنىق بىر جامائەتنىڭ ئادىمى ئەمەسمەن. (مېنى نۇرچىمىكىن، مەھمۇت ئەپەندى (جۈببەلى ئەھمەت خوجىنىڭ ئۇستازى)نىڭ ئەگەشكۈچىسىمىكىن، مۇستاپا ئىسلام ئوغلىنىڭ ئوقۇغۇچىسىمىكىن... دېگەندەك پەرەزلەر بولۇنمىغاي).. مەن پەقەت ئۆزەمنىڭ نادانلىقىمنى ئېتىراب قىلغاچ، مەكتىپىمدىكى دەرسىمنى ياخشى ئوقۇش بىلەن بىرگە تۈركىيەدىكى ھەر قايسى مۇسۇلمان جامائەتكە تەۋە ئالىم-ئۇستازلارنىڭ مۇھىم ئەسەرلىرىنى سېلىشتۇرۇپ ئوقۇپ، قۇرئان ۋە سۈننەتكە ئەڭ يېقىن كەلگىنىنىگە، ئاپتۇرى ئەڭ تەقۋادار بولغىنىغا ئەگىشىپ ماڭغۇچىمەن. ئۇلار ئوتتۇرىسىدىكى بەزى شاخچە مەسىلىلەردىكى پىكىر ئىختىلاپلىرىدىن خەۋىرىم بار. بۇنداق بولۇشى نورمال. لېكىن مەن ئىختىلاپقا كىرمەيمەن. ئورتاق نوقتىلاردا بىر يەرگە كېلىپ ئىناق ئۆتسەك بولىدۇ، مۇسۇلمانلار ئارا زىددىيەتلەشمەيلى، ئىختىلاپنى قىيامەتتە ئاللاھ ئايرىسۇن دەپ ئەمەل- ئىبادىتىمنى قىلىپ ئۆتۈش تەرەپدارىمەن. (لېكىن باشقا دىن مۇرتلىرىنىڭ ئىسلام ھەققىدە بولمىغۇر گەپ قىلىشىغا قەتئىي سۈكۈت قىلمايمەن!)
2-سۇپىيلارنى ئاقلىشىمدىكى سەۋەب، ئۇلارنىڭ بىز ئۇيغۇرلار ئارىسىدا قارا قۇيۇق ھالدا بىر تاياقتا ھەيدىلىپ ئۇمۇمىيۈزلۈك ھالدا مۇشرىك قالپىقىنىڭ كىيدۈرۈلۈشىنى ئادالەتسىزلىك ھەمدە گۇناھ دەپ قارايدىغانلىقىم ئۈچۈندۇر. (بەزى سەۋەبلىرىنى سىز يوللىغان «سۇپىزىمنىڭ ماھىيىتى ھەققىدە» ناملىق تېمىدا بايان قىلدىم، بۇ يەردە تەكرارلىمايمەن.)
بىزنىڭ ئۇيغۇر دىيارىمىزدىكى سۇپىيلار ئارىسىدا ھەقىقەتەن بىدئەتچىلەر بار بولۇشى مۇمكىن، چۈنكى، ئەللىك ئاتمىش يىلدىن بۇيان ئۇلار سىستېمىلىق دىنىي مائارىپ تەربىيىسىدىن مەھرۇم قالدى. ئۇنىڭدىن ئىلگىرىمۇ، مەسىلەن: 1884-يىلى زۇزۇڭتاڭ يۇرتىمىزنى قولغا ئالغاندىن كېيىن، بىزنىڭ دىيارىمىزنىڭ باشقا مۇسۇلمان ئەللەر بىلەن بولغان ئالاقىسى، ئىلىم ۋە ئۇچۇر ئالماشتۇرۇشى پاسسىپ ھالەتتە بولدى. (سەۋەبىنى سىزمۇ بىلىسىز). بىر كىشى بىر ئىشنىڭ خاتالىقىنى بىلمەي تۇرۇپ قىلىش بىلەن بىلىپ تۇرۇپ قىلىشنىڭ ھۆكمى ئوخشىمايدۇ. بىزنىڭ بەزى نادان ئۇيغۇر سۇپىيلىرىمىز سىزنىڭ كۆزىڭىزگە شېرىكتەك كۆرۈنگەن بەزى ئىشلارنى قىلسا، دەرھاللا ئۇلارنى مۇشرىكقا چىقىرىپ تىللاپ كەتمەڭ. ئۇلارنىڭ قەلبىدە ھېچبولمىسا، ئاللاھقا، رەسۇلۇللاھقا، ئاللاھنىڭ سالىھ بەندىلىرىگە بولغان مۇھەببەت، ھۆرمەت ۋە ۋاپادارلىق بار دېمەكچى ئىدىم. مەن مۇشۇ سەۋەبتىن ئۇلارنى ئاقلىغان. تۈركىيەدە كۆزۈم كۆرگەنلەرنى، مۇشۇ يەردە قەۋرە زىيارىتى قىلىدىغانلارنىڭ ئاغزىدىن ئاڭلىغىنىمنى يازغان ئىدىم. مەن بۇنداق دېيىش بىلەن «ئۆلگەنلەر بىلەن بىللە بولايلى»، «ئۆلۈكنى ئاللاھقا شېرىك قىلايلى» دېمەكچى ئەمەسمەن قېرىندىشىم، (نەئۇزىبىللاھ!). سىزگە نېمە دېمەكچى بولغىنىمنى چۈشەندۈرەلمىگەن ئوخشايمەن.
مەن شۇنى دېمەكچى: خەنلەر ئىشلىگەن ئاۋۇ فىلىمگە قاراپلا ئۇ سۇپىيلارنى ناھەق تىللىمايلى. چۈنكى،
(1) سىز سۇپىيلارنىڭ يېنىغا بېرىپ قەۋرىدە ياتقان ئۆلۈكتىن نېمە تىلىدىڭلار دەپ سورىدىڭىزمۇ؟ ئۇلار ھاجىتىنى ئۆلۈكتىن سوراپتىمۇ؟ ياكى ئاللاھتىنمۇ؟ ئۇلار ھەقىقەتەن ئۆزىنىڭ ئاللاھقا شېرىك كەلتۈرگەنلىكىنى ئېتىراب قىلامدۇ؟ سىز ئۇلارغا بۇ ئىشنىڭ خاتالىقىنى چۈشەندۈرگەندىن كېيىن ئۇلار نېمە دېدى؟ ئۇلارنىڭ چۈشەنچىسى دەل سىزنىڭ ئويلىغىنىڭىزدەكمىكەن؟ پاكىت ئادىل ۋە ئېنىق بولسۇن.
(2) شېھىتلارنىڭ قەۋرىسىنى زىيارەت قىلىپ ئۇلارغا دۇئا قىلىش يالغۇز بىز ئۇيغۇرلاردىلا بار ئىش ئەمەس. پۈتكۈل مۇسۇلمان دۇنياسىدا بار بولغان ئىش. لېكىن، نېمىشقا بىز ئۇيغۇرلاردا كۆپتەك كۆرۈنىدۇ؟ سەۋەب، بىزنىڭ قەۋرىستانلىقلىرىمىز شەھەرنىڭ سىرتىغا جايلاشقان. شەھەر مەركىزىگە ئاساسەن جايلاشمىغان. بىر كىشى ئاتايەن شەھەر سىرتىغا چىقىپ زىيارەت قىلىپ كەلسە، بەك چوڭ ئىش قىلغاندەك تۇيۇلىدۇ. لېكىن، تۈركىيەدە قەۋرىستانلىق شەھەرنىڭ ئاۋات يەرلىرىگە، مەركىزىگە جايلاشقانلىرى كۆپرەك. نېمىشقا؟ ئىلگىرىكى ئوسمانلى پادىشاھلىرى كىشىلەر داۋاملىق ئۆلۈمنى ئەسلەپ تۇرسۇن، ئاخىرەتنى ئۇنتۇپ غەپلەتتە قالمىسۇن دەپ قەۋرىستانلىقلارنى شەھەرنىڭ ئاۋات يەرلىرىگە بىنا قىپتىكەن. تۈركىيەدىكى كۆپىنچە قەۋرىستانلىقلار بۆك-باراقسان يېشىل دەرەخلەر، گۈل-چېچەكلەر بىلەن قاپلانغان. ۋاقتى يەتكەنلەر چىقىپ دۇئا قىلىدۇ. بۇنىڭغا قۇرئان، ھەدىستىن دەلىل كۆرسىتىپ بېرەلەيدۇ.
(3) ئۇلۇغلارنىڭ قەۋرىسىنى زىيارەت قىلىدىغان تۈركلەردىن سورىدىم. قەۋرىدىكىلەردىن بىر نەرسە تىلەمسىلەر؟ دەپ. ئۇلار ھەيران قالدى، بۇ نېمە گەپ؟ دەپ. ئۇلارنىڭ چۈشەندۈرۈشى، دەلىلىنى يۇقىرىدا يازدىم، تەكرارلىمايمەن.
بىر توردىشىمىزنىڭ دېيىشىچە، بىزنىڭ ئۇيغۇر سۇپىيلار يىلدا بىر ئىككى قېتىم شۇنداق مازارلىقلارغا بارارمىش. «مازار تاۋاپ قىلىش» دېگەن خاتا گەپ دەپ ئويلايمەن، چۈنكى، بىز كەبىدىن باشقا يەرنى تاۋاپ قىلمايدىغان تۇرساق. تۈركچىدە kabir ziyareti قەۋرە زىيارىتى دېيىلىدۇ. ھەرگىز تاۋاب دېگەن گەپنى ئىشلەتمەيدۇ. كەبىنى تاۋاپ قىلىشنى tavaf دەيدۇ. بىزنىڭكىلەر يىلدا بىر ئىككى قېتىم مازارغا بارغانغا بىز شۇنچە تىللاپ تويغۇزىۋەتسەك ئادىللىق بولامدۇ؟ شۇلارمۇ ھەر كۈنى بەش ۋاقىت ناماز ئوقۇيدىغاندۇ؟ ھاجىتىنى ھەر كۈنى ئاللاھتىن تىلەيدىغاندۇ.
(4) فىلىمدە كۆرستىلىگەن ئۇيغۇر سۇپىيلىرىمىز بىرەر ئىنقىلاۋىي قۇرباننىڭ قەۋرىسىگە بارماپتۇ، مىڭ يىل بۇرۇن ياشىغان شېھىت يۈسۈپ قادىرخاننىڭ مازىرىغا بېرىپتۇ. ئۇلار شۇ مازارنىڭ شۇ يەردە ئىكەنلىكىنى بىلمىسە، كېيىن قاراخانلار دېگەن دۆلەتنىڭ بىزنىڭ رايونىمىزدا قۇرۇلغانلىقى، پادىشاھلارنىڭ قەۋرىسىنىڭ ئۇيغۇر دىيارىدا ئىكەنلىكى پاكىتسىز قالىدۇ. بۇنداق بىر تارىخ نام-نىشانسىز غايىپ بولىدۇ. مەھمۇت قەشغەرىينىڭ بىزنىڭ ئىكەنلىكىنى ئالىملارنىڭ قانداق دەلىللىگەنلىكىنى بىلىسىز (ئۇنىڭ قەۋرىسىنىڭ راست ياكى يالغانلىقىغا، بۇنى ئۇ يەرگە ۋەخپە قىلىپ بېغىشلانغان 200 يىل بۇرۇنقى بىر كىتابقا يېزىلغان بېغىشلىمىغا قاراپ ئېنىقلاپتىكەن). يۈسۈپ خاس ھاجىپنىڭ قەۋرىسىمۇ مەدەنىيەت ئىنقىلاۋىدا يۇقاپ كەتكەندە، ئۇيغۇرلاردا بۇنداق كىشى بولمىغان دەپ خەن تارىخچىلار قولىغا قەلەم ئالغاندا، 1945-يىلى يۈسۈپ خاس ھاجىپنىڭ قەۋرىسىنىڭ رەسىمىنى تارتىپ كەتكەن بىر تۈركىيەلىك تارىخچى بۇ رەسىمنى كۆرسەتكەن. مۇشۇ بىر تال قەۋرە رەسىمى پاكىتى بىلەن بۇ ئالىمنى ئۇيغۇرلار بىزنىڭ دېيىشكە خەلقئارادا ئىسپات تېپىلدى.....
سىز شۇ سۇپىيلارنى يۈسۈپ قادىرخاننىڭ مازىرىغا بېرىشتىن توسسىڭىز، يەنە 40-50 يىل ئۆتكەندىن كېيىن، ئۇيغۇر دىيارىدا يۈسۈپ قادىرخاننىڭ مازىرى دەيدىغان بىر يەر يوقايدۇ. خەن سۇلالىسىدىن باشلاپ 2000 يىلدىن بۇيان ، بۇ يەردە مۇستەقىل بىر دۆلەت قۇرۇلۇپ باقمىغان دېگەن داۋراڭنى تەستىقلاشقا تۆھپە قوشۇلىدۇ.....
قىسقىسى، پەيغەمبىرىمىزدىن باشقا ھەر قانداق ئىنساننىڭ ئازدۇر-كۆپتۈر خاتالىقى بار. خاتالىقى يوق ئىنسان يوق. ئۆزىمىزنىڭ مۇسۇلمان قېرىنداشلىرىمىزنى ئۇنداق رەھىمسىزلىك بىلەن «مۇشرىك» دېمەيلى، ئۇلارغا بۇتقا تازىم قىلمىغاندىكىن. ئۇلارغا توغرىنى چۈشەندۈرەيلى سىلىق تىل بىلەن. ئاڭلىمىسا ئۆزىنىڭ ئىشى دېمەكچىمەن.  فىلىمدىكى سۇپىيلارنى ئاقلىشىمدىكى سەۋەبلىرىم يۇقارقىدەك.
ئەمدى سىزنىڭ «تۈركىيە سۇپىيلارنىڭ قولىدا» دېگەن سۆزىڭىزگە ئىزاھات بېرەي. بۇنداق سۆز ئادەتتە مۇسۇلمانلارنىڭ ئىناق-ئىتتىپاق ئۆتۈشى، زىددىيەتلەشمەسلىكىنى خالىمايدىغانلارنىڭ ئاغزىدىن كۆپرەك چىقىدۇ. سىزمۇ بەلكىم شۇلاردىن ئاڭلىغان بولۇشىڭىز مۇمكىن. بەزىلەر ئەھلى سۈننەت ۋەلجامائەت مەزھىپى (شىئەلەرنى ئۆز ئىچىگە ئالمىغان) مۇسۇلمانلارنى ئىككى قارشى قۇتۇپقا ئايرىپ ئۇرۇشقا سالماقچى بولىدۇ. بۇنىڭ بىر قۇتۇبى سۇپىيلار، يەنە بىر قۇتۇبى ۋاھابىيلار دەيدىغانلار بار. چۈنكى بۇلارنىڭ بەزى شاخچە مەسىلىلەردىكى ئىجتىھادى، پەتىۋاسىدا روشەن پەرقلەر بار. تۈركىيەنىڭ بەزى پەتىۋاسىنى سەئۇدىدىكى پەتىۋا كومېتىتى رەت قىلىدۇ. سەئۇدىينىڭ پەتىۋاسىنى تۈركىيە ئېتىراب قىلمايدۇ. بۇ ئوتتۇرىدىكى ئىختىلاپنى بەزىلەر «ۋاھابىيلار بىلەن سۇپىيلار» ئارىسىدىكى ئىختىلاپ دەپ كۆرسىتىپ، تۈركىيەنى سۇپىيلار باشقۇرىدۇ دەيدۇ. ئەرەبىستاندىكى ھازىرقى ھاكىمىيەتنى باشقۇرىۋاتقان  سۇئۇد جەمەتنىڭ ھەقىقەتەن نەجىدلىك ئىمام ئابدۇلۋاھھابنىڭ تەبلىغى نەتىجىسىدە ئەرەب خەلقىنى قوزغىتىپ، ئوسمانلى ھاكىمىيىتىدىن ئايرىلىپ چىقىپ مۇستەقىل بولغانلىقى راست. ئوسمانلى دۆلىتى ھىجاز رايونىنى 400 يىل باشقۇرغان. (مەككىدىكى ھەرەم مەسجىدىگە كىرسىڭىز، شۇ ئوسمانلىلار كېڭەيتىپ سالغان چىرايلىق قۇرۇلۇشنى كۆرەلەيسىز). ئۆز ۋاقتىدا ئەرەبىستانغا مەمۇرى ئەمەلدار بولۇپ تەيىنلەنگەن تۈرك مۇسۇلمانلار ئىچىدە سۇپىيلارمۇ بار بولۇپ، بۇلار ئىمام ئابدۇلۋاھھاب قاتارلىقلارنىڭ كۆزىگە «مۇشرىك» بولۇپ كۆرۈنگەن. (راست شۇنداقتۇ، ياكى ئەمەستۇ، بۇلارنى بىلگۈچى ئاللاھ). شۇنىڭ بىلەن نەجىدلىك ئىمام ئابدۇلۋاھھاب ئەرەبىستاندا «ئوسمانلى مۇشرىكلىرى»غا قارشى خەلقنى ئويغىتىپ، دىننىڭ ساپلىقىنى ساقلاش ھەققىدە جانلىق تەبلىغىنى باشلىغان. بۇنىڭغا باي سۇئۇد جەمەتى ئائىلىسى ماددى جەھەتتىن كۆپ ياردەمدە بولغان. بىرىنچى دۇنيا ئۇرۇشىنىڭ ئالدى كەينىدە ئەنگىلىيەمۇ ئۇلارنى قوللاپ قۇۋۋەتلىگەن. ھىجازدىكى ئەرەب خەلقىنىڭ «ئوسمانلى تۈرك مۇشرىكلىرى»غا قارشى غازات قىلىشى نەتىجىسىدە، بۇلار ئەرەبىستاننى 400 يىل باشقۇرغان تۈرك «سۇپىي مۇشرىكلار»نى پاك-پاكىز تازىلاپ يۇقىتىپ، سەئۇدى ئەرەبىستان، ئىئوردانىيە، سۈرىيە، يەمەن، لىۋان.... قاتارلىق دۆلەتلەر مۇستەقىل بولغان. ئوسمانلى جان تىكىپ قوغدىغان پەلەستىنمۇ ئىسرائىلىيەگە قالغان... بۇلار ھەممىسى تارىختا ھەقىقەتەن يۈز بەرگەن ۋەقەلەر. (سىز ئۇنداق ئەمەستى دېسىڭىز، پاكىتىڭىزنى كەلتۈرسىڭىز بولىدۇ). سۇئۇد جەمەتى ۋاھابىزىم ئىديىسىنىڭ ياردىمى بىلەن مانا مۇشۇنداق تەختكە چىققان. شۇڭا ھازىرقى ئەرەبىستاننى باشقۇرىۋاتقان سۇئۇدى جەمەتى پۈتۈن كۈچى بىلەن مۇشۇ ئىدىيەنى قوللايدۇ. ئەگەر بۇ ئىدىيەگە ئەگەشكەن ۋاھابى ئەرەبلەر ئۆز ۋاقتىدا ئەرەبىستاننى باشقۇرغان «تۈرك سۇپىي مۇشرىكلارغا قارشى غازات» ئۈچۈن جان تىكىپ ئۇرۇشمىغان بولسا، ئۇ يەرنى بەلكىم ھازىرمۇ ئوسمانلى خەلىپىسى ئىدارە قىلىشى مۇمكىن ئىدى.....
سىز ئوقىغان كىتابلار ھەممىسى شۇ سۇئۇد جەمەتىنىڭ تەختكە چىقىشىدا تۈرتكىلىك رول ئوينىغان ئىمام ئابدۇلۋاھھاب قاتارلىقلارنىڭ ئىدىيىسى بويىچە يېزىلغان كىتابلار بولغاچقا، سىزگىمۇ سۇپىيلار مۇشرىك بولۇپ كۆرۈنىدۇ. بۇ ھەيران قالارلىق ئىش ئەمەس. ئۇلاردا ھازىر ھاكىمىيەت بار، نېفىت ساتقان نۇرغۇن پۇل بار. شۇ پۇل بىلەن ئۇلار ئۆز ئىدىيىسىنى دۇنيانىڭ خالىغان تەرىپىگە تارقىتالايدۇ. بۇ ئىدىيە بىلەن مېڭىسى فورماتلانغانلار ئۆزىنى ئەڭ توغرا يولدىمەن، دەپ قاراپ، ئۆزىنىڭ قارىشىغا ئوخشىمايدىغان پىكىر قىلغانلارنى «كاپىر ياكى مۇشرىك» دېيىشتە ئىككىلەنمەيدۇ ياكى شۇلارغا ھەقنى يەتكۈزەتتىم دەپ مۇسۇلمانلار ئارا ئىتتىپاقلىقنى بۇزۇپ ئىختىلاپ، مۇنازىرە پىتنىسىگە ئوت ياقىدۇ.
يەنە بىر گەپ، «تۈركىيە سۇپىيلارنىڭ قولىدا» دەيدىغانلار «سۇپىي بولغانلار دۇنيادىن قول ئۈزۈپ، تەركىي دۇنيا دەرۋىش بولۇپ، مازارلاردا يۈرۈيدۇ، ئىشلىمەيدۇ، بىكار تەلەت، تىلەمچىلىك قىلىپ جان باقىدۇ» دەيدىغان قاراشنى ئىنكار قىلىدۇ. سۇپىي دېگەن دەرۋىش بولۇپ مازاردا يۈرسە، قانداقمۇ دۆلەت باشلىقى بولۇپ ئەلنى ئىدارە قىلالىسۇن؟ لېكىن ئەمىلىيەتتە كۆرگىنىمىزدەك، رەجەپ تەييىپ ئەردوغاننىڭ ئۇستازى نەجمىددىن ئەرباقان، مەرھۇم نەجمىددىن ئەرباقاننىڭ ئۇستازى نەقشىبەندىيە تەرىقىتىگە مەنسۇپ سۇپى مەھمەز زاھىت قوتقۇ ھەزرەتلىرى. (مەنبە)
يۇنۇس ئەمرە ئىسىملىك مەشھۇر سۇپىينى بەلكىم بىلىشىڭىز مۇمكىن. رەجەپ تەييىپ ئەردوغان قاتارلىقلار ھازىر شاڭخەيدە «يۇنۇش ئەمرە مەدەنىيەت مەركىزى» قۇرۇش ئۈچۈن تىرىشىۋاتىدۇ. (مەنبە)
شۇڭا، سىزنىڭ «تۈركىيە سۇپىيلارنىڭ قولىدا» دېگەن گېپىڭىز ئاساسسىز ئەمەس.
بۇنداقتا كۈنىمىزدە تۈركىيەنى ئىدارە قىلىۋاتقان تەييىپ ئەردۇغان قاتارلىقلار ھەممىسى «مۇشرىك» بولامدۇ؟ ئۇنداق بولمايدۇ. سىز ئەرەبىستاندىكى شەيىخ بىن باز، تۈركىيەدىكى ئابدۇلئېزىز بايىندىرنىڭلا ئەسەرلىرىنى ئوقىماي، ئەرەبىستان مەدىنىدىكى پەيغەمبىرىمىزنىڭ 35-ئەۋلات نەۋرىسى سەييىد ئىبراھىم ئەل-ئەھزائى ھەزرەتلىرى، مەككىدىكى ئىمام سەييىد مۇھەممەد ئالاۋى ئەل-مالكىي، پەيغەمبىرىمىزنىڭ 36-ئەۋلات نەۋرىسى سەييىد مۇھەممەد ئەلجانەل قاتارلىقلارنىڭ ئەسەرلىرىنى ئوقىسىڭىز، ئەرەبچە تەبلىغلىرىنى ئاڭلىسىڭىز، تەسەۋۋۇپ ھەققىدە ئىلگىرى قانچىلىك بىر تەرەپلىمە پىكىر قىلغانلىقىڭىزنى ئازدۇر-كۆپتۇر ھېس قىلالايسىز.
سەييىد ئىبراھىم ئەل-ئەھزائى ھەزرەتلىرى تۈركىيەدىكى مەھمۇت ئەپەندى جامائىتى (نەقشىبەندى تەرىقىتى) بىلەن ئىنتايىن يېقىن. ھەتتا ئۆتكەن يىلى جۈببەلى ئەھمەت خوجا تۈرمىگە كىرىپ كەتكەندە شەيىخ ئىبراھىم ئەل-ئەھزائى ئىستانبۇلغا كېلىپ مۇشۇ جامائەتنىڭ ئىماملىقىنى قىلىپ، جامائەتنى يېتەكلەپ، جۈببەلى ئەخمەتنىڭ يوقلۇقىنى چاندۇرمىدى. پەيغەمبىرىمىزنىڭ مەككە-مەدىنىدىكى نەۋرە-چەۋرىلىرى ئاساسەن تەسەۋۋۇپ ئەھلى ئىكەن. ئۇلار بىلەن ھازىرقى سەئۇدى ھۆكۈمىتىنىڭ تەرىپىدىكى بەزى ئۈلىمالار ئارىسىدا پىكىر ئىختىلاپى ئېغىر ئىكەن. مەسىلەن: مەۋلۇتنى بىدئەت دېگەن شەيىخ بىن باز بىلەن بىدئەت ئەمەس دېگەن سەييىد ئىمام مۇھەممەد ئالاۋى ئوتتۇرىسىدىكى ئۇزۇن تالاش-تارتىش، ھەتتا بەزى ۋاھابىيلارنىڭ سەييىد مۇھەممەد ئالاۋىنى «مۇشرىك» دەپ، ئۇنىڭ بەزى كىتابلىرىنى سەئۇدىيدا چەكلىشى قاتارلىقلارنى چۈشەنسىڭىز، بىز ئۇيغۇرلارنىڭ ھازىرقى ئۇيغۇرچە دىنىي ئوقۇشلۇق مەنبەيىمىزنىڭ نەقەدەر ئاز ئىكەنلىكى، بىزگە ئەرەبىستان تەرەپتىن كەلگەن بەزى كىتابلارنىڭ ئاساسەن سەئۇدى ھۆكۈمىتىگە، يەنى ۋاھابىزىمنى قوللاپ قۇۋۋەتلىگۈچىلەرگە ئائىت ئىكەنلىكىنى (مەسىلەن: «سۇپىزىمنىڭ ماھىيىتى ھەققىدە» دېگەن ماقالىدەك)، بۇلارنىڭ ئىنتايىن بىر تەرەپلىمە يېزىلغانلىقىنى، سىياسىي تۈس ئالغانلىقىنى ھېس قىلىسىز.
ئاددىي بىر مىسال: بىز 2007-يىلى ھەج قىلىش ئۈچۈن مەككە مەدىنىگە باردۇق. ئۇ يەردە 40 نەچچە كۈن قالدۇق. بىللە بارغان تۈرك خانىملار بىلەن مەدىنىدىكى مەسجىدى نەبەۋىدە بوش ۋاقىتلاردا تەسبىھ نامىزى ئوقىدۇق. (تۆت رەكئەتلىك تەسبىھ نامىزىنىڭ قىسقا ناماز ئەمەسلىكىنى بەلكىم بىلىشىڭىز مۇمكىن). شۇ نامازدىن چىقىپ تۇرساق، مەدىنىگە يەرلەشكەن بىر ئۇيغۇر قېرىندىشىمىز ئۆيىگە تاماققا چاقىردى. ئېرى مەدىنە ئۇنىۋېرسىتىدا، ئايالى مەدىنىدىكى خانىم-قىزلار مەدرىسىنىڭ يۇقىرى يىللىقىدا ئوقۇيدىكەن. گەپتىن-گەپ چىقىپ، تەسبىھ نامىزىنىڭ گېپى بولدى. ئۇ ئايال قېرىندىشىمىز: «تەسبىھ نامىزى بىدئەت. سىلەر ساۋاب تاپىمىز دەپ گۇناھكار بولۇپ قالماڭلار!» دېدى. چۆچۈپ كەتتۇق. سەۋەبىنى سورىساق، ئايەت، ھەدىستىن نەقىل ئېلىپ تەسىرلىك تەبلىغ قىلىپ بەردى. بىزمۇ قايىل بولۇپ، گۇناھلىرىمىزغا تەۋبە قىلىپ، بۇندىن كېيىن تەسبىھ نامىزى ئوقۇپ سالماسلىققا نىيەت قىلدۇق. مەن بۇ پەتىۋادىن قىلچىلىك گۇمانلانمىدىم، چۈنكى ئۇلار مەدىنىدە دىندا ئوقۇيدۇ-دە! ئىلگىرى ۋەتەندىكى چاغلىرىمىزدا بەزى بۈۋىملەرنىڭ تەسبىھ نامىزى ئوقۇيدىغانلىقىنى، بۇنىڭ ساۋابىنى سۆزلىگەنلىكىنى ئەسلەپ، ئۇيغۇر دىيارىمىزدا ھەقىقەتەن بىدئەتلەر كۆپكەن دەپ ئېچىندىم. كېيىن تۈركىيەدە ئۇيغۇر قېرىنداشلار 10 قسىملىق توم «ھەدىسلەر توپلىمى» كىتابىنى قاتتىق مۇقاۋىلىق قىلىپ ئۇيغۇرچە نەشىر قىلدى. بۇ كىتابنى ئوقۇپ كېتىۋېتىپ بىر ھەدىسكە كۆزۈم چۈشتى. «ھەدىسلەر توپلىمى» 2-قىسىم 518-بەتتە 2229-نۇمۇرلۇق ھەدىستە پەيغەمبىرىمىزنىڭ ئابباس ئىبنى ئابدۇلمۇتەللىبكە تۆت رەكئەتلىك تەسبىھ نامىزىنى قانداق ئوقۇشنى تەپسلىي ئۆگەتكەنلىكى بايان قىلىنىپتۇ. بۇ ھەدىس ئەبۇ داۋۇدنىڭ 1297-نۇمۇرلۇق ھەدىسى ئىكەن. ھەتتا بۇنى مۇھەددىس (ھەدىسشۇناس) ئەلبانى ھەزرەتلىرى سەھىھ دەپ باھالاپتۇ. (ئەلبانى 1152، سەھىھ). مەن بۇنى كۆرۈپ ھەيران قالدىم. پەيغەمبىرىمىزنىڭ سەھىھ ھەدىسىدە ئۆگىتىلگەن بىر ناماز قانداقسىگە مەدىنىدىكى دۆلەت ئىگىلىكىدىكى دىنىي مەكتەپتە بىدئەت دەپ ئۆگىتىلىدۇ؟!
شۇنىڭ بىلەن، مەن ئۇلارنىڭ پەتىۋالىرى (يەنى سەئۇدى ھۆكۈمىتى تەرەپدارلىرى، ۋاھابىي دېيىشكە تىلىم بارمايدۇ) بىلەن ئۇلارغا قارشى پىكىردىكى مەككە-مەدىنىلىك ئالىملار (بولۇپمۇ پەيغەمبىرىمىزنىڭ جەمەتى، بۇلارنىڭ لەقىمى سەييىد)نىڭ ئەسەرلىرىنى سېلىشتۇرۇپ ئوقۇشقا باشلىدىم. زىت پىكىرلەرنىڭ نېمىشقا زىت ئىكەنلىكىنى ئىزدەپ، سەئۇدى ھۆكۈمىتى تەرەپدارلىرىنىڭ پىكرىگە سىياسىي ئامىل ئارىلاشقانلىقىنى سەزدىم. بۇلارنى ھەممىنى بۇ يەردە يېزىپ بولغىلى بولمايدۇ.
قىسقىسى، مەن بىر كىشىنىڭ زاھىرىغا قاراپ ئىمانىغا كەسكىن ھۆكۈم قىلىپلا «مۇشرىك» دەپ قالپاق كىيگۈزۈشنىڭ خەتىرىنى تونۇدۇم. ۋاھابىزىم تەرەپدارلىرىنىڭ دىننىڭ زاھىرى (تاشقى كۆرۈنۈش) تەرىپىگە بەكراق ئەھمىيەت بېرىدىغانلىقىنى، تەسەۋۋۇپ تەرەپدارلىرىنىڭ باتىنى (ئىچكى، روھىي) تەرىپىگە بەكراق كۈچەيدىغانلىقىنى، ھەر ئىككى تەرەپنىڭ ئۆزىگە چۈشلۈق دەلىلى بارلىقىنى بىلدىم. دىنىمىزدا توغرا يولدا ساغلام مېڭىش ئۈچۈن، بۇ ئىككى تەرەپنىڭ (زاھىرى ۋە باتىنى تەرەپنىڭ) ھېچبىرىنىڭ كەم بولسا بولمايدىغانلىقىنى تونۇپ يەتتىم. (شەرىئەت ئىنساننىڭ سىرتقى ئىشلىرىنى باشقۇرسا، تەسەۋۋۇپ ئىنساننىڭ ئىچكى ئىشلىرىنى (قەلبىي، روھىي ھالىتى، تەپەككۈر ئوي-خىيالىغىچە) باشقۇرىدىكەن.) مەسىلەن: ھاراق ئىچىش، چوشقا گۈشى يېيىش، قاتىللىق دېگەنلەر زاھىرى گۇناھ بولسا، ھاكاۋۇرلۇق، ھەسەتخورلۇق، غەيۋەت قاتارلىقلار باتىنى گۇناھ بولۇپ، بۇلارنىڭ جازاسىمۇ زاھىرى گۇناھنىڭ جازاسىدىن قېلىشمايدىكەن، ھەتتا بەزىدە ئۇنىڭدىنمۇ خەتەرلىك ئاقىۋەتلەرگە سەۋەب بولىدىكەن.....   
ilyas.hamit قېرىندىشىم، سىزنىڭ دىنىمىز ئۈچۈن تىرىشىۋاتقانلىقىڭىزغا، قېرىنداشلىرىمىزغا كۆيۈنىدىغانلىقىڭىزغا قايىلمەن ۋە ئاپىرىن ئوقۇيمەن. سىزنىڭ سوئالىڭىز جاۋابسىز قالمىسۇن دەپ ئۇزۇن بىر نېمىلەرنى يېزىپ كەتتىم. ئاخىرىدا دېمەكچى بولغىنىم، «كاپىرلار بىر بىرى بىلەن ھەمكارلىشالايدۇ. ئەگەر مۇسۇلمانلارمۇ (بىر بىرىگە ياردەم قىلىپ ھەمكارلاشمىسا) زېمىندا پىتنە-پاسات بولىدۇ.» (ئەنفال سۈرىسى 73-ئايەتنىڭ ئەرەبچىسىگە قاراڭ). ئاللاھ بىزگە: «ئاللاھنى كۆپ زىكىر قىلىڭلار، ئاللاھقا، رەسۇلۇللاھقا ئىتائەت قىلىڭلار، ئىختىلاپ قىلماڭلار، بولمىسا، كۈچ-قۇۋۋىتىڭلار كېتىپ قالىدۇ...» (ئەنفال. 45-46) دېگەن. «ھەق كەلدى، باتىل يۇقالدى، باتىل ھەقىقەتەن ئوڭاي يۇقىلىدۇ» (ئىسرا، 81) دېگەن. نېمىشقا، ئاۋال باتىل يۇقالسۇن، ئاندىن ھەق كېلىدۇ دېمەيدۇ؟ چۈنكى، ھەق كەلسە، باتىل ئۆزلىگىدىن يۇقىلىدۇ. سىز ۋە باشقا ئىسلامنى ياخشى بىلىدىغان، ئەمەل قىلىپ ياشايدىغان قېرىنداشلار كۆپەيسە، ئۇلار بىلگىنىگە ئەمەل قىلىپ ئۈلگە بولۇپ ياشىسا، بىزنىڭ جەمئىيىتىمىزدىكى باتىل، بىدئەت نەرسىلەر ئۆزلىگىدىن يۇقىلىدۇ. سۇپىيلارنى توردا تىللاپ، تەنقىدلەشنىڭ ھېچ ھاجىتى يوق. ئۇلارنىڭ قەلبىدىكى ئاللاھقا، رەسۇلۇللاھقا بولغان مۇھەببەت ئۇلارنىڭ يەنىلا مۇسۇلماننىڭ قېرىندىشى ئىكەنلىكىنى بىلدۈرىدۇ. ئۇلارنى تەنقىدلەشكە ئىشلىتىدىغان ئېنېرگىيىمىزنى ئىسلامنى ھاقارەتلەيدىغان، قۇرئاننى بورمىلايدىغان ئۇيغۇر خرىستىئان مۇرتلىرىغا ئىشلەتسەك دەيمەن. ئاللاھقا ئامانەت!  

تولۇقلىما مەزمۇن (2013-2-26 17:45):
مەھمەت زاھىت قوتقۇ دېمەكچى ئىدىم، مەھمەز بولۇپ قاپتۇ.

ilyas.hamit ھەقىي سالاھىيەتلىك ئەزا

aishe يوللىغان ۋاقتى  2013-2-26 08:36
ۋە ئەلەيكۇم ئەسسالام!
مەن ئەسلى بۇ ھەقتە مۇنازىرىلەشم ...

توردا تۇنجى قىتىم سوئالىمغا ئەڭ تەپسىلىي جاۋاپ بەرگەن سىز بوپ قالدىڭىز!(ئاللاھ رازى بولسۇن).جاۋابىڭزنى باشتىن ئاخىر ئوقۇپ نۇرغۇن بىلىمگە ئىگە ئىكەنلىكىڭزنى بىلدىم.بەك تەپسىلىي،بەك تولۇق يىزىپسىز.ئالدى بىلەن مىنىڭمۇ مۇشۇ تىما ۋە ئىنكاسلارنى ئاللاھ رىزاسى ئۈچۈن ،قىرىنداشلىرىمىزنىڭ شىرىك يولغا كىرىپ قالماسلىقى ئۈچۈن قىلىۋاتقانلىقىمنى بىلگىنىڭزگەۋە چۈشەنگىنىڭزگە كۆپ رەھمەت.
‹سوپىزىمنىڭ ماھىيىتى ھەققىدە› دىگەن ماقالىنى سىزنىڭ ئىنكاسىڭزنى كۆرۈپ ھەقىقەتەن بىر تەرەپلىمە يىزىلىپ قالغانلىقىنى بىلدىم.تورداشلارغا سوپىزىم توغۇرلۇق بىرەر ئىلمىي ماقالىنى يوللاپ،چۈشىنىۋالسىكەن دىگەن مەقسەتتە نۇرغۇن ئىزدەپ ئىسلام خاۋس تورىدىن شۇ ماقالىنى كۆرۈپ تەپسىلىي ئوقۇپ باقسام سوپىزىمنى بىر قەدەر تەپسىلىي چۈشەندۈرۈپتۇ،شۇنىڭ بىلەن يوللاپ قويغان ئىدىم.لىكىن كىيىن خاتا يەرلىرىنى سىز ئارقىلىق بىلىپ يوللىمىسام بوپتىكەن دەپ قالدىم.خاتالاشماسلىق ئىنساننىڭ سۈپىتى ئەمەس.خاتالىق بولسا ئاللاھ كەچۈرە.لىكىن خەلقىمىزنىڭ يۇقارقى سوپىزىم ئىدىيىسىدىكى فىلىمىنى يوللىغانلىقىمنى خاتالىق دەپ ھىس قىلمايمەن.
1.سىز ئىنكاسىزڭىزدا بىزنىڭ بەزى نادان ئۇيغۇر سۇپىيلىرىمىز سىزنىڭ كۆزىڭىزگە شېرىكتەك كۆرۈنگەن بەزى ئىشلارنى قىلسا، دەرھاللا ئۇلارنى مۇشرىكقا چىقىرىپ تىللاپ كەتمەڭ. ئۇلارنىڭ قەلبىدە ھېچبولمىسا، ئاللاھقا، رەسۇلۇللاھقا، ئاللاھنىڭ سالىھ بەندىلىرىگە بولغان مۇھەببەت، ھۆرمەت ۋە ۋاپادارلىق بار دەپسىز.مۇشۇ پىكرىڭڭىز زادىلا كاللامدىن ئۆتمەيدۇ. چۈنكى ئىخلاس يالغۇز ئاللاھقىلا ئىبادەت قىلىشتۇر.ئىخلاس بولمىغان ئەمەل بىكار ئەمەلدۇر مەيلى ئۇ قانچىلىك چوڭ ئەمەل بولىشىدىن قەتتى نەزەر.شۇنىڭغا ئوخشاش بىر شىرىكنى قىلغانلىق بىلەن شۇ كىشىنىڭ پۈتۈن ئەمىلى يوققا چىقىدۇ.بىر كىشىدە ئاللاھقا بولغان،پەيغەمبەرگە بولغان سۆيگۈ بار بولسا ھەم شۇنىڭدەك ئۇ كىشىدە ئاللاھقا شىرىك ئەكىلىش بولسا،بىز ئۇكىشىنى ئاللاھ ۋە پەيغەمبەرگە مۇھەببىتى بار دەپ بىشىمىزدا كۆتەرمەيمىز ئەكسىچە ئاللاھمۇ كەچۈرمەيدىغان گۇناھتا دەپ تونۇيمىز.ئەگەر پەيغەمبىرىمىز يۇقارقىلارغا ئوخشاش ساھابىلەرنى يىغىپ چۆرگىللەپ ،ھە-ھۈ دىگەن بولسا،بۇ پەيغەمبىرىمىزنىڭ سۈننىتى بولاتتىدە بىز ھەم ۋارىس بولاتتۇق.لىكىن پەيغەمبىرىمىز بۇنداق ئىشنى قىلىپ كۆرسەتمىدى.پەيغەمبىرىمىزگە ئەڭ سادىق ساھبىلەرمۇ( ئۆمەر رەزىياللاھۇ ئەنھۇ،ئەلى رەزىياللاھۇ ئەنھۇ،ئوسمان رەزىياللاھۇ ئەنھۇ....يەنە نۇرغۇن)بۇنداق ئىشنى قىلمىغان.ئەگەر قىلغان دىسىڭىز بىرە ئايەت ياكى ھەدىسنى كۆرسۈتۈڭ.
2.بىزنىڭ ئۇيغۇر سۇپىيلار يىلدا بىر ئىككى قېتىم شۇنداق مازارلىقلارغا بارارمىش. «مازار تاۋاپ قىلىش» دېگەن خاتا گەپ دەپ ئويلايمەن، چۈنكى، بىز كەبىدىن باشقا يەرنى تاۋاپ قىلمايدىغان تۇرساق. تۈركچىدە kabir ziyareti قەۋرە زىيارىتى دېيىلىدۇ. ھەرگىز تاۋاب دېگەن گەپنى ئىشلەتمەيدۇ. كەبىنى تاۋاپ قىلىشنى tavaf دەيدۇ. بىزنىڭكىلەر يىلدا بىر ئىككى قېتىم مازارغا بارغانغا بىز شۇنچە تىللاپ تويغۇزىۋەتسەك ئادىللىق بولامدۇ؟ شۇلارمۇ ھەر كۈنى بەش ۋاقىت ناماز ئوقۇيدىغاندۇ؟ ھاجىتىنى ھەر كۈنى ئاللاھتىن تىلەيدىغاندۇ. مازارنى بىزمۇ زىيارەت قىلىمىز .مىيىتنى يەرلىككە قويغىلىمۇ مازارغا توپلىشىپ بارىمىز.بۇ سۇننەتتۇر.پەيغەمبىرىمىز بىر مۇسۇلمان ئۆلسە ئۇنىڭ نامىزىنى چۈشۈرۈش،يەرلىككە قويۇشقا بۇيرىغان.ئۆلگەنلەرنىڭ كەينىدىن دۇئا قىلىمىز،ئاللاھتىن گۇناھىغا مەخپىرەت تىلەيمىز.بۇلار ھەممىسى ئىسلام يول قويغان دائىرە. لىكىن پەيغەمبىرىمىز ساھابىلەر بىلەن بىللە شىھىتلارنىڭ قەبرىسىگە بىرىپ چۆگۈلىشىپ ئولتۇرۇپ، قەبرىلەرنىڭ ئۈستىگە ئاق قىزىل لاتىلارنى چىگىپ ناخشغا سىلىپ قوشاق ئىيتمىغان.ئەگەر مۇشۇنىمۇ پەيغەمبىرىمىز قىلغان دىسىڭىز،بىرەر ئايەت ياكى ھەدىس كۆرسۈتۈڭ.
3.سىز شۇ سۇپىيلارنى يۈسۈپ قادىرخاننىڭ مازىرىغا بېرىشتىن توسسىڭىز، يەنە 40-50 يىل ئۆتكەندىن كېيىن، ئۇيغۇر دىيارىدا يۈسۈپ قادىرخاننىڭ مازىرى دەيدىغان بىر يەر يوقايدۇ. خەن سۇلالىسىدىن باشلاپ 2000 يىلدىن بۇيان ، بۇ يەردە مۇستەقىل بىر دۆلەت قۇرۇلۇپ باقمىغان دېگەن داۋراڭنى تەستىقلاشقا تۆھپە قوشۇلىدۇ سىزغۇ بۇلارنى 40-50 يىل توسسىڭىز ئۇيغۇر دىيارىدا يۈسۈپ قادىرخاننىڭ مازىرى دەيدىغان بىر يەر يوقايدۇ دەۋاتىسىز،مەن دەيمەنكى ئەگەر بۇلارنى 40-50 يىل توسىمىسىڭىز قادىرخاننىڭ مازىرى ئۇلارنىڭ تاۋاپ قىلدىغان يىرىگە ئايلىنىپ قالىدۇ.شىرىكنىڭ ئەڭ ئىغىرى شۇ ۋاقتىدا ئوتتۇرغا چىقىدۇ.ئەگەر بىز توسماي ئۇلارنىڭ بىرىشىگە ياردەم بەرسەك، مۇشۇلار شۇ ھالەتكە يەتسە مۇسۇلماننىڭ زىيىنىغا مۇشرىككە ياردەم بىرىش كۇفۇردۇر سۆزى بويىچە بىز كۇفۇر بولىمىز خالاس.يەنە بىر مەسىلىنى تەكىتلەپ قويۇش كىرەك بولىدۇكى مىللەتچىلىك بىلەن دىنغا ھۆكۈم چىقىرىش بۇ ئىنىق خاتادۇر.
4. ئۆزىمىزنىڭ مۇسۇلمان قېرىنداشلىرىمىزنى ئۇنداق رەھىمسىزلىك بىلەن «مۇشرىك» دېمەيلى، ئۇلارغا بۇتقا تازىم قىلمىغاندىكىن. سىز خىلى ئوقىغان ئادەم شىرىك توغۇرلۇق كۆپ بىلىمگە ئىگە ئىكەنلىكىڭزگە ئىشىنىمەن.شىرىك قانداقتۇر بىر ياسالغان بۇتنى ئالدىغا قويۇپ ئۇنىڭغا باش ئۇرۇشلا ئەمەس،شىرىك پەيغەمبەر ئەلەيھىسسالامنىڭ بىر ھەدىسىدىكى «كىچىككىنە بولسىمۇ رىيا قىلىش شېرىكتۇر» ،ۋە يەنە  «بۇ ئۈممەتتىكى شېرىك ، قاراڭغۇ كېچىدە،سىلىق تاشنىڭ ئۈستىدە ئۆمىلەۋاتقان قارا چۈمىلىدىنمۇ بەكرەك يۇشۇرۇندۇر». بۇ قىرىنداشلارنىڭ قىلىۋاتقىنى قاراڭغۇ كېچىدە  سىلىق تاشنىڭ ئۈستىدە ئۆمىلەۋاتقان قارا چۈمىلىدىنمۇ بەكرەك يۇشۇرۇن بولغان شۇ شىرىكتىنمۇ كىچىكمىدۇ.
5.بۇنىڭ بىر قۇتۇبى سۇپىيلار، يەنە بىر قۇتۇبى ۋاھابىيلار دەيدىغانلار بار. سوپىلار ياكى ۋاھابىلەر توغۇرلۇق سىز بىلەن تالاشمايمەن،چۈنكى بۇ بىزلا تالىشىۋاتقان مەسىلە ئەمەس ھەم مەن ۋاھابى ياكى سوپىلارنىڭ قايسىسىنىڭ توغرىلىقىنى ئىلمىي چۈشەندۈرەلمەيمەن.بۇنىڭغا بىلىم دائىرەم يەتمەيدۇ.مەن پەقەت ئاللاھ ۋە رەسۇلى كۆرسەتكەن يولدىلا مۇستەككەم ماڭىمەن.ماڭا شۇ كۇپايىدۇر.ئىسلامنى پىرقىگە ئايرىپ ئاللاھنىڭ توغرا بىر يولىنى بىرنەچچە يولغا ئايرىش بىدئەتتۇر.
6.سىز ئوقىغان كىتابلار ھەممىسى شۇ سۇئۇد جەمەتىنىڭ تەختكە چىقىشىدا تۈرتكىلىك رول ئوينىغان ئىمام ئابدۇلۋاھھاب قاتارلىقلارنىڭ ئىدىيىسى بويىچە يېزىلغان كىتابلار بولغاچقا، سىزگىمۇ سۇپىيلار مۇشرىك بولۇپ كۆرۈنىدۇ. بۇ گەپ مىنى شۇ پىرقىگە تەۋەدەك كۆسىتىپ قويۇپتۇ.يەنە بىر تەكىتلەشكە توغرا كىلىدۇكى مەن ۋە بىزئىسلامدىكى قانداقتۇر بىر پىرقىلەرگە تەۋە ئەمەس.ئىسلامدا بىرلا قانۇن قۇرئان،بىرلا يول سۈننەت بار.ماڭا بۇ سوپىلار سۇئۇد جەمەتىنىڭ كىتابىنى كۆرۈش بىلەن مۇشرىك بولۇپ كۆرۈنگىنى يوق ،ئاللاھنىڭ كىتابى ۋە پەيغەمبىرىمىزنىڭ سۈننىتىگە ئاساسەن ئىيتىۋاتىمەن.
7. ھەق كەلسە، باتىل ئۆزلىگىدىن يۇقىلىدۇ. سىز ۋە باشقا ئىسلامنى ياخشى بىلىدىغان، ئەمەل قىلىپ ياشايدىغان قېرىنداشلار كۆپەيسە، ئۇلار بىلگىنىگە ئەمەل قىلىپ ئۈلگە بولۇپ ياشىسا، بىزنىڭ جەمئىيىتىمىزدىكى باتىل، بىدئەت نەرسىلەر ئۆزلىگىدىن يۇقىلىدۇ. سۇپىيلارنى توردا تىللاپ، تەنقىدلەشنىڭ ھېچ ھاجىتى يوق. ئۇلارنىڭ قەلبىدىكى ئاللاھقا، رەسۇلۇللاھقا بولغان مۇھەببەت ئۇلارنىڭ يەنىلا مۇسۇلماننىڭ قېرىندىشى ئىكەنلىكىنى بىلدۈرىدۇ.  باتىل بىلەن بىدئەتنى كۆرۈپ، بىلىپ تۇرۇپ توسمىساق پەيغەمبىرىمىزنىڭ سۆزىگە ئەمەل قىلمىغان بوپ قالىمىز.باتىلنى،بىدئەتنى توسۇش قانداقتۇر پىتنە تىرىغانلىق ئەمەس،ئاللاھنىڭ دىنىغا ياردەم بەرگەنلىك،ئاللاھ دىنىغا ياردەم بەرگەنلەرگە ياردەم بىرىدۇ.بىدئەتكە ئاخىرغىچە قارشى تۇرىشىمىز كىرەك.بوشىشىپ ياكى ھە بوپتۇ قىسا ئۆزگە دىيىش بىلەن كىيىنكى ئەۋلادلارنى ۋە ئۆزىمىزنى پۇشايماندا قالدۇرىمىز.

بىلگىنىمنى ئىيتتىم.ئەڭ توغۇرسىنى ئاللاھ بىلگۈچىدۇر.ئاللاھ توغۇر يولدىن ئىزىپ كىتىشىمىزگە سىزدىن پاناھ تىلەيمىز!

jureyj

ئائىشە خانىم.
سىزنىڭ سەئۇدى ۋە ۋاھھابىيلار توغرىسىدا ئېيتقانلىرىڭىز يالغان گەپ. سوپىلارنىڭ كىتابىنى كۆپ ئوقۇۋېتىپ، خېلى بەك قېيىپ كېتىپسىز. ۋاقتىم چىققاندا مۇشۇ ھەقتە ئىنكاس يازاي،ئىنشائاللاھ.

voymitilla

bayram007 يوللىغان ۋاقتى  2013-2-25 19:30
سالام تورداشلار :

  ھەممىڭلارنىڭ يازما ئىنكاسىڭلارنى  ...

ئەسسالامۇ ئەلەيكۇم تۇرداشلار ياخشىمۇ سىلەر خۇتەنلىكتىن ھەممىڭلارغا سالام  مەن سىلەرنىڭ مۇسۇلمانلارغا قىلغان ھاقارەت  بىلجىرلاشلىرىڭلارغا چىدالمار ئەزا بۇلۇپ كىردىم سىزنىڭ سۇپىلارنى سۇكۇش ھەققىڭىزيۇق سىز سۇپىلارنى باشقۇرمار   ئۇيىڭىزدىكى يالىڭاچ يۇرۇۈاتقان ھەمشىرىڭىليىڭىزنى  گۇناھقا پىتىۈاتقان تۇققانلىيىڭىزنى باشقۇرۇڭ بۇلار ئۇڭشالسۇن  ئۇنىڭدىن كىيىن خۇلۇم خۇشنىلارنى  ئۇزگەرتىڭ  ئا ئىلە تۇزەلسە جەمىيەت تۇزۇلۇدۇ سىز سۇپىلانىڭ سۇرۇنىدا  ئۇلتۇرۇپ باقتىڭىزمۇ  ئۇقۇغان مەۈلۇدە شىرىپنى  تەپسىلى ئاڭلاپ باقتىڭىزمۇ ئۇقۇغان  ھۇكمەتلىيىنى چۇشەندىڭىزمۇ  ئەجەبا جۇڭگۇنىڭ چەتئەلنىڭ ناخشىلىنى  ئاڭلىسىڭىز گۇناھ بۇلماي دىكەن مۇسۇلمانلارنى گۇناھدىن يىنىش ياخشىلىققا چاقىرىدىغان ھۇكمەتلەرنى ئاڭلىسا  گۇناھ بۇلامدىكەن  مەن ئۇقۇمىغان ئادەم  يەنە سۇپۇممۇ  ئەمەس  سىز ھۇكمەت ئۇقۇسا مەۈلۇد ئۇقۇسا گۇناھ دەيدىغان ئايەت دەلىلىڭىز بۇلسا چىقىرىڭ مەن ئاڭلار بۇلمىسا سىزنىڭ قالايمىقان پەتىۈا پىچىش ھۇقۇقىڭىز يۇق سز ئاۈال مۇشۇلارنى تەتقىق قىلىڭ ئارلىشىڭ  ئاندىن ئىنكاس يىزىڭ

Surgun1944

ئەسسالامۇ ئەلەيكۇم:
  شۈبھىسىزكى جىمى -ھەمدۇسانا ئاللاھقا خاستۇر،ئۇزاتقا ھەمدۇ سانا ئىيتىمىز،ئۇ زاتتىن ياردەم ۋە مەغفىرەت تىلەيمىز.نەپسىمىزنىڭ يامان خاھىشلىرىدىن خاتا قىلمىشلىرىمىزنىڭ ئاقىبىتىدىن ئۇ زاتنىڭ پاناھىغا سېغىنىمىز.
  ئاللاھ ھىدايەت قىلغان كىشىنى ھىچكىم ئازدۇرالمايدۇ،ئاللاھ ئازدۇرغان كىشىنى ھىچكىم ھىدايەت قىلالمايدۇ.گۇۋاھلىق بىرىمەنكى تەڭداشسىز بىر ئاللاھدىن باشقا ھىچ مەبۇت بەرھەق يوقتۇر،يەنە گۇۋاھلىق بىرىمەنكى مۇھەممەد ئەلەيھىسسالام ئاللاھنىڭ بەندىسى ۋە ھەق ئەلچىسىدۇر.(ئى مۈئمىنلەر!ئاللاھقا لايىق رەۋىشتە تەقۋادارلىق قىلىڭلار،پەقەت مۇسۇلمانلىق ھالىتىڭلار بىلەنلا  ۋاپات بولۇڭلار)ئال ئىمران سۈرىسى102-ئايەت .(ئى ئىنسانلار!سىلەرنى بىر ئىنساندىن ‹يەنى ئادەم ئەلەيھىسسالامدىن›ياراتقان،شۇ ئىنساندىن‹يەنى ئۆز جىنسىدىن›ئۆز جۈپتىنى‹يەنى ھاۋۋانى›ياراتقان ۋە ئۇلاردىن‹يەنى ئادەم بىلەن ھاۋۋادىن›نۇرغۇن ئەر-ئاياللارنى ياراتقان پەرۋەردىگارىڭلاردىن قورقۇڭلار،بىر-بىرىڭلاردىن نەرسە سورىغاندا نامى بىلەن سورايدىغان ئاللاھتىن قورقۇڭلار،سىلە-رەھىمنى ئۈزۈپ قويۇشتىن ساقلىنىڭلار،ئاللاھ ھەقىيقەتەن كۈزىتىپ تۇرغۇچىدۇر)نىسا سۈرىسى1-ئايەت.
(ئى مۈئمىنلەر ! ئاللاھتىن قورقۇڭلار،توغرا سۆزنى قىلىڭلار ،ئاللاھ سىلەرنىڭ ئەمەللىرىڭلارنى تۈزەيدۇ،گۇناھلىرىڭلارنى مەغفىرەت قىلىدۇ،كىمكى ئاللاھقا ۋە ئۇنىڭ پەيغەمبىرىگە ئىتائەت قىلسا،زور مۇۋەپپىقىيەت قازانغان بولىدۇ)ئەھزاپ سۈرىسى70-71-ئايەتلەر.
       مەقسەتكە كەلسەك،ئەڭ راسچىل سۆز ئاللاھنىڭ كىتابى قۇرئان كەرىمدۇر،ئەڭ ياخشى يول مۇھەممەت ئەلەيھىسسالامنىڭ يولىدۇر،ئەڭ يامان ئىشلار (دىندا)يىڭىدىن پەيدا قىلىنغان ئىشلاردۇر،(دىندا)يىڭىدىن پەيدا قىلىنغان ھەرقانداق ئىش بىدئەتتۇر.ھەرقانداق بىدئەت گۇمراھلىقتۇر ۋە ھەرقانداق گۇمراھلىق دوزاختىدۇر(ھەدىس)
       ئى ئاللاھ! ئى جىبرئىل،ئىسرافىل،ۋە مىكائىللارنىڭ پەرۋەردىگارى! ئى ئاسمانلارنى ۋا زىمىننى ياراتقۇچى،يۇشۇرۇننى ۋە ئاشكارىنى بىلىپ تۇرغۇچى ئاللاھ!سەن بەندىلىرىڭنىڭ ئارىسىدا ئۇلار ئىختىلاپ قىلىشقان نەرسىلەر ئۈستىدىن ھۆكۈم چىقىرىسەن،ئۆز ئىرادەڭ بويىچە بىزلەرنى بەندىلەر ئىختىلاپ قىلىشىۋاتقان نەرسىلەر ئىچىدىن،ھەقىقەتكە ھىدايەت قىلغىن ،شۈبھىسىزكى سەن خالىغان كىشىنى توغرا يولغا باشلايسەن.
  ھەقىقەتەن ئىنسانلارنىڭ بەلكى پۈتۈن كائىناتنىڭ يارىتىلىشىدىكى مەقسەت ،تەڭداشسىز بىر ئاللاھنىڭ ئۆزىگىلا ئىبادەت قىلىشتۇر.بۇ ھەقتە ئاللاھ مۇنداق دىگەنجىنلارنى،ئىنسانلارنى پەقەت ماڭا ئىبادەت قىلىش ئۈچۈنلا ياراتتىم)زارىيات سۈرىسى56-ئايەت.(ئۇلار ئىبادەتنى پەقەت ئاللاھقا خالىس قىلغان،ھەق دىنغا ئىتىقات قىلغان ھالدا ئاللاھقا ئىبادەت قىلىشقا بۇيرۇلدى)بەييىنە سۈرىسى5-ئايەت.(باتىل دىنلاردىن بۇرۇلۇپ ئىسلام دىنىغا يۈزلەنگەن.ئاللاھنىڭ دىنىغا‹ئەگەشكىنكى›ئاللاھ ئىنسانلارنى شۇ دىن بىلەن ياراتقان،ئاللاھ ياراتقىنىدا ئۆزگىرىش بولمايدۇ)رۇم سۈرىسى30-ئايەت.
  بۇ ھەقتە پەيغەمبەر ئەلەيھىسسالام مۇنداق دىگەن:ھەرقانداق بۇۋاق ئىسلام دىنى ئۈستىگە تۇغۇلىدۇ.يەنە بىر ھەدىستە ئاللاھنىڭ مۇنداق دىگەنلىكىنى بايان قىلغان:ھەقىيقەتەن مەن بارلىق بەندىلىرىمنى مۇسۇلمانلىق ھالىتىدە ياراتتىم.
   لىكىن  ئىنسانلار ۋە جىنلار ئىچىدىن چىققان شەيتانلار،ئەزەلدىن ئىنسانلارنى خالىس تەۋھىد ئەقىدىسىدىن يۈز ئۆرىتىش ۋە ئاللاھنىڭ غەيرىگە ئىبادەت قىلدۇرۇش ئۈچۈن داۋاملىق ھەركەت قىلىپ كەلمەكتە.ئۇلارنىڭ ھىيلە مىكىرلىرى ۋە ئازدۇرۇش ۋاستىلىرى ھەرخىل بولۇپ،بەزىدە ئاللاھنىڭ غەيرىگە باش ئىگىش ۋە سەجدە قىلىشنى چىرايلىق كۆرسىتىش ئارقىلىق ئازدۇرسا بەزىدە ئاللاھنىڭ غەيرىدىن ياردەم سوراش،بىر نەرسە تەلەپ قىلىپ دۇئا قىلىش،ۋە ھاجىتىنى راۋا قىلىپ بىرىشنى سوراش قاتارلىق ئىبادەتنىڭ بەزى تۈرلىرىدە، ئاللاھنىڭ غەيرىگە ئىبادەت قىلىشنى چىرايلىق كۆرسىتىش ئارقىلىق ئازدۇرىدۇ،بۇ ھىيلە مىكىرلىرى ئەمەلگە ئاشماي قالسا،ئىبادەتنىڭ تەۋەككۈل قىلىش،مۇراجىئەت قىلىش ۋە قورقۇش قاتارلىق تۈرلىرىدە ئاللاھقا شىرىك كەلتۈرۈشنى چىرايلىق كۆرسىتىش ئارقىلىق ئازدۇرىدۇ،بۇنىڭدىن ئۈنۈمگە ئېرىشەلمىسە ئىبادەتنىڭ ئىتائەت قىلىش ،ئەگىشىش ۋە بويسۇنۇش،قاتارلىق تۈرلىرىدە ئاللاھنىڭ غەيرىگە ئىبادەت قىلىش ۋە ئاللاھقا شىرىك كەلتۈرۈشنى چىرايلىق كۆرسىتىپ ئازدۇرۇشقا ئۇرىنىدۇ،ئەگەر بۇھىيلىسىمۇ ئىشقا ئاشماي قالسا،دە-تالاشلىرى ئۈستىدىن ھۆكۈم تەلەپ قىلىشتا ئاللاھنىڭ غايرىگە مۇراجىئەت قىلىش،ئاللاھدىن غەيرىنىڭ ،ھالال قىلىپ بىكىتكىنىنى ھالال،ھارام دەپ بىكىتكىنىنى ھارام دەپ ئىتىقاد قىلىشنى چىرايلىق كۆرسىتىش ئارقىلىق ئاللاھنىڭ غەيرىگە ئىبادەت قىلىشقا ئۈندەيدۇ.
  شەيتاننىڭ بۇ ھىيلە مىكىرلىرى.تۈۋەندىكى ھەدىس قۇددۇسىدا پەيغەمبەر ئەلەيھىسسالامنىڭ ئاللاھنىڭ سۆزىنى نەقىل كەلتۈرۈپ  بايان قىلغان ھەدىسلەر ( تەرجىماندىن ئەينەن بايان قىلىنغان)
   ھەقىيقەتەن شەيتانلار ئۇلارنىڭ يانلىرىغا كىلىپ ئۇلارنى دىنلىرىدىن قايتۇردى،مەن ئۇلار ئۈچۈن ھالال قىلىپ بەرگەن نەرسىلەرنى ئۇلارغا ھارام قىلدى ۋە ئۇلارنى ،ئۇ توغرىسىدا مەن ھىچقانداق دەلىل چۈشۈرمىگەن نەرسىلەرنى ماڭا شىرىك كەلتۈرۈشكە بۇيرىدى.مۇسلىم رىۋايىتى.
شۇنىڭ ئۈچۈن ئاللاھ تائالا ئىنسانلارنىڭ ئۆز خاتالىقلىرى ئۈچۈن قىيامەت كۈنى ھەرخىل دەلىللەر ۋە باھانىلەرنى كۆرسىتىش يوللىرىنى ئېتىىش ،ساپ تەۋھىد ئىگىلىرىگە بىشارەتلەرنى بىرىش،كاپىرلارنى ۋە مۇشرىكلارنى ئاگاھلاندۇرۇش ۋە ئاللاھنىڭ ئۆزىگىلا ئىبادەت قىلىشقا چاقىرىش شۇنىڭ بىلەن بىرگە ھەرخىل تۈر،ھەرخىل رەڭ،ۋە ھەرخىل شەكىلدىكى بارلىق باتىل ئىلاھلارنى ئىنكار قىلىش ۋە يوققا چىقىرىش مەقسىتىدە ئەلچى- پەيغەمبەرلەرنى ئەۋەتكەن. بۇھەقتە ئاللاھ تائالا مۇنداق دىگەنبىز ھەقىيقەتەن ھەربىر ئۈممەتكە‹ئاللاھقا ئىبادەت قىلىڭلار،تاغۇتتىن يىراق بولۇڭلار›دەپ پەيغەمبەر ئەۋەتتۇق)نەھىل سۇرىسى36-ئايەت.(‹ئى مۇھەممەد!›سەندىن ئىلگىرى ئەۋەتىلگەن پەيغەمبەرلەرنىڭ ھەممىسىگە ‹مەندىن باشقا ھىچ مەبۇت بەرھەق يوقتۇر،ماڭا ئىبادەت قىلىڭلار›دەپ ۋەھىي قىلدۇق)ئەنبىيا سۈرىسى25-ئايەت(ھالبۇكى ئۇلار پەقەت بىر ئىلاھقا ئىبادەت قىلىشقا بۇيرۇلغان ئىدى،ئۇنىڭدىن باشقا ھىچ مەبۇد بەرھەق يوقتۇر،ئاللاھ ئۇلارنىڭ شىرىك كەلتۈگەنلىرىدىن پاكتۇر)تەۋبە سۈرىسى31-ئايەت   سۆزنىڭ خۇلاسىسى شۇكى،بارلىق ئىبادەتلەرنى پەقەت ئاللاھنىڭ ئۆزىگىلا قىلىشقا چاقىرىش،بارلىق تاغۇتلارنى ئىنكار قىلىش ۋە يوققا چىقىرىش مەسىلىسى ئاللاھ تەرەپتىن ئەۋەتىلگەن بارلىق پەيغەمبەرلەرنىڭ ئەڭ ئۇلۇغ غايىسى بولۇپ ،ئۇلارنى ھىچقانداق قارشى كۈچ بۇ ئۇلۇغۋار غايىسىدىن توسۇپ قالالىغان ياكى بىرەر ئىش مەشغۇل قىلالىغان ئەمەس،شۇنداقلا ئۇلار بۇ غايىگە يىتىش يولىدا سودىلىشىش ،ئارلاشتۇرۇش ياكى سۈلھى-سالالارغا رازى بولغانمۇ ئەمەس،ئۇلارنىڭ نەزىرىدە يول ئىككىلا بولۇپ بىرى بارلىق ئىبادەتلەرنى بىر ئاللاھنىڭ ئۆزىگىلا قىلىش ۋە ھەممە ئىشلارنى ئاللاھنىڭ ئۆزىگىلا تاپشۇرۇشتىن ئىبارەت ئىماننىڭ يولى.يەنە بىرى ،بىرەر ئىشتا بولسىمۇ تاغۇتقا ئىبادەت قىلىپ قىلىشتىن ئىبارەت كۇفرى ۋە شىرىكنىڭ شۇنداقلائەقىدىنى تاشلاپ تاغۇتنىڭ دىنىغا كىرىشنىڭ يولى ئىدى، بۇ ئىككى يول ئوتتۇرىسىدا ھىچ قانداق سودىلىشىش،كېلىشىم قىلىش،ماسلاشتۇرۇش مۇمكىن ئەمەس بولغانلىقى ئۈچۈن ،قىلىچلار غىلاپلىرىدىن سۇغۇرۇلغان،قوشۇنلار يولغا سېلىنغان،لەشكەرلەر تەييارلانغان ۋە مۇشۇ غايىنىڭ ئۈستىگە دوسىت-دۈشمەنلىكنىڭ ئاساسى قۇرۇلغان،جەڭ ۋە تىنىچلىقلار ئىلان قىلىنغان،شۇنداقلا مۇشۇ غايىنى ئەمەلگە ئاشۇرۇش يولىدا يۈرەك قانلار ،ئىزىز جانلار سەرىپ قىلىنغان ۋە ھەرقانچە قىممەتلىك ئىسىل نەرسىلەرمۇ ئەرزىمەس نەرسىگە ئايلاندۇرۇلغان ئىدى.
     ئىبادەت لۇغەت ئاتالغۇسى بويىچە خارلىق-ئاجىزلىق،ئىتائاتمەنلىك ۋە كەمتەرلىك دىگەن مەنالاردا ئىشلىتىلىدۇ.
شەرىئەت ئاتالغۇسىدا ،قەلبىي ئاللاھنىڭ مۇھەببىتى بىلەن تولغان ھالدا،ئاللاھ ئالدىدا ئاجىزلىقىنى،كەمتەرلىكىنى،ۋە ئىتائەتمەنلىكىنى ئىزھار قىلىپ تۇرۇپ پۈتۈن ۋۇجۇدى بىلەن ئاللاھ ياخشى كۆرىدىغان ۋە ئاللاھنى رازى قىلىدىغان يۇشۇرۇن ۋە ئاشكارە بارلىق سۆز ھەركەتلىرىنى بەجا كەلتۈرۈش دىگەن بولىدۇ.    شۇنىڭ ئۈچۈن قەلبى ئاللاھنىڭ مۇھەببىتىدىن خالىي ھالدا تائەت-ئىبادەت قىلغان كىشى،شەرىئەت ھۆكمى بويىچە ئاللاھنىڭ غەزىپىگە يولۇققان مۇناپىق ھىساپلىنىدۇ،شۇنداقلا شەرىئەتنىڭ زاھىرى ھۆكۈملىرىگە بويسۇنماي تۇرۇپ ئاللاھنى ياخشى كۆرىدىغانلىقىنى داۋا قىلغان كىشى دىيىنسىز كاززاپ دەپ ھۆكۈم قىلىنىدۇ،چۈنكى ئاللاھ تائالا قۇرئان كەرىمدەئى مۇھەممەد ئەلەيھىسسالام!ئۇلارغا ئىيىتقىنكى ‹‹ئەگەر سىلەر ئاللاھنى ياخشى كۆرىدىغان بولساڭلار ماڭا ئەگىشىڭلاركى ئاللاھ سىلەرنى ياخشى كۆرىدۇ››)دىگەن .ئال ئىمران سۈرىسى31-ئايەت  ئەللامە ئىبنى كەسىر :‹‹بۇ ئايەت مۇھەممەد ئەلەيھىسسالامنىڭ يولىدا ماڭماي تۇرۇپ ،ئاللاھنى ياخشى كۆرىدىغانلىقىنى داۋا قىلغان كىشىنى،مۇھەممەد ئەلەيھىسسالامنىڭ شەرىئىتىگە ئەگەشكەنگە قەدەر يالغانچى دەپ ھۆكۈم قىلىدۇ››دىگەن
         
  ئىنشائاللاھ داۋامىنى ئەتە يازارمەن   ،قىرىنداشلارنىڭ  ئوشبۇ ئايەت ،ھەدىسلەرنى  ..ئۆزىنى مۇسۇلمانلىق ھالىتىگە قويغان ھالدا(يەنى ھىچقانداق مىللەتچىلىك كۆز قارىشىنى ئارلاشتۇرماي)تەھلىل قىلىپ بىقىشىنى سەمىمىي ئۈمۈت قىلىمەن.  ھەرقانداق ئىنساننىڭ(مەيلى ئۇ قانداقلا ئەقىدىدە بولسۇن) ياشاشتا مەلۇم غايىسى(مەقسىدى) بولىدۇ،غايىسىز ياشايدىغان مىنىڭچە ھىچقانداق ئىنسان بولمىسا كىرەك..لىكىن بىز مۇسۇلمانلىق سۈپىتىمىز بىلەن ئويلاپ باقىدىغان بولساق ،بىر مۇسۇلماننىڭ ياشاشتىكى غايىسى ئاللاھنىڭ رازىلىقىغا ئىرىشىشتىن باشقا نەرسە بولىدىغان بولسا ، ئۇكىشىنى مۇسۇلمان دىيىش قانداقمۇ مۇمكىن بولسۇن. بەلكى ھەرقايسىمىزنىڭ قوبۇل قىلغان مەلۇماتىمىز ھەرخىل بولغاچقا پىكىرلىرىمىزمۇ ھەرخىل بولىشى مۇمكىن،دىن بىر،كەبە بىر،قۇرئان بىر ۋە مۇشۇنداق بىر،بىرلار تۇرۇپ بىز نىمە ئۈچۈن  يەتمىش،سەكسەن،توقسەن،ھەتتا يۇز ،بۇلارنى كەلتۈرۈپ چىقىرىۋاتقان ئامىللار زادى نەدە؟مۇنداق بىر مىسالنى كەلتۈرۈش مۇمكىنكەن:بىر كالا بولسا سىز ئۇ كالىنى مەھكەم تۇتۇپ تۇرۇش ئۈچۈن مۈڭگۈزىدىن تۇتامسىز ياكى قۇيرىغىدىنمۇ؟ئەلۋەتتە مۈڭگۈزىدىن تۇتىسىز،لىكىن بىز بولساق خۇددىي كالىنى تۇتۇش ئۈچۈن قۇيرۇغىنى تۇتۇۋالغان ئادەمگە ئوخشاپقاپتۇق...كالىنىڭ مۈڭگىزىگە ئوخشاش بولغان دىندىكى پەرىز،سۈننەت ئەمەللەرنى،تەۋھىدئەقىدىلىرىنى چىڭ تۇتماي ،كالىنىڭ قۇيرىقىغا ئوخشايدىغان مۇباھ،مۇستەھەپ،ۋە ياكى شۇنىڭدەك ئەمەللەرگە چىڭ ئىسىلۋىلىپ تالاش -تارتىش قىلىپ يۇرىيدىكەنمىز،باشقىلار ئاندىن بىزگە قاراپ،ۋاھ نىمىدىگەن جىم تۇرمايدىغان كالا بۇ دەپ تاماشىمىزنى كۆرۈپ ئولتۇرىشىدىكەن.
     ئايشە قىرىندىشىم!  سىز بىرلىشىشنى ئىيتىپسىز،توغرا بىرلىشىش كىرەك،كۈچ بىرلىكتە ئىش ئۆملۈكتە .لىكىن قانداق بىرلىشىمىز،نەدە بىرلىشىمىز،نىمە مەقسەتتە بىرلىشىمىز،كىم بىزنى بىرلەشتۇرەلەيدۇ،نىمە بىزنى بىرلەشتۈرەلەيدۇ،مۇشۇلار توغرىسىدا ئويلۇشۇپ بىقىشىڭىزنى ئۈمۈت قىلىمەن،ئاللاھ رەھمەت قىلسۇن!
   كۈنىمىزدە دىيارىمىزدا سىزدىگەندەك خىرىستىئان،كاتولىك،ياھۋا گۇۋاھچىلىرى ۋە ئۇنىڭدىن باشقا مەن ئىسمىنى ئاتاشنى خالىمىغان دىنلارنىڭ مىسسىئونىرلىق ھەركەتلىرى يامرىماقتا.بۇلارنىڭ ئەپتى بەشرىسىنى ئىچىش،قىرىنداشلىرىمىزغا ئۇلارنىڭ رەزىل مەقسەتلىرىنى چۈشەندۈرۈش،ئەلۋەتتە سىز ۋە بىزنىڭ بۇرچىمىز شۇنداقلا بارلىق مۇسۇلمان قىرىنداشلانىڭ بۇرۇچلىرىدىن دەپ ئويلايمەن...بۇ يازمامنىڭ ئاخىرىدا سوپىلار توغۇرلۇق يەنە ئازراق مەزمۇنلار بار،سىزنىڭ ۋە قىرىنداشلىرىمىزنىڭ بۇ مەسىلىلەرنى سوغۇققانلىق بىلەن ئويلۈشۈپ كۆرىشىنى ئۈمۈت قىلىمەن،ئەقىدىمىز بىر يەرگە كەلمەي تۇرۇپ باشقا ئىشلىرىمىزنىڭ بىر يەرگە كىلىشى ئىنتايىن تەس، ئىسلامدىكى مەيلى فىقھى گۇرۇھلىرى ۋەياكى باشقا جامائەتلەر بولسۇن بۇلارنىڭ ئىچىدە ئەقىدىدە ئىزىپ كەتمىگەنلىرىنى مەن ئىسلامدىكى ئايرىم مەزھەپ دەپ تونىمايمەن،پەقەت ئەقىدە مەسىلىسىدە ئازغان پىرقىلارنىلا مەزھەپ دەپ قارايمەن.  ئۈستىدە ماڭا ۋە قىرىنداشلىرىمغا ھاقارەت قىلىۋاتقان قىرىندىشىم سىزدىنمۇ رەنجىمەيمەن،ئاللاھنىڭمۇ رەنجىمەسلىكىنى تىلەيمەن...ياشلارغا قانداڭ پىكىرىڭىز بولسا ئوچۇق ئوتتۇرىغا قويالىسىڭىز ئوچۇق دەڭ ئويلۇشۇپ باقساق بولىدۇ،ساقال سۈننەت بولغان بىلەن ئىتتىپاقلىق پەرىز...ھە راس مىنى ۋاھابى دەپ چۈشۈنۈپ قالغان قىرىنداشلار بولسا كەچۈرۈڭ،ۋاھابىلىقنى تازا چۈشۈنۈپ كەتمەيدىكەنمەن ،مەن ئۆزۈمنى پەقەت ۋە پەقەت مۇسۇلمان دەپلا ئويلاپ كىلىۋاتىمەن .ئاللاھ ھەممىمىزگە ساغلام ئەقىدە ئاتا قىلار ئامىن!

adiyat

ئەگەر ئەقىدىدە دۇرۇس بولساڭ. ئىبادەت قىلمىساڭمۇ سەندە ئۈمۈد بار. ئەگەر ئەقىدەڭ بۇزۇق بولسا، سەن مىڭ يىل ئىبادەت قىلساڭمۇ ئۇ يەل.
خىلاخەت ئارزۇسى ئەقىدىنىڭ تۈپ نىگىزى. ۋاھابىلارنىڭ ئەسلى كىپ چىقىشىمۇ ئەقىدە ئاساسىدا ئەمەس، بەلكى مىللەتچىلىك .  ئەنە شۇ سەئۇدى جەمەتىنىڭ قىلىۋاتقىنىمۇ سەئۇدى پادىشاھىنى مەركەز قىلىپ پۈتۈن دۇنيادا ئەرەب ئاسمىلاتسىيەسى يۈرگۈزۈش. ئاسمىلاتسىيە بولۇشقا بولمايدۇ، ئەمما خىلافەت ئارزۇسىغا ئاساسەن،ئورتاق ئەقىدە ئەتراپىغا ئۇيۇشقىلى بولىدۇ. بۇ يەردىكى ئەقىدە ئەھلى سۈننى ۋەلجەمائەسىنىڭ ئەقىدىسىنى كۆرسىتىدۇ.مۇشۇنىڭغا ئاساسەن  كەسكىن ھۆكۈم چىقىرىشقا بولىدۇكى، ۋھابىزىم ئۇ بىر سىياسى ئىدىيە ،ئۇنىڭ ئىسلام بىلەن مۇناسىۋىتى يوق،ئەگەر بار دىيىشكە توغرا كەلسە ،ئۇنىڭ ئورنى مىللەتچىلىكنى ئاساس قىلىپ مەيدانغا كەلگەن شىئە بىلەن باراۋەر.