پۇل جېڭى(روسچىلىد جەمەتى -بايلارنىڭ بېيى)

asym12

	پۇل جېڭى سوڭ يەنبىڭ روسچىلىد جەمەتى -بايلارنىڭ بېيى «بىر دۆلەتنىڭ پۇل تارقىتىشىنىلا كونتىرول قىلالىسام،قانۇننى كىمنىڭ تۈزۈشى ماڭا بەرىبىر».                                                                                                                              -  مىي.روسچىلىد     خەلىقئارا تاراتقۇلار50مىليارىد دوللارلىق مۈلۈكى بار بېل .گەيتىسنىڭ ،بۇيىل ئۇدا بىرىنچى باي بولۇپ باھالانغانلىقىنى كۈن بويى خەۋەر قىلۋاتقاندا،سىز بۇنىڭغا ئىشىنەنگەن بولسىڭىز-ئالداندىڭىز.كىشىلەرگە تونۇشلۇق بايلار تىزىملىكىدىن ھەقىقى بايلارنىڭ سايىسىنىمۇ كۆرەلمەيسىز،چۈنكى ئۇلار  غەرپنىڭ ئاساسلىق تاراتقۇلىرىنى چاڭگىلىغا مەھكەم كىرگۈزۈپ بولغان.     ئۆزىنى ئىنتايىن  يوشۇرۇن تۇتىدىغان روسچىلىد جەمەتى ،ھېلىھەم بانكا تىجارىتى بىلەن شۇغۇللىنىۋاتىدۇ،ئەمما، ئەگەر بىز بېيجىڭ ،شاڭخەي كوچىسىدا كېتىپ بارغان 100جۇڭگولۇقتىن سورىساق، 99ئادەم ئامېرىكا خۇاچى بانكىسىنى بىلىشى مۇمكىنكى ،بىر ئادەمنىڭ روسچىلىد بانكىسىنى بىلىشى ناتايىن.      روسچىلىد دېگەن زادى كىم؟ئەگەر پۇل - مۇئامىلە بىلەن شۇغۇللىنىدىغان بىر ئادەم روسچىلىد دېگەن ئىسىمنى ئاڭلاپ باقمىغان بولسا،بۇ خۇددى  ئەسكەربولغۇچى ناپالىئوننى ،فىزىكىشۇناس ئېينىشتىينىنى بىلمىگەندەكلا بىر ئىش.غەلىتە ھەم ھەيران قېلىشقا بولمايدىغان يېرى شۇكى،جۇڭگو خەلقى ۋە دۇنيا خەلقىنىڭ ئۆتمۈشى،ھازىرى ،كەلگۈسىگە بولغان تەسىرى شۇ قەدەر زور بولغان بۇئىسىم ،كۆپ قىسىم جۇڭگو خەلقىگە ناتونۇش.ئۇنىڭ ئۆزىنى بۇ قەدەر يوشۇرۇن تۇتالىشى كىشىنى ھاڭ-تاڭ قالدۇرىدۇ.     روسچىلد جەمەتىنىڭ زادى قانچىلىك بايلىقى بار؟بۇ دۇنياۋى سىر. 300تىرىليون دوللار تۆۋەن مۆلچەر،ئەۋەتتە.   روسچىلىد جەمەتى ئادەمنىڭ ئەقلىنى لال قىلىدىغان بايلىقىنى زادى قانداق تاپقان؟بۇ دەل ئۇشبۇ باپتا سىزگە دەپ بەرمەكچى بولغىنىمىز. پۇختا جەمەت كونتىروللىقى ،ئىنسى -جىنغا تۇيدۇرماي ئىش قىلىش،سائەت ئىچىدىكى زاپچاسلاردەك توپتوغرا ماسلىشىش،مەڭگۈ بازارنىڭ ئالدىدا ئۇچۇرغا ئېرىشىش،باشتىن-ئاياغ سوغوققان بولۇپ ئەقىل بىلەن ئىش كۆرۈش،پۇلغا بولغان چەكسىز ئىنتىلىش،مۇشۇلارنى ئاساس قىلغان بايلىقنى كۆزىتىش ۋە  تۇغما ئالدىن كۆرۈش ئىقتىدارى ،روسچىلىد جەمەتىنى جاھاننىڭ  200يىلدىن بۇيانقى پۇل-مۇئامىلە،سىياسى ۋە جەڭلەرنىڭ دەھشەتلىك قايناملىرىدىن ئامان-ئېسەن ساقلاپ قېلىپ ،ھازىرغىچە ئىنسانىيەت تارىخىدىكى ئەڭ چوڭ پۇل-مۇئامىلە ئېمپىرىيىسىنى قۇرۇپ چىقتى. ناپالىئوننىڭ مەغلۇبىيىتى-روسچىلىدنىڭ غەلبىسى         نىسىن روسچىلىدنىڭ ئۈچىنچى ئوغلى،شۇنداقلا بەش ئوغۇل ئىچىدىكى ئەڭ قاپ يۈرىكى .1798-يىلى دادىسى ئۇنى فىرانكىفورىتتىن ئەنگىلىيەگە روسچىلىد جەمەتىنىڭ بانكا كەسپىنى ئېچىشقا ئەۋەتىدۇ.نىسىن ئىش كۆرگەن ،كەسكىن بانكىر بولۇپ ،ئەزەلدىن ھېچكىم ئۇنىڭ ئىچكى دۇنياسىنى چۈشىنىپ باقمىغان.ئادەمنى ھەيران قالدۇرىدىغان پۇل-مۇئامىلە تالانتى ۋە ھەرخىل ئەپچىل ۋاستىلىرى بىلەن ،1815-يىلىغا كەلگەندە،ئۇ لوندوندىكى بارماق بىلەن سانىغۇدەك بانكىرغا ئايلىنىدۇ.     نىسىننىڭ ئاكىسى ئامىسرو فىرانكىفورتتا روسچىلىد جەمەتى بانكىسىنىڭ باش شىتابىنى تەرتىپكە سېلىۋاتقاب بولۇپ،ئىككىنچى ئاكىسى سولومون ئاۋىستىريىنىڭ ۋىنادا جەمەتىنىڭ يەنە بىر تارماق بانكىسىنى قۇرىۋاتاتتى،ئۇكىسى كار ئىتالىيەنىڭ نابلىستا يەنە بىر تارماق بانكىنى قۇردى،كىچىك ئۇكىسى جامىسنىڭ فىرانسىيەنىڭ پارىژدا بانكىسى بار ئىدى.روسچىلىد جەمەتى قۇرغان بانكا سېستىمسى دۇنيادىكى بىرىنچى خەلىقئارالىق بانكا گوروھى.شۇ ۋاقىتتا بەش ئاكا-ئۇكا 1815-يىلىدىكى ياۋروپا ئۇرۇشى ئەھۋالىغا يېقىندىن كۆڭۈل بۆلىۋاتاتتى.     بۇ بىر مەيدان ياۋروپا قۇرۇقلۇقىنىڭ تەقدىرى ۋە ئىستىقبالىغا مۇناسىۋەتلىك مۇھىم ئۇرۇش.ئەگەر ناپالىئون يەڭسە،شەكسىزكى فىرانسىيە ياۋروپا قۇرۇقلۇقىنىڭ خوجىسى بولاتتى.ئەگەكېنەز ۋېلىنتون فىرانسىيەنى مەغلۇپ قىلسا، ياۋروپادىكى چوڭ دۆلەتلەر ئەنگىلىيەنىڭ ئاغزىغا قارايىتتى.     ئۇرۇشتىن سەللا ئىلگىرى ،روسچىلىد جەمەتى ئىنتايىن ئالدىن كۆرەرلىك بىلەن ،ئۆزىنىڭ ئىستىراتىگىيىلىك ئۇچۇر يىغىش ۋە تېز يەتكۈزۈش سېستىمىسىنى قۇرۇپ چىققانىدى.ئۇلار نۇرغۇن كىشىلەردىن تۈزۈلگەن مەخپى ۋاكالەتچىلىك تورىنى تۇزۇپ چىقتى،جاسوسقا ئوخشاپ كېتىدىغان بۇ كىشىلەر«بالىلار»دەپ ئاتىلاتتى.بۇلار ياۋروپادىكى  پايتەخىتلەرگە ،ھەرقايسى چوڭ شەھەر،مۇھىم سودا مەركەزلىرىگە تارقالغان بولۇپ،ھەرخىل سودا،سىياسى ۋە باشقا ئاخباراتلارنى لوندون،پارىژ،فىرانكىفورت،ۋىنا ۋە نابلىس ئارىسىدا توشۇپ يۈرەتتى.بۇلارنىڭ ئاخبارات سېستىمىسىنىڭ ئۈنۈمى،سۈرئىتى ۋە توغرىلىق دەرىجسى ئادەمنى ھەيران قالدۇرغۇدەك دەرىجىدە بولۇپ،ئاللىبۇرۇن ھۆكۈمەت تەرەپنىڭ ئۇچۇر سۈرئىتىدىن ئېشىپ كەتكەن،باشقا سودا رىقابەتچىلىرىنى بولدى دېمەيلا قويۇڭ.مانا مۇشۇلار روسچىلىد بانكىسىنى خەلىقئارادىكى بارلىق رىقابەتچىلىرىنىڭ ئارىسىدا كۆرۈنەرلىك ئۈستۈنلۈككە ئېگە قىلغانىدى.     «روسچىلىد بانكىسىنىڭ ئاتلىرى ياۋروپادا چېپىپ يۈرمەكتە،روسچىلىد بانكىسىنىڭ كېمىلىرى دېڭىزلاردا ئۈزۈشمەكتە،روسچىلىد بانكىسىنىڭ جاسوسلىرى كوچا-كويلاردا قاتراشماقتا،ئۇلاردا نۇرغۇن پۇل،زايوم،خەت-چەك،ئۇچۇرلار بار،ئۇلارنىڭ ئەڭ يېڭى خەۋەرلىرى پاي-چەك بازىرىدا ئېقىپ يۈرمەكتە،ئەمما شۇلارنىڭ ھەممىسى ۋاتېرلو جېڭىنىڭ نەتىجىسىدىن  قىممەتلىك ئەمەس».    1815-يىلى6-ئاينىڭ 18-كۈنى،بىلروسىيەدىكى ۋاتېرلو جېڭى ،ناپالىئون بىلەن ۋېلىنتون قوشۇنى ئارىسىدىكى ھايات ماماتلىق جەڭ بولۇپلا قالماستىن،تۈمەنمىڭلىگەن مەبلەغ سالغۇچىلار ئارىسىدىكى بىر چوڭ قىمار ئىدى،يەڭگۈچى ھەددى-ھېساپسىز بايلىققا ئېرىشىپ،ئۇتتۇرغىنى بولسا قاق سەنەم بولۇپ كېتەتتى.لوندون پايچېك بازىرىدىكى جىددىيچىلىك چېكىگە يەتتى،ھەممە ئادەم تىت-تىت بولغان ھالدا ئۇرۇش نەتىجىسىنى كۈتىۋاتاتتى،ئەگەر ئەنگىلىيە يېڭىلسە،ئەنگىلىيە زايومى كېرەكسىز قەغەزگە ئايلىناتتى،بولمىسا ئاسمان-پەلەك ئۆرلەپ كېتەتتى.    ئىككى قوشۇن جاننى تىكىپ قويۇپ ئېلىشىۋاتقاندا،روسچىلىد جەمەتىنىڭ جاسوسلىرى جىددى ھالدا ئىككى قوشۇندىن جەڭ ئەھۋالىنى ئىگىلەشكە كىرىشتى،يەنە بىر بۆلۈك جاسوسلار ،ئىگەللىگەن ئاخباراتلارنى جەڭ مەيدانىغا ئەڭ يېقىنن يەردىكى ئاخبارات پونكىتىغا يەتكۈزۈشكە مەسئۇل ئىدى.شام ۋاقتى بولاي دېگەندە،ناپالىئوننىڭ يېڭىلىشى بەلگىلىنىپ قالدى،جەڭ ئەھۋالىنى ئۆز كۆزى بىلەن كۆرۈپ تۇرغان روسفۇز ئىسىملىك ئاخباراتچى ئېتىغا مىندى -دە،ئاۋال پونكىتقا،ئاندىن ئاۋسىتەنتىن پورتىغا قاراپ چاپتى.روسفۇز ئالاھىدە يول يۈرۈش ئىجازەتنامىسىگە ئىگە روسچىلىد تېز يۈرەر كېمىسىگە سەكرەپ چىققان ۋاقىتتا ئاللىقاچان يېرىم كېچە بولغانىدى.ئىگرى بوغۇزىدا چىققان بوران ،ئاسمان پەلەك دولقۇنلارنى قىرغاققا ئۇراتتى،روسفوز 2000فىرانىكقا ،كېچىچە ئۇنى بوغۇزدىن ئۆتكۇزۇپ قويۇشقا بىر ماتروسنى ياللىدى.6-ئاينىڭ 19-كۈنى سەھەر ئەنگىلىيەنىڭ فۇكىستون قىرغىقىغا يېتىپ كەلگەندە،نىسىن.روسچىلىد ئۇنى ئۆزى كۈتۈپ تۇراتتى.نىسىن خەتنى ئېچىپ كۆرۈپ ،جەڭ نەتىجىسىنى بىلىدى-دە،ئاتقا مىنىگىنىچە لوندون پايچېك بازىرىغا چاپتى.     نىسىن تېز-تېز مېڭىپ پايچىك بازىرىغا كىرىپ كەلگىنىدە،جەڭ خەۋىرىنى كۈتۇپ تىت-تىت بولۇپ ،ھاياجانلىنىپ كەتكەن كىشىلەر دەرھال تېنىچلاندى،ھەممە كۆزلەر نىسىننىڭ ھېچقانداق ئىپادىسىز،ھېچنىمىنى قىياس قىلغىلى بولمايدىغان چىرايىغا تىكىلدى.نىسىن قەدىمىنى ئاستىلىتىپ،«روسچىلىد تۈۋرۈكى»دەپ ئاتالغان ئورنىغا كېلىپ ئولتاردى.ئۇنىڭ چىرايىدىن ھېچنىمىنى بىلگىلى بولمايىتتى.شۇ پەيىتتە زالدا بۇرۇنقى قايناق كەيپىياتتىن قىلچىمۇ ئەسەر قالمىغان،ھەممە ئۆزىنىڭ مال-دۇنيا،شان-شەرىپىنى نىسىننىڭ كۆزلىرىدىن ئىزلەيىتتى.شۇ پەيىتتە،مىسىن يېنىدا يۈرىدىغان جەمەتىنىڭ خىزمەتچىسىگە بىرنى قاراپ قويدى،كۆپچىلىك ھېچنېمە دېمەستىن ئۆزلىرىنى سودا پۇكىيىگە ئېتىشتى،ئەنگىلىيە زايومىنى ئېلىشىغا سېتىشقا باشلىدى.زال ئىچى بىردەمدىلا قالايمىقان بولۇپ كەتتى،بەزىلەر قۇلاقلىرىنى يېقىشىپ پىچىرلىشىۋاتاتتى،بەزىلەر نېمە قىلارىنى بىلمەي جايىدا قېتىپ تۇرۇپ قالغانىدى.شۇ يەردىلا 100مىڭ دوللارغا تەڭ كېلىدىغان زايوم توكمە قىلىپ سېتىلدى،ئارقىدىنلا تۆكمە قىلىنغان زايوملار دېڭىز دولقۇنىدەك بىرىنىڭ ئارقىسىدىن بىرسى كېلىشكە باشلىدى،زايوم كېرەكسىز قەزگە ئايلاندى.     نىسىن ھېلىھەم ھېچ ئىپادىسىز ھالدا جايىدا ئولتۇراتتى.زالدا تۇيۇقسىز بىرلىرى«روسچىلىد بىلىدىكەن!» «روسچىلىد بىلىدىكەن!»«ۋېلىنتون يېڭىلىپتۇ!»دەپ توۋلاپ كېتىشتى،ھەممە ئادەم توك سوقىۋەتكەندەك ،چۆچۈپ كېتىشتى،تۆكمە قىلىپ سېتىش ئالاقزادىلىككە ئايلاندى.ئادەم تۇيۇقسىز ئەقلىنى يوقاتقاندا،ئاڭسىز ھالدا باشقىلارغا ئەگىشىدۇ.ھەممە ئادەم بىر ئامال قىلىپ قولىدىكى ھېچقانداق قىممىتى قالمىغان زايومنى سېتىپ چىقىرىپ ،ئازراق بولسىمۇ پۇلىنى ساقلاپ قېلىشنى ئويلىشاتتى،بىر نەچچە سائەتىلىك ئېغىر تۆكمە قىلىپ سېتىشتىن كېيىن،ئەنگىلىيە زايومى بىر دۆۋە ئەخلەتكە ئايلاندى،قىممىتى%95 چۈشۈپ كەتتى. نىسىن يۈز بېرىۋاتقان ئىشلارغا يەنىلا جىمجىت قاراپ ئولتۇراتتى،ئۇنىڭ كۆزلىرى ئۇزاق مەشىق قىلمىسا چۈشەنگىلى بولمايدىغان قىياپەتتە مىدىرلاپ قويدى،ئەمما بۇ قېتىمقىسى بايامقىغا قەتئىي ئوخشىمايىتتى.خىزمەتچىلىرى تېزدىن ئۆزلىرىگە بەلگلەنگەن پۇكەيگە باردى -دە،ئۇچىرغانلىكى ئەنگىلىيە زايومىنى سېتىۋېلىشقا باشلىدى. 6-ئاينىڭ 21-كۈنى سائەت 11دە،كېنەز ۋېلىنتوننىڭ خەت توشۇغۇچىسى ھېنرى.پوسى لوندونغا كەلدى،ئۇنىڭ ئەپكەلگەن خەۋىرى بولسا ناپالىئون سەككىز سائەتلىك قاتتىق جەڭدىن كېيىن ئۈزۈل-كېسىل مەغلۇپ بولغان،ۋېلىنتون ئۈچتىن بىر قىسىم ئەسكىرىدىن ئايرىلغان.فىرانسىيە تۈگەشتى!!!     بۇ خەۋەر نىسىننىڭ خەۋىرىدىن توپتوغرا بىر كۈن كېيىن كەلدى!نىسىن مۇشۇ بىر كۈندىلا 20 ھەسسىدىن كۆپ پۇل تاپتى،بۇ پۇل،ناپالىئون ۋە ۋېلىنتوننىڭ نەچچە ئون يىل ئۇرۇش قىلىپ تاپقان مال دۇنياسىنىڭ يىغىندىسىدىنمۇ ئېشىپ كەتتى.     ۋالىنتون جېڭى نىسىننى بىر دەمدىلا ئەنگىلىيە ھۆكۈمىتىنىڭ  ئەڭ چوڭ قەرىز بەرگۈچىسىگە ئايلاندۇردى،شۇندىن كېيىن ،ئەنگىلىيەنىڭ زايوم تارقىتىشى،ئېنگىلاند بانكىسى نىسىننىڭ كونتىروللىقىغا ئۆتتى.ئەنگىلىيە زايومى كەلگۈسىدە ھۆكۈمەتنىڭ باج يىغىشىدىكى ئىسپات،ئەنگىلىيە خەلقىنىڭ ھۆكۈمەتكە باج تاپشۇرۇشۇش مەجبۇرىيىتى ئەمدىلىكتە بولسا،روسچىلىد بانكىسى پۈتۈن خەلىقتىن باج يىغىدىغان شەكىلگە ئۆزگەردى.ئەنگىلىيە ھۆكۈمىتىنىڭ مالىيە چىقىمى زايوم تارقىتىش ئارقىلىق غەملىنىدۇ،مۇنداقچە ئېيىتقاندا،ھۆكۈمەت پۇل تارقىتىش ھوقوقى بولمىغاچقا شەخسى بانكىدىن قەرىز ئېلىشى كېرەك،ئۆسۈمى %8ئەتىراپىدا،ئۆسۈم ۋە دىرى ئالتۇن بىلەن قايتۇرۇلىدۇ.نىسىن قولىغا ھەممىدىن كۆپ زايومنى يىغقان ۋاقىتتا،ئەمىلىيەتتە زايومنىڭ باھاسىنى كونتىرول قىلالايدۇ،پۈتۈن ئەنگىلىيەنىڭ پۇل تەمىناتىنى كونتىرول قىلالايدۇ،ئەنگىلىيەنىڭ ئىقتىساد جان تومۇرى روسچىلىد جەمەتىنىڭ قولىدا مەھكەم تۇتۇلغان بولىدۇ. ئارزۇسىغا يەتكەن نىسىن مانا مۇشۇنداق قىلىپ، بۈيۈك ئەنگىلىيە ئىمپىرىيىسىنىڭ غورورىنى باش ئەگدۈردى:    «مېنىڭ ھەرقانداق ئەنگىلىيەلىك قورچاقنىڭ شاھلىق تەختىگە چىقىپ ،بۇ كۈن پاتماس ئېمپىرىيىگە ھۆكۈمرانلىق قىلىشى بىلەن چاتىقىم يوق.كىمكى بۈيۈك ئەنگىلىيە ئىمپىرىيىسىنىڭ پۇل تەمىناتىنى كونتىرول قىلىدىكەن،شۇ بۈيۈك بىرىتانىيە ئىمپىرىيىسنى كونتىرول قىلىدۇ،شۇ ئادەم -مەن شۇ !». يازغۇچى سوڭ يەنبىڭنىڭ شۇ ناملىق كىتابىغا ئاساسەن تەرجىمە قىلىنىۋاتىدۇ.داۋامى تېخمۇ سەرخىل،دىققەت قىلغايسىز.

يولداشىيوف

	ھەقىقەتەن ئېسىل ماقالىكەن ئۇكام.بۇ كاپىتالستلارنىڭ نېمىلەرنى ئويلايدىغانلىقىنى ھېچ بىلىپ بولغىلى بولمايدۇ.

asym12

	2.روسچىلىدنىڭ باش كۆتۈرۈش تارىخى         «بۇ سېستېمىنى چۈشىنىدىغان ئاز ساندىكى كىشىلەر بولسا،ياكى بۇ سېستىمىنىڭ پايدىسىغا قىزىقىدىغانلار،ياكى بولمىسا بۇ سېستىمىنىڭ سەدىقىسىگە ئۆگىنىپ قالغانلار(سىياسىئونلار)،بۇلار بىزگە قارشى تۇرمايدۇ.يەنە بىر جەھەتتىن،زور كۆپ قىسىم كىشىلەرنىڭ بۇسېستىما ئەپكەلگەن غايەت زور پايدىنى چۈشىنىشكە ئەقلى يەتمەيدۇ،ئۇلار ئېزىلىدۇ،ئەمما ئاغرىنمايدۇ،ھەتتاكى بۇ سېستىمىنڭ ئۆزلىرىنىڭ مەنپەئىتىنى زىيانغا ئۇچىرىتىۋاتقانلىقىدىن قىلچىلىك گۇمانلانمايدۇ. »     روسچىلىد سانائەت ئىنقىلابى ياۋروپادا ئۇچقاندەك تەرەققى قىلىۋاتقان،پۇل-مۇئامىلە كەسپى مىسلىسىز گۈللىنىۋاتقان،يىپ-يېڭى پۇل-مۇئامىلە كەسپى ۋە ئىدىيىسى گوللاندىيە ۋە ئەنگىليەدىن پۈتۈن ياۋروپاغا تاراۋاتقان دەۋىردە ئۆسۇپ يېتىلگەن.1694-يىلى ئەنگىلىيە بانكىسىنىڭ ئېچىلىشىغا ئەگىشىپ،بىر تۈركۈم تەۋەككۈلچى بانكىرلار پۇلنىڭ ئىلگىرىكىگە قارىغاندا تولىمۇ مۇرەككەپ بولغان ئۇقۇمى ۋە كەسىپلىرىنى پەيدا قىلىشىتى.17-ئەسىردىكى يۈز يىلدا،پۇلنىڭ ئۇقۇمى ۋە شەكلىدە چوڭقۇر ئۆزگىرىش يۈز بەردى،1694-يىلىدىن 1776-يىلىغىچە بولغان ئادام.سىمنىڭ «بايلىق تەلىماتى»دۇنياغا كەلگەنگە قەدەر،ئىنسانىيەت تارىخىدىكى بانكا تارقاتقان قەغەز پۇلنىڭ مىقدارى تۇنجى قېتىم مېتال پۇللارنىڭ (ئالتۇن،كۈمۈش،مىس قاتارلىق )سانىدىن ئېشىپ كەتتى.سانائەت ئىنقىلابىدىن كېيىن بارلىققا كەلگەن تۆمۈر يول،كانچىلىق ،كېمە ياساش،ماشىنسازلىق،توقۇمىچىلىق ،ھەربى ئىشلار،ئېنىرگىيە مەنبەسى قاتارلق يېڭىدىن گۈللەنگەن كەسىپلەرنىڭ پۇلغا بولغان كۈچلۈك ئېھتىياجى بىلەن ئەنئەنىۋى مېتال پۇلنى ئاساس قىلغان بانكىلارنىڭ ئۈنۈمىنىڭ تۆۋەنلىكى ۋە چەكلىك بولغان مەبلەغ يۈرۈشتۈرش ئىقتىدارى ئارىسىدىكى زىددىيەت كۈچىيىشكە باشلىدى.روسچىلىد جەمەتى ۋەكىللىكىدىكى يېڭىدىن باش كۆتۈرۈپ چىققان بانكىرلار بۇ تارىخى پۇرسەتنى چىڭ تۇتۇپ،ئۆزىگە ئەڭ پايدىلىق بولغان بولغان شەكىلدە،ھازىرقى زامان پۇل-مۇئامىلە كەسپىنىڭ تارىخى يۈزلىنىشىگە ئۇمۇميۈزلۈك يېتەكچىلىك قىلىشقا باشلىدى،ھالبۇكى،باشقا بارلىق كىشىلەرنىڭ تەغدىرى ئامالسىزلىقتىن ياكى بىلىپ-بىلمەستىن مۇشۇ خىل تۈزۈم تەرىپىدىن بەلگىلنىۋاتاتتى.     1625-يىلىدىن بۇيانقى ئىككى قېتىملىق ئىچكى ئۇرۇش ۋە سىياسى داۋالغۇش ئەنگىلىيەنىڭ دۆلەت خەزىنىسىنى قۇرۇغداپ قويدى،1689-يىلى ۋىليام.بىرىنچى ئەنگىلىيە خان ئوردىسىغا كىرگەندە، (ئەنگىلىيە پادىشاھى جامىس.ئىككىنچىنىڭ قىزى مارىيەنى ئەمرىگە ئېلىش ئارقىلىق پادىشاھ بولغان) ئەنگىلىيە ھالىدىن كەتكەن بولۇپ،بۇنىڭغا فىرانسىيە بىلەن قىلىۋاتقان ئۇرۇشنى قوشقاندا، پۇل غەملەش ئۈچۈن،جامىس توختىماي تۆت تەرەپكە قاترايدىغان ھالغا چۈشۈپ قالغانىدى.دەل مۇشۇ ۋاقىتتا،ۋىليام.پاتىرسون باشچىلىقىدىكى بانكىرلار پادىشاھقا گوللاندىيەدە بارلىققا كەلگەن يېڭىچە بىر ئىشنى تونۇشتۇردى:بىر شەخسى بانكا-ئەنگىلىيە بانكىسى قۇرۇش،شۇ ئارقىلىق پادىشاھنىڭ ھېسابسىز چىقىملىرى ئۈچۈن مەبلەغ توپلاش.     شەخىسلەر ئىگىدارچىلىقىدىكى بۇ بانكا،ھۆكۈمەتكە بىر مىليون ئىككى يۈزمىڭ فونىد ستىرلېڭ نەق پۇلنى «مەڭگۈلۈك قەرىز»سۈپىتىدە تەمىنلىدى،يىللىق ئۆسۈمى%8،يىللىق باشقۇرۇش ھەققى 4000فونىد ستىرلېڭ،شۇنداق بولغاندا،ھۆكۈمەت يىلىغا 100مىڭ فونىد ستېرلىڭ تۆلەپلا  بىر مىليون ئىككى يۈزمىڭ فونىد ستىرلېڭ نەق پۇل غەملىيەلەيىتتى،شۇنداقلا مەڭگۈ دىرىنى قايتۇرۇشنىڭ ھاجىتى يوق!.ئەلۋەتتە،ھۆكۈمەت ئۇلارغا تېخىمۇ چوڭ پايدا بېرەتتى،يەنى ئەنگىلىيە بانكىسىنىڭ دۆلەت ئېتراپ قىلغان بانكا بېلىتى تارقىتىشىغا ئىجازەت بېرىش.كىشىلەرنىڭ ئۇزاقتىن بۇيان بىلىدىغىنى،زەرگەر بانكىرلار(ئالتۇن كۈمۈشنى پۇل ئورنىدا ئىشلىتىدىغان بانكا خوجاينىلىرى) نىڭ ئويلايدىغىنى دەل بانكا بېلىتى تارقىتىش،بانكا بېلىتى بولسا كىشىلەر زەرگەرلەرنىڭ ساقىلىشىغا بەرگەن ئالتۇنلىرىنىڭ ئىسپاتى.كۆپ مىقداردىكى ئالتۇنلارنى ئېلىپ يۈرۈش قولايسىز بولغانلىقتىن ،كىشىلەر ساقلاشقا بەرگەن ئالتۇنلىرىنىڭ ئىسپاتى بىلەن سودا قىلىشقا باشلىدى ،ئىش تۈگىگەندە،زەرگەرنىڭ قېشىغا بېرىپ ،ئالتۇنلىرىنى ئېلىۋالاتتى .ۋاقىت ئۇزارغانسېرى،كىشىلەر كەچكىچە زەرگەرلەرنىڭ قېشىغا بېرىپ ئالتۇن ئېلىپ ،قويۇپ يۈرۈشنىڭ زۆزۆرىيتى يوقلۇقىنى ھېس قىلىشتى،كېيىن ئالتۇن ساقلىغانلىق ئىسپاتى تەدرىجى پۇلغا ئايلاندى.ئەقىللىق زەرگەر بانكىرلار كۈنلۈكى كېلىپ پۇل ئالىدىغانلارنىڭ ناھايىتى ئاز ساننى ئىگىلەيدىغانلىقىنى بايقىدى،شۇنىڭ بىلەن ئۇلار ئاستىرىتتىن ،ئېشىنچە پۇللارنى پۇلغا ئېھېىياجلىق كىشىلەرگە قەرىز قىلىپ تارقىتىشقا باشلىدى ۋە ئۆسۈم يىغدى،قەرزى ئالغۇچى دىرى بىلەن ئۆسۈمىنى بىللە قايتۇرغان ۋاقىتتا،زەرگەرلەر قەرىز ئىسپاتىنى كۆيدۈرىۋېتىپ ،ھېچ ئىش بولمىغاندەك يۈرىۋېرەتتى،ئەمما ئۆسۈم ئۇلارنىڭ يانچۇقىغا توختىماي كىرىپ تۇردى.بۇنداق بانكىلارنىڭ بانكا بېلىتىنىڭ تارقىلىش دائىرىسى،ئۆتۈشۈش دائىرىسى قانچە كەڭ بولسا،ئالىدىغان پايدىسىمۇ شۇنچە كۆپ بولاتتى.ئەمما،ئەنگىلىيە بانكىسى تارقاتقان بانكا بېلىتىنىڭ تارقىلىش دائىرىسى ۋە ئۆتۈشۈش دائىرىسىنى باشقا بانكىلار بىلەن سېلىشتۇرۇش مۇمكىن ئەمەس،چۈنكى دۆلەت ئېتراپ قىلغان بانكا بېلىتى دەل دۆلەتنىڭ پۇلى.     ئەنگىلىيە بانكىسىنىڭ نەق پۇلى جەمىيەتتىن يىغىلىدۇ،2000فونىد سىتىرلېڭدىن يۇقىرى بانكا بېلىتى سېتىۋالغۇچىلارنىڭ،بانكا مۇدىرى بولۇش سالاھىيىتى بولىدۇ.جەمئى 1267ئادەم ئەنگىليە بانكىسىنىڭ پايچىكى بولغان،14ئادەم بانكا مۇدىرى بولغان بولۇپ،ۋىليام.پاتىرسون شۇنىڭ ئىچىدە ئىدى. 1694-يىلى،ئەنگىلىيە پادىشاھى ۋىليام ئەنگىلىيە بانكىسىغا خانلىق ئىجازەتنامە تارقاتتى،شۇنداق قىلىپ،تۇنجى زامانىۋى بانكا دۇنياغا كەلدى.     ئەنگىلىيە بانكىسىنىڭ تۈپ ئىدىيىسى پادىشاھ ۋە خان جەمەتى ئەزالىرىنىڭ شەخسى قەرزىنى دۆلەتنىڭ مەڭۆۈلۈك قەرزىگە ئايلاندۇرۇش،خەلىقتىن يىغىلىدىغان باجنى رەنە قىلىپ تۇرۇپ،قەرىزنى ئاساس قىلغان دۆلەت پۇلى تارقىتىش.شۇنداق بولۇپ،پادىشاھنىڭ ئۇرۇش قىلىشىغا پۇل بولدى،ھۆكۈمەت خالىغىنىنى قىلالايدىغان بولدى،بانكىرلار كېچە-كۈندۈز خىيال قىلىپ يۈرگەن غايەت زور سوممىلىق قەرىزنى تارقىتالىدى ۋە ئۆسۈمىدىن نۇرغۇن پۇل تېپىشقا باشلىدى،«ئۇ بۇنىڭدىن خوش،بۇ ئۇنىڭدىن خوش»كەيپىيات شەكىللەندى،ئارلىقتا پەقەت خەلىقنىڭ تۆلەيدىغان بېجى رەنە بۇيۇمى قىلىندى.مۇشۇ خىل يېڭىچە،كۈچلۈك پۇل-مۇئامىلە قورالى بولغانلىقتىن،ئەنگىلىيە ھۆكۈمىتىنىڭ قەرزى تىك سىزىق بىلەن ئۆرلەشكە باشلىدى،1670-يىلىدىن1685-يىلىغىچە،ئەنگىلىيە ھۆكۈمىتىنىڭ مالىيە كىرىمى 24مىليون800مىڭ قونىد ستىرلېڭ بولۇپ ،1685-يىلىدىن 1700-يىلىغىچە كىرىم بىر ھەسسىدىن كۆپ ئېشىپ،55مىليون700مىڭ قونىد ستېرلىڭغا يەتكەن،ئەمما ئەنگىلىيە ھۆكۈمىتىنىڭ ئەنگىلىيە بانكىسىدىن ئالغان قەرزى1685-يىلىدىن 1700-يىلىغىچە شىددەت بىلەن 17ھەسسىدىن ئېشىپ كەتكەن،يەنى 800مىڭ فوند ستىرلېڭدىن 13مىليون 800مىڭ فونىد ستىرلېڭغا يەتكەن.     بۇ پىلاننىڭ ئەپچىللىكى شۇ يەردىكى،ئۇ دۆلەت پۇلى بىلەن مەڭگۈلۈك دۆلەت قەرزىنى بىر-بىرىگە مەھكەم چېتىپ قويغان.پۇلنى كۆپەيىتمەكچى بولسا چوقۇم دۆلەت قەرزىنى كۆپەيتش كېرەك،شۇنداقلا دۆلەت قەرزى قايتۇرۇپ بولۇنغاندا، دۆلەت پۇلى بىكار بولىدۇ،بازاردا پۇل ئوبوروتى بولمايدۇ،شۇڭلاشقا ھۆكۈمەت قەرزىنى قايتۇرۇپ بولالىشى مەڭگۈ مۇمكىن ئەمەس،ئۆسۈم قايتۇرۇش ۋە ئىقتىسادى تەرەققىياتنىڭ ئېھتىياجى تېخىمۇ كۆپ پۇل تەلەپ قىلىدۇ،بۇ پۇللارنى يەنە شۇ بانكىدىن قەرىز ئېلىش كېرەك،شۇنىڭ ئۈچۈن دۆلەت قەرزى جىقايسا جىقىيدۇكى ،مەڭگۈ ئازلىمايدۇ،قەرىزنىڭ ئۆسۈم كىرىمى بانكىرلارنىڭ يانچۇقىغا كىرىدۇ،ئۆسىۈمنىڭ يۈكى خەلىقنىڭ زىممىسىگە چۈشىدۇ.     دەرۋەقە،شۇنىڭدىن كېيىن،ئەنگىلىيە ھۆكۈمىتى قەرىزدىن قۇتۇلۇپ باقمىدى،2005-يىلىنىڭ ئاخىرىدا،ئەنگىلىيە ھۆكۈمىتىنىڭ قەرزى 1694-يىلىدىكى 1مىليون 200مىڭ فونىد ستىرلېڭدىن كۆپىيىپ 52مىليون590مىڭ فونىد ستىرلېڭغا يېتىپ،ئەنگىلىيە  ج د پ سىنىڭ %42.8نى ئىگەللىگەنىدى. يازغۇچى سوڭ يەنبىڭنىڭ شۇ ناملىق كىتابىغا ئاساسەن تەرجىمە قىلىنىۋاتىدۇ.داۋامى تېخمۇ سەرخىل،دىققەت قىلغايسىز.

asym12

	بۇ ماقالە ئەمەس،بەلكى بىر كىتاب.بۇ كىتابنىڭ مەقسىدى شۇكى،18-ئەسىردىن بۇيان دۇنيادا يۈز بەرگەن زور پۇل-مۇئامىلە ۋەقەلىرىنىڭ ئارقسىدىكى قارا قوللارنىڭ ئىستىرتىگىيىلىك نىشانى ۋە ئۇسۇللىرىنى  ئاشكارىلاش،كۆزىتىش،بولغان ئىشلارنى ھېس قىلىش،سېلىشتۇرۇش،خۇلاسىلەش،شۇ ئارقىلىق كېىيىن قىلماقچى بولغانلىرىنى پەرەز قىلىش.خۇددى بۇ كىتابتا ئېيتىلغاندەك-ئۇرۇش ئاللىقاچان باشلاندى،گەرچە ئىس-تۈتەك كۆرۈنمىسىمۇ. ئەپىيۇن ئۇرۇشى نېمىشقا جۇڭگودا يۈز بېرىدۇ؟ياپونىيەنىڭ مىڭجى يىلىدىكى يېڭىلىققا كۆچۈش ھەركىتى غەلىبە قىلىدۇ يۇ،جۇڭگونىڭ ئەجنەبىلەرنى دورش ھەركىتى مەغلۇپ بولىدۇ؟جىياڭ جيېشى روسىيەنىڭ رۇبلىسى بىلەن شىمالغا يۈرۈش قىلىش ئۇرۇشىنى تۈگىتىپ بولۇپلا،روسىيەدىن نېمىشقا يۈز ئۆرۈيدۇ؟...نۇرغۇن مەسىلىلەر بۇكىتابتا تەھلىل قىلىنغان،مەن بۇكىتابنى ياخشى دەپ قارىغاچقا،تەرجىمە قىلىپ ،تورداشلار بىلەن ئورتاقلىشىشنى توغرا تاپتىم،تەرجىمىنى داۋاملاشتۇرشۇم ،سىلەرنىڭ قانداق پوزىتسىيەدە بولىشىڭلاردا!

compasss

	تەرجىمە ناھايىتى ياخشى چىقىپتۇ.پۇل-مۇئامىلە كەسپىگە قىزىققۇچىلار چۇقۇم كۆرىشى كىرەك.

kiba

	ئاپىرىن! مەن بۇ كىتاپبىڭ خەنزۇچىسىنى ئوقۇۋاتىمەن، ئوقۇغانسىرى دۇنيا ئىقتىسادىنى بىرقانچە ئادەم، بىر قانچە جەمەت كونتۇرول قىلىپ تۇرغاندەك، مەقسەتكە يىتىش ئۈچۈن ھېچقاندەك ۋاستە تاللاپ ئولتۇرمايدىغاندەك، ھەممە ئىش سۇيقەستكە، تاكتىكىغا تولغاندەكلا بىلىندۇ. مىنى يەنىلا ئامرىكىنىڭ باش كۆتۈرشى ۋە بىرقانچە پىرىزدىنتنىڭ قەستكە ئۇچرىشى بەك مەپتۇن قىلىۋالدى. بۇ ئىشلارنىڭ ئارقا كۆرنىشى بىز ئوقۇغان تارىخ كىتاپلىرىغا پەقەت ئوخشىمايدۇ. ھەقىقى ئەھۋال راست شۇنداقمىدۇ؟ ئاغىنە! غەيرىتىڭىزگە ئاپىرىن، مۇمكىن بولسا مۇشۇ كىتاپنى ئۇيغۇرچە نەشىرگە تەييارلاپ جەمئىيتىمىز بىلەن يۈز كۆرۈشتۈرۈشكە نىسىپ قىلسا ھە؟! مۇمكىن بۇلامۇ؟

tahirbeg

	货币战争  پۇل ئۇرۇشى دىسەك ياخشىراق ئاڭلىنامدۇ نىمە؟  سىزنىڭكىنى خات دىگىنىم ئەمەس. مىڭنىڭچە پۇل ئۇرۇشى دىسە يىقىملىق ئاڭلىندىكەن.

asym12

	3.روسچىلىدنىڭ تۇنجى خەزىنىسى مايىر.بائۇر-1744-يىلى2-ئاينىڭ 23-كۈنى فىرانكىفورىتتىكى يەھۇدىيلار مەھەللىسىدە تۇغۇلغان،ئۇنىڭ دادىسى سەييارە زەرگەر ۋە قەرىز تارقاتقۇچى بولۇپ،يىل بويى شەرقى ياۋروپا تەرەپلەردە تىرىكچىلىك قىلاتتى.مايىر تۇغۇلغاندىن كېيىن فىرانكىفورىتتا ئولتۇراقلاشقان.مايىر كىچىكىدىنلا ناھايىتى ئەقىللىق بولۇپ،دادىسى ئۇنىڭغا يۈرەك قېنىنى سەرىپ قىلىپ،ئەستايىدىللىق بىلەن،سېستىمىلىق ھالدا پۇل ۋە قەرىز تارقىتىشقا ئائىت بىلىملەرنى ئۆگەتكەن.نەچچە يىلدىن كېيىن ،مايىرنىڭ دادىسى ئالەمدىن ئۆتىدۇ،ئەمدىلا 13 ياشقا كىرگەن مايىر تۇغقانلىرىنىڭ رىغبەتلەندۈرىشى ئارقىسىدا،گېرمانىيەنىڭ خاننوۋىردىكى ئوپىنخېيمىر جەمەتى بانكىسىغا كېىلپ شاگىرىت بولىدۇ. مايىر ئۆزىنىڭ باشقىلاردىن ئېشىپ چۈشىدىغان زېرەكلىكى ۋە تىرىشچانلىقى بىلەن بانكىنىڭ  ھەرخىل ئالاھىدە كەسىپلىرىنى تېز سۈرئەتتە ئۆگىنىۋالىدۇ،ساپمۇ-ساق يەتتە يىللىق ھاياتىدا،مايىر ئەنگىلىيەدىن كەلگەن تۈرلۈك پۇل-مۇئامىلە كەسپىنىڭ ئۆزگىچە پىكىرلىرىنى خۇددى سۇ سۈمۈرگەندەك ئۆزىگە سۈمۈرىۋالىدۇ ۋە ئۆزلەشتۈرىۋالىدۇ.خىزمەتتىكى ئۆزگىچە تالانتى بىلەن،تۆۋەن دەرىجىلىك شېرىكلىك دەرىجىسىگە كۆتۈرۈلىدۇ.بانكىدا ئىشلەپ يۈرگەن چاغلىرىدا،ئۇ ئۇلى چىڭ خېرىدارلاردىن بىر نەچچىسى بىلەن تونۇشىۋالغان بولۇپ،شۇلارنىڭ ئىچىدىكى بىرسى دەل ئۇنىڭ كېينىكى تەرەققىياتىغا زور تەسىر كۆرسەتكەن گېنېرال ۋون.ئېستىروف.مايىر دەل مۇشۇ يەردە،ھۆكۈمەتكە ۋە پادىشاھقا قەرىز بېرىشنىڭ ،شەخسىلەرگە قەرىز بېرىشكە قارىغاندا پايدىسىنىڭ ناھايىتى يۇقىرى،خەتىرىنىڭ ئىنتايىن تۆۋەن بولىدىغانلىقىنى،قەرىز سوممىسى كۆپ بولۇپلا قالماستىن،ھۆكۈمەت يىغقان باجنىڭ رەنە بۇيۇمى قىلىنىدىغانلىقىنى تونۇپ يەتتى.بۇخىل ئەنگىلىيەدىن كىرگەن يېڭىچە پۇل-مۇئامىلە ئىدىيىسى مايىرنىڭ تەپەككۇر ئۇسۇلىنى تۈپتىن ئۆزگەرىتتى. نەچچە يىلدىن كېيىن،ياش مايىر فىرانكىفورىتقا قايتىپ كېلىپ،دادىسىنىڭ قەزىر تارقىتىش ئىشىغا ۋارىسلىق قىلدى.ئۇ يەنە تېخى ئۆزىنىڭ فامىلىسىنى روسچىلىد(نېمىسچە قىزىل بەلگە مەنىسىدە)قا ئۆزگەرىتتى.ئۇ گېنېرال ۋون.ئېستىروفنىڭمۇ فىرانكىفورىتقا قايتىپ كېلىپ ،پادىشاھ ۋىليامنىڭ ئوردىسىدا تۇرۋاتقانلىقىنى بىلگەن ۋاقىتتا،بۇ خىل مۇناسىۋەتتىن ئوبدانراق پايدىلىنىشنى ئويلىدى. گېنېرال ۋون.ئېستىروف مايىرنى كۆرۈپ،ناھايىتى خوشال بولدى.گېنېرال ئۆزى بىر پۇل يىغىپ ساقلىغۇچى ،ئەمما مايىرنىڭ پۇلغا بولغان تەتققاتى بولسا نەچچە ئەۋلاد داۋاملىشىپ كەلگەن،سۆزلەپ كەلسە قەدىمقى زاماننىڭ ھەرخىل پۇللىرىنى بەش قولدەك بىلىدۇ،گېنېرالنىڭ  ئاڭلىغانسېرى يۈرەكلىرى ئويناپ كەتتى.گېنېرالنى ھەممىدىن بەك خوش قىلغىنى،مايىر ئۇنىڭغا ئىنتايىن ئاز تېپىلىدىغان تىللانى ناھايىتى ئەرزان باھادا سېتىپ بەرمەكچى بولدى،ئۇزاققا قالمايلا،گېنېرال ۋون.ئېستىروف مايىرنى ئۆزىنىڭ سىرداش دوستى قىلىۋالدى.قاقباش مايىر ناھايىتى تېزلا ئوردىدىكى مۇھىم ئەربابلار بىلەن يېقىن تونۇشلاردىن بوپ كەتتى.ئاخىرى بىر كۈنى، گېنېرال ۋون.ئېستىروفنىڭ تونۇشتۇرىشى ئارقىسىدا،پادىشاھ ۋىليام مايىرنى قوبۇل قىلدى،ئەسلىدە پادىشاھ ئۆزىمۇ پۇل يىغىپ ساقلىغۇچى ئىدى،مايىر كونا ئۇسۇلى بىلەن پادىشاھنىمۇ ئۆزىگە قارىتىۋالدى. بىر نەچچە قېتىم ئاز ئۇچرايدىغان تىللالارنى پادىشاھقا ئەرزان باھادا سېتىپ بەرگەندىنى كېيىن،پادىشاھمۇ ئوڭايسىزلىق ھېس قىلدى-دە،مايىردىن نېمە تەلىپى بارلىقىنى سورىدى،مايىرمۇ ياخشى پۇرسەتنى قولدىن بەرمەستىن،ئوردىنىڭ رەسمى ۋاكالەتچىسى بولۇش ئويى بارلىقىنى ئېيىتتى،شۇنداقلا ئارزۇسىغا يەتتى.1769-يىلى9-ئاينىڭ 21-كۈنى،مايىر ۋىۋىسكىسىغا خانلىق گېربىنى قادىدى،ۋىۋىسكىغا ئالتۇن ھەل بىلەن "م.ئا.روسچىلىد،پادىشاھ ۋىليام بەلگىلىگەن ۋاكالەتچى"دېگەن خەتلەر يېزىلغانىدى.كۆزنى يۇمۇپ ئاچقۇچە،مايىرنىڭ ئىناۋىتى ئۆسۈپ،سودىسى بارغانسېرى جانلىنىپ كەتتى. پادىشاھ ۋىليام پۇل دېسە جېنىنى بېرىدىغان ئادەم بولۇپ،18-ئەسىردىكى ياۋروپادا"قوشۇننى باشقا دۆلەتلەرگە ئىجارىگە بېرىپ""تېنىچلىقنى قوغداش"تا نام چىقارغان ئىدى.ئۇنىڭ ياۋروپادىكى ھەرقايسى پادىشاھلار بىلەن مۇناسىۋىتى ناھايىتى قويۇق بولۇپ،بۇنىڭ ئىچىدە ھەممىدىن ئەنگىلىيە بىلەن سوداقىلىشنى ياخشى كۆرەتتى،ئەنگىلىيەنىڭ چەتئەللەردە ئىشى جىق بولغاچقا،دائىم ئەسكەرگە ئېھتىياجلىق بولاتتى،ئەمما ئۆزىنىڭ ئەسكىرى ئاز ئىدى.ئەنگىلىيە پۇلنى جىق بېرەتتى،قايتۇردىغاندا بولسا كەينىگە سۆرىمەيىتتى،شۇنىڭ بىلەن پادىشاھ ۋىليام بىلەن ئوبدانلا چىقىشىپ قالدى.كېينىكى ۋاقىتلاردا ئامېرىكا مۇستەقىللىق ئۇرۇشى ۋاقتىدا،ۋاشىنگىتون تاقابىل تۇرىدىغان گېرمانىيە ئەسكەرلىرى ئەنگىليەنىڭكىدىنمۇ جىق بولۇپ كەتكەن. پادىشاھ ۋىليام  ياۋروپا تارىخىدىكى پادىشاھلار ئىچىدە ئەڭ كۆپ بايلىق توپلىغان بولۇپ،200مىليون ئامېرىكا دوللىرىغا توغرا كەلگەن.كىشىلەرنىڭ ئۇنىڭغا"ياۋروپادىكى ئەڭ ياۋۇز قەرىز تارقاتقۇچى لەھەڭ "دەپ نام بەرگىنى ئەجەپلىنەرلىك ئەمەس ئىدى. پادىشاھ ۋىليامنىڭ ھېمايىسىگە ئېرىشكەندىن كېيىن،مايىر تاپشۇرۇلغان ھەربىر ئىشنى جان -دىلى بىلەن،ۋايىغا يەتكۈزۈپ ئورۇنلىغاچقا،پادىشاھنىڭ چوڭقۇر ئىشەنچىسىگە ئېرىشتى.ئۇزاققا قالماي فىرانسىيە بۇرژۇئازىيە ئىنقىلابى(1789-1799) پارتىلىدى،ئىنقىلابنىڭ دولقۇنلىرى تەدرىجى ھالدا فىرانسىيەدىن ئەتراپتىكى پادىشاھ مۇستەبىتچىلىك تۈزۈمدىكى دۆلەتلەرگە يامراشقا باشلىدى.پادىشاھ ۋىليام ئىنقىلاب گېرمانىيەدىمۇ يۈز بېرىپ قالسا،ئىنقىلابچىلارنىڭ  بايلىقلىرىنى بۇلاپ كېتىشىدىن ئەنسىرەپ ئولتۇرالمايلا قالدى.دەل ئەكسىچە،مايىر فىرانسىيە ئىنقىلابىدىن ناھايىتى خوش بولدى،چۈنكى قالايمىقانچىلىق ئۇنىڭ سودىسىغا زور پايدا ئەپ كېلەتتى.ئىنقىلابنىڭ تىغ ئۇچى رىم ئىمپىرىيسىگە قارىتلغان ۋاقىتتا،گېرمانىيەنىڭ ئەنگىلىيە بىلەن بولغان سودا ئالاقىسى ئۈزۈلۈپ قالدى،ئىمپورىت قىلىنىدىغان ماللارنىڭ باھاسى ئۇچقاندەك ئۆرلەپ كەتتى.شۇ پۇرسەتتە مايىر گېرمانىيە بىلەن ئەنگىلىيە ئارىسىدىكى ئەتكەسچىلىكتىن راۋرۇس پۇل تاپتى. مايىر ئىزچىل يەھۇدىيلار مەھەللىسىنىڭ ئاكتىپ رەھبىرى. ھەر شەنبە كۈنى ،چېركاۋدىكى ئىبادەت ئاخىرلاشقاندىن كېيىن،مايىر دائىم ئەڭ پاراسەتلىك ئالىم-ئۆلىمالارنى ئۆيىگە تەكلىپ قىلىپ،بىللە ئولتۇرۇپ بىر تەرەپتىن ئۆزۇم ھارىقىنى تېتىغاچ يەنە بىر تەرەپتىن قىلماقچى بولغان ئىشلىرىنىڭ تەرتىۋىنى مۇزاكىرە قىلىشىپ،يېرىم كېچە بولۇپ كېتەتتى. مايىرنىڭ بىر جۈملە داڭلىق سۆزى بار”:بىللە ئىبادەت قىلىدىغان ئائىلە ئۇيۇشالايدۇ” . كېينىكىلەر زادى قانداق كۈچنىڭ روسچىلىد ئائىلىسىنى ھوقوق ۋە نوپۇزغا بۇنچە مەستانە قىلىۋەتكەنلىكىنى ھېچ چۈشىنەلمىدى. -1800يىلىغا كەلگەندە،روسچىلىد جەمەتى فىرانكىفورتتىكى ئەڭ باي يەھۇدى جەمەتىگە ئايلاندى.مايىر شۇ يىلى رىم ئىمپىرىيىسى پادىشاھى تەرىپىدىن “ئىمپىرىيە خانلىق ۋاكالەتچىسى”دېگەن نامغا ئېرىشتى.بۇ نام بىلەن  ئۇ ئىمپىرىيەنىڭ خالىغان يېرىگە بارالايىتتى،يەھۇدىيلار تۆلەيدىغان باجدىن خالاس بولاتتى،ئۇنىڭ شېركىتىنىڭ ئادەملىرى يېنىدا قوال ئېلىپ يۈرەلەيىتتى. -1803يىلىغا كەلگەندە،مايىر بىلەن پادىشاھ ۋىليامنىڭ مۇناسىۋىتى كۈنسسېرى قويۇقلىشىپ،مايىرنىڭ ئەمەلى كۈچىنى چوڭ بىر بالداق يۇقىرى كۆتەردى.ئىشنىڭ جەريانى مۇنداق:ۋىليامنىڭ بىر نەۋرە ئىنىسى دانىيەنىڭ پادىشاھى بولۇپ،ئۇ ۋىليامدىن خېلى جىق پۇل قەرىز ئالماقچى بولدى،ۋىليام ئۆزىنىڭ بايلىقىنىڭ ئاشكارىلىنىپ قېلىشىدىن ئەنسىرەپ قوشۇلمىدى.مايىر بۇ ئىشنى ئۇققاندىن كېيىن بۇنى ئىنتايىن ياخشى پۇرسەت دەپ بىلدى ھەمدا ۋىليامغا بىر چارە كۆرسەتتى،يەنى،ۋىليام پۇل چىقىرىدۇ،مايىر ئوتتۇرىغا چىقىپ كېلىشىدۇ،روسچىلىدنىڭ نامىدا دانىيە پادىشاھىغا قەرىز بېرىلىدۇ،ئۆسۈمدىن مايىرغا ئۈلۈش ئايرىپ بېرىلىدۇ.پادىشاھقا ئويلا-ئويلا بۇ ئامال يېقىپ قالدى،قەرىز بېرىپ تۇرىدۇ،ئەمما بايلىقى ئاشكارىلىنىپ قالمايدۇ،چوشقا سەمرىشتىن،ئادەم نامى چىقىپ قېلىشتىن قورقىدۇ دېگەن گەپ بار ئەمەسمۇ؟!پادىشاھقا قەرىز بېرىش ،مايىر ئۇخلىسا چۈشىدىمۇ كۆرۈپ يۈرگەن ئىش ،ئاز بولمىغان بىكارلىق پۇلغا ئېرىشىشتىن باشقا يەنە ئىناۋىتىنى ئۆستۈرۈشنىڭ ئېسىل پۇرسىتى ئىدى.نەتىجىدە،بقەرىز بېرىش غەلبىلىك بولدى.ئۇلاپلا،دانىيە پادىشاھلىقىنىڭ ئالتە قېتىملىق قەرىز ئېلىش ئىشى مايىر ئارقىلىق پۈتتى.روسچىلىدنىڭ نامى ئەتراپقا پۇر كەتتى،بولۇپمۇ ئۇنىڭ پادىشاھلار بىلەن بولغان قويۇق مۇناسىتى ھەققىدىكى خەۋەرلەر ياۋروپادا تارقىلىشقا باشلىدى. ناپالىئون ھاكىميەتتىكى چاغلاردا،پادىشاھ ۋىليامنى يېنىغا تارتماقچى بولغان،ئەمما ۋىليام قاقباشلىقىدىن ،ۋەزىيەت ئېنىق بولغۇچە،مەيدانىنى بىلدۈرگىلى ئۇنىمىغانىدى،ئاخىرىدا ناپالىئون زېرىكىپ،”پادىشاھ ۋىليام خان جەمەتىنى ياۋروپادىكى ھۆكۈمرانلار تىزىملىكىدىن ئۆچۈرۈپ تاشلايمەن”دەپ جاكارلىغانىدى،ئارقىدىنلا فىرانسىيەنىڭ زور قوشۇنى چېگراغا بېسىپ كەلگەندە،ۋىليام دانىيەگە قېچىپ كەتتى،قېچىشتىن ئاۋال ئۈچ مىليون دوللار نەق پۇلنى مايىرنىڭ قاراپ قويۇشىغا تاپشۇردى.دەل مۇشۇ ئۈچ مىليون دوللار مايىرغا چەكسىز نوپۇز ۋە بايلىق ئەپكەلدى،شۇنداقلا مايىرنىڭ پۇل-مۇئامىلە ئىمپىرىيىسىنىڭ تۇنجى خەزىنىسى بولۇپ قالدى. مايىرنىڭ ئەنگىلىيە بانكىسى قۇرۇشتىنمۇ زور بولغان ئىرادىسى كۆڭلىگە پۈكۈكلۈك ئىدى،ئۇ ۋىليامنىڭ بايلىقىغا ئېرىشكەندە،كۆڭلىدىكى پىلانلىرى بىغ ئۇرۇشقا باشىلدى.ئۇنىڭ بەش ئوغلى خۇددى بەش دانە شەمشەردەك ياۋروپانىڭ بەش يۈرىكىگە قادالغانىدى.چوڭى ئامىستىرو فىرانكىفورىتتىكى باش شىتاپتا،ئىككىنچىسى سولومون ۋىينادابازار ئېچىۋاتقان،ئۈچنچىسى نىسىن ئەنگىلىيەگە چوك ۋەزىيەتكە رەھبەرلىك قىلىشقا ئەۋەتىلگەن،تۆتىنچىسى كار ئىتالىيەنىڭ نابلىستا تايانىچ بازا قۇرۇپ ھەم قېرىنداشلار ئارىسىدا خەت پونكىتى رولىنى ئويناۋاتقان،بەشىنچىسى جامىس بولسا پارىژدىكى كەسىپنى تۇتۇپ تۇراتتى. لوندون پۇل-مۇئامىلە شەھىرىنىڭ خوجىسى -نىسىن “ ئۇلار دۇنيا پۇل بازىرىنىڭ خوجىلىرى،ئەلۋەتتە باشقا ھەممە ئىشلارنىڭ خوجىلىرى.ئۇلار ئەمەلىيەتتە پۈتۈن جەنۇبى ئىتالىيە رايونىنىڭ مالىيە كىرىمىنى رەنە قىلغان مۈلۈكلەرگە ئىگە،ياۋروپادىكى پادىشاھ ۋە مىنىستىرلار ئۇلارنىڭ كۆرسەتمىسىگە قۇلاق سېلىپ تۇرىشىدۇ”. -              ئەنگىلىيە باش ۋەزىرى بىنجامىن.دىسرالى لوندون پۇل-مۇئامىلە شەھىرى بولسا لوندون شەھەر مەركىزىدىكى 2.6كىۋادىرات كىلومېتىرلىق رايوننى كۆرسىتىدۇ.18 .  ئەسىردىن بۇيان ئىزچىل تۈردە ئەنگىلىيەنىڭ شۇنداقلا دۇنيانىڭ پۇل-مۇئامىلە مەركىزى بوپ كەلگەن،ئۇ مۇستەقىل ئەدلىيە سېستىمىسىغا ئىگە،ۋاتىكان بىلەن ئوخشىشىپ كېتىدۇ،خۇددى دۆلەتنىڭ ئىچىدىكى دۆلەت.مۇشۇ ئالقانچىلىلىك يەرگە ئەنگىلىيە بانكىسىنىڭ باش شىتابىنى ئۆز ئىچىگە ئالغان دۇنيادىكى ئاساسلىق پۇل-مۇئامىلە ئاپاراتلىرى يىغىلغان،بۈگۈنكى ئەنگىلىيە ج د پ سىنىڭ ئالتىدىن بىرى مۇشۇ يەردە.لوندون شەھىرى كىمنىڭ قولىدا بولسا،ئەنگىلىيە شۇنىڭ قولىدا. نىسىن دەسلەپ ئەنگىلىيەگە كەلگەن ۋاقىت دەل ئەنگىلىيە بىلەن فىرانسىيەنىڭ قارشىلىشىپ ،ئۆز-ئارا ئىشىكنى ھىم تاقىۋالغان ۋاقتى ئىدى.ئەنگىلىيە ماللىرىنىڭ ياۋروپادا باھاسى ناھايىتى قىممەت بولۇپ،نىسىن فىرانسىيەدىكى ئىنىسى جامىس بىلەن بىرلىشىپ،ئەنگىلىيەدىن فىرانسىيەگە مال يۆتكەپ نۇرغۇن پۇل تاپتى. نىسىن كېيىن تونۇشۇپ قالغان ئەنگىلىيە مالىيە ۋازارىتىنىڭ ئەمەلدارى يوھان.خارىستىن، ئەنگىلىيە قوشۇنىنىڭ ئىسپانىيەدىكى قىينچىلىقىدىن خەۋەر تاپتى.كېنەز ۋېلىنتون باشلاپ ماڭغان ئەنگىلىيە قوشۇنى فىرانسىيە قوشۇنىغا ھۇجۇم قىلىشنىڭ تەييارلىغىنى ئاللىقاچان پۈتتۈرۈپ بولغان بولۇپ،پەقەت ھەربىيلەرنىڭ مائاشىغىلا پۇل يەتمەيۋاتاتتى.قوشۇننىڭ مالىيە ئەمەلدارى بانكا بېلىتى ئالماي ،پەقەت تىللا ئالاتتى،ئەمما ئەينى چاغدا كېنەز ۋېلىنتوننىڭ قوشۇنىدا ئالتۇن يوق دېيەرلىك ئىدى. نىسىن بۇنىڭ پۇل تېپىشنىڭ ياخشى پۇرسىتى ئىكەنلىكىنى پەملەپ بولدى.ئۇ تۆت ئەتراپقا قاتراپ ئالتۇننىڭ دېرىكىنى قىلىشقا باشلىدى،دەل شۇۋاقىتتا شەرقى ھىندىستان شېركىتى ھىندىستاندىنى يۆتكەپ ئەپكەلگەن ئالتۇنلارنى سېتىشقا تەييارلىنىۋاتقانىدى،بۇ ئالتۇنلارنى ئەنگىلىيە ھۆكۈمىتى ئالماقچى بولغان بولسىمۇ باھاسىنى ئۆرە كۆرۈپ،ئالتۇننىڭ باھاسى چۈشكەندە ئېلىشنى ساقلاپ تۇرغانىدى.نىسىن ئەھۋالنى پەملەپ،دەرھال پادىشاھ ۋىليامنىڭ ئۈچ مىليون نەق پۇلىنى ۋە ئەنگىلىيە مېلىدىن ئەتكەسچىلىك قىلىپ تاپقان نۇرغۇن پۇلىنى چىقىرىپ،شەرقى ھىندىستان شېركىتىدىن 800مىڭ قاداق)تەخمىنەن362300كىلوگىرام(ئالتۇننى سېتىۋالدى-دە ،ئارقىدىنلا ئالتۇننىڭ باھاسىنى ئۆرلىتىۋەتتى،ئەنگىلىيە ھۆكۈمىتى ساقلىسا ئالتۇن باھاسى چۈشمەك تۈگۈل ئۆرلەپ كېتىۋاتقان،ئالدىنىقى سەپنىڭ ئەھۋالى قاش بىلەن كىرپىك ئارلىقىدا،ئامالسىزلىقتىن نىسىننىڭ قولىدىن يۇقىرى باھادا سېتىۋالدى،بۇ سودا نىسىننىڭ چۆنتىكىنى پۇلغا توشقۇزۇپ ئېتىۋېتەي دەپ قالدى. نىسىننىڭ ھۆنەرلىرى بۇنىڭلىق بىلەن تۈگەپ قالغىنى يوق،ئۇ ئالتۇنلارنى كېنەز ۋىلىنتونغا  ئۆزى ئاپىرىپ بېرىشنى ئوتتۇرىغا قويدى.ئەينى چاغدا فىرانسىيە ئەنگىلىيەگە قاتتىق قامال يۈرگۈزىۋەتقان بولۇپ،بۇ سەپەرنىڭ خەتىرى ناھايىتى زور ئىدى،ئەنگىلىيە ھۆكۈمىتى ئىنتايىن يۇقىرى ھەق تۆلەپ،ئالتۇنلارنى نىسىننىڭ يۆتكىشىگە بەردى.بۇ ئىشنى قولغا كىرگۈزگەندىن كېيىن،ئۇ ئىنىسى جامىسنى فىرانسىيە ھۆكۈمىتىگە ئۆزىنىڭ فىرانسىيەگەئالتۇن يۆتكەپ ماكغانلىقىنى ئۇقتۇردى،نەتىجىدە ئەنگىلىيە ھۆكۈمىتى بۇ ئىشنى بىلىپ ناھايىتى غەزەپلەندى،چۈنكى ئالتۇن فىرانسىيە ھۆكۈمىتىنىڭ قولىغا چۈشۈپ كەتسە،ئەنگىلىيەنىڭ مالىيەسى ئېغىر زەربىگە ئۇچرايىتتى.فىرانسىيە تەرەپ بۇخوش خەۋەرنى ئاڭلىغاندىن خوش بولماي قالامتى،دەرھال بۇيرۇق چۈشۈرۈپ فىرانسىيە ساقچىلىرىنى يول بويى قوغداشقا ئورۇنلاشتۇرۇپ،يوللارنى باشتىن ئاياغ ئېچىۋەتتى.بەزى بىر توسىماقچى بولغان ئەمەلدارلارمۇ نۇرغۇن پۇلنىڭ سۈڭگۈتىلىشى بىلەن ،گاس-گاچا بولۇۋالدى.شۇنىڭ بىلەن نىسىن ئېلىپ ماڭغان ئالتۇنلار ئەنگىلىيە،فىرانسىيە ئىككى دۆلەت ھۆكۈمىتىنىڭ قوللىشىغا ئېرىشىپ،ئوچۇق-ئاشكارا،بەخارامان ھالدا پارىژدىكى بانكىغا ئېلىپ كېلىندى،نىسىن بىر تەرەپتىن فىرانسىيە ھۆكۈمىتىنىڭ كۈتىۋېلىش زىياپىتىگە قاتناشسا،يەنە بىر تەرەپتىن ئاستىرىتتىن ئادەم ئەۋەتىپ ئالتۇنلارنى كېنەز ۋېلىنتون قوبۇل قىلالايدىغان تىللالارغا ئالماشتۇردى،ئارقىدىن ئنسى-جىنغا تۇيدۇرماستىن روسچىلىدنىڭ تىرانسىپورت تورى ئارقىلىق ئىسپانىيەدىكى ئەنگىلىيە قوشۇنىغا ئەپكىلىپ تاپشۇردى.بۇيەردىكى ئەپچىللىك،زېرەكلىكنى ھازىرقى ھوللىۋودنىڭ كىنولىرىدىن كۆرۈۋېلىش مۇمكىن. پىرۇسىيەنىڭ ئەنگىلىيەدە تۇرۇشلۇق تاشقى ئىشلار ئەمەلدارى مۇنداق دېگەن: روسچىلىدنىڭ لوندون پۇل-مۇئامىلە ئىشلىرىدىكى تەسىر كۈچىنىڭ زورلىقى ئادەمنى ھەيران قالدۇرىدۇ.ئۇلار لوندۇن پۇل-مۇئامىلە بازىرىنىڭ تاشقى پېرىۋوت باھاسىنى پۈتۈنلەي كونتىرول قىلىۋالغان.بانكىر بولۇش سۈپىتى بىلەن،ئۇلارنىڭ  نوپۇزىغا ئادەمنىڭ ئەقلى يەتمەيدۇ.نىسىننىڭ ئاچچىقى كەلگەن ۋاقىتتا،ئەنگىلىيە بانكىسى تىتىرەپ كېتىدۇ”. بىر قېتىم،نىسىن ئاكىسى ئامىسرو فىرانكىفوردتىكى روسچىلىد بانكىسىدىن كېسىپ بەرگەن چەك بىلەن نەق پۇل ئالغىلى ئەنگىلىيە بانكىسىغا كېلىدۇ،بانكىدىكىلەر پەقەت ئۆزىنىڭ بانكىسىنىڭ  چېكىگىلا نەق پۇل ئالغىلى بولىدىغانلىقىنى دەپ رەت قىلىدۇ.نىسىننىڭ قاتتىق ئاچچىقى كېلىدۇ،ئىككىنچى كۈنى ئەتتىگەندە،ئۆزىنىڭ توققۇز نەپەر بانكا خىزمەتچىسى بىلەن، ئەنگىلىيە بانكىسىنىڭ نۇرغۇن چېكىنى ئېلىپ ئالتۇنغا تېگىشكىلى كېلىدۇ،شۇ بىر كۈندىلا ئەنگىلىيە بانكىسىنىڭ ئالتۇن زاپىسىنى زور دەرىجىدە تۆۋەنلىتىۋېتىدۇ.كېينىكى كۈنى نىسىن تېخىمۇ جىق چەكنى كۆتۈرۈپ كېلىدۇ،بىر نەپەر بانكا باشلىقى كېلىپ ،ئۇنىڭدىن بىچارىلەرچە يەنە نەچچەن كۈن تېگىشىدىغانلىقىنى سورايدۇ،نىسىن قاپىقىنىمۇ ئاچماستىن:ئەنگىلىيە بانكىسى مېنىڭ چېكىمنى رەت قىلغان تۇرسا،ئەمدى ئۇنى نېمە قىلىمەن؟دەيدۇ.ئەنگىلىيە بانكىسى دەرھال جىددى يىغىن ئاچقاندىن كېيىن،بانكىنىڭ يۇقىرى دەرىجىلىك ئەمەلدارى  ئىنتايىن تەكەللۇپ بىلەن،ئەنگىلىيە بانكىسى بۇندىن كېيىن روسچىلىد بانكىسىنىڭ بارلىق چەكلىرىنى خوشاللىق بىلەن ئالماشتۇرۇپ بېرىدۇ-دەيدۇ. نىسىن ۋاتېرلو ئۇرۇشىدىكى ئۇستاتلىقى بىلەن لوندون پۇل-مۇئامىلە شەھىرىنىڭ خوجايىنى بولدى،شۇ ئارقىلىق ئەنگىلىيە ئىقتىسادىنىڭ جان تومۇرىنى قولغا كىرگۈزدى،شۇندىن كېيىن،پۇل تارقىتىش ۋە ئالتۇن باھاسىنى ئۆز ئىچىگە ئالغان ئىنتايىن مۇھىم بولغان قارار قىلىش ھوقوقى ئىزچىل روسچىلىد جەمەتىنىڭ قولىدا بولۇپ كەلدى. داۋامى مۇشۇ تېما ئاستىغا ئېنكاس شەكلىدە يوللىنىدۇ..

tarim315

	ھۆرمەتلىك تېما ئىگىسى ، مەركۇز ئەسەرنى تەرجىمە قىلغۇچى قېرىندىشىم تېمىڭىزنىڭ داۋامغا مەن ۋە دوسلۇرم بەك تەشنا بولۇپ كېتىۋاتىمىز . ھەر كۈنى نەچچە رەت تورنى تەكشۈرۈپ تۇرىۋاتىمىز بولمىسا ، يەنلا يېڭى مەزمۇن يوق . شۇنىڭغا قاراپ سىزنى بۇ ئەسەرنى داۋاملىق تەرجىمە قىلىشقا رايى قالمىغان چېغى دىگەن قاراشقا كېلىپ قېلىشقا مەجبۇر بولۇپ قالدۇق . بەلكىم چۈشكەن ئنكاسلارنىڭ ئازلىقىغا قاراپ داۋاملىق تەرجىمە قىلىشتىن ۋاز كەچكەن بولۇشىڭىز مۇمكىن . لىكىن مېنىڭچە ئنكاسنىڭ ئاز-كۆپلىكى تورداشلارنىڭ سىزنىڭ ئەسىرىڭىزنى قانچىلىك تەشنالىق بىلەن ياقتۇرۇپ ئوقۇۋاتقانلىقىدەك ئەمىليەت بىلەن بىۋاستە ئالاقىسى يوق . مەن قاتارلىق بىر سىنىپتىكى 40 دىن ئارتۇق ساۋاقداشلار ھەركۈنى سىزنىڭ بۇ تەرجىمىڭىز توغرۇلۇق مۇلاھىزە قىلىشىمىز . ھەتتا بۇ كىتابنىڭ خەنزۇچىسىنى سېتىۋالغانلارمۇ بولدى .لىكىن چۈشىنىشتە قىينالدۇق . شۇنىڭ ئۈچۈن مۇشۇ تەرجىمىڭزنىڭ ئايىغىنى چىقىرۋېتىشىڭىزنى چىن كۆڭلىمىزدىن ئۆتىنىمىز . بىزدىن يانمىسا خۇدادىن يېنىپ قالار . بەلكىم سىزنىڭ مۇشۇ جاپالىق ئەمگىكىڭىز بىراۋنىڭ كەلگۈسىنى ئۆزگەرتىپ تاشلىشى مۇمكىن . ھېچ بولمىغاندا بۇ سىزنىڭ مىللەتكە قوشقان تۆھپىڭىز بولۇپ قالار . ياكى ھەر قېتىملىق تەرجىمە ئورگىنالىنى كومپىيوتېرىڭىزدا ساقلاپ قويۇپ بىر پۈتۈن ئەسەر تەرجىمە قىلىنپ بولغاندا راۋرۇس بىر كىتاپ شەكلىدە نەشىر قىلدۇرسڭىزمۇ بىر ياخشى ئش بولاتتى . ئۇ چاغدا بۇ جاپالىق ئەمگىكىڭىزنىڭ ئەھمىيىتى بىز ئۇيغۇرلار ئۈچۈن زور بولاتتى .ئەمىسە ئەسىرىڭەزنىڭ داۋامنى تۆت كۆزىمىز بىلەن ساقلايمىز

Armanim06

	بەك ياخشې  تېما  كەن .  مەن  خېتايچنې  كورگەن  ،  داۋاملېك تەرجېمە كېلشېڭزنې ۈمۈد كېلمەن