«مىكرو ھېكايىلەر»لەر

taldi

	مۇساپىرلىق تۇيغۇسى ئۇ يېنمىدىكلەرنىڭ ھەممىسى بۇ يەرلىكلەر ،مېنىڭ مۇساپىر تۇيغۇمنى كىممۇ چۈشۈنەر دەپ ئويلىغىنىچە بۇ شەھەرنىڭ ئاۋات كوچىلىرىدا كېتىۋاتاتتى .لېكىن كوچىدا كېتىۋاتقان قانچىلىغان ناتونۇشلارمۇ ئۇنىڭغا ئوخشاش مۇساپىر ئىدى. شەھەرنىڭ كەمچىللىكى ئۇلار ئون مېنۇتقىچە تاكسى توسالمىدى .   -شەھەرنىڭ نەرىنى ئارزۇلايدۇ بۇ كىشلەر ،تاكسى توسقىلىمۇ بولمىغان .   ئۇلار بۇ سۆزلەرنى دەۋاتقاندا ،ئۇلارنىڭ يېزىسىدا تاكسى يوق ئىدى . بويتاقنىڭ بايانى بۇرۇن قىز يوق . ھازىر پۇل يوق . ئاتا ئارزۇسى -دادا ،مەن مەمۇرلۇق ئېمتھاندىن ئاخىرى ئۆتتۈم . دادا دوختۇرخانىدا ياتاتتى ،ئۇ بالىسغا قاراپ :-پارتىيەنىڭ سۆزىنى ياخشى ئاڭلا بالام،-دەپ كۆزىنى يۇمدى . يىگىت بىلەن قىز ئۇزۇن مەزگىل مۇھەببەتلەشتى .بىر كۈنى يىگىت قىزدىن:_تاماق ئېتەلەمسىز؟- دەپ سورىدى .قىز:ياق،- دەپ جاۋاب بەردى . -ئۇنداقتا سىز نېمە قىلالايسىز ؟ -سىزگە ھەمراھ بولالايمەن،-دېگىنىچە بېشنى تۆۋەنگە سالدى . ئايرىلىش مېنۇتلىرىدا ئۇ ئىككەيلەن ئايرىلىپ كەتتى ،ئۇلار ئارقسىغا قارىماستىن ماڭدى ،بىر چاغدا يىگىت، ئەگەر مەن ئارقامغا بۇرۇلۇپ قارىغان چاغدا ،ئۇ ماڭا قارىسا يۈگۈرۈپ بېرىپ ئۇنىڭ قولىنى تۇتىمەن دېدى .لېكىن ئۇ بۇرۇلۇپ قارىغىنىدا قىز ئارقىغا قاراپمۇ قويماي كېتىۋاتاتتى .قىزمۇ نەچچە قەدەم مېڭىپ ،ئەگەر مەن ئارقامغا بۇرۇلۇپ قارىغان چاغدا ،ئۇمۇ ئارقىغا بۇرۇلغان بولسا ،ئۇنىڭدىن كەچۈرۈم سورايمەن دېدى .ئۇ ئارقىغا ئۆرۈلۈپ قارىغان چاغدا، يىگىت ئارقىغا قاراپمۇ قويماي كېتىۋاتاتتى . بەختلىك ئائىلە -چارپاقا،يارىماس !ئايال ھەركۈنى يولدىشنى شۇنداق تىللايتتى .بىر كۈنى ئۇلارنىڭ ئۆيىگە مېھمان كەلدى ،بىر مېھمان ئۇلارنىڭ بالىسدىن چوڭ بولغاندا نېمە بولىسەن؟-دەپ سورىدى .بالا:-دادامغا ئوخشاش يارىماس بولىمەن،-دېدى .ئايال كۈلۈمسىرىگىنچە ئوغلىنى قۇچاقلاپ مەڭزىگە سۆيۈپ قويدى .ئۇنىڭ كۆزلىرى بىلىنەر-بىلىنمەس قىزىرىپ قالغان ئىدى . ئەمۋايچىلار ئىككى شەھەردە ياشاۋاتقان ئاچا-سىڭىللار  ئارىدىن ئون يىل ئۆتكەندىن كېيىن يەنە بىر شەھەردە ئۇچىرىشىپ قالدى .ئۇلار يىراقتىن بىر-بىرىنى كۆرۈپ يۈگۈرۈشۈپ قۇچاقلاشتى ۋە تەڭلا:_قېرىندىشىم، ئەمۋاينى چۈشنەمسە؟ ھېچنىمىزىمچى ۋە جەمئىيەتشۇناس ھېچنىمىزىمچى :ھايات ئازاب بىلەن ئورالغان سوۋغا، ئۇنىڭ ئىچىدە ھېچنىمە يوق. جەمئىيەتشۇناس :ياق، ئۇنىڭ ئىچىدە كىملىك بار. (داۋامى بار) تولۇقلىما مەزمۇن (2012-4-21 12:39): ھايات ئازاب بىلەن ئورالغان سوۋغا،ئۇنىڭ ئىچى ھېچنىمىدۇر. لوگىكىلىق خاتالىق يۈز بېرىپتۇ .تۈزىتىپ ئوقۇغايسىزلەر .

quruq

	ئالامەت دەقىقە ھېسىياتنىمۇ بوش قويماي يېزىپسىز... داۋامىنى ساقلايمىز .

uyghurum131

	شۇنداق ، مىنىڭ دىمەكچى بولغانلىرىممۇ مۇشۇ  تورداشلارنىڭكىدەك  ،  داۋامىنى ساقلايمىز  .                       رەھمەت سىزگە .

uwayis

	بۇ ئەسەرنىڭ باشلىنىشى ھەممىمىزگە ياخشى تەسىر قالدۇرۋاتىدۇ .ئاخىرىنى ئوقۇپ ئىنكاس يازاي .

begana

	بەزىللىرىنى ئوقۇپ ھەم كۈلدۈم ھەم ئويلىنىپ قالدىم ئ ئەمۋاينى چۈشىنەمسە؟

维医医生

	مەن تېخې قانداق قەنتلاردۇ ؟كۆرۈپ باقاي دەپ كىرسەم ، ئەسلىدە ھەسەلدەك قەنىتلەركەنغۇ.  داۋامىغا تەشنا بىز.

taldi

	بىر كۈنلۈك خۇشاللىق پۇتۇم ئاغىرىپ كوچىدا دىڭگۇسلاپ مېڭىۋاتاتتىم ،مەن 90 كىلوگىرام ،بىر چاغدا كىچىك بىر بالا -ئاكا يۆلىۋالايمۇ ؟دېدى .بۇ سۆزلەر مېنىڭ بۇ كۈنلۈك خۇشاللىقىم بولدى . تەنھالىق گۈللىرى ېۋىمدە قانىغان ھېجران بىلەن تەنھالىق گۈللىرىمنى رەڭلىدىم .كۆز يېشىم بىلەن شەبنەم قوندۇردۇم.سولغۇچە ساڭا ساقلىدىم،ئۇنى قىشتىن قېچىپ كەلگەن شامال ئۇچرتىپ كەتتى.... بىلەمسەن ؟ھەر تۈنى سېنىڭ كىرپىكىڭدە تۈنەيمەن ،چۈشلىرىڭدىن ئۆزۈمنى ئىزلەيمەن ؟لېكىن چۈشلىرىڭ مېنى قىرغاقلارغا ئېلىپ چىقىپ قويىدۇ ،«تېتانىك »ناملىق پاراخوت بولۇپ ئۆزۈمنى ئاشۇ مۇزتاغلىرىڭغا ئۇرغۇم بار ،شۇندىلا مەن باغرىڭغا مەڭگۈ چۆككەن بولاتتىم. سەن گوياكى بىر دېڭىز ،چۈشلىرىمنى ئۇخلاتمىغان مەن بۇ ھېجرانلارنى دولقۇنلىرىڭ ئېقتىپ كەلگەن قۇلۇلە قاپلىرى بىلەن مۇڭلاپ بېرىمەن ،سېنىڭ باغرىڭ تەگكەن ھۆل قۇملارغا يۈزۈمنى يېقىپ سېنى ھېدلايمەن .كۆز ياشلىرىم دەريا بولۇپ سېنى تۇزلايدۇ.سەن نېمىشقا تۆنۈگۈنكى قىرغاقلارنى بۈگۈن بېسىش ئۈچۈن دولقۇنلايسەن ؟ئەجىبا مېنىڭ تۆنۈگۈن باسقان ئىزلىرىمنى بۈگۈن قايتا باسىدىغانلىقمنى بىلمەمتىڭ؟ ئارقامدىكى سايىلەرگە قاراپ ھاردىم ،ئالدىمدىكى كېچىلەرگىمۇ تەلمۈرۈپ ھاردىم .كۈتكنىم ئۇ ئەمەس بەلكى ئۆلۈم بولۇپ چىقتى ،ئۆزۈمنىڭ قانچىلىغان ناتونۇشلار قاتارىدا ئۇنتۇلۇشقا بەند بولغانلىقمنى بىلدىم .مەن سەن ماڭا توقۇپ بەرگەن تەنھالقىنى يېپىنچاقلىغنىمچە،پەرىشانلىق بىلەن چىتلانغان ئاشۇ غېرىب كۆلبەمدە سەندىن رەڭلەنگەن چۈشلەرنى كۆرۈپ ئويغانغان ئاشۇ كېچلەردە ،قاراڭغۇلۇقمۇ كۆز ياشلىرىمنى تۇتالمايدۇ .مەن تا ھازىرغىچە بۇ ياشلارنىڭ كىم ئۈچۈن ئىكەنلىكىنى بىلمەيمەن ،بۇ بىر تەسەللىيمۇ ياكى تەنھالىقنىڭ ماڭا قىلغان سۇيقەستىمۇ بۇ ماڭا قاراڭغۇ. ئەجىبا مەن مۇھەببەت ماڭا قۇرغان قاپقاندىن ئەگىپ ئۆتۈپ كېتىشىم كېرەكمدى؟سەن كولىغان بۇ ئورىلارغا چۈشمەسلىكىم كېرەكمىدى ؟مېنى ئاشۇ ئورىغا كۆمۈۋەتسەڭ بولماسمىدى،ئۇ يەردىن گۈل بولۇپ ئۈنۈپ چىقىپ،كۆزلىرىمدىن ئاققان قان بىلەن گۈللىرىمنى رەڭلەپ سەن ياقتۇرىدىغان تەنھالىقمنى ھىدلايتتىڭ. ئېيتە ،بۇ كوچىلار ساڭا تۇتىشامدۇ؟ئېزىپ قالمىسۇن دەپ تۇمانلارنى ئېلىپ كەلگىنىڭ نېمىسى ؟نېمە دەپ كۈز يامغۇرىنى ماڭا ئەگەشتۈرۈپ قويىسەن ؟ ئەگەر كېچە قىز بولغان بولسا ئۇنى ئەمرىمگە ئالغان بولاتتىم ،ئاي ماڭا نېكاھ ئوقۇسا،يۇلتۇزلار بۇ نېكاھقا شاھىت بولاتتى . ياپراق شامالغا ئەگىشىپ كۈزنى تاشلاپ كەتتى . تولۇقلىما مەزمۇن (2012-4-21 04:06): لېۋىمدە قانىغان ھېجران دەپ تۈزىتىپ ئوقارسلەر

taldi

	بەش يىللىق مەخپىيەت مەكتەپ پۈتتۈرىدىغان چاغدا ئوقۇتقۇچى ئوقۇغۇچىلارنى قاتار ئولتۇرغۇزۇپ،ئۆزلىرىنى بىر مەخپىيەتلكىنى يېزىپ يېنىدىكى ئوقۇغۇچىغا بېرىشنى ۋە ئۇنى ساقلاپ قېلىپ ئۆزنىڭ مەخپىيەتلىكىنى يېندىكى ئوقۇغۇچىغا تاپشۇرۇشنى ئېيتتى .مەن قەستەن ئۇنىڭ يېنىدا ئولتۇرۇۋالدىم ۋە «سېنى سۆيىمەن !»دەپ ئۇنىڭغا بەردىم . نورمىدىن ئارتۇق ئادەم بېسىش قاتناش ساقچىلىرى شەھەر سىرتىدا تەكشۈرۈش ئېلىپ باراتتى .مەن ھەركۈنى ئادەم بېسىپ ئۇ يەردىن ئۆتەتتىم.ئۇلار ھەركۈنى چۈشلۈك تاماققا ماڭا مانتا ئالغاچ كېلىشنى ئېيتاتتى .بىر كۈنى ئادەمنى ناھايىتى كۆپ باستىم .ئۇلار ماشىنامنى تەكشۈرۈپ ،ئىچىدە بىر قانچە نورمىدىن ئارتۇق بېسىلغان كىشنى كۆرۈپ ،-نورمىدىن ئارتۇق ئادەم ساپسەن .دېدى . -شۇنداق ،مەن نورمىدىن ئارتۇق يۈك باسمىسام ،ساڭا مانتا نەدىن كېلىدۇ . قاراش تېز تاماقخانىدا ئولتۇراتتىم ،بىر چاغدا بىر قىز كىرىپ مېنىڭ ئالدىمدا ئولتۇردى .ئۇ مېنى ئۆزىگە قارىدى دەپ ئويلىدىمۇ قانداق ،ئوڭايسىزلىق ئىچىدە ھەرخىل كەيپىياتلاردا بولۇۋاتاتتى ،مەن كۆزۈمنى ئۆزمەي ئۇ تەرەپكە قاراۋەردىم .بىر چاغدا ئۇ قوشۇقنى تاشلاپ ماڭا ؛-سىز ماڭا نېمانداق قاراۋېرىسىز؟دېدى .مەن كەچۈرۈڭ ،سىز مەن كۆرۈۋاتقان «مۈشۈك-چاشقان»نى توسۇۋالدىڭىز .

taldi

	مەن دوستۇم بىلەن بەش يىل ئالىي مەكتەپ جەريانىدا بىرگە تاماق يېدىم .ئۇ ھەركۈنى تاماق ئوخشىماپتۇ دەپ قاقشاپ تاماق يەيتتىيۇ ،لېكىن تاماقنى ئادەمنىڭ ئىشتىھاسىنى كەلتۈرگۈدەك پاكپاكىزە يەۋىتەتتى .بەلكىم ھاياتمۇ بۇنىڭغا ئوخشاشتۇ ،ھايات مەنىسىز دەپ ياشايمىزيۇ ،يەنە داۋاملاشتۇرىمىز . گۇگىلدىن ئىزدەش مەن ئۇ قىزنى بەك ياخشى كۆرەتتىم .ئۇنىڭدىن ھېچقانداق نۇقسان تاپالمايتتىم .ئاڭلىشمىچە ،گۇگىل تورى ھەممە ئۇچۇرنى ئىزدەپ تېپىپ بېرەلەيدىكەن .شۇنىڭ بىلەن مەن گۇگلغا «سەئىدەنىڭ مۇكەممەل بولمىغان يەرلىرى بارمۇ ؟»دەپ كىرگۈزسەم ،ھېچقانداق نەتىجە چىقمىدى .قارىغاندا مېنىڭ ھۆكۈمىم توغىرىدەك قىلىدۇ . تولۇقلىما مەزمۇن (2012-4-21 01:41): داۋامى بار ....