قېرى مىكروسوفت، كونا ئالما، يېڭى ئەنجۈر

maxkawul

	ئەسسلامۇ ئەلەيكۇم ، ھۆرمەتلىك قېرىنداشلار ئۆزلۈكسىز يېڭىلىنىۋاتقان ئېلىكترون بازىرى ھەم ئىستىمالچىلارنىڭ يېڭى مەھسۇلاتقا بولغان تۇنىشى تۈپەيلىدىن ھەر قايسى چوڭ شىركەتلەر ئۆز مەنپەئىتى ئۈچۈن ئۈزلۈكسىز يېڭى مەھسۇلاتلارنى بازارغا سېلىۋاتىدۇ ، قىسقىسى مەنمۇ قۇلۇمدىكى تېلىفۇننى نەچچە قېتىم يېڭىلاپ بولدۇم ! مىكروسوفىت يانفونىنى ئىشلەتكەن چېغىمدا كىچىككىنى باشلاش تىزىملىكىنى تىرنىقىمدا ئاران بېسىپ ئۇنى بۇنى چىقىرىپ قەرەت - پەرت ئويناپ قوياتتىم . كېيىن ئالما تېلىفۇنىنىڭ قىممەتلىكىگە چىداپ ئېلىپ ئىچدىكى ھەرخىل ئىسىل 3D ئۇيۇنلارنى ئويناپ پۇخادىن چىقتىم . كېيىن Google بازارغا سالغان ئاندىروئىد تېلفۇنىدىن بىرنى سېتىۋېلىپ ( باھاسىنى قىممەت دەپ كەتكىلى بولمايدۇ ) ھەقسىز دىتاللارنى قانغۇچە قاچىلاپ ئۈچۈرۈپ ئوينىدىم . كېيىنچە قايىسى مەھسۇلات بازارنى بېسىپ چۈشىدۇ، بۇنىڭغا مەن بىر نىمە دىسەم تېخى ئىتتىكلىك قىلغان بولىمەن شۇڭلاشقا تورداشلارنىڭ نەزىرىدە كېيىن قايسى مەھسۇلات بازارنى بېسپ كىتىدۇ دىگەن تېمىدا بەس مۇنازىرە قىلىشنى قارار تاپتىم .. رەسىم 2011 دىكى ئەڭ يېڭى سىتاستىكا ئاندروئىد %41 بازارنى ئىگەللەن ئالما %27 بازارنى ئىگەللىگەن مىكروسوفىت %5.7 بازارنى ئىگەللىگەن ۋە باشقىلار ... ئەلۋەتتە يېقىندا مىكروسوفىت Windows 8 نى ئىلان قىلدى ، ئەلۋەتتە بۇنىڭدىن كىيىن Windows 8 مەشغۇلات سىستىمىسدىكى يانفۇن بەلكىم بازارغا كىرىشى مۇمكىن ... بۇ بازاردا قايسىسى بىزنىڭ بەكراق ئالقىشىمىزغا ئېرىشدۇ ؟؟؟؟

issiz

	مېنىڭچە ئالما تېلىفونىنڭ ئورنىنى باشقا ھىچقانداق تېلىفون ئالالمايدۇ،ئالما تېلىفونىنى ئىشلەتكەنلەرگە باشقا تېلىفونلار تېتىمايدۇ،سىرتقى كۆرۈنۈش،ئىقتىدار،ئەپ،قولايلىق ۋە باشقا ھەرقايسى تەرەپلەردىن بولسۇن باشقا تېلىفونلار ئالمىغا يەتمەيدۇ،ئالمىنىڭ ئومۇملىشىشى ئېنىق.

ArislanMemet

	win8 ئېلان قىلىنسا بەلكىم ئۆزگىرىش بولىشى مۇمكىن . win8 سېستىمىسى Intel ۋە Arm ئىككى خىل CPU ئورتاق قوللايدىكەن . بۇنداق بولغان ھازىرقى تېلفون ، تاختا كومپىيوتىر لارغا بېۋاستە قاچىلاش ئىمكانىيېتى تۇغۇلىدۇ . كۆچمە ئەسلىھەلەردە كۆزنەك مەشغۇلات سېستىمىسىدىكى يۇمشاق دىتاللارنى بېۋاستە ئىشلەتكىلى بولسا ، مىكروسوفىت نىڭ بازانى ئىگەللىسى ئاندرويد ۋە ئالمىدىن  زور دەرجىدە ئېشىپ كېتىشى مۇمكىن . win8نىڭ سىناق نۇسخىسىنى ئىشلىتىپ ، خېلىلا رازى بولدۇم ، ياخشى ئىشلىنىپتۇ .

armanlirim

	يېقىنقى سىتاستىكىدىن ۋە بازار ئەھۋالىدىن ئېلىپ ئېيتقاندا يەنىلا ئاندروئىد ئۈستۈنلۈكنى ئېگەللىۋاتىدۇ.ئۆزەمنىڭ يانفۇن ئىشلىتىش ئەھۋالىمدىن ئېلىپ ئېيتقاندىمۇ بىزگە يەنىلا ئاندروئىد  ياخشى نەپ بىرىپ كىلىۋاتىدۇ.ئالمىنىڭ ئەڭ چوڭ كەمچىللىكى ۋە ئۇنىڭ بازار ئەھۋالىدىكى يامان تەسىرى مىنىڭچە يەنىلا i دىن باشلىنىدىغانلار ئارا ئۆز -ئارا بىر بىرىگە ئاسان ماسلىشىش،باشقىلارنىڭكىنى چەكلەش شۇنداقلا باھاسىنىڭ ئالاھىدە قىممەت بۇلىشى بىلەن بازاردىكى رىقابەتتە پۇت تىرەپ تۇرۇشتا چوڭ خىرىسلارغا دۇچ كىلىشى مۇمكىن. تېخى بىر قانچە يىل بورۇن ئەقلىي ئىقتىدارلىق تېلفۇنلارنى ئىشلەتمەيتتۇق،ئۇ چاغلاردا نوكىيا تېلفۇنىمىز بولسا يانفۇننىڭ نوچىسىنى ئىشلەتكەن ھېسابلىناتتۇق،مانا بۈگۈنكى كۈنلەردىچۇ شىركەتلەرنىڭ توختىماي رىقابىتى ۋە تېخنىكىنىڭ تەرەققىياتى بىلەن يانفۇنلىرىمىز بىز ئويلاپ باقمىغان تەرەققىياتلارغا مۇيەسسەر بۇلىۋاتىدۇ.نوكىيا دەۋرى ئاخىرلاشقان ھامان قىززىق نوقتا بولغان ئاندورۇئىد ۋە ئالما دەۋرىمىزدە ئون ئادەمنىڭ 9 دا مىنىڭچە ئاندوروئىد بار دېسەم ھەرگىزمۇ خاتا ئەمەس. بۇ  نېمە ئۈچۈن بىز ئۈچۈن ئاندوروئىد يۇمشاق  باش، نىمە دېسەك شۇنىڭغا ھاجىتىمىزدىن چىقالايدۇ،ئالمىدەك قاتتىق باش ئەمەس،ئۇنى قىلمايسەن،بۇنى قاچىلىمايسەن،چوقۇم ئالما قىلغان بۇلىشى كېرەك دېگەندەك ئارتۇق شەرتلەر ئاندوروئىدتا ئەلۋەتتە يىراق.ئالمىنىڭ ئارتۇقچىلىقى يوق ئەمەس،سۈپىتى ياخشىلىقىغا گەپ كەتمەيدۇ،بىراق دۇنيادا ھېچقاچان زومىگەرلەر پۇت تىرەپ تۇرغان ئەمەس.بۇ نوقتىدىن مەن ئالما شىركىتىگە زومىگەرلىك قىلماي ھەممە نەرسىگە ئورتاق ئىشلەتكىلى بۇلىدىغان سىستىما  لاھىيەسى پەيدا قىلىشى ئۈچۈن كۈچەپ بېقىشىنى ئۈمىد قىلىمەن. ئۇيغۇرلار يانفۇن تاللىغاندا زور كۆپ ساندىكى كىشىلىرىمىز ئالدى بىلەن ئويلايدىغىنى بۇ يانفۇن نىگىزىدىن ئۇيغۇرچىنى نورمال قوللامدۇ  يوق ، دېمەك بۇ نوقتىنى يېقىندا ئېلان قىلىنماقچى بولغان windows8يانفۇنلىرى ھەم ئاندوروئىد4.0دىن يۇقىرى نەشىردىكى يانفۇنلار بەكرەك ئورۇنلاپ بىرەلەيدۇ،ئەلۋەتتە ئالما يانفۇنلىرىمۇ نىگىزىدىن ئۇيغۇرچىنى قوللايدۇ بىراق ئۇنىڭ كەمچىلىكىمۇ بايام دەپ ئۆتكەندەك چوقۇم ئالمادىن باشلىنىشى كېرەك.بىز ئۈچۈن يانفۇنلىرىمىز شەخسى مۈلكىمىز ئۇنىڭغا نىمە قاچىلاش ۋە قانداق ئىشلىتىش بىزنىڭ ئەركىمىزدە ئەلۋەتتە. گۈرۈچ يانفۇنلىرى ھەققىدە چوڭقۇر ئىزدىنىپ باقمىدىم،توغرىسىنى ئېيتقاندا مەن ئۆزەم ئىشلىتىپ كۆرگەن نوكىيا،ئالما ،ئاندوروئىد لار ھەققىدە كەلگەن چۈشەنچەم شۇكى كەلگۈسىدە بەلكىم مىكرورسوفت ۋە گوگلىنىڭ ئاندوروئىد سىستىمىلىق يانفۇنلىرى قاتتىق چوڭ رىقابەتكە چۈشۈپ كىتىشى مۇمكىن،پەرىزىمچە بۇ رىقابەتتە ھازىرقى ۋەزىيەتتە دۇنيا مىقياسىدىكى 90%دىن ئارتۇق كومپيۇتېرلارغا قاچىلانغان مىكروسوفت شىركىتىنىڭ سىستىمىسى بار بولغان ۋىندوۋس سىستىمىلىق يانفۇن ئوتۇپ چىقىشى مۇمكىن،ئەمما تور دۇنياسىنى تولۇق كونترول قىلىۋالغان گوگلىنىڭمۇ بۇنىڭغا چوقۇم ئۆز ئامالى بار ئەلۋەتتە.ئالما شىركىتىمۇ نۆۋەتتە قاتتىق مودا بۇلىۋاتىدۇ،ئۇنداقتا مەن شۇنداق ئويلىنىپ قالدىم،ئالما ھەۋەسكارلىرىمۇ ئورتاقلىشىپ باقساق ئەلۋەتتە بۇلىدۇ،زادى ئالما بۇ رىقابەتلەردە ئوزۇنغىچە پۇت تىرەپ تۇرالامدۇ؟

دوپپام

	(ئاندىرويىد) بولسا نۆۋەتتە دۇنيادا كەڭ ئوموملىشىۋاتقان، ئىستىقبالى پارلاق بولغان بىر ئەقلىي ئىقتىدارلىق يانفون سېستىمىسى بولۇش سۈپىتى بىلەن ھەممەيلەننىڭ دېققەت - ئىتبارىنى ۋە قېزىقىشىنى قوزغىماقتا. لېكىن بۇ سېستىمىنى تېخىمۇ ياخشى تونۇش ۋە بىلىش ئۈچۈن بەزى كونكىرت يازما ماتېرياللار تازا تولۇق ئەمەس،شۇنىڭ ئۈچۈن قارغۇچىلارچە ئالمىغا ئاندوروئىد ھەرگىز يىتەلمەيدۇ دېگەن بەزى قاراشلارمۇ يوق ئەمەس،ئۈستىدىكى ئىسسىز نامىدىكى تورداشنىڭ قارشىمۇ مۇشۇ قاراشتىن ھەرگىز مۇستەسنا ئەمەسكەن، ئالما تېلىفونىنى ئىشلەتكەنلەرگە باشقا تېلىفونلار تېتىمايدۇ،سىرتقى كۆرۈنۈش،ئىقتىدار،ئەپ،قولايلىق ۋە باشقا ھەرقايسى تەرەپلەردىن بولسۇن باشقا تېلىفونلار ئالمىغا يەتمەيدۇ،ئالمىنىڭ ئومۇملىشىشى ئېنىق. --- ئالمىنىڭ سىرتقى كۆرۈنۈشلىرىنىڭ چىرايلىقلىقىغا كۆز يۇمۇشقا بولمايدۇ،بىراق يېڭىدىن چىقىۋاتقان يانفۇنلار ئالمىدىن چىرايلىق چىقمايدۇ دەپ ئېيتالامسىز،ئەتە نىمە بۇلىدىغانلىقىغا كىم ھۆكۈم قىلالىغان دەيسىز،رىقابەتتە  داۋاملىق بىر تەرەپ ئۈستىن ئورۇندا تورىدىغان ئەھۋالنىڭ بارلىقى ھەققىدە مەن ھېچقانداق بىر ماتىريالدىن كۆرمىدىم،ئالما يانفۇنلىرىمۇ ئەلۋەتتە بۇ مەنتىقە بويىچە بازارغا چىقىدۇ.ئۇنداقتا ئالمىنىڭ قانداق ئارتۇقچىلىقى بار،قايسى ئارتۇقچىلىقلىرى ئاندوروئىدنىڭكىدىن ئەۋزەل بۇ ھەقتە  سۆزلەپ باقسىڭىزمۇ بۇلىدىكەن قېرىندىشىم. كەڭ تورداشلارغا چۈشەنچىمىز تېخىمۇ ياخشى بۇلىشى ئۈچۈن گەپنى ئەقلىيفۇن ھەققىدە مەنمۇ ئازراق قوشۇمچە قىلىپ قوياي ئەقلىيفۇن –ئادەت بويىچە ئېيتقاندا 1+1 فورمىلىسى ھالىتىدىكى ئۈسكۈنە بولۇپ، «ئالقان كومپيۇتېرى + تېلېفۇن = ئەقلىيفۇن» دىمەكتۇر. كەڭ مەنىدىن ئېيتقاندا، ئەقلىيفۇن ئەڭ تۈپكى ئالاقە ئىقتىدارىدىن سىرت، PDA (شەخسلەر رەقەملىك ياردەمچىسى – Personal Digital Assistant) نىڭ كۆپ تۈرلۈك ئىقتىدارىنى ھازىرلىغان، بولۇپمۇ شەخسلەر ئۇچۇرىنى باشقۇرۇش ھەمدە سىمسىز ئۇچۇر ئالاقە كۆرگۈسى ۋە ئېلخەت ئىقتىدارىنى ئاساس قىلغان ئۈسكۈنىدۇر. ئەقلىيفۇننىڭ ئېكرانى كەڭ، ئېلىپ يۈرۈشكە ئەپلىك، يۇمشاق دېتاللار ئۈچۈن يېتەرلىك سەھنە ھازىرلىغان، تېخىمۇ كۆپ مۇلازىمەتلەرنى كېڭەيتكىلى بولىدۇ. مەسىلەن: پايچەك، خەۋەر، ھاۋارايى، قاتناش، تاۋار، قوللىنىشچان دېتاللارنى، مۇزىكا، رەسىملەرنى چۈشۈرۈش … دىگەندەك. 3C (يەنى كومپيۇتېر، ئالاقە ۋە ئىشلەتكۈچى – Computer、Communication、Consumer ) نىڭ بېرىكمىسى بولغان ئەقلىيفۇن يېقىن كەلگۈسىدە تېلېفۇن تەرەققىياتىنىڭ يېڭى يۆنىلىشى بولۇپ قالىدۇ. ئەقلىيفۇنلار تۆۋەندىكىدەك ئالاھىلىكلەرگە ئىگە. 1. ئادەتتىكى تېلېفۇنلارنىڭ پۈتۈن ئىقتىدارىنى ئۆزىگە مۇجەسسەملىگەن. يەنى تېلېفۇنلاشقىلى، ئۇچۇرلاشقىلى بولىدۇ. 2. سىمسىز تورغا چىقىش ئىقتىدارىغا ئىگە. GSM تورىنىڭ GPRS ياكى CDMA نىڭ CDMA 1X ياكى 3G ئىقتىدارىنى ئاچقۇزسىڭىزلار چەكلىمىسىز تورغا چىقالايسىز. 3. ئۇنىڭدىن باشقا PDA ئىقتىدارىنى ھازىرلىغان. بۇ PIM (شەخسلەر ئۇچۇرىنى باشقۇرۇش)، كۈنتەرتىپ خاتىرىسى، ئىش ئۇرۇنلاشتۇرۇش، مېدىيا قوللىنىش، تورغا چىقىش قاتارلىقلارنى ئۆز ئىچىگە ئالىدۇ. 4. ئېچىۋېتىلگەن مەشغۇلات سىستېمىسىغا ئىگە. بۇ سىستېما ئاساسىدا نۇرغۇن قوللىنىشچان دېتاللارنى خالىغانچە قاچىلىيالايسىز ھەمدە بۇ ئارقىلىق ئەقلىيفۇنىڭىزنىڭ ئىقتىدرىنى چەكسىز كېڭەيتەلەيسىز. نۆۋەتتە تەتقىق قىلىنىپ، مۇكەممەللەشتۈرۈلىۋاتقان ئەقلىيفۇن مەشغۇلات سىستېمىلىرىدىن NOKIA ئۈچۈن Symbian، گوگىل شىركىتنىڭ Android، ئالما شىركىتىنىڭ iOS، يەنە مىكروسوفىتنىڭ Window phone، گوگىلنىڭ Blach Berry قاتارلىقلار بار. 2011- دەسلەپكى قەدەمدىكى سانلىق مەلۇماتلارغا ئاساسلانغاندا، Android بازارغا چىقىپ تېز سۈرئەتتە تەرەققىي قىلىپ ھازىرغا كەلگەندە،زومىگەر دەپ ،ئاتالغان سىمبياننى تەدرىجى بازاردىن سىقىپ چىقارغان، ھەمدە يەرشارى بويىچە ئەڭ كۆپ ئالقىشقا ئېرىشىۋاتقان ئەقلىي ئىقتىدارلىق سېستىمىسىغا ئايلانغان. نۆۋەتتە Android يانفون ساھەسىدىلا ئەمەس بەلكى تاختا كومپىيۇتېر ساھەسىدىمۇ تېز سۈرئەتتە كېڭەيمەكتە، بىرلا ۋاقىتتا MP4 ساھەسىگىمۇ يۈزلەنمەكتە. ھازىر Android ئىشلىتىدىغان شىركەت – كارخانىلاردىن تەيۋەن HTC  (گۇگېلنىڭ تۇنجى يانفونىG1نى ۋاكالىتەن ئىشلەپچىقارغان)، كورىيە سامسۇڭ، ئامېرىكا موتورولا، ئەنگىلىيە سونى ئېرىكسون قاتارلىق خەلئارالىق شىركەتلەر بار، جوڭگو چوڭ قۇرۇقلۇقىدىن خۇاۋېي، مېيزۇ، جوڭشىڭ، ليەنشياڭ قاتارلىقلار بار. مىنىڭچە كەلگۈسى ھازىرقى ئەھۋالدىن قارىغاندا ئالمىنىڭ ھاياجانلىق ئورنى داۋاملىق ساقلانماي،ئاندوروئىدنىڭ سەركەردىلىك تېخىمۇ كۈچىيىشى مۇمكىن،مىكروسوفت شىركىتى يانفۇنلىرىنى كۆرمىگەچكە مەن بۇ ھەقتە سۆزلىمەي.

sardor

	ھەممىزگە ئايان ئالما مەھسۇلاتلىرى يىچىپلا كۆزنى قاماشتۇرىدۇ،لىكىن ئۇزاق ۋاقىتتىن كىيىن يەنىلا پەسكويغا چۈشۈپ قالىدۇ،ئامىرىكا رەقەملىك ئالاقە شىركىتى 2011-يىللىق تاختا كومپىيۇتىر ۋە ئەقلىي تىلفۇن سىناش،بالاشقا ئاساسەن ئامىرىكا زىمىنىدا بىرنچى پەسىلدە ئوت كەتتەن ئالمىغا 3-،4-پەسىلدە 3،4-ئۇرۇنغا چۇشۇپ قالغان ،ئىستىمالچىلار مۇنداق قارىغان:4-ئەۋلاد ۋس كىيىنكى نەشىرىدە كەينى تەرەپ قىزىش،توك قىچىش،سۆزلىشىش ھالىتىدە تورغا كىرىپ ئىقىم مىقدارىنى ئىسراپ قىلىش(ئالما شىركىتى ئوغۇرلۇقچە ئاڭلاشقا قارشى مۇلازىمەت بىلەن تەمىنلىگەن ،ئەينى ۋاقىتتا بۇ ئەھۋالنى مۇشۇنداق بولىدۇ دەپ خىرىدارلارغا ئۇقتۇرغان )تىلفۇن زىيادە يىنىك بولۇپ ئۇقۇشماي قولدىن تاشلىۋىتىپ قالىدىكەن(بىز ھەرگىزمۇ ئۇنداق قىلمايمىز 5مىڭ تەڭگىگە ئالغان تىلفۇننى ئىككى قولىمىزدا چىڭ سىقىمداپ يۇرىمىز)،قاتتىق دىتال جەھەتتە رەسىمگە تارتىش ئاپراتىنىڭ ئىنىقلىقى كۆڭۈلدىكىدەك ئەمەس دەپ قارىغان.يەنە بىر گەپ،ئىستىمالچىلار ئالما تىلفۇنلىرىنىڭ قاتتىق دىتاللىرى زىيادە ئارتۇقچە لاھىلەنگەن يەنى ئىقتىدارىغا ئاساسەن باشقا قاتتىق دىتال ئىشلەتسىمۇ بولاتتى بۇنداقتا باھاسىمۇ چۈشەتتى دەپ قارىغان. ئاندورىيىتقا نىسبەتەن بۇ ئورگان مۇنداق باھالارنى ئىلان قىلغان:يىلىڭىلىنىش سۈرىتى تىز نەشىرىنى دىمەكچى،ئەمما ھەقىقى ئۆزگۈرۈش ئاز.تورغا چىقىش ئىقىم مىقدارىنى زىيادە ئىسراپ قىلىدىكەن دەپ قارىغان.يەنە ئاندورويىيت سىستىمىسى بىر ئىچىۋىتىلگەن سىستىما بولغاچقا نۇرغۇنلىغان كىشىلەر بىخەتەرلىكىدىن ئەنسىرەيدىكەن.   ئەمدى ئامىرىكا 2011-يىللىق دۆلىتىدىكى سىتىلغان تىلفۇنلارنىڭ قاتارى(2012-يىلى4-3-كۇنىگىچە) 1- ئامىرىكا موتورولا 2- كورىيە سامسۇڭ 3-ئالما 4(س) 4-ئەنگىلىيە سونىي (ئىرىكسون ئەمەس) 5-ئامىرىكا دىل 6-تەيۋەن خوڭدا HTC 7-فىنلاندىيە نوكىيا 8-ئامىرىكا گوگول نىكساس مەنبەنى كىيىنچە يوللايمەن.

‏‏پەخىرلەن

	قۇرۇق گەپ،ئايفون،ئايپەدلەرنى ئېلىپ بارلىق ئقتىدارلىرىدىن تولۇق پايدىلىنالايدىغانلارباشقا تېلفونلارنى ھەرگىز ئىشلەتمەيدۇ،ios سېستىمىسى شۇنچىلىك مۇكەممەل ،ئالمىنى بەزىلەر شەخسىيەتچى دەپتۇ ،ئەگەر ئالمىمۇ ئەنجۈرگە ئوخشاش سېستىمىنى ئوچۇق ھالەتتە مەيدانغا چۈشەرگەن بولسا ئۇ چاغدا نۇرغۇنلىغان داڭلىق تېلىفۇن دىتاللىرى شىركەتلىرى ھەرگىز iosسېستىمىسى ئۈچۈن دىتال ئىشلەپ چىقارمايتتى،نىمىشقا نۇرغۇن داڭلىق تېلىفۇن دىتاللىرى شېركەتلىرى ئەنجۈر سېستىمىسىغا دىتال ياساپ بېرىشنى خالىما يدۇ؟چۈنكى ئەنجۈرنىڭ شۇدىتاللار ئارقىلىق كېرىم قىلىپ تېرىكچىلىك قىلىدىغان شىركەتلەرنىڭ ئەمگەك مىۋىسىنى قوغدايدىغان ئالمىنىڭكىگە ئوخشاش App Store,itunesدىگەندەك مۇكەممەللەشكەن دىتال مۇلازىمەت تەكچىسى يوق ،يەنە بىر تەرەپتىن ئەنجۈر سېستىمىسىنى قوللانغان بارلىق يانفون شىركەتلىرى ھەممىسى يانفوننىڭ ئكران چوڭ كىچىكلىكى ،قاتتىق دىتال ،cpu,Gpuلارنى ئۆز ئالدىغا ئۆز مەيلىچە ئوخشىمىغان رەۋىشتە بازارغا سېلىۋەردى،ئاقىۋەتتە ئەنجۈرگە دىتال ئىشلەپ بېرىۋاتقان ياكى ئىشلەپ بېرىشنى ئويلىشىۋاتقان شۇشىركەتلەرنىڭمۇ يولىنى توسوپ قويدى،مەسىلەن 4.1سۇڭلۇق ،خىزمەت قىلىش بوشلىقى 512MBبولغان موتورولا بىلەن،4.3سۇڭلۇق،3.9سۇڭلۇق،3.5سۇڭلۇق،256MBبولغان سونىي ئېرىكسون ئۈچۈن ياكى ئەڭ تۆۋەن سەپلىمىلىك تېلىفۇنلارنىمۇ ئويلاشقان يۇقىرى سەپلىمىلىك تېلىفونلاردا ئېنىقلىق دەرىجىسى كۆڭۈلدىكىدەك بولمىغان،مېرسىدىس نىڭ ئىچىگە كىگىز ئارتىپ قويغاندەك دىتاللارنى،ياكى بولمىسا يۇقىرى سەپلىىمىلىك تېلىفونلار ئۈچۈنلا دىتال چىقىرىشى كېرەك،قانداقلا قىلمىسۇن بۇ شىركەتلەر ئۆز بازىرىنىڭ ئەنجۈر سېستىمىلىرىنى قوللانغان تېلفۇنلار دۇنياسىدا بەلگىلىك دائىرە ئىچىدە چەكلىنىپ قالادىغانلىقىنى،ئۆز دىتاللارىنىڭ يېڭىلىنىش سۈرئىتى ھەتتا ئەنجۈر تېلىفۇنلىرى قاتتىق دىتاللىرىنىڭ يېڭىلىنىش سۈرئىتىگە يېتىشىنىڭمۇ بىرمەسىلە ئىكەنلىكىنى ئوبدان بىلىدۇ،ئەگەر بۇ ئېچىۋېتىلگەن ئەنجۈر سېستىمىسى مۇكەممەل بولغان دىتال سودا سېتىق سۇپىسىنى بارلىققا كەلتۈرمىسە،ئەنجۈر سېستىمىسىنى قوللانغان تېلىفون شىركەتلىرى بىرلىككە كېلىپ ،قاتتىق دىتال مۇسابىقىسىنى توختۇتۇپ،قولايلىق،قوللىنىشچانلق،ھەر جەھەتتىن بىرلىككە كەلگەن ئەقلىيفونلارنى ئىشلەپ چىقارمىسا،ئۇنداقتا ئۇلار مەڭگۈ ئالمىنىڭ ساغرىسىنى پۇراپلا يۈرىدۇ خالاس. ‏

دوپپام

	قۇرۇق گەپ،ئايفون،ئايپەدلەرنى ئېلىپ بارلىق ئقتىدارلىرىدىن تولۇق پايدىلىنالايدىغانلارباشقا تېلفونلارنى ھەرگىز ئىشلەتمەيدۇ،ios سېستىمىسى شۇنچىلىك مۇكەممەل ،ئالمىنى بەزىلەر شەخسىيەتچى دەپتۇ ،.... پەخىرلەن قېرىندىشىم ئالمىنىڭ مەھسۇلاتلىرىنىڭ ياخشى ئىكەنلىكىگە كۆز يۇممايمىز،ئەلۋەتتە مۇشۇنداق كەمچىلىك ھەم شەخسىيەتچى مۇتىھەملىكى تۈپەيلىدىن بەزى دىتاللارغا بولغان ۋە تەلەپ يۇقىرى سەۋەبلىك دۇنيادىن ئايرىلىپ قېلىش ئىھتىمالى بارلىقىنىمۇ چەتكە قاقمايمەن.ئاندوروئىدمۇ ئۆزگىچە سىستىما ، بىخەتەرلىك جەھەتتە ئۇنىڭمۇ ئۆزىگە چۈشلۇق ئالاھىدىلىكى بار،ئالمىدىن ھەرگىزمۇ تۆۋەن دىيىشكە بولمايدۇ،يەنە كىلىپ ئالمىنىڭ يانفۇنلىرى 4س نۇسخىسىدىن باشلاپ قېتىۋېلىش،كارتا ئالماشتۇرسا يانفۇندا سۆزلەشسە ياخشى بولماسلىق مەسىلىلىرى كۆرۈلۈشكە باشلىدى،ئۇنىڭ ئۈستىگە بىز يانفۇن دېگەننى ئەڭ باشتا ئويۇن ئويناشقا ئەمەس،سۆزلىشىشكە،تورغا چىقىشقا،توردا بىمالال مەشغۇلات قىلىشقا ئىشلىتىمىز،دۇنيادىكى ھەر بىر تور بېكەت مەخسۇس ئالما غۇجام دەپ ئالما ئۈچۈن تور بېكەت قۇرۇلمىسى لاھىيەلەش سىز ئۈچۈن چوقۇم قىلىشقا تىگىشلىك بولغان  بىلەن ھەممە خالايدىغان ئاممىباب تېلفۇن ئىشلەتكۈچىلەر ئۈچۈن قاتتىق ئاۋارىچىلىق بۇلىشى مۇمكىن،شەخسەن مەنمۇ ئالمىدا ئۇيغۇرچە تور بېكەتلەرنى نورمال ئىشلىتەلمىگەن ۋە بىر قىسىم خەنزۇچە تور بېكەتلەرنىڭ مەخسۇس ئالما ئۈچۈن سىستىما لاھىيەسى بولمىغانلىقى ئۈچۈن ئاندوروئىدقا كۆچكەنمەن.   ئاندوروئىد بولسا بىرخىل ھوقۇق چەكلىمىسىگە ئايرىلغان مەشغۇلات سېستىمىسى. بۇخىل سېستىمىدا ھەربىر قوللىنىلمىلارغا بىردىن سېستىما سالاھىيەت تونۇشى ئارقىلىق قوزغىلىدۇ. سېستىمىنىڭ ھەرقايسى قىسىملىرىمۇ ئۆزىگە خاس تونۇش شەكلىگە ئىگە. Linux مانا مۇشۇنداق قوللىنىلما بىلەن قوللىنىلما، قوللىنىلما بىلەن سېستىما ئايرىۋېتىلگەن سېستىمىدۇر. سېستىمىنڭ تېخىمۇ كۆپ بىخىەتەرلىكىگە نىسبەتەن ھوقوق چەكلەش يولغا قويۇلغان. ھوقۇق چەكلەش مەلۇم خىل ئالاھىدە بەلگىلەنگەن ئالاھىدە مەشغۇلاتنى چەكلەيدۇ، ھەمدە ھەربىر ئالاھىدە بەلگىلەنگەن URI سانلىق مەلۇماتىنى زىيارەت قىلىشنىمۇ چەكلەيدۇ. ئۇنىڭ ئۈستىگە گۇگېل ئېلان قىلغان يېڭى نەشىرىدە Android يانفون سېستىمىسى بىلەن تاختا كومپىيۇتېر سېستىمىسى بىرلەشتۈرۈلۈپ، دېتال ئاچقۇچىلارغا قولايلىق يارىتىلغان. بۇ نەشىرىدە ۋەزىپە رامكىسىنى خالىغانچە يۆتكەشتىن باشقا، USB ئۈسكۈنىلىرىنى(مائۇس، كونۇپكا تاختىسى) ئۇلاشنىمۇ ئەمەلگە ئاشۇرغان.  بۇلاردىن باشقا Google TV، XBOX 360 نىڭ ئويۇن روللىرىنىمۇ قوللايدىغان قىلىنغان، مانا بۇ قالتىس ئىقتىدار بولۇپ، چوڭ ئىكرانلىق تاختا كومپىيۇتېر ئۈستىدە تىلغا ئالغان ئىقتىدارلار ئارقىلىق قاراشقىلا بىر ئويۇن ماشىنىسىغا ئايلىنىپ قالغان دېسەك خاتالاشمايمىز. Androidنىڭ خاسلقى ۋە ئالاھىدىلىكى: 1.  ئېچىۋېتىلىشچانلىقى    2. باغلىنىپ قىلىشتىن خالىي    3. 3-تەرەپ ئېچىشچانلىقى   4.گۇگېل ئىشلىتىلمىلىرى ; يېغىنچاقلاپ كەلگەندە: Android سۇپىسى نۆۋەتتە ئىنتايىن تېز تەرەققىي قىلماقتا. Android بازىرىدا 200 مىڭ خىلدىن ئارتۇق قوللىنىشچان پروگرامما بار. گۇگېلنىڭ ئىسپاتلىشىچە، ھازىر قوزغىتىلغان Android ئۈسكۈنىلىرى 100 مىليوندىن ئاشقان.  Android نىڭ مەيدانغا كىلشى يانفون ساھەسىدىكى زومىگەر سىمبيانغا ئەجەللىك زەربە بېرىپ، ھالاكەتكە ۋە يېڭىدىن دۇنياغا يۈزلىنىشكە سەۋەپ بولدى. موتورولامۇ Android ئارقىلىق ھالاكەتتىن قۇتۇلۇپ قايتىدىن گۈللىنىش دەرىنىڭ بوسوغۇسىغا كەلدى. HTC دەك تولۇپ تاشقان ھاياتى كۈچكە ئىگە يېڭى شىركەتلەر تەرەققىيات پۇرسىتىگە ئېرىشتى ۋە سامسۇڭ شىركىتى بىلەن تەڭ قاتاردا Android نىڭ ئەڭ ئىلغار تېخنىكىلىرىغا ۋەكىللىك قىلدى(يېقىندا بۇ ئىككى شىركەت بىلەن ئالما شىركىتى ئارىسىدا مەلۇم سۈركىلىشلەر بولۇپ ئۆتتى). مۇشۇنداق بىر قاتار سەۋەبلەر تۈپەيلىدىن ئاندوروئىد ئالمىنىڭ كۈزىدىكى چوڭ بومبا ھېسابلىنىدۇ . ئالما يانفۇنلىرىدىكى ئىقتىدارلار مىنىڭچە ئوزۇنغا قالمايۇ ئاندوروئىد يانفۇنلىرىدا تولۇق ئەمەلگە ئاشقاندىن سرت ئۇنىڭدىنمۇ ئېشىپ كىتىشى تۇرغانلا گەپ.گەپنىڭ پوسكاللىسىنى قىلغاندا ۋىندوۋس 8 يانفۇنلىرىنىڭ چىقىشى ، ئاندورئىدنىڭ تەرەققىي قىلىشى ۋە گۈرۈچ يانفۇنلىرىنىڭ تىرىشچانلىقى نەتىجىسىدە مەن ئالما شىركتى يانفۇندىكى بىر قانچە يىللىق مەن ھەممىدىن نوچى ئاكاڭنى تاللىساڭ باشقىغا ئارلاشقىلى قويمايمەن،مەن دېگەن مۇشۇنداق شەخسىيەتچى دېگەن ئىدىيەسى بىلەن باھاسىنى زور دەرىجىدە ئۆزگەرتىپ بازارغا ماسلىىشىشى مۇمكىن.بازارغا ماسلاشمىسا،بازار ئالمىنى ئۆزىگە ماسلاشتۇرىدۇ.

ArislanMemet

	بەكلا جاھاننىڭ كەينىدە قاپتىمەن ، گۈرۈچ دىگىنىڭلار قايسى بولۇپ كەتتى ئەمدى ؟ ھەر ھالدا ئالما ، ئەنجۈر دىگەنلەرنى بىلىدىكەنمەن .

sakraul

	بۇتىما راۋرۇس قىزىپ كىتىپتىغۇ! ھەي......مىڭ ئەپسۇس!... قاچان ئۆزمىللى كارخانىلىرىمىز ئىشلەپ چىقارغان يانفۇن مەھسۇلاتلىرىنىڭ مۇشۇنداق قىزغىن بەس-مۇنازىرەقوزغىغان دەۋرىنى كۆرەرمەنكىن؟...