2012-يىلى دۇنيادا قىيامەت قايىم بولامدۇ

selsebil

يۇقارقى ئايەتتە ئاللاھ ھالاك قىلغان بەزى قەۋملەر ۋە ئاللاھ تەرىپىدىن بىز ئۈچۈن نۇرغۇن ئىبرەتلىك ھېكمەتلەر بار. ئەمدى قىيامەتتىكى ئەھۋاللاردىن بەزىلىرىگە نەزەر سېلىپ باقايلى:

76-سۈرە قىيامەت

مەككىدە نازىل بولغان 40 ئايەت

ناھايىتى شەپقەتلىك ۋە مېھرىبان اﷲ نىڭ ئىسمى بىلەن باشلايمەن
قىيامەت كۈنى بىلەن قەسەمكى(1). ئۆزىنى مالامەت قىلغۇچى نەپسى بىلەن قەسەمكى، (سىلەر چوقۇم تىرىلدۈرۈلىسىلەر، چوقۇم سىلەردىن ھىساپ ئېلىنىدۇ)(2). ئىنسان ( يەنى كاپىر) بىزنى ئۆزىنىڭ (چىرىپ تارقىلىپ كەتكەن) سۆڭەكلىرىنى جەمئى قىلالمايدۇ دەپ گۇمان قىلامدۇ؟(3)ئۇنداق ئەمەس (يەنى ئۇنىڭ سۆڭەكلىرىنى جەمئى قىلىمىز)، ئۇنىڭ (ئەڭ ئىنچىكە، ئەڭ نازۇك بولغان) بارماقلىرىنى ئەسلىگە كەلتۈرەلەيمىز(4). بەلكى ئىنسان كەلگۈسى ھاياتىدا گۇناھتا ئەزۋەيلىمەكچى بولىدۇ(5). ئۇ (مەسخىرە قىلىش يۈزىسىدىن): «قىيامەت كۈنى قاچان بولىدۇ» دەپ سورايدۇ(6). كۆزلەر تورلاشقان، ئاينىڭ نۇرى ئۆچكەن، كۈن بىلەن ئاي بىرلەشتۈرۈلگەن چاغدا، ئىنسان بۇ كۈندە: «قاچىدىغان جاي قەيەردە؟» دەيدۇ(7). (8)(9)(10)ياق، (اﷲ نىڭ ئازابىدىن) قاچىدىغان پاناھگاھ يوقتۇر(11). بۇ كۈندە قارارگاھ پەرۋەردىگارىڭنىڭ تەرىپىدۇر(12). بۇ كۈندە ئىنسانغا (چوڭ بولسۇن، كىچىك بولسون، ياخشىلىق بولسۇن، يامانلىق بولسۇن) ئىلگىرى- ئاخىر قىلغان ئەمەللىرى ئۇقتۇرۇلىدۇ(13). بەلكى ئىنسان ئۆزىگە (يەنى قىلغان يامان ئىشلىرىغا) ئۆزى گۇۋاھتۇر(14). ئۇ ئۆزىنى ئاقلاش ئۈچۈن قانچە ئۆزرە ئېيتقان تەقدىردىمۇ(ئۆزرىسى قوبۇل قىلىنمايدۇ)(15). (ساڭا جىبرىئىل ئارقىلىق ۋەھى نازىل بولۇۋاتقاندا، ئۇنى ئېسىڭغا ئېلىۋىلىش ئۈچۈن) ئالدىراپ تىلىڭنى مىدىرلاتما(16). ئۇنى توپلاش ۋە ئوقۇپ بېرىش بىزنىڭ مەسئۇلىيىتىمىزدۇر(17). ساڭا ئۇنى ئوقۇپ بەرگىنىمىزدە ( يەنى جىبرىئىل ساڭا ئوقۇپ بەرگەندە)، ئۇنىڭ ئوقۇشىغا ئەگەشكىن(18). ئاندىن ئۇنى چۈشەندۈرۈپ بېرىش بىزنىڭ مەسئۇلىيىتىمىزدۇر(19). ( ئى مۇشرىكلار جامائەسى!) ھەرگىز ئۇنداق ئەمەس (يەنى ئۆلگەندىن كىيىن تىرىلىش، ھىساپ بىرىش سىلەر گۇمان قىلغاندەك يوق ئىش ئەمەس)، بەلكى سىلەر بۇ دۇنيانى دوست تۇتىسىلەر(20). ئاخىرەتكە كۆڭۈل بۆلمەيسىلەر(21). بۇ كۈندە، (سائادەتمەنلەرنىڭ) يۈزلىرى نۇرلۇق بولىدۇ(22). (ئۇلار) پەرۋەردىگارىغا قاراپ تۇرىدۇ(23). بۇ كۈندە نۇرغۇن يۈزلەر تۇتۇق بولىدۇ(24). ئۆزلىرىنىڭ چوڭ مۈشكۈللۈككە دۇچار بولىدىغانلىقىغا ئۇلار جەزمەن ئىشىنىدۇ(25). راستلا جان ھەلقۇمغا يەتكەندە، «(بۇ كىسەلگە) كىم ئىلاج قىلالايدۇ» دېيىلىدۇ(26). (27)(سەكراتتا ياتقان ئادەم) بۇنىڭ (دۇنيادىن) ئايرىلىش ئىكەنلىكىنى جەزمەن بىلىدۇ(28). (سەكراتنىڭ قاتتىقلىقىدىن) پاچاق پاچاققا كىرىشىپ كىتىدۇ(29). بۇ كۈندە ھەيدەپ بېرىلىدىغان جاي پەرۋەردىگارىڭنىڭ دەرگاھىدۇر(30). (كاپىر قۇرئانغا) ئىشەنمىدى، ناماز ئوقۇمىدى(31). لېكىن ئۇ (قۇرئاننى) ئىنكار قىلدى ۋە (ئىماندىن) يۈز ئۆرىدى(32). ئاندىن كېرىلگەن ھالدائۆيىگە قايتتى(33). ۋاي سىنىڭ ھالىڭغا! ۋاي سىنىڭ ھالىڭغا!(34). يەنە ۋاي سىنىڭ ھالىڭغا! ۋاي سىنىڭ ھالىڭغا!(35). ئىنسان ئۆزىنى بىكار قويۇپ بېرىلىدۇ (يەنى شەرىئەت ئىشلىرىغا تەكلىپ قىلىنماي، مەيلىگە قويىۋىتىلگەن ھايۋانغا ئوخشاش) دەپ ئويلامدۇ؟(36)ئۇ (بەچچىدانلارغا) تۆكىلىدىغان (ئاجىز مەنى) ئەمەسمىدى؟(37)ئاندىن ئۇ لەختە قان بولدى، ئاندىن ﷲ ئۇنى چىرايلىق شەكىلدە ياراتتى(38). ئۇ مەنىدىن ئەر- ئايال ( ئىككى تىپنى) ياراتتى(39). ئۇ (يەنى يۇقىرىقىدەك ئىشلارنى قىلالىغان اﷲ) ئۆلۈكلەرنى تىرىلدۈرۈشكە قادىر ئەمەسمۇ؟(40)

selsebil

69-سۈرە ھاققە، مەككىدە نازىل بولغان 52 ئايەت

ناھايىتى شەپقەتلىك ۋە مېھرىبان اﷲ نىڭ ئىسمى بىلەن باشلايمەن
(بولۇشى ئېنىق) قىيامەت(1). قىيامەت نېمىدۇر؟(2)قىيامەتنىڭ نېمە ئىكەنلىككىنى قانداق بىلەلەيسەن؟(3)سەمۇد ۋە ئاد (قەبىلىلىرى) قىيامەتنى ئىنكار قىلدى(4). سەمۇد بولسا ئادەتتىن تاشقىرى قاتتىق ئاۋاز بىلەن ھالاك قىلىندى(5). ئاد بولسا ھەددىدىن زىيادە قاتتىق ۋە سوغۇق بوران بىلەن ھالاك قىلىندى(6). اﷲ ئۇلارغا بوراننى يەتتە كېچە، سەككىز كۈندۈز ئۈزۈلدۈرمەي ئاپىرىدە قىلدى، (ئاد) قەۋمىنىڭ (ئۆز ماكانلىرىدا ھالاك بولۇپ) خورما دەرىخىنىڭ پو كۆتەكلىرىدەك ياتقانلىقىنى كۆرىسەن(7). ئۇلاردىن بىرەر ئادەمنىڭ قالغانلىقىنى كۆرەلەمسەن؟(8)پىرئەۋن ھەم ئۇنىڭدىن ئىلگىرىكىلەر ۋە شەھەرلىرى دۈم كۆمتۈرىۋېتىلگەنلەر (يەنى لۇت قەۋمى) خاتا ئىشلارنى قىلدى(9). ئۇلار پەرۋەردىگارىنىڭ پەيغەمبىرىگە ئاسىيلىق قىلدى، شۇنىڭ بىلەن ئۇلارنى اﷲ قاتتىق جازالىدى(10). شۈبھىسىزكى، (نۇھنىڭ زامانىدا) چوڭ سۇ يامراپ كەتكەن چاغدا، سىلەرنى (يەنى ئەجدادىڭلارنى) بىز كېمىگە سالدۇق، سىلەرگە ئۇنى ئىبرەت قىلىش ئۈچۈن، تۇتۇۋالىدىغان قۇلاقلارنىڭ ئۇنى تۇتۇۋېلىشى ئۈچۈن (بىز شۇنداق قىلدۇق)(11). (12)بىرىنچى قېتىملىق سۇر چېلىنغان چاغدا(13). زېمىن ۋە تاغلار (ئورۇنلىرىدىن) كۆتىرىلىپ (بىر- بىرىگە) ئۇرۇلۇپ (ئۇۋىلىپ كەتكەن) چاغدا(14). بۇ كۈندە چوڭ ئىش (يەنى قىيامەت) يۈز بېرىدۇ(15). ئاسمان يېرىلىدۇ، بۇ كۈندە ئاسمان (قالايمىقانلىشىپ) ئاجىزلىشىپ كېتىدۇ(16). پەرىشتىلەر ئاسماننىڭ ئەتراپىدا تۇرىدۇ، بۇ كۈندە پەرۋەردىگارىڭنىڭ ئەرشىنى سەككىز پەرىشتە (باشلىرى) ئۈستىدە كۆتۈرۈپ تۇرىدۇ(17). بۇ كۈندە سىلەر (اﷲ غا) (ھېساب بېرىش ئۈچۈن) توغرىلىنىسىلەر، سىلەر ھېچقانداق بىر سىرنى يوشۇرۇپ قالالمايسىلەر(18). نامە- ئەمالى ئوڭ قولىغا بېرىلگەن ئادەم (خۇشاللىقتىن): «بۇ مېنىڭ نامە-ئەمالىمنى ئېلىپ ئوقۇپ بېقىڭلار، مەن ھېساباتىمغا مۇلاقەت بولىدىغانلىقىمغا مۇقەررەر ئىشەنگەن ئىدىم» دەيدۇ(19). (20)ئۇ كۆڭۈللۈك تۇرمۇشتا بولىدۇ(21). ئېسىل جەننەتتە بولىدۇ(22). ئۇنىڭ مېۋىلىرى (ئۆرە تۇرغاندىمۇ، ئولتۇرغاندىمۇ، ياتقاندىمۇ قولىنى سوزۇپلا ئالالايدىغان دەرىجىدە) يېقىن بولىدۇ(23). (ئۇلارغا) «ئۆتكەنكى كۈنلەردە (يەنى دۇنيادىكى چاغلاردا) ياخشى ئەمەللەرنى قىلغانلىقىڭلار ئۈچۈن، خۇشال- خۇرام يەڭلار، ئىچىڭلار» دېيىلىدۇ(24). نامە- ئەمالى سول قولىغا بېرىلگەن ئادەم ئېيتىدۇكى، «ماڭا نامە- ئەمالىم بېرىلمىگەن بولسىچۇ!(25)ھېسابىمنىڭ نېمە بولغانلىقىنى بىلمىسەم ئىدىم!(26)دۇنيادا ئۆلۈمىم ھاياتىمنى (ئاخىرەتتە قايتا تىرىلمەس قىلىپ) ئاخىرلاشتۇرسىچۇ!(27)مېنىڭ مال- مۈلكۈم ماڭا ھېچ نەرسىگە ئەسقاتمىدى(28). مېنىڭ ھوقۇقۇم قولۇمدىن كەتتى»(29). (اﷲ دوزاخقا مۇئەككەل پەرىشتىلەرگە) ئېيتىدۇ: «ئۇنى تۇتۇڭلار، ئۇنىڭغا تاقاق سېلىڭلار(30). ئاندىن ئۇنى دوزاخقا تاشلاڭلار(31). ئاندىن ئۇنى ئۇزۇنلۇقى 70 گەز كېلىدىغان زەنجىر بىلەن باغلاڭلار»(32). (ئۇنىڭ بۇنداق ئازابلىنىشى شۇنىڭ ئۈچۈندۇركى) ئۇ ھەقىقەتەن ئۇلۇغ اﷲ غا ئىمان ئېيتمىغان ئىدى(33). مىسكىنگە تاماق بېرىشنى تەرغىپ قىلمايتتى(34). بۈگۈن ئۇنىڭغا بۇ يەردە (ئۇنىڭدىن ئازابنى كۆتۈرۈۋىتىدىغان) دوست يوقتۇر(35). ئۇنىڭغا يىرىڭدىن باشقا تاماق يوقتۇر(36). ئۇنى پەقەت ئازغان ئادەملەرلا (يەنى كاپىرلارلا) يەيدۇ(37). مەن سىلەر كۆرۈپ تۇرىدىغان نەرسىلەر بىلەن قەسەم قىلىمەن، سىلەر كۆرمەيدىغان نەرسىلەر بىلەنمۇ قەسەم قىلىمەن (يەنى بارلىق مەخلۇقات بىلەن قەسەم قىلىمەن)(38). (39)بۇ قۇرئان ئەلۋەتتە ھۈرمەتلىك پەيغەمبەرنىڭ (اﷲ تەرىپىدىن يەتكۈزگەن) سۆزىدۇر(40). ئۇ شائىرنىڭ سۆزى ئەمەستۇر، سىلەر ناھايىتى ئاز ئىشىنىسىلەر(41). ئۇ كاھىننىڭ سۆزىمۇ ئەمەس، سىلەر ئاز ۋەز- نەسىھەت ئالىسىلەر(42). (ئۇ) ئالەملەرنىڭ پەرۋەردىگارى تەرىپىدىن نازىل قىلىنغاندۇر(43). ئەگەر ئۇ بىزنىڭ نامىمىزدىن يالغاننى توقۇيدىغان بولسا(44). ئەلۋەتتە ئۇنى قۇدرىتىمىز بىلەن جازالايتتۇق(45). ئاندىن ئۇنىڭ ئاساسى قىزىل تومۇرىنى كېسىپ تاشلايتتۇق(46). سىلەردىن ھېچبىر ئادەم ئۇنى قوغداپ قالالمايتتى(47). شەك- شۈبھىسىزكى، بۇ قۇرئان تەقۋادارلار ئۈچۈن ۋەز- نەسىھەتتۇر(48). بىز شەك- شۈبھىسىز بىلىمىزكى، سىلەرنىڭ ئاراڭلاردا (قۇرئان ئايەتلىرى شۇنچە روشەن تۇرۇقلۇق) ئۇنى ئىنكار قىلغۇچىلار بار(49). قۇرئان كاپىرلارغا (ئۇلار قۇرئاننى تەستىق قىلغۇچىلارنىڭ ساۋابىنى ۋە ئىنكار قىلغۇچىلارنىڭ ئازابىنى كۆرگەن چاغدا) ئەلۋەتتە ھەسرەت بولىدۇ(50). قۇرئان، مۇقەررەركى شەكسىز ھەقىقەتتۇر(51). ئۇلۇغ پەرۋەردىگارىڭنى (مۇشرىكلارنىڭ ئىپتىرالىرىدىن) پاك ئېتىقاد قىلغىن(52).

اللاھۇ ئەكبەر.

قىيامەتنىڭ تەپسىلىي ئەھۋالىنى بىلىش ئۈچۈن قۇرئانغا مۇراجىەت قىلىپ بېقىشىڭلارنى تەۋسىيە قىلىمەن. يۇقارقىسى قىيامەت توغرۇلۇق كىچىككىنە ئۈزۈندە.

durak

   selsebil تورداشنىڭ ئىنكاسىنى ئوقۇدۇم ، ئەجرىڭىزگە ئاللاھ رەخمەت قىلغاي !

ئۇشبۇ تېما كۆڭۈل ئېچىش  تىپىدا ئادەم يىغىش تەرىقىسىدە  يېزىلغان  ماقالە ئەلبەتتە ، لېكىن   selsebil تورداشنىڭ ئىنكاسىدا يېزىلغان  ھەقىقەتلەردىن شۇنى  بىلىمىزكى ، دۇنيادا تارىختىن بۇيان ئىگىمىزنىڭ ھەقىقىتىگە خىلاپلىق  قىلغان ، يەر يۈزىدە بۇزۇقچىلىق قىلغان نۇرغۇن  مىللەت- قەۋملەر ئىگىمىزنىڭ غەزىبىدە گۇمران قىلىنغان .
  سەمۇد ، ئاد قەۋملىرىگە ئوخشاش ، مايالارمۇ  شۇنىڭ  مىسالىدىن بولىشى  مۈمكىن ، مەن  كۆرگەن بىر  ماتىرىيالدا مايالار ئۆز كۈنلىرىنىڭ ئاخىرىدا قۇللارنىڭ باشلىرىنى مەيداندا  توپ  قىلىپ  تېپىپ  ئوينىغان ، بۇزۇقچىلىق ،ئەخلاقسىز  جىنسى مۇناسىۋەت  ( 乱伦)  ئەۋجىگەن ، ھاراق- شاراپقا  بېرىلگەن ، ھەتتا مايا ئىمپىرىيەسىنىڭ پادىشاھى ئۆز  سىڭىللىرىنى  خوتۇنلۇققا ئالغان ...

  ئارخىولوگىيە ۋە  باشقا تەتقىقات  ماقالىلىرىدا كۆرسىتىلىشىچە ، ئاتالمىش « مايا  مەدىنىيىتى » بىر  كېچىدىلا  بىت-چىت بولۇپ ئۈنى  ئۆچكەن ، ھەم  ئىنسانىيەت  مەدىنىيەت  تارىخدىكى  چوڭ  سىر  ھىساپلىنىپ  قالغان ...

  تارىخ  بىز  ئۈچۈن ئىبرەت  بولىشى  كېرەك ، ئۆزىمىز ، قېرىنداشلىرىمىز ، ئۇرۇق- تۇققانلىرىمىز ، بۇ  دۇنيادا  پاكىزە  ئىمانلىق  ياشاشقا  ئېتىبار  بەرسەك ، قىيامەت  كۈنى  ئىگىمىزنىڭ مەغفىرىتىگە ئېرىشەلەيمىز.

muslima402

ئاللاھ رەھمەت قىلسۇن قېرىندشىم ناھايتى ياخشى تېمىكەن،

n/amarja

قىيامەتنىڭ قاچان قايىم بولىدىغانلىقىنى ئۇلۇغ ئاللاھ لا بىلىدۇ.  

11282

قىيامەتنىڭ ۋاقتى ۋە شەكلى ھەققىدە پەقەت ۋە پەقەت ئاللاھىنىڭ سۈزى بولغان قۇرئان كېرىمگە قارساق شۇ بىزگە كۇپايە، بىر قسىم كىشلەرنىڭ مايالىقلارنىڭ بىر قىسىم ئاستورنومىيە جەھەتتىكى تالانتىغا قاراپلا، قىيامەتنىڭ ۋاقتى ھەققىدە بىر نىمىلەرنى بىلجىرلاشلىرى پەقەت پەرەز ئۈستىگە قۇرۇلغان ھىكايەتتۇر. ئېيتاۋۇر ئاشۇ مايالىقلارمۇ بەلىكىم ئاد، سەمۇد قەۋىملىرىگە ئوخشاش، ئاللاھ تەرپىدىن ئەقىل-پاراسەت كۆپلەپ ئىنئام قىلىنغان، ئەمما ئاخرىدا ئاللاھنى ئۇنتۇپ ھالاك قىلىنغان قەۋىم بۇلۇشى مۇمكىن.
ھەم يەنە ئويلاپ قالىدىمكىن، بىر قىسىم كۇفۇرلۇق ۋە زالالەتنى ئىنسانلار ئۈستىگە بەخشەندە قىلىشىنى ئۈمىد قىلىدىغان ۋە شۇنىڭ ئۈچۈن ھەركەت قىلىدىغان دەججال شاگىرتلىرىنىڭ مايالىقلارنى ‹ئوبراز ۋەكىلى› قىلىش ۋاستىسىىنى بىلەن، كىشلەرنى قايمىقتۇرۇپ تەكرار ئىشەنچ ۋە تەكرار ئۈمۈدسىزلىك كەلتۇرۇپ چىقارماقچى ۋە ئاخىرىدا‹بۆرە كەلدى› ھىكايسىگە ئوخشاش قىيامەتنىڭ بۇلۇشىغا ئىشەنمەس ھالەتنى شەكىللەندۈرمەكچى بولغان بۇلۇشى مۇمكىن.
مىنىڭچە مۇسۇلمانلار ئارىسىدا بۇنداق سەپسەتىلەرگە ئىشىنىدىغانلار يوق دەپ قارايمەن.

bariber

بۇنداق ۋەھىمىلەرنىمۇ ئاڭلاپ قويغۇلۇق.

ak520

قىيامەت قايۇم  قاچان  بۇلىدۇ بۇنى ياراتقۇچىدىن باشقا ھىچكىم بىلمەيدۇ.

adilliq

كۈننىڭ غەرىپتىن چىقىشى قىيامەتنىڭ ئاخىرقى ئالامىتى بولۇپ ھېساپلىنىدۇ.

umdwar

بۇنى  ئاللا ئىگەمدىن  باشقا ھىچقانداق،  مەۋجۇدات بىلمايدۇ.