كارىز ھەققىدە ئەلكۈيى ئېكرانى سۆھبەت

suzuk

ئون يىل بۇرۇن چوڭ ئاتامنىڭ ئۆيىنىڭ ئالدى ۋە ئارقىسىدىن كارىز سۈيى ئېقىپ تۇراتتى، ئۆي ئالدىدىكى يەر يۈزىگە چىقىپ بولغىنى، قاچا-قۇچا، يۈز-كۆزلەرنى يۇيۇشقا ئىشلىتەتتى، كىچىكىمىزدە چوڭلار كۈندۈزى ئېرىققا چۈشكىلى قويمايتى، پەقەت كەچ بولۇپ ھەممەيلەن يېتىپ بولغاندا، ئىسسىققا چىدىمىغاندا سۇغا سەكرەپ چۈشۈپ چۆمۈلىۋېلىپ چىقاتتۇق، 600مېتىرچە ئالدىغا ماڭسا سۇ يەر ئاستىغا چۈشۈپ كېتەتتى، بېشىدىكى سۇنى تىلمىغا چۈشۈپ ئىچىپ چىقاتتۇق، ئۆينىڭ ئارقىسىدىكى ئىچىشكە ئىشلىتىدىغان قۇدۇقتى، ھەر يىلى يازلىق تەتىلدە ماشىنىدىن چۈشكەن ھامان ئالدى بىلەن كىچىك چۆگۈندە تارتىپ كېلىنگەن كارىز سۈيىنى ئىچەتتۇق، ئۆينىڭ ئالدىمۇ، كەينىمۇ باراڭلىقتى، ھازىر ھېچقايسىسى يوق، ھەممىلا يەر توپا توزۇپ يۈرىدۇ، جۈمەك چۈشۈرۈپ خەلقنىڭ تۇرمۇشىنى ياخشىلىدۇق دېگەن بىلەن، ئۇ جۈمىكىدىن سۇ نەچچە كۈندە بىر چىقىدىكەن، تەمى تېخى ياخشى ئەمەس. ئىشقىلىپ 10 يىل بۇرۇن مۇشۇ جاھان تەرەققىي قىلماي بىر ئىزىدا توختاپ قالسىمۇ ياخشى بولاتتىكەن ئەسلى.

kutlan613

ئۆيىمىزنىڭ كەينىدە ئاتا-بۆۋىلىرىم كارىز كۆلاپ دۆۋىلىۋەتكەن لاي-لاتقا ،تۇپىلارنى كۆرسەم ئىچىم ...