كارىز ھەققىدە ئەلكۈيى ئېكرانى سۆھبەت

xaxballabiz

"ئەلكۈيى تور بېكىتى " شۇنداق بىر ئەھمىيەتلىك پائالىيەتنى ئورۇنلاشتۇرۇپتۇ . تېمىنى يوللىغۇچىغا شۇنداقلا " كارىز" تۆھپىكارلىرىنىڭ ئەجرىگە تەشەككۈر !

vmid219 ھەقىي سالاھىيەتلىك ئەزا

كارىز توغرىلىق سۆزلىسەك گەپ بەك ئۇزۇن.  مەنمۇ شۇ كارىز سۈيىنى ئىچىپ چوڭ بولغان،  ھازىرمۇ شۇ كارىز سۈيىنىڭ تەمىنى ھەرۋاقىت سېغىنىمەن.  بۇ قېتىم بېرىپ، بىرىنچى بولۇپ يۈگۈرۈپ بارغىنىم  تۇربا سۈيى ئەمەس،ئاشۇ كارىز ئىدى، لېكىن كۆرگىنىم بىر ساپلىق سۇمۇ ئالغىلى بولمايدىغان ئاشۇ كارىز سۈيى بولدى. شۇ ھامان كۆزۈمگە بالىلىق ۋاقىتلىرىم كۆرۈندى، بەزى بۇيى پاكارراق بالىلار سۇغا چۆكۈپ كېتەتتى.ھازىرچۇ؟ شۇ چاغدىكى ھېسسىياتىمنى تىل بىلەن تەسۋىرلەپ بېرەلمەيمەن.
  كۆپچىلىك، كارىز توغرىلىق تېخىمۇ كۆپ ئۇچۇرلارنى بىلمەكچى بولساڭلار ياكى  كارىزنى قوغداشقا تۆھپە قوشۇشنى خالىساڭلار مۇنۇ تور بەتنى كۆرۈپ باقارسىلەر. www.mykariz.com

lukqvn

    بالىلىق چاغلار مۇجەسسەملەنگەن كارىز بويلىرى،كەينىگە يانماس ھايات ......

مۇبارەك

كارىز ھەققىدە چۈشەنچەم جىق ئەمەسكەن. كارىز سۈيىنى ئىچىپ باققۇم بار.
< كارىز بېشىدىن كەلسەم، جۈجەملەر پىشىپ قاپتۇ...> دەپ خەلق ناخشىسى بارغۇ تۇرپاننىڭ، ئاھاڭى بەك چىرايلىق.
ھاززىر قېپقالغان كارىزلارنىڭ ئامان-ئېسەن بولىشىنى ئۈمىد قىلىمەن.

قوشۇمچە: رىياسەتچى قىز بەك ھودۇقۇپ كېتىپتۇ.

slayer

بۇ 13قەۋەتتىكىمۇبارەك يوللىغان 2011-07-29 19:58 غا قارتىلغان :
كارىز ھەققىدە چۈشەنچەم جىق ئەمەسكەن. كارىز سۈيىنى ئىچىپ باققۇم بار.
< كارىز بېشىدىن كەلسەم، جۈجەملەر پىشىپ قاپتۇ...> دەپ خەلق ناخشىسى بارغۇ تۇرپاننىڭ، ئاھاڭى بەك چىرايلىق.
ھاززىر قېپقالغان كارىزلارنىڭ ئامان-ئېسەن بولىشىنى ئۈمىد قىلىمەن.

قوشۇمچە: رىياسەتچى قىز بەك ھودۇقۇپ كېتىپتۇ.

مۇشۇ مۇبارەك خانقىزنىڭ ئىنكاس يىزىشىغا ھەيران قالىمەن مەن،بىر قارىسا خىيالىغىنا..بىر قارىسا شۇنداق ئەستايىدىل..كېلىڭە ئەمسە تۇرپانغا جىمى كارىزلار قۇرۇپ كەتمەستە قوقوچىڭىزغا(ئىككى ئالقاننى جۈپلەپ ،دۇئا قىلغان چاغدىكىدەك شەكىل چىقىرىپ سۇنى شۇ جۈپلەنگەن ئالقانغا ئېلىپ ئىچكەننى قوقوچلاپ ئىچتى دەيمىز ھە)تولدۇرۇپ تولدۇرۇپ قانغۇچە ئىچىۋېلىڭ!بىر چوڭ ئانام بار ئېدى بالا ۋاقتىمدا دائىم: بالام،سۇنىڭ ئۇستىدىن سۈزۈكىنى،ئاستىدىن مۇزدىكى ئېلىپ كىرىڭ،دەپ تۇرىۋالىدىغان!سىزمۇ شۇنداق يېرىنى ئېلىپ ئىچىڭ!

matimatika

ئۇيغۇرلارنىڭ ئاجايىپ پاراسەت بىلەن تۇرپاندا ئىجاد قىلىپ چىققان ھەيۋەتلىك قەدىمىي كارىز سۇ ئىنشىئاتى ئۇيغۇر مىللىتىنىڭ يېزا ئىگىلىكىنىڭ ناھايىتى بۇرۇنقى زاماندىلا يۈكسەك دەرىجىدە تەرەققىي تاپقانلىقىنى كۆرسىتىدۇ . ئۇيغۇرلارنىڭ كارىز مىسىرلىقلارنىڭ پىرامىداسىدىن قېلىشمايدۇ ، قايىل قىلارلىق كۈچىگە ئىگە سۇ ئىنشىئاتىدۇر !
..........
ھەقىقى باھا ....
كارىز ئىلمىي جەمئىيىتىنىڭ مۇدىرى غوپۇر نۇردۇن ئاكىنىڭ ئىشلىگەن ئەمگەكلىرىمۇ كۆپ.

gullaelim

كازىر تىلغا ئىلىنسا مىنىڭمۇ تۇرپانغا بىرىپ كارىز سۇلىرىنى قىنىپ قىنىپ ئىچىۋالغىم كىلىدۇ ، ئەپسۇس بۇ پەقەت بىرلا خىيال ، كارىز ئەجدادلار بىزگە قالدۇرغان بىزدىن بىر ھاياتلىق مەنبەسى  .شۇڭا ئۇنى قوغداش بىزنىڭ بىردىنبىر مەسئۇلىيتىمىز ، كۆكلەي دىسەڭ ئۇيغۇرۇم ،سۇ بولايمۇ يىلتىزمۇ !

lukqvn

بۇ 14قەۋەتتىكىslayer يوللىغان 2011-07-30 22:38 غا قارتىلغان  :

مۇشۇ مۇبارەك خانقىزنىڭ ئىنكاس يىزىشىغا ھەيران قالىمەن مەن،بىر قارىسا خىيالىغىنا..بىر قارىسا شۇنداق ئەستايىدىل..كېلىڭە ئەمسە تۇرپانغا جىمى كارىزلار قۇرۇپ كەتمەستە قوقوچىڭىزغا(ئىككى ئالقاننى جۈپلەپ ،دۇئا قىلغان چاغدىكىدەك شەكىل چىقىرىپ سۇنى شۇ جۈپلەنگەن ئالقانغا ئېلىپ ئىچكەننى قوقوچلاپ ئىچتى دەيمىز ھە)تولدۇرۇپ تولدۇرۇپ قانغۇچە ئىچىۋېلىڭ!بىر چوڭ ئانام بار ئېدى بالا ۋاقتىمدا دائىم: بالام،سۇنىڭ ئۇستىدىن سۈزۈكىنى،ئاستىدىن مۇزدىكى ئېلىپ كىرىڭ،دەپ تۇرىۋالىدىغان!سىزمۇ شۇنداق يېرىنى ئېلىپ ئىچىڭ!

مۇشۇ تور دۇنياسىدىمۇ   ئاجايىپ تۇنۇش گەپلەرنى ئاڭلايدىكەن كىشى .  بۇلۇپمۇ  كارىز سۈيىنىڭ "ئۈستىدىن سۈزۈكىنى ،ئاستىدىن مۈزدىكىنى "  ئىچىپ باققان باللارمۇ باركەن بۇ مۇنبەردە .

marwayit

بىز كىچىك چاغلىرىمىزدا ئىشىگىمىزنىڭ ئالدىدىن كارىز سۈيى شىلدىرلاپ ئاقاتتى، تۇرپاننىڭ تومۇز ئىسسىق كۈنلىرى سەھەر تۇرۇپ ئەڭ ئاۋال مۇزدەك كارىز سۈيىدىن ئككى ئالقاننى جۈپلەپ جاۋغايدىن ئېقىزىپ تۇرۇپ ئىچەتتۇق، چۈنكى چوڭلار شۇنداق ئۈگەتكەن، سەھەر تۇرۇپ ئىچكەن مۇزدەك كارىز سۈيى <يۈرەكنى ياشارتىدۇ>،<يۈرەككە داۋا>دەيتتى...
    بىز كىچىك چاغلىرىمىزدا سەي-كۆكتات قاچا-قۇچىلارنى شۇ مەھەلىمىزنىڭ ئۇ بېشىدىن بۇ بېشىغا ئاقىدىغان، ئىچىدە قارمتۇل كىچىك بېلىقلار پىلتىڭلاپ ئۈزۈپ ئويناپ تۇرىدىغان سۇپسۈزۈك سۇغا چىلاپ چۆكۈرۈپ-چۆكۈرۈپ يۇياتتۇق، ئەتراپىمىزدىكى ھەممە خوشنىلار ئاشۇنداق قىلاتتى، خوشنىلار ئارا كىمنىڭ ئۆيىدە لەگمەن، كىمنىڭ ئۆيىدە پولو، بەڭشە...دىگەندەك تاماقلار ئېتىلدىغىنىنى تەبىئىيلا بىلىشىپ كېتەتتۇق...
    بىز كىچىك چاغلىرىمىزدا شۇ كارىز سۈيى يىغىلغان كۆلدە سۇغا چۆمۈلۈپ ئوينايتتۇق، كۆل ئەتراپىدىكى قىرچىن تال، جۈجەم دەرەخلىرى ئۈستىدىن كۆلگە بالىلارغا خاس شوخلۇق بىلەن سەكرەپ ئوينايتتۇق، چۈنكى بىزدىن چوڭ ئاكا-ئاچىلىرىمىز شۇنداق ئوينايتتىكەندۇق بىزمۇ شۇنداق ئوينىغان، مىڭلار ئەپسۇس بالىلىرىمىز ئوينالمايدۇ...
   بىز كىچىك چاغلىرىمىزدا....
     ئارىدىن ئۇزۇن يىللار ئۆتتى ھەر مۆرتى شۇ مەھەلەمگە بارسام شۇ گۈزەل بالىلىق چاغلىرىمنى ئەسلەيمەن، كارىز سۈيى ھازىر ئاساسى جەھەتتىن قۇرۇپ قالدى، پەقەت يوقنىڭ ئورنىدا ئاقىدۇ، بىر تەخسىنىمۇ چۆكتىرەلمەيدۇ،  كۆل ئەتراپىدىكى ھېلىقى قىرچىن تاللارنىڭ،جۈجەم دەرەخلىرىنىڭ يۇپۇرماقلىرى قۇرۇشۇپ شۈمشىيىپ قالغان بولۇپ سىزدىن نىمىنىدۇر تەلەپ قىلىۋاتقاندەك قىلىدۇ...

ataxmehri

سۇ _ىاياتلىقنىنڭ جان تۇمۇرى.سۇ بۇلمايدىكەن،بۇ ىاياتلىقمۇ بۇلمايدۇ.كارىز ئۇيغۇر خەلقىنىڭ ئەقىل پاراسەت جەۋھىرى،كاتتا مۆجىزە.ىاياتلىقنى سۇيىدىغان ،ئەمگەكچان ئۇيغۇر ئوغۇل قىزلىرى تارىختىن بۇيان كارىزنى قوغداپ ،مىھنەتسىز تەر تۇكۇپ  كارىزنى ئەۋلاددىن ئەۋلادقا ئۇلاپ كەلدى.  بۇگۈنكى كۈندە كارىز  مىللىتىمىزنىنڭ تارىختىن يوقىلىش ئالدىدا تۇرىۋاتقان مەدەنىي مىراسىغا ئايلىنىپ قالدى.ھازىر  كارىزنى قۇغداش ئۇيغۇر پەرزەنتلىرىنىىڭ چوقۇم ئادا قىلىشقا تىگىشلىك  بۇرچى بۇلۇپ قالدى.قېرىندىشىمىز yarkn دىگەندەك ھەممىمىز كارىزنى قۇغداپ قېلىش ئۇچۇن خالىس كۈچ چىقارساق ھەم سۇ .ئىشلىرى ساھەسىدىكى قېرنداشلىرىمىزمۇ كارىزنى قۇغداپ قېلىش ئۈچۇن تىگشلىك تۇھپىسىنى قۇشسا ،كارىزنى قۇغداپ قالغىلى بۇلاتتى. كارىزنى قۇغداپ قېلىش ئۇچۇن پۇلى بارلا پۇل چىقارساق ،يۇلى بارلا ھۇكۇمەتنىڭ مەبلغنى قۇلغا كەلتۈرسەك كارىزنى قۇغداپ قېلىشتا ئۇمىد بار.