پەخرىيە ئەشرەپ بىلەن ئەلكۈيى ئېكرانىدا سۆھبەت

mahliya0999

بارىكاللا سىڭلىم ... ئەقلىڭىز تىخىمۇ زىيادە بولسۇن !!

taranqi

بارىكاللا ... !  سىڭلىم تېخىمۇ تىرىشىپ ئۆزىڭىزنىڭ ئارزۇسى بويىچە ئالەمچە غەلبە قازىنىشىڭىزنى ئۈمىد قىلىمەن .... !

sarsan@roh

ھەقىقەتەن تالانتلىق قىز... يۈز تۇرانە زىيارەتنى كۆرگەنلىكىمدىن خۇشالمەن...

oomph

   سىڭلىمىز پەخرىيەنىڭ ئالىي مەكتەپ ئىمتىھانىدا قولغا كەلتۈرگەن نەتىجىسىنى تۈنجى كۈنى باشقا تورىدىن كۆرۈپ بەك خوش بولغانلىقىمدىن ئىدارەمدىكى يولداشلارغىمۇ كۆرسەتتىم. " قاراڭلار بىر ئۇيغۇر قىزى ماتېماتېكىدىن تولۇق نومۇر ئاپتۇ... " بەك پەخىرلىنىپ كەتتىم. بولۇپمۇ بۇ قىزنىڭ ماتېماتىكىدا تولۇق نومۇر ئېلىشى مېنى بەكلا ھاياجانلاندۇردى.
بۇ پارتلاش خاراكتېرىدىكى خەۋەرنى ئۆيگە بېرىپ ئايالىمغا ئېيتتىم ، ئۇمۇ ماڭا مەنمۇ بۇگۈن چۈشتىن ئاۋال ئىدارىدە بۇ خەۋەرنى ئۇقتۇم  ۋە ئىدارەمدىكىلەرگە كۆرسىتىپ شۇنداق پەخىرلەندىم دىدى .
قانداق ئاتا-ئانا تەربىيىلىگەن قىزدۇر بۇ ؟ نىمەدىگەن مەسئۇلىيەتچان ئاتا-ئانىلار ، شۇ قىزنى تۇغقان ئانىسىغا مىڭ تەشەككۈر . شۇ قىزنى جاپالىق تەربىيلىگەن ئاتا-ئانىسىغىمۇ رەھمەت دىيشتۇق.
ئۆزۈمنىڭ ئەينى چاغدا 90-نەچچىنچى يىلىدىكى 150 نومۇرلۇق ماتېماتېكا ئىمتىھانىدا 30 نومۇر ئالغانلىقىمدىن بەك نومۇس قىلدىم . گەرچە ئۇ چاغدا مەن ئەدەبىياتتا 145 نومۇر ئېلىپ مەكتەپ بويىچە ئەدەبىياتتا 147 نومۇر ئالغان قىزنىڭ كەينىدە 2- ئورۇندا تۇرغان ۋە بۇ نەتىجەمدىن   خوش بولغان بولساممۇ ، ئىزچىل كاللامدا ئەزەلدىن ئۇدۇمدەك بولۇپ ئورناپ كەتكەن ماتېماتىكىدا يۇقۇرى نومۇر ئېلىش تەس دىگەن ئۇقۇم ئۆز رولىنى كۆرسەتكەنمۇ ئاخىرى ماتېماتىكىدا يۇقۇر نومۇر ئالالمىغان ئىدىم.
بۇ قىز ئۇيغۇر ئوقۇتقۇچى ۋە ئوقۇغۇچىلىرىغا قاتتىق بىر سىگنال چالدى، يەنى ئۇيغۇر ئوقۇغۇچىلارمۇ ماتېماتىكىدا تولۇق نومۇر ئالالايدۇ... دىمەك ئۇيغۇر ئوقۇغۇچىلار تەبىئى پەندە مەڭگۈ ئاساسى ئاجىز دەپ قارىلىۋەرمەيدۇ.
كىشىلىك ھاياتتا كىشىلەرگە خۇددى ئۆزگەرتكىلى بولمايدىغاندەك تۇيۇلۇپ بىر ئەۋلاد كىشىلەرگە قاتتىق ئۆتكەل بولۇپ تۇيۇلىدىغان ئۇقۇملار كۆپىنچە پەخرىيەدەك يېڭىلمەس، ئىرادىلىك كىشلەر تەرىپىدىن شۇ ئۆتكەل بۇزۇلغىچە ئۇ ئۆزىنىڭ سىرلىق قىياپىتىنى ساقلايدۇ.
ئەمدى پەخرىيە قىزىمىز بىزگە ئالىي مەكتەپ ئىمتىھانىدىكى تەبىئى پەندە يۇقۇر نومۇر ئېلىش ئۇيغۇر ئوقۇغۇچىلار ئۈچۈن مۆمكىن بولمايدىغان ئىش ئەمەس دەپ ئۆز نەتىجىسى ئارقىلىق جاكارلىدى.
نەتىجە تىرىشقان كىشىلەرگە مەنسۇپ ! نەتىجە ئىرادىلىك كىشىلەرگە مەنسۇپ ! نەتىجە باتۇرلارغا مەنسۇپ ! نەتىجە ئىچكى كەيپىياتى تۇراقلىق ، پىسخىك ساپاسى نورمال كىشىلەرگە مەنسۇپ !!!

维医医生 ھەقىي سالاھىيەتلىك ئەزا

پەخرىيە باشقا سۆزلەرنى دىيىش ھاجەتسىز . سىز راستىنلا مىلللىتىمىزنىڭ ،يۇرتۇمىز شىنجاڭنىڭ پەخىرلىك قىزى بولدىڭىز . بارىكاللا ئوماق سىڭلىم ،ھەممىمىز سىزدىن پەخىرلىنىمىز . ئۈمۈدىم: يات بىر مىللەت ،يات بىر يۇرتقا كىتىش ئالدىدا تۇرىۋاتىسىز ، سىزدىن كۈتىدىغىنىمىز : يات مىللەت ئارىسىدا ياخشى تەسىرىڭىز قالسۇنكى ،ھەرگىزمۇ يات مەدىنىيەت ،يات ئللەتنى يوقتۇرۋالماڭ ؛چۈنكى بىز تەكىتلەيدىغىنىمىز مىللىتىمىزنىڭ ئەدەپ -ئەخلاق مەدەنىيتى . يۇرتىڭىزغا ئوقۇش پۈتتۈرۈپ كەلگەندە مەن بىر ئەخلاقلىق ئۇيغۇر قىزى دەپ بېشىڭىزنى تىك كۈتۇرۈپ يۈرەلەيدىغان بولۇڭ.مانا بۇبىزنىڭ ئۈمۈدىمىز

dolataogli

ياشاپ كەت سىڭلىم پەخرىيە، بۇندىن كېيىنكى ئىشلىرىڭىز تېخىمۇ ئۇتۇقلۇق بولسۇن، داۋالىق تىرىشىڭ!

kogunqi

مېنىڭ قىزىم بىلەن تەڭ قىزكەن قىزىممۇ بۇ يىل ئېمتاھان بەرگەن .بۇ قىزنىڭ  نەتىنجىسىنى ئاڭلاپ خۇدى ئوز قىزىم شۇنداق نۇمۇر ئالغاندەك بەكلا ھاياجانلاندىم چۇنكى ھەمىسى بىزنىڭ پەخرىمىز ئوگۇيى يوق .شۇنىڭ بىلەن بىرگە تورداشلارنڭ ئېنكاسلىرىنى كۇرۇپ بىر دادا بۇلۇش سۇپۇتۇم بىلەن كۇزۇمدىن ياش قۇرۇمىدى مەن خېلە قەيسەر ئادەمتىم لىكىن بىلمىدىم بۇ مەنزىرنى كۇرۇپ شۇنداق ھاجانلىنىپ قالدىم، بارىكالا  قىزىم  بۇ بۇندىن كىيىنكى ئوقۇغۇچىلا ئۇچۇنمۇ بىر ئېلھام بولدى .بىز قايسى ئېشنى قىلمايلى بەل قۇيۇۋەتمەي قىيدېماي تىېرىشساقلا نەتىنجىنى باشقىلارمۇ كۇرەلەيدۇ چۇنكى ئالتۇن پوققا چۇشۇپ كەتسىمۇ ھامان ئالتۇن  جۇلاسىنى يوقاتمايدۇ

zilnur

ئەلكۈيى تورىنىڭ، بۇ قىز نىڭ ئۇتۇقلىرىنى  جەمىيەتكە تونۇشتۇرغانلىقى ناھايىتى ياخشى بوپتۇ. بۇنىڭدىن كىيىنكى ئالى مەكتەپكە ئېمىتھان بېرىدىغانلار  ئۈچۈن ياخشى بىر يىتەكلەش بولغىدەك.

hizmatqi

پەخرىيەنىڭ 150نومۇرنى قولغا كەلتۈرىشى بىزگە ماتىماتىكىدا 25 -30  دەپ نومۇر چېكى بەلگىلەپ بەرمىسىمۇ،بىزنىڭمۇ باشقىلارغا ئوخشاش ئۇنداق نومۇر چەكلىمىسىز ئالىي مەكتەپ ئىمتىھانىدىن ئۈتەلەيدىغانلىقىمىزنى،ئۇيغۇر پەرزەنتلىرىنىڭ ئەسلى قانداق ئېكەنلىكىنى بىر قېتىم كۈچلۈپ ئىسپاتلاپ بەردى.مېنىڭچە بۇنىڭدىن كىيىن پەخرىيە ئەمدى ئىمتىھان بىرىدىغانلارغا،بەرمەكچى بولغانلارغا شۇنداقلا جەمىئەتتىكى باشقا ئاتا-ئانىلارغا پەخىرلىنىش،ئۇنىڭدىن ئۈگىنىش،نىمىنىڭ تىرىشىش ئىكەنلىكىنى بىلدۇرۇپ قويىدۇغۇ دەيمەن.
ئەلكۈيى تورىنىڭ پەخرىيەگە سوۋغا قىلغان بادام دوپپىسى خۇيمۇ چىرايلىق يارىشىپتۇ.ئىككى دوپپا كىيگەن زىيارەتچى ۋە زىيابرەت ئوبىكتى كۆزلىرىمگە چىرايلىق ئۇيغۇر قىزلىرىنىڭ لاتاپىتىنى بىر قېتىم نامايەندە قىلدى.

پەخرىيەنىڭ زىيارەت جەريانىنى كۆرگەن ئادەمنىڭ ئۇنىڭ تىل قابىلىيتىنىڭ  ناھايتى ياخشى ئىكەنلىكىنى كۆرىۋالماق تەس ئەمەسكەن،ئۇنىڭ ئۈگىنىش ئۇسۇلى.غەلبىسى مېنىڭچە بىر قېتىملىق تەتقىق قىلىنىشقا ،مۇتەخەسىسلەرنىڭ پىكىر قاتناشتۇرۇپ كەڭ ياشلارغا ئۈلگە قىلىشىغا مۇھتاج ئىكەن.باشتىن ئاخىرى ئۇ توغرىلىق خەۋەر ۋە مەزمۇنلارنى ، ئەلكۈيى ئېكرانى زىيارىتىنى كۆرۈپ ھىس قىلغىنىم شۇكى: پەخرىيەنىڭ مۇشۇنداق چوڭ غەلبىگە ئېرىشىشىگە ئەڭ ئالدى بىلەن ئۇنىڭ ئاتا ئانىسى،ئەشرەپ مۇئەللىم،زىياخان مۇئەللىم قىزى ئۈچۈن نىمىنىڭ غەلبە،نىمىنىڭ ئۈگىنىش ئىكەنلىكىنى،بالىغا بېسىم ئەمەس،ئالدى بىلەن ئۆزىنى يىڭىشنىڭ مۇھىملىقىنى تولۇق بىدۈرۈپتۇ،ئائىلىدىكى كۈنلىرىنى ياخشى ئورۇنلاشتۇرۇپتۇ.ياخشى تەربىيە ئاستىدا چوڭ بولغان پەخرىيە ئۆزىنىڭ ئەقىلنىڭ تەكەپپۇرىنىڭ قانات يېيىشى بىلەن مەن چۇقۇم غەلبە قىلىمەن دېگەن نىيەتتە ئۈگىنىپتۇ دەپ قارىدىم،دىمىسىمۇ ئۇ غەلبە قىلدى.ئۇلا ئەمەس ھەممەيلەن غەلبە قىلدۇق.پەخرىيەگە ئوخشاش پەخىرلىك ئوغلانلار،قىزلار ئۇيغۇرنىڭ مەڭگۈلۈك پەخرىدۇر.

ramizani

كۆپچىللىك ئىملاغا دىققەت قىلايلى، بولۇپمۇ ئىسىمغا، باشقىلارنىڭ ئىسمىنى قالايمىقان ئاتاش ھەقىقەتەن بەك ھۆرمەتسىزلىك بولىدۇ جۇمۇ! پەخرىيەنىڭ بۇندىن كېيىنكى ئۆگىنىشىگە تېخىمۇ زور ئۇتۇقلارنى تىلەيمەن!