مىللەتنى قاچانغىچە سۆكۈمىز

taxbalik

	20يىلدىن بۇيان مىللەتنى سۆكۈشنى باشتا  زىيالىيلارمىز باشلاپ بەرگەن بولسا مانا ئەمدى ئادەتتىكى دىۋانىمۇ ھىچقانچە ئەيمىنمەيلا خاتىرجەم قورقىماي سۆكىدىغان  بوپتۇ . ئۆتكەندە 9 -يولنىڭ ئاپتۇبىسىدا بىر 20ياشلار ئەتراپىدىكى بىر بالاماشىنىدا بىز ئۇيغۇر دىگەن تىگىمىزدىن ئوسال خەق ، شۇڭا بۇندىن كىيىن كۆردىغان كۈنمىز ئالدىمىزدا ....دەپ نۇرغۇن گپلەرنى قىپ كەتتى . بۇ بالنىڭ تىللىشىنىڭ سەۋەبى بەكمۇ ئاددى.  بالا كۆتۈرۋالغان 30ياشلار ئەتراپىدىكى ئاكا- ئۇكارلار بىكەتتە ماشىنىغا چىققان ئىدى ماشىنىدا بىر بوش ئورون بولغانلىقتىن ئاكىسى ئۇكىسغا بالىنى بىرىپ ئۆرە تۇرغان ئىدى ، كىيىن ماشىنا كىيىنكى بىكەتكە كەلگندە 50ياشلار ئەتراپىدىكى بىر سىمىزرەك كەلگەن ئادەم چىققان ئىدى، شۇنىڭ بىلەن  مۇشۇ ۋاقىتتا ھىلقى  مىللى قەھرىمان قىنى قىززىق ياش بالا، ھىلقى بالسىنى تۇتۇپ ئولتۇرغان بالىغا سەن ئورنىڭنى ماۋۇ ئادەم سىمىز بولغاندىكىن بوشتۇپ بەرمەمسەن . سەندەكمۇ ئۇيغۇر بولامدۇ بۇ سىمىز ئادەم قىيلىنىپ كەتتى، ئورنىڭدىن تۇرماسەن دەپ بىكاردىنلام بۇلارنى تىللاپ كەتتى ، ئىسىت ئۇيغۇر دەپ ... كىين نىمىشقا بۇلارنى تىللايدىغاندۇ دەپ بالا كۆتۈرۋالغان ئاكا-ئۇكلاردىن سورسام بۇلار ئەسلى بالسىنى(تۆت ياشلىق قىز ) تەكشۈرتۈپ دوختۇرخاندىن قايتىشى ئىكەن ، قولىدا دوختۇرندا يىزىپ بەرگەن دىئاگىنوز قەغىزى  تۇرىدۇ ،  ،مۇشۇ گەپنى دىگىچە كۆزلىردىن ياش چىقىپ كەتتى 30 ياشلق ئادەمنىڭ قاراڭ ماۋۇ بالا كىچىك تۇرۇپ بىزنى ئورۇنسىز ئەيىپلەپ كەتتى دەپ . سىلەر نىمىشقا گەپ قايتۇرمايسىلەر دىسەم بۇلار مەلۇم يىزىدىن كىرگەن ئىكەن دوختۇر بالاڭنى ۋاختىدا داۋالاتمىساڭ كىيىن پۇشايمان قىلغان بىلەنمۇ ئورنىغا كەلمەيدۇ دەپ ، دوختۇرنىڭ دىئاگىنوز ئىسپاتىنى ماڭا كۆرسەتتى ، بۇ دىئاگنىنوزنى ماڭا سۇنغان ئىدى قارسام بالسىنىڭ مىڭىسىدە ئۆسمە بار ئىكەن دەپ دىئاگىنوز قويۇپتۇ. قوللىرىم تىترەپ كەتتى ، يۈرگۈم شۇنداق ئىچشىپ كەتتى، بالىغا قاراپ ئۆزۈمنى يىغلاشتىن ئاران تۇتۋالدىم . سىلەر بالنى داۋالاتماي نىمىشقا قايتىپ چىقتىڭلار دىسەم ئۇلار ئۆيگە بىرىپ پۇل تەييارلاپ كىلىپ ئاندىن داۋالىتىمىز دەيدۇ . بۇلارنىڭ كۆڭلى يىرىم ۋاقىتتا ھىلقى بالنىڭ مىللەتنى پاش قىلىپ مىنىڭ چۈشەندۈرشىمنى ئاڭلىماي ئورونسىز  بىزنى تىللاپ  كەتتى ، ئەگەر بالام ساق بولغان بولسا ئۇ بالا دىمىسىمۇ مەن شۇنچىلىك ئەقەللى ساۋاتنىمۇ بىلمەي قالامدىم ، بىز مۇسۇلمان تۇرۇپ بىر-بىرمىزنى مۇشۇنداق تىللاپ ئۆتەمدۇق ، مىنى ئەزەلدىن بىرسى بولۇپمۇ مەندىن كىچىك باللار بۇنداق ئاقارەتلەپ باقمىغان ئىدى دەپ ئۇھسىنىپ كەتتى . تىللىغان بالنىڭ گەپ سۆزلىردىن قارسام ئالى مەكتەپتە ئوقويدىكەن  . نىمىشقا بۇلارنى ئورونسىز ئاقارەتلەيسەن دەپ سورسام ئۇيغۇر بولغاندىكىن ئورون بوشتۇپ بەرسا نىمە بوپتۇ ، بىز ئۇيغۇر ئوسال بولغاچقا مۇشۇنداق .... ئۇنداق... دەپ يەنە ئۆزنىڭ گىپىنى دىگىلى تۇردى ، خىلىلا چۈشەندۈرسەممۇ يەنە قايىل بولماي ماشىنىدىن چۈشۈپ كەتتى . ئويلاپ باقايلى بىز يەنە قاچانغىچە ئىللەت مىىللەتتە ئەمەس شەخستە . ئۇيغۇرلار ئانداق، مۇنداق ئەبگا دەپ يۈرمىز . قاراڭ 30ياشلىق ئادەمنىڭ كۆزىدىن ياش چىقاماق شۇنچە ئاسانمۇ . بۇ مەن ئەمەلى شاھىت بولغان ۋەقە ، بىز ئەمدى ئۈگەنگەن بىلىملىرمىز بىلەن ئۆزىمىزنىڭ دىھقانلىرنى ، ئوقۇش پۇرسىتى بولماي تۇرمۇشنىڭ داۋانلىرىدا ئاران تۇرمۇش كەچۈرۋاتقان بىچارە كىشلىرمىزنى تىللاشقا ئىشلىتەمدۇق ئەمدى . ئۇلاردا نىمە گۇنا ؟ زىيالىلىرمىز كۆتۈرەلمىگەن يۈكنى شۇلارغا ئارتىپ قويامدۇق ؟ ئۇلار يەر تىرىپ ھۆكۈمەتنىڭ گەپ سۆزلىرى يەتمىگەندەك ئەمدى بىزدەك زىيالىلارمۇ نەشتىرمىزنى شۇلارغا سانجىمدۇق ؟ بۇ ئاددى مەسلىدەك ئاڭلانغىنى بىلەن كاللىمىزنى سەگەك تۇتۇپ ئويلانساق بىر ئادەمنىڭ پۈتۈن بىر مىللەت ئۈستىدىن يەنى بىر سىتودىنىنىڭ ھىچقانچە ئۇيالمايلام ( خجىل بولمايلام) مىللەتنىڭ ئۈستىدىن ھۆكۈم چىقىرىشىغا زادى نىمە سەۋەبچى . ئۇنىڭغا (شۇ شەخسكە) مىللەت ئۈستدىن ھۆكۈم چىقرىش ھوقوقىنى ئۇنىڭغا كىم بەردى؟ تارىخى ماتىرياللارنى ئاختۇرۇپ باقساممۇ ھىچقانداق بىريىرىدە ھەرقانداق ئادەمنىڭ ( ئۇلۇقلىرمىزنىڭ) مىللەتمىز ئۈستىدىن ھۆكۈم چىقارماپتىكەن . گەرچە مەن داڭلىق يازغۇچى ياكى ئۇلۇق كىشلەردىن بولمىسامۇ بۇ ماڭا تەسىر قىلغان ھەقىقى ۋەقە بولغانلىقتىن بۇ مەسىلنى كۆپچىلىك بىلەن ئورتاقلىشىش مەخسىدىدە  مۇشۇلارنى يىزىپ ئوتۇرۇپتىمەن . ئەمدى مىللەتنىڭ ئەيبىنى ئاچىدىغان ئىشلارنى قىلمىساق . ئەمدى يىتەر ، ھازىر بىر-بىرمىزنى قوللاشقا ، رىغبەتلەدۈرشكە مۇھتاجمىز !  مەنبە    ئۆزۈم

tutem

	يىلتىزىمىزنى تاپقۇچە سۈكۈپ تۇرىمىز.باشقا مىللەتلەرگە دوق قىلالمىغاندىكىن،باشقا تەرەققىياتى ئۈستۈن مىللەتلەرگە يىتىشەلمىگەندىكىن ئامال يوق.ھەممە ئىشنىڭ ۋاقتى-سائىتى كەلگەندە ھېچكىم ھېچكىمنى سۈكمەيىدۇ.بەلكىم كوممۇنىزىم يىتىپ كەلگەندە سۈكمەسمىز،ئەمما مەن بەندىلىك بۇرچۇمنى ئادا قىلىپ بۇلۇشۇم مومكىن.

barkatjan

	ئامما لىكىن ھەقىيقى توغرا گەپ بوپتۇ مۇشۇ......ئويلاپ بىقىڭلار بىز ھەتتا بىر بىرىمىزنىڭ ئانداق مۇنداق دەپ تىللاپ يۇرسەك.باشقامىللەتلەر نىمەدەر بىزنى...بىزبولساقمۇ مىللىتىمىزنى تىللىمايلى  قىرىنداشلار...........

nasin

	نامسىز(مىكرو ھىكايە) مارىس ئادەملىرى يەرشارىغا ھۇجۇم قىلماقچى بولۇپ، نۇرغۇن جاسوسلارنى يەرشارىدىكى ئادەملەر سىياقىدا  ياساپ، يەرشارىغا تەكشۈرۈشكە ئەۋەتىپتۇ. بۇنىڭ ئىچىدە بىر جاسوس ئۇيغۇر سىياقىغا كىرىۋىلىپ شىنجاڭغا كەپتۇ. ئۇ شىنجاڭنىڭ ئەھۋالىنى چۈشەنمەكچى بولۇپ بىر قاۋاقخانىغا كىرىپ كىشىلەرنىڭ گىپىنى تىڭتىڭلاپتۇ. ياندىكى بىر جوزىدا ئىككى ياش ھاراقنى تىكىلىۋىلىپ ھەدەپ جوزىنى مۇشلاپ مىللىتىنى سۆكۈۋاتقۇدەك، "ئىسىت ئۇيغۇر!بىز ئۇيغۇر دىگەن مانداق خەق، ئانداق خەق.بىز ئۇيغۇر دىگەن زادى قالاق ئوسال خەق. بىزنىڭ قىز-ئاياللىرىمىز بۇزۇلۇپ كەتتى، ئەرلىرىمىزدە غورۇر قالمىدى......."دىگەندەك توختىماي سۆزلەۋاتقۇدەك.مارىس جاسوسى ئاستا ئۇلارنىڭ يېنىغا بېرىپ ئۇلار بىلەن يېقىنلىشىپ ھال-مۇڭ بولۇشۇپ، ئۇلارنىڭ ئەھۋالىنى ئىگەللەپتۇ. بىر دەم ئەھۋاللاشقاندىن كىيىن جاسوس سوراپتۇ. -ئىككىڭلار ئۇيغۇرمۇ؟ -ئەلۋەتتە، دىيشىپتۇ ئىككىسى . جاسوس ئاستا ئورنىدىن تۇرۇپ بىردىنلا ئىككىسىنىڭ يۈزىگە چاراس-چۇرۇس بىردىن تەستەك ساپتۇ . -باياتىندىن بىرى ئىككىڭنىڭ گىپىنى ئاڭلاپ تېخى، ھەرقايسىڭنىڭ دادىسىنى لاتا،ئەبگا ھاراقكەش، ئاناڭنى بۇزۇق، سىڭىللىرىڭنى كوچىغا چىقىپ قالغان ئوخشايدۇ دەپتىكەنمەن. بىر ئوبدان ئاتا-ئانا، ئىنى سىڭىللىرىڭ، دوست-بۇرادەرلىرىڭ تۇرۇپ شۇلارغا ھاقارەت قىلغان ئىككىڭ ماۋۇ زىمىندىكى ھەممىدىن يارىماس نەرسىلەركەنسەن. دەپتۇ دە،بۇ ئىككىسىنىڭ ئىنكاس قايتۇرىشىنىمۇ كۈتمەي يېنىدىن بىر كونتروللىغۇچنى چىقىرىپ بىر بېسىپلا غايىپ بوپتۇ.

koktash

	ئۆسەر يەرنىڭ باللىرى بىر-بىرىنى پالۋان دەر، چۆكەر يەرنىڭ بالللىرى بىر-بىرىنى گالۋاڭ دەر! راستقا ئايلانغان پەزىلەت (مىكرو ھېكايە2) بىر ئايال، خىزمەتكار ياللىماقچى بولۇپتۇ، ھەمدە ياللانماقچى بولغان خىزمەتكارنىڭ ئاۋۋالقى خوجايىنىنىڭ تېلېفون نومۇرىنى ئىزدەپ تېپىپ، خىزمەتكارنىڭ ئەھۋالىنى ئالدىن بىلىپ باقماقچى بولۇپتۇ. ئويلىمىغان يەردىن سابىق خوجايىن خىزمەتكار ئۈستىدىن داتلاپتۇ، ھەمدە خىزمەتكارنى بوشاڭ، ھورۇن، بۇگۈن چاقىرسا، ئەتە ھە دەيدىغان، كىرلەرنى پاكىز يۇيالمايدىغان، تاماقلارنى ياخشتى ئەتەلمەيدىغان، مەينەت قىلىپ تەسۋىرلەپتۇ. ئايال سابىق خوجايىنغا رەھمەتلەرنى ئېيتىپ، تېلېفوننى قويىۋېتىپتۇ. ئەتىسى خىزمەتكار ئايالنىڭ ئۆيىگە كەپتۇ. ئايال خىزمەتكارغا مۇنداق دەپتۇ: - مەن تۆنۈگۈن سابىق خوجايىنىڭىزغا تېلېفون قىلدىم، ئۇ سىزنى بوشاڭ، مەينەت دەپ تەسۋىرلەپ بەردى. لېكىن بۈگۈن سىزنىڭ تەقى-تۇرۇقىڭىز، كىيىنىشىڭىز، گەپ- سۆزلىرىڭىزگە قاراپ، ئۇنداق ئەمەسلىكىڭىزنى ھېس قىلىۋاتىمەن. مەنچە بولسا سىزنىڭ بۇرۇنقى خوجايىنىڭىز سىز گە ھەسەت ۋە ئىچى تارلىق قىلىپ شۇنداق دىدى. ئىشىنىمەنكى، سىز چوقۇم بۇ ئۆينى مەن ئويلىغاندىنمۇ ياخشى تۇتۇپ كېتەلەيسىز ....... دەرۋەقە، ئەتىسىدىن باشلاپ خىزمەتكار ئىشلارنى جاي-جايىدا قىلىپ، يېڭى خوجايىننىڭ ئويلىغان يېرىدىن چىقىشقا باشلاپتۇ. (دالىي كارنىگ ھېكمەتلىرىدىن پارچە) ئوڭنى ساراڭ دېسە، ساراڭ بولىدۇ (مىكرو ھېكايە 3) مەن ئىشلەيدىغان مەھەلىدە بىر كېلىشكەن يىگىت بولىدىغان. كاللىسىدا بىرەر ئىشنى تولا ئويلامدىكىن بىلمىدىم، ئەتراپتىكىلەر ئۇنى "ساراڭ بولۇپ قاپتۇ" دەيتتى. ئاتا-ئانىسىمۇ شۇنىڭغا ئىشىنىپ، 4-دوختۇرخانىدا بىر مەزگىل داۋالاتتى، لېكى  يەنىلا "ياخشىلىنىش يۈز بەرمىدى"، بۇرۇنقى ئىشلىرىنى بىلمەيدىكەنمەن، لېكىن ئۇ بىچارە ئالىي مەكتەپنى ئوقۇغان بولسىمۇ، ئىش ئورنى ۋە خەجلىگىدەك پۇلى يوق، ھەمىشە ئۆيدىكىلىرىدىن پۇل ئالىدۇ، بەزىدە ساقال-بۇرۇتلىرى ئۆسۈپ كەتسىمۇ، ئۆيىدىكىلىرى پۇل بەرمىگەچكە، ئاشۇنداق "ساراڭدەك" يۈرىدۇ. قىزىق يېرى، ئۇ يىگىتنىڭ گەپ- سۆزلىرى شۇنداق جايىدا بولسىمۇ، باشقىلار ئۇنى "ساراڭ" دەپ قارايدۇ، شۇڭا ئۇمۇ ئۆزىنى "ساراڭ ئوخشايمەن" دەپ بىلىدۇ.   سىز قانداق ئويلىسىڭىز، نىيىتىڭىز شۇنداق بولىدۇ، نىيىتىڭىز قانداق بولسا، سىز شۇنداق بولىسىز! مەن توردىن ئېنگلىزچە ماتېرىياللارنى تولا ئاختۇرىمەن. ئېنگلىز تىلىدىكى ماقالىلەردىمۇ ئۇيغۇر مىللىتىنىڭ دۇنيادىكى تۇتامغا چىققۇدەك چوڭ قەۋم ئىكەنلىكىنى بىلگىلى بولىدۇ. مەنمۇ بۇرۇن ئۇيغۇرنى ئۆزىمىزدىن باشقا ھېچكىم بىلمەيدىغان، ئۆزىمىزنى ئۆزىمىزلا ماختاپ كۆككە كۆتۈرىۋاتقان ئەخمەقلەردىن ئوخشايمىز دەپ بىلەتتىم، لېكىن ئەھۋال دەل بۇنىڭ ئەكسىچە ئىكەن. تارىختا ئۇيغۇر ئالىملىرى كۆپ، ھازىرمۇ ئالىملىرىمىز كۈنسايىن كۆپىيىپ مېڭىۋاتىدۇ. تورد دۇنياسىدىن مەلۇم بولۇشىچىمۇ، ئۇيغۇرلاردىن تالانتلىقلار ھەقىقەتەن كۆپ. قىسقىسى، دۇنيادا ئۇيغۇردەك نوچى مىللەت يوق!!!

ankarali

	ئالدى بىلەن تارىختا ئوتكەن مىللى قەھىرمان-ئالىملارنى كەڭ -كولەمدە تەشۋىق قىلىش،ئاندىن ياشلار ئارىسىدا يۇز بىرىۋاتقان ھاراقۋازلىق-قىمارۋازلىق-بېكارچىلىق ئەھۋاللىرىنى ئىلمى ئۇسۇلدا قامچىلاپ،ئۇلارغا ھەقىقى ئادەم بۇلۇش ۋە تۇرمۇشنىڭ ھەقىقى مەنىسىنى بىلدۇرۇپ،ئۇلارنى ئۇزىنى سۇيىدىغان،مىللەتنى سۇيىدىغان ئىسىل پەزىلەتنى يىتىلدۇرۇش ئىنتايىن مۇھىم،بۇ ھازىرقى جەمىيەتتىكى مۇنەھۋەر زىيالىلارغا قۇيۇلغان ئاساسى تەلەپ،بۇ قىيىن ھەم شەرەپلىك ۋەزىپە زىيالىلىرىمىزنىڭ ئۇزۇن مۇددەتلىك باش تارتىشقا بولمايدىغان پۇرچى.

koktash

	ئانكارالى (ئەنقەرەلىك) ئەپەندى ھاراقۋازلىق-قىمارۋازلىق-بېكارچىلىق ئەھۋاللىرىنى ئىلمى ئۇسۇلدا قامچىلاپ ........ --------------------------- مۇشۇ ئەڭ بولمايدىغان ئىش. ھاراقكەشلىك، قىمارۋازلىق ۋە بىكارچىلىق ھەر قانداق مىللەتنىڭ تەركىبىدە مەلۇم نىسبەتتە مەۋجۇت بولۇپ تۇرىدۇ. بۇ بىر مۇقەررەرلىك. سىز بۇ قامچىلايمەن دېسىڭىز، پۈتۈن ئۇيغۇرنى تەڭ قامچىلىغان بولىسىز! بۇرۇنقى مىللەتتىكى "ئىللەتلەر"نى سۆكىدىغان ئىشلارمۇ دەل ئاشۇنداق شەخسكە تەئەللۇق ئىشلارنى قامچىلاشتىن باشلانغان. مۇمكىن بولسا، ئەتراپتىكى ياخشى ئىشلارنى تەشۋىق قىلىڭ. مۇشۇنىڭغا قاراپ ئەتراپتىكىلار "ياخشى" بولسا، ئۇنداق ھاراقكەش، قىمارۋازلارمۇ ئۆزلۈكىدىن ئىزا تارتىپ بولسىمۇ، ياخشىلىنىپ كېتەر. قومۇلنىڭ قاردۆۋە دەپ يېزىسى بار. ئۇ يېزىدىكى كىشىلەر ھاراق تۈگۈل، كوچىدا تاماكىمۇ چەكمەيدۇ. ئۇ يېزىنىڭ 90%تىن كۆپىرەك ئاھالىسى مۇسۇلمان، يەنى 5 ۋاق نامازلىق بولغاچقا، يېزىنىڭ ئاز قىسىم ئىچەرمەن- چېكەرمەنلىرىمۇ ئۆزلىرىنىڭ قىلىقلىرىدىن ھېيىقىپ، ئادەم بارمايدىغان يەرلەردە ياكى ئۆيلىرىدىلا ھېلىقى ئىشلىرىنى جۆندىۋالىدۇ. قىزىق يېرى، يېزىدىكى ھېچكىم ھاراقكەش، بەڭگىلەرنى "ئىلمىي يوسۇندا قامچىلىمايدۇ"، ھەتتا تىلغا ئېلىپمۇ قويمايدۇ.

ibniabbas

	بۇ 5قەۋەتتىكىankarali يوللىغان 2011-07-01 11:11 غا قارتىلغان  : ئالدى بىلەن تارىختا ئوتكەن مىللى قەھىرمان-ئالىملارنى كەڭ -كولەمدە تەشۋىق قىلىش،ئاندىن ياشلار ئارىسىدا يۇز بىرىۋاتقان ھاراقۋازلىق-قىمارۋازلىق-بېكارچىلىق ئەھۋاللىرىنى ئىلمى ئۇسۇلدا قامچىلاپ،ئۇلارغا ھەقىقى ئادەم بۇلۇش ۋە تۇرمۇشنىڭ ھەقىقى مەنىسىنى بىلدۇرۇپ،ئۇلارنى ئۇزىنى سۇيىدىغان،مىللەتنى سۇيىدىغان ئىسىل پەزىلەتنى يىتىلدۇرۇش ئىنتايىن مۇھىم،بۇ ھازىرقى جەمىيەتتىكى مۇنەھۋەر زىيالىلارغا قۇيۇلغان ئاساسى تەلەپ،بۇ قىيىن ھەم شەرەپلىك ۋەزىپە زىيالىلىرىمىزنىڭ ئۇزۇن مۇددەتلىك باش تارتىشقا بولمايدىغان پۇرچى. بۇتوردىشىمىزنىڭ پىكرى ناھايتى ئورۇنلىق بولغان ئىكەن ،  تولىمۇ ئەپسۇسكى ئۆزىمىزنىڭ تارىختا ئۆتكەن مىللىي قەھرىمانلىرىمىزنى ،ئالىملىرىمىزنى كەڭ-كۆلەمدە ئەمەس چەكلىك دائىرە ئىچىدە تەشۋىق قىلىشمۇ بىرقىسىم تەخسىكەش سىياسەتۋازلارنىڭ چەكلىمىسىگە ئۇچراۋاتمامدۇ؟(گەرچە بۇنداق قىلىش قانۇنلۇق بولسىمۇ)      يۇرتمىزدا بولۇپ ئۆتكەن بىر ئىشنى مىسالغا ئېلىپ ئۆتەي ؛ 5~6يىللار ئىلگىرى ئوقۇغۇچىلارنىڭ مەشق دەپتەرلىرىنىڭ مۇقاۋىسىدا مەھمۇد قەشقەرىي ،  يۈسۈپ خاس ھاجىپ، نىمشېھىت، سادىر پالۋان، مەمتىلى ئەپەندىم ، ئابدۇخالىق ئۇيغۇر، لۇتپۇللامۇتەللىپ ،ئۆتكۈر ئەپەندىم ،نۇزۇگۇم ،  رىزۋانگۈل، شاتگۈل قاتارلىق مىللىي قەھرىمانلىرىمىز ،ئالىملىرىمىز ،ھەمشىرىلىرىمىزنىڭ سۈرەتلىرى بولىدىغان .   بىر تەتىلدىن يىغىلغان ۋاقىتتا ناھىيىلىك مائارىپ ئىدارىسىدە ناھىيە تەۋەسىدىكى ھەرقايسى ئوتتۇرا-باشلانغۇچ مەكتەپلەرنىڭ مۇدىر ،ئىلمىي مۇدىرلىرىغا يىغىن ئېچىلىپ ئوقۇغۇچىلاردىن بۇنداق دەپتەرلەرنى يىغىۋېلىش  تەلەپ قىلىنىپتۇ ،  سەۋەبى بۇلارنىڭ كىيىۋالغىنى دىنىي تۈس ئالغان كىيملەرمىش. .........   شۇقېتىملىق يىغىنغا قاتناشقان مەلۇم يېزا باشلانغۇچ مەكتىپىنىڭ سابىق مۇدىرى شۇئىشلارنى  ئەسلەپ مۇنداق دىگەن؛  مەن <<ئوقۇغۇچىلار دەپتەر-قەلەملىرىنى تەييارلاپ بولدى، بۇنداق قىلساق دېھقان پەرزەنتلىرى بۇتەكرار چىقىمنى كۆتۈرەلمەيدۇ ،  بۇمەۋسۇم ئوقۇغۇچىلار قانداق دەپتەر سېتىۋالغان بولسا شۇنى ئىشلىتىۋەرسە كېلەركى مەۋسۇمدا ئالماشتۇرساق >>دىگەن پىكىرنى بەردىم ، بىراق بۇپىكرىم ئىدارە رەھبەرلىكى تەرىپىدىن رەت قىلىندى ،   مېنىڭ ئاچچىقىم كېلىپ <<بۇكىشلەرگە دىينىي كىيم كەيدۈرۈش ئاۋال رەسسامنىڭ ئاندىن قالسا نەشرىيات ئورۇنلىرىنىڭ خاتالىقى ،   بۇلارنى ئۇنداق سىزغۇچە ساقال- بۇرۇتلىرىنى قىرىپ، چاچلىرىنى تاراپ يالاڭباش،كۆزئەينەك تاقىغان، تۆت يانچۇقلۇق چاپان كەيگەن ھالەتتە سىزسا بولمامدۇ .  خاتالىقنى باشقىلار ئۆتكۈزسە بۇ نامرات ئوقۇغۇچىلار بەدەل تۆلەمدۇ؟  >>  دەپ تاشلاپتىمەن .   باشقىلار <<نىمانداق گەپ قىلىلا ،  ئىچىلىرىدە بىلسىلە بولمىدىمۇ؟ سىلى بىر ئادەم بۇنداق دەپ قويغانلىرى بىلەن بىزخىزمەتنى قانداق ئىشلەيمىز ؟ بالىلىرىمىزنى باقمىساق بولماس؟>>  دەپ پىچىرلاپ تەنە قىلىشتى ..........  ئۇزۇندىن بېرى تەستىقلانمىغان پېنسىيە رەسمىيتىم شۇيىلى يىل ئاخرىغىچە  تەستىقلىنىپ ئارامغا  چىقىۋالدىم  .

naway

	بۇنىىڭ سەۋەبىنى ھىچكىمدىن كۆرۇشكە بولمايدۇ.    منىڭ يانچۇغۇمدا بىر يۇئەن بولمىغاندىكەن  بىر ئاماللارنى قىلىپ  خوشنامنىكىنى  تارتىۋالمسام بولمايدۇ.( باشقىسىغا كۈچ يەتمىگەندىن كىيىن)     ئەگەر مەندىمۇ   شۇ بىر يۇەن  بار، خوشنامدىمۇ بار بولغان بولسا    بەك ئىناق خوشنىلاردىن بولۇپ كەتكەن ئىدۇق.

maxal20

	تېخى بايىلارم جۈمەدىن تاكسىغا ئولتۇرۇپ كېلىۋاتاتتىم. يېرىم يولدا شوپۇر سەن Chinese مۇ دەپ سورىدى. بۇ سۆزنىڭ مەنىسى بىر بولسا جۇڭگولۇق، بىر بولسا خەنزۇ دېگەن بولغاچقا، ياق، قانداق دەيسەن دېسەم، سەن ئۇيغۇر شۇنداققۇ دەيدۇ. يەرلىك كىشىلەرنىڭ مېنى تۇنجى  قېتىم ئۇيغۇرمۇ سەن دېگىنى بولغاچقا بەكلا ھەيراق قالدىم. ئادەتتە ئوتتۇرا ئاسىيالىق ياكى جۇڭگولۇقلار بولسا پەرىق ئېتەلەيتتى، لېكىن بۇ شوپۇر قانداق بىلىپ  قالغاندۇ دەپ ئەجەبلىنىپ سورىدىم. ئۇنىڭ مەھەللىسىدىكى مەسجىدتە داۋاملىق بىر ئۇيغۇر ناماز ئوقۇيدىكەن. ئۇ بالىنىڭ كىيىنىش يۈرۈش تۇرۇشى رەتلىك ۋە پاكىز، ئۆزى خۇشخۇش، نامازخان، ئەدەبلىك شۇنداقلا خۇش چاقچاق بولغاچقا بۇ شوپۇر قىزىقىپ ئۇنىڭ بىلەن تونۇشۇپتۇ. ۋە شۇندىن كېيىن ئۇيغۇر مىللىتىگە بولغان تونۇشى ۋە ھۆرمىتى تىكلىنىپتۇ. ئۇ دەيدۇ« سىلەر جۇڭگوللۇققا ئوخشىمايدىغان جۇڭگولۇقكەنسىلەر. ئۆزۈڭلار قورقماس، چىرايىڭلاردىن نۇر يېغىپ تۇرىدۇ، شۇ بالا بىلەن تونۇشقاندىن بۇيان، ئاز بولمىغان ئۇيغۇرلارنى ئۇچراتتىم، ھەممىڭلارلا بەك ئوچۇق يورۇق... مەن سىلەردەك مىللەتنى بەك ئاز ئۇچرىتىپتىمەن. » دەرھال كىرىپ ئويلاندىم.مىللەت ئۇنداق بۇنداق دېگەندىن، ئۆزىمىزنى بىر تۈزىسەك، ئېسىللىقنى ئۆزىمىزگە سىڭدۈرسەك، ئۆز ئۆزىمىزنى قامچىلىغاندىن بەكرەك ئۈنۈم كۆرسىتىدۇ. ئەزا مىللەتنى تەشكىل قىلىدۇ ئەمەسمۇ. سۇ تامچىلاپ تاشنى يارار، تاما تاما كۆل بولار دېگەن سۆزلەر بىكار گەپ ئەمەس.