ۋاقت

قەسىر

                                         ۋاقت      

   

                      ۋاقتقا زەن سالساڭ ئۇچقۇر يورغۇسى،
                   سائەتنى توختىتالمايسەن يوق تورمۇزى.
                      بىھۇدە ياشىما ۋاقت چېكىنمەس،
                   بىھۇدە ياشىغاننىڭ پۇشايمان پايدىسى.

                     شىۋىرلار قۇلىقىمغا دەقىقە ،مىنوت،
            «يانمايمەن كەينىمگە»-دەيدۇ بىر سېكونت.
                  ھاياتلىق ئالىمى ئىلگىرلەش ئالغا،
               بىكارچىلىق ھاياتنى كۆيدۈرگەن بىر ئوت.

                ۋاقتنى سەل چاغلىساڭ نامسىز قالىسەن،
                  ۋاقتنى قەدىرلىسەڭ كامال تاپىسەن.
                  ئىككى ئالەمدە ۋاقت سورىقى باردۇر،
            ۋاقت بىرلە ياخشى ئەمەلدە ئىنئام ئالىسەن.

                ۋاقتىڭنىڭ كەتكىنى بەختىڭ كەتكىنى،
             تاپماق مۇشكۈل ۋاقتسىز كەتكەن بەختنى.
               كۆزلىگەن نىشانغا يەتمەك بولساڭ گەر،
               مەرىپەت ئىزلە تىرىش،تاپ بەختىڭنى.

                  ئاغىرىنما ۋاقتتىن ۋاقت رەھىمسىز،
                  قالدۇرمىغىن سۇئاللارنى جاۋابسىز.
                ۋاقت قەدىرلىسەڭ ھايات مەنىلىكتۇر،
                شۆبىھلەنمە ۋاقت-ۋاقت پاك- غۇبارسىز.

              ۋاقتتىن پايدىلانساڭ نىممەت تاپارسەن،
                 بىباھا ئۆزگىچە قىممەت تاپارسەن.
                ئىلىم-ئېرفان دېڭىزىغا چۆك ئىنسان!
                ۋاقتنىڭ سوۋغىتى ئىززەت تاپارسەن.

                   ۋىجدانىڭ ئالدىدا سوراققا قالما،
                     ۋاقتنىڭ قىساسى ئازابقا سالسا.
               ئاھلىرىڭ،كۆزيېشىڭ ھەرگىز كار قىلماس،
               غەپلەتتىن ئويغانساڭ جۇتلۇق باسقاندا.

             ئەۋلادىڭ،ئەژدادىڭ،ۋاقتىڭ ئالدىدا،
                بىخۇتلىق قىلمىغىن ۋاقتىڭغا قارا!
            مىڭ ئۆلۈپ تىرىلسەڭ يەنە كېچىكتىڭ،
            پەرزەنتىڭ،ئەۋلادىڭ،ۋاقتىڭ ئالدىدا...

          ***********************************

              ۋاقتقا جاۋاب بەر يەپلە ياشامسەن؟
           ياشاش ئۈچۈن يەمسەن جاۋابىڭ قېنى؟
          ئادەم_ئۇلۇغ كارۋان ئۆتەڭ  دۇنيانىڭ،
            شۇبۇ يولدا قالدۇرغان ئىزلىرىڭ قېنى؟

            مەنبە____ قەسىرخانىم ئىجادىيىتى.

ئالىم

تىمىڭىزغا رەھمەت!بۇ شىئېرىڭىز ئادەمنى ۋاقىت توغرىسىدا چوڭقۇر ئويغا سالىدىكەن!بولۇپمۇ مۇنۇ مىسرالار:
ۋاقتنى سەل چاغلىساڭ نامسىز قالىسەن،
                  ۋاقتنى قەدىرلىسەڭ كامال تاپىسەن.
                  ئىككى ئالەمدە ۋاقت سورىقى باردۇر،
            ۋاقت بىرلە ياخشى ئەمەلدە ئىنئام ئالىسەن.

زەپەر

قەسىر خانىم تىمىڭىزغا رەخمەت .ھەقىقەتەن ياخشى يېزىپ قۇيدىكەنسىز  بۇ شىئېرىڭىزدە ۋاقىتنى چىڭ تۇتۇشنىڭ ئىنتايىن مۇھىملىقىنى . ۋاقىتنى بوش ئۆتكۈزمەسلىكتىن  ئىبارەت مۇھىم مەزمۇننى ئوتتۇرغا قۇيۇپسىز  .ئىجادىي تىمىللىرىڭىز ئۈزۈلمىسۇن .

سىرداش

قەسىرخانىمنىڭ  بۇ  ۋاقىت  توغرىسىدىكى  شىئېرى مىنى  چوڭقۇر  ئويغا سالدى،  شۇنداق   مەن  ۋە  بىز  نۇرغۇن  ۋاقىتلارنى  مەنىسىز  ئۆتكۈزدۇق،   

گۇلزار

ياخشىمۇسىز ؟
    ياخشى يېزىپسىز . ئىجادىيەتلىرىڭىزنى كۆرۈپ تەسىرلەنگىنىمدىن ئېغىزىمغا گەپمۇ كەلمەيۋاتىدۇ . رەھمەت .
ئىجاديەتلىرىڭىز ئۇتۇق تىلەيمەن . بۇ مىسرالارنى بەكمۇ ياقتۇردۇم .

              ئەۋلادىڭ،ئەژدادىڭ،ۋاقتىڭ ئالدىدا،
                بىخۇتلىق قىلمىغىن ۋاقتىڭغا قارا!
            مىڭ ئۆلۈپ تىرىلسەڭ يەنە كېچىكتىڭ،
            پەرزەنتىڭ،ئەۋلادىڭ،ۋاقتىڭ ئالدىدا...
   

قەسىر

گۇلزار يوللىغان ۋاقتى  2013-1-16 20:56
ياخشىمۇسىز ؟
    ياخشى يېزىپسىز . ئىجادىيەتلىرىڭىزنى كۆ ...

  باشقۇرغۇچىلار مەن ئۈچ تېما يوللىغان.«تېما1»دەپ تۇرىدىغۇ بۇ قانداق ئەھۋالدۇ؟

سىرداش

قەسىر يوللىغان ۋاقتى  2013-1-16 21:12
باشقۇرغۇچىلار مەن ئۈچ تېما يوللىغان.«تېما1»دەپ تۇرى ...

ئىنىقراق دەڭە       قايسى تىمىڭىز  تەستىقلىنىپتۇ   ئۇ ئۈچ  تىمىدىن.

سىرداش

سىرداش يوللىغان ۋاقتى  2013-1-16 20:44
قەسىرخانىمنىڭ  بۇ  ۋاقىت  توغرىسىدىكى  شىئېرى مىنى  چوڭ ...

سىزگە  رەھمەت.........

قەسىر

سىرداش يوللىغان ۋاقتى  2013-1-16 21:59
سىزگە  رەھمەت.........

« سالام مۇنبەر ئەھلىگە»بۇ 1- تېمام،2- «رۇبائىلار»،3- «ۋاقت».مۇشۇ 3 تېمىنى يوللىغان ئىدىم.تېما دېگەن ئورۇندا 1 دەپ تۇرىدۇ.ئەسلى 3 بولسا توغرا بوللاتتى ئەمەسمۇ؟

   رەھمەت سىرداشجان...مۇنبەرگە يېڭى كىرگەنلىكىم ئۈچۈن بەزى ئۇقۇملارنى چۈشۈنىپ كېتەلمىدىم شۇڭا،چۈشەنچە بېرىشىڭىزلەرنى سەمىمى ئىلتىماس قىلدىم.