جامائەت ئەربابى - تۆمۈر داۋامەت

ئالماس

　　تۆمۈر داۋامەت 1927-يىلى تۇرپان ۋىلايىتىنىڭ توقسۇن ناھىيسىدە دېھقان ئائىلىسىدە تۇغۇلغان، باشلانغۇچ-ئوتتۇرا مەكتەپلەرنى ئوقۇپ تاماملىغاندىن كېيىن ئۆز يېزىسىدا دېھقانچىلىق بىلەن شۇغۇللانغان. تۆمۈر داۋامەت ئازادلىقتىن كېيىن دېموكراتىك ئىسلاھات ۋە يېڭى يېزا قۇرۇش ئازادلىقتىن كېيىن دېموكراتىك ئىسلاھات ۋە يېڭى يېزا قۇرۇش ھەرىكەتلىرگە ئاكتىپ قاتنىشىپ، ئىلگىرى-كېيىن بولۇپ يېزا باشلىقى، رايون باشلىقى، ھاكىم، ناھىيلىك پارتكوم سېكرېتارى بولۇپ ئىشلىگەن، 1965-يىلى شىنجاڭ ئۇيغۇر ئاپتونوم رايونىنىڭ مۇئاۋىن رەئىسى بولغان، 1977-يىلدىن كېيىن ئىلگىرى-ئاخىر بولۇپ ئاپتونوم رايونلۇق پارتكومنىڭ مۇئاۋىن سېكرېتارى، ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇدىرى، دۆلەتلىك مىللەتلەر ئىشلىرى كومىتېتىنىڭ مۇئاۋىن مۇدىرى، ئاپتونوم رايوننىڭ رەئىسى قاتارلىق رەھبەرلىك خىزمەتلىرىنى ئىشلىگەن. ئۇ، 7-نۆۋەتلىك مەملىكەتلىك خەلق قۇرۇليىتىدا دائىمىي كومىتېتنىڭ مۇئاۋىن باشلىقلىقىغا سايلانغان.

تۆمۈر داۋامەت رەھبىرىي كادىر بولۇپلا قالماستىن، بەلكى تىرىشچان شائىر. ئۇ، 1963 - يىلى ئېلان قىلغان «قارىغاينىڭ خىسلىتى» ناملىق شېئىرى بىلەن ئەدەبىيات ساھەسىگە كىرىپ كەلگەن. شۇنىڭدىن تارتىپ ھازىرغىچە خىزمىتى ئالدىراش بولسىمۇ، ئالدىراشلىق ئىچىدىن ۋاقىت چىقىرىپ، نۇرغۇن شېئىرلارنى يازغان. «سەپەر تەسىراتلىرى»، «باھار ئىلھامى»، «قىزىلگۈل»، «كۈلگىن، قەشقەر»، «سالام ۋە ئۈمىد»، «قەلب كۈيى»، «كۈيلەيمەن سېنى شىنجاڭ»، «كۇچا تەسىراتلىرى» قاتارلىق شېئىرلار ۋە «ئامان بىلەن ئەختەر» داستانى شائىر ئىجادىيىتىدە مۇھىم ئورۇن تۇتىدۇ. تۆمۈر داۋامەتنىڭ شېئىرلىرى رېئال ھايات قايناملىرىدىن كەلگەن بولۇپ، مول تۇرمۇش مەزمۇنىغا، روشەن مۇھەببەت-نەپرەتكە، پەلسەپىۋى پىكىرلەرگە تولغان. تۆمۈر داۋامەتنىڭ ئەسەرلىرى مەملىكەت ئىچى ۋە سىرتىغا خېلى كەڭ تارقالغان. ئۇنىڭ «يۈرەك ناخشىلىرى»، «يۇرت مۇھەببىتى»، «ھايات مەشئىلى» قاتارلىق شېئىرلار توپلاملىرى خەنزۇ تىلىدا نەشر قىلىنغان. «ھايات مەشئىلى» قاتارلىق شېئىرلار توپلىنىنىڭ ماۋزۇسىنى باش سېكرېتار جياڭ زېمىن يېزىپ بەرگەن. تۆمۈر داۋامەتنىڭ بىر مۇنچە شېئىرلىرى يەنە قازاق، ئۆزبىك، رۇس، ياپون تىللىرىغا تەرجىمە قىلىنىپ تۇنۇشتۇرۇلغان، جۈملىدىن «يۈرەك ناخشىلىرى» ۋە «يۇرت مۇھەببىتى» قاتارلىق شېئىرلار توپلاملىرى ياپون تىلىغا تەرجىمە قىلىنىپ، ياپنىيىدە نەشر قىلىنغان. ئۇنىڭ شېئىر ۋە شېئىر توپلاملىرى مەملىكەتلىك، ئاپتونوم رايون دەرىجىلىك ئەدەبىيات مۇكاپاتلىرىغا ئېرىشكەن.

تۆمۈر داۋامەت يالغۇز ئەدەبىي ئىجادىيەت بىلەن شۇغۇللىنىپلا قالماستىن، بەلكى ئۇيغۇر ئەدەبىياتىنىڭ تەرەققىياتىغا ۋە ئۇنىڭ ئەمەلىي مەسىلىلىرىگىمۇ ناھايتى كۆڭۈل بۆلدى. تۆمۈر داۋامەتنىڭ يۇقىرىدا ئىسمى ئاتالغان ئەسەرلىرىدىن باشقا، ئۇيغۇر تىلىدا نەشر قىلىنغان ئەسەرلىرىدىن «تىيانشان شادلىقى» (1982-يىل، مىللەتلەر نەشرىياتى)، «ۋەتەنگە مۇھەببەت» (1987-يىل، قەشقەر ئۇيغۇر نەشرىياتى)، «دەۋر ئىلھاملىرى» (1991-يىل، شىنجاڭ خەلق نەشرىياتى)، «ھايات مەشئىلى» (1992-يىل، مىللەتلەر نەشرىياتى) قاتارلىق شېئىرلار توپلاملىرى بار.

تۆمۈر داۋامەت جۇڭگو يازغۇچىلار جەمئىيىتىنڭ ئەزاسى، شىنجاڭ يازغۇچىلار جەمئىيىتىنىڭ ئەزاسى، شىنجاڭ «قۇتادغۇبىلىك» ئىلمىي تەتقىقات جەمئىيىتىنىڭ پەخرىي رەئىسى.

گۇلزار

ياخشىمۇسىز ئەپەندى ؟
سىزنى نىمە دەپ ئاتىشىمنى بىلەلمىدىم كەچۇرۇڭ .
شۇنداق بولسىمۇ سىزنىڭ مۇنبەرگە ئەزا بولۇپ ،سېپىمىزگە قوشۇلغانلىقىڭىزدىن چەكسىز مىننەتدار بولدۇم .ھەم بۇ ئېسىل سوۋغاتلىرىڭىزدىن بەكمۇ سۆيۈندۇم رەھمەت سىزگە .
تەكلىپىم :
   كونىلاردا «ياخشى ئىسىم ،كىشىگە ياخشىلىق ئېلىپ كېلۇر »دەيدىغان گەپ بار .  ئادەم ئىسىم بىلەن باشقا نەرسىلەردىن پەرىقلىنىدۇ ھەم ئۆزىنى تونۇتىدۇ .شۇڭا سىزنىڭمۇ ئۆزىڭىزگە ماس كېلىدىغان ، چىرايلىق ئىسىمدىن بىرنى قويىۋېلىشىڭىشنى ئۈمۈد قىلىمەن . بولمىسا بىز ماتىماتىكىلىق ئاتالغۇلار بىلەن سۆزلىشىۋاتقاندەك ھېسىياتتا بولۇپ قالىدىكەنمىز . رەھمەت

زەپەر

مەنمۇ شۇنى دىمەكچى ئىدىم گۈلزار قىزنىڭ دىگىنى بۇيىچە ئىسمىڭىزنى ئۆزگەرتىشىڭىزنى ئۈتىنىمەن .

زەپەر

مەنمۇ شۇنى دىمەكچى ئىدىم گۈلزار قىزنىڭ دىگىنى بۇيىچە ئىسمىڭىزنى ئۆزگەرتىشىڭىزنى ئۈتىنىمەن .

ياشنار

ياخشىمۇسىز دوستۇم، ھەقىقەتەنمۇ ياخشى تېما ئېلىپ كەپسىز، لىكىن ئىسمىڭىزنى نىمە دەپ چاقىرىشنى پەقەت بىلەملىدۇق

Ziba

مەنمۇ سىزنىڭ تېزدىن چىرايلىق ئىسمىدىن بىرنى قويۇۋىلىشىڭىزنى ئۈمىد قىلىمەن.بولمىسا|‹‹ مەۋھۇم ئەپەندى ››دەپ قويۇڭ...

يۈسەن

ھەقىقەتەن ياخشى تىما ئېلىپ كەپسىز ،يەنىمۇ تىرىشىڭ....

ئاتەش

گۇلزار يوللىغان ۋاقتى  2012-12-18 22:11
ياخشىمۇسىز ئەپەندى ؟
سىزنى نىمە دەپ ئاتىشىمنى بىلەلم ...

ۋوخا ۋوخا ۋوخاخاخا   قوللايمەن . ماتىماتىكىلىك كىلونلانغان ئەدەم بىلەن دىمەپسىز  ھېلىمۇ .