بالىلار ئەسەرلىرى

ئابلىمىت

يايلاق ناخشىسى

مەۋلان ئابدۇراخمان
توققۇزتارا ناھىيە دۆڭمەھەللە  يېزا مويۇنگۈزەر باشلانغۇچ
مەكتەپ 6-يىللىق 1-سىنىپ ئوقۇغۇچىسى

      ئاق بۇلۇتتەك توپلىشىپ ،
    ئوتلايدۇ قوي پادىسى .
     تاي چاپتۇرۇپ ئوينايدۇ ،
تاغدا چوپان بالىسى .
.
        قوزا مەرەپ ، قوي مەرەپ ،
ئاۋات قىلار دالىنى .
    موزاي تۇتۇپ بېرىمەن ،
ئاپام ساغسا كالىنى .

    بىز يايلاقتا مال بېقىپ ،
     خوشال – خورام ئۆتىمىز .
    مېھمان بولۇپ بارسىڭز ،
قايماق چايدا كۈتىمىز .


(مومام ئاينىساخان ھاجىم ھۆرمىتىگە بىغىشلايمەن )

زىخرۇللام پازىلجان
توققۇزتارا ناھىيە دۆڭمەھەللە  يېزا مويۇنگۈزەر باشلانغۇچ
مەكتەپ 6-يىللىق 1-سىنىپ ئوقۇغۇچىسى

  مېنى بېقىپ چوڭ قىلىپ ،
ئۆستۈرگەن مومام .
باغلىرىمغا گۈل تېرىپ ،
كۈلدۈرگەن مومام  .

ئەجىر قىلىپ تىنىمسىز ،
راھەت كۆرمىگەن .
ماڭا  بېرىپ ھەممىنى ،
ئۆزى يىمىگەن .


سېنىڭ مىھرىڭ ماڭا دائىم،
ئاققان بۇلاقتۇر .
خاتىرجەم  بول نەۋرەڭ، موما،
« يۇمشاق قۇلاقتۇر » .

جاۋاپ بېرەي ئەقىدەڭگە ،
تەرلىرىم بىلەن  .
    ئەمگەك قىلىپ تاپقان ئالتۇن،
زەرلىرىم بىلەن .
مەنبە:ئوقۇغۇچىلىرىم

ئامان

ياخشى تېمىكەن دوستۇم، بالىلار رىغبەتلەندۈرۈشكە ۋە ئىلھاملاندۇرۇشقا مۇختاج. بالىلارنى مۇشۇنداق يېتەكلەپ مەڭسىڭىز كەلگۈسىدە ئۇلاردىن چوقۇم يازغۇچى شائىرلار يېتىشىپ چىقىدۇ.

زەپەر

ياخشى تىما يوللاپسىز  رەخمەت سىزگە

گۈلزار

بالىلارنىڭ مۇشۇنداق ئەسەرلەرنى يازغىنى  كۆرۈپ بەكمۇ خۇش بولدۇم ھەم مىللى ئەدەبىياتىمىزدىكى يېڭى نوتىلارنىڭ يېتىشىپ چىقىۋاتقانلىقىدىن بەكمۇ سۆيۈندۈم . رەھمەت سىزگە . ئوقۇغۇچىلىرىڭىزغا بىزدىن سالام ئېيتىڭ .

ئايىنا

بەك ياخشى تىما يوللاپسىز رەخمەت سىزگە .