تەخسىكەشنىڭ تەرجىمىھالى
(«ت»تاۋۇشىدا تەسۋىرلەنگەن تەپسىرات)
ئالاھىدىن ئابدۇرېشىت
تۆمۈر تەخسە، تۈنىكە تەخسە تامامىسى توي-تۆكۈندە تۆرگە تىزىلىدىغان تەخسىلەرنىڭ تۈرىدىندۇر. تۆۋەندىكى تەپسىراتىمىزدا تۆمۈر تەخسە، تۈنىكە تەخسە توغرىسدا توختالماي، تونۇلغان تەخسىكەش تۆلەندى تەخسىنىڭ تەرجىمىھالى توغرىسىدا تەپسىلىي توختىلىمىز.
تالانتلىق تەخسىكەش تۆلەندى تەخسە تارىختىكى تۆمۈر تاۋلاشتا تەۋەيىمىز توپلۇق① تا تۈگمەنچى تىلىۋالدى تارتۇقنىڭ توقىلى تۇخان تازدىن تۆرىلىپ، توڭگۇزنىڭ تۇمشۇقىدىن تۈگمەننىڭ تۆشۈكىگە تۇغۇلدى. توققۇزغا توشا-توشمايلا، تۆلەندىنىڭ تەلەتى، تەبىئىتى توساتتىنلا تەخسىكەشلىكتە تونۇلدى، تۇغۇلۇشىدىنلا تەخسە تۇتۇپ تۇغۇلغان تۆلەندىگە«تەخسە» تەخەللۇسى تېزلا تايىن تاپتى. تۆلەندى تەخسە تولۇقسىزنى تاماملىماي تۇرۇپلا، تىلىۋالدى تارتۇقنىڭ تاپقىنىنى تاراشلاپ، توپ-توپ تالانتلىقلار تېنەپ تۇرغاندا، توپلۇقتا تەشۋىقات تارمىقىغا تەقسىملەندى. تۆلەندى تەخسە تەشۋىقات تارمىقىدا تۆرەملەرگە تاپقىنىنى توشۇپ، تۈلكىدەك تازىمدا تۇرۇپ، تۆرەملەرنى تەرىپلەپ توقۇلما تەشۋىقاتلارنى تازا تارىتىپ تېخىمۇ تونۇلدى، تاپاۋەت تاپتى. تۆلەندى تەخسىنىڭ تۈگمىدەك تۆھپىسى تۆرەملەرگە تۆگىدەك تۇيۇلدى. تۆلەندى تەخسە تەۋەيىمىز توپلۇق تامانىدا تۇرۇپ، تارباغاتاي، تۇرپان، توخسۇن، توققۇزاق، توققۇزتارا، تېكەس، تۇمشۇقلاردىكى تېڭىرقاپ تۇرغان تەجرىبىسىز تەخسىكەشلەرنى تەخسىكەشلىك تەجرىبىلىرىدە تەمىنلەپ، توختاۋسىز تىرىشىپ تەخسىكەشلەرنىڭ تايانچىلىرىنى تەربىيىلەشتە تىنىمسىز تەر تۆكتى. تۆلەندى تەخسىنىڭ تېپىلغۇسىز تەخسىكەشلىك تەجرىبىلىرى تەشۋىقاتلاردا، تاراتقۇلاردا تونۇشتۇرۇلدى.
تۆردىكى تۆرەملەرمۇ تۆلەندى تەخسىنىڭ تۆھپىسىنى تارتۇقلاپ تۇردى. تۆلەندى تەخسىنىڭ تۆرەملىك تۆرىگە تەشنالىقىنى تۇيۇپ تۇرغان تۆرەملەر تۆلەندى تەخسىنى تەشۋىقات تارمىقىنىڭ تۆرەملىكىدىن تەشكىلات تارمىقىنىڭ تۆرەملىكىگە تەيىنلىدى، تۆلەندى تەخسە تەخسىكەشلەرنى توپلاپ، تەخسىكەشلىك تەجرىبىلىرىنى تەخىرسىز تۈردە تاكامۇللاشتۇردى. تۆلەندى تەخسىنىڭ تۆرەملىككە تەيىنلىنىشى تەخسىكەشلەرنى تازا تونۇتتى، تەخسىكەشلەر تەرەپ-تەرەپكە تور تارتتى.
تۆلەندى تەخسە تالاي تالاپەتلەرگە تاقابىل تۇرۇپ، تاغدەك توسالغۇلاردا تېڭىرقىماي، تەخسىكەشلىك تارىخىدا تەڭداشسىز تۆھپە تاراتتى.
①توپلۇق-يېڭىسار ناھىيىسىدىكى يېزا نامى.
بۇ يازمىنى ئاخىرىدا alahidin تەھرىرلىگەن. ۋاقتى 2012-10-8 17:10
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-10-8 17:09:29
يوللىغان ۋاقتى 2012-10-8 17:32:56
يوللىغان ۋاقتى 2012-10-8 23:54:13
