ئانا تىل يەسلىسى قۇرۇش توخرىسىدا

ئەركەم

  باشلانغۇچ ،ئوتتۇرا ۋە ئالى مەكتەپنى مىللى بالىلار بىلەن  ئانا تىلدا ئوقۇدۇم . خەنزۇ تىلىنى بىلىپلا قالماي ئىنگىلىس تىلىنىمۇ راۋان سۆزلەيمەن. بۇ يىل 35 كە كىرىپ قاپتىمەن لېكىن ھازىرغىچە ئانا تىلدا ئوقۇغانلىقىم سەۋەب بىرەر قىيىنچىلىققا ئۇچىراپ باقمىدىم . ئەكسىچە پايدا كۆردۈم دىسەممۇ بولىدۇ چۈنكى ئۇيغۇر تىلى تۈرك،ئەزەربەيجان قاتارلىق بىر مۇنچە تىللار بىلەن تۇققان بولغاچقا بۇ تىللاردىكى ماتىرياللارنى كۆرۈش ماڭا تەس توختىمىدى . ئازراق كۈچەپلا ئاشۇ تىللاردا كىتاب ماتېرىيال كۆرۈپ نەزەر دائىرەم كىڭىيىپ قالدى .بىر ئەپسۇسلىنىدىغان يىرىم  كەپسىزلىك قىلىپ ئۇيغۇر تىلىنى مەكتەپتە ياخشى ئۆگەنمىگەندە ئىملايىم بەك خاتا ，باشقۇرغۇچىلار بۇ ئەيىپنى كەڭ قوساقلىق بىلەن كەچۈرۋىتەرسىلەر چۈنكى بۇ تېمام تەستىقلىنىپ قالسا چوقۇم ياخشى ئىشلارغا سەۋەب بولۇپ  ئۇ ئەيىپىم كەڭ تورداشلار تەرپىدىن ئەپۇ قىلىنىدۇ .
        كاسىلدىماي نەق گەپكە كەلسەك بالام 4 ياشقا كىرىپ يەسلىگە بەرمەكچى بولدۇم لېكىن بىرمۇ قوش تىل ئەمەس يەسلى تاپالمىدىم . ئۆزۈم ئانا تىلدا ئوقۇپ خەنزۇ تىلىدا قىيلىنىپ باققان بەندە بولمىغاچقا نېمىشقا ھەممە يەسلىلەرگە قوش تىل بولىشى كىرەكلىكىنى چۈشىنەلمەي بېشىم قاتتى. بۇ دەردىمنى باشقىلارغىمۇ دىدىم  باشقىلارمۇ ماڭا ئوخشاش ئويلاۋىتىپتۇ . بىر سورۇندا بىر قانچە ئاغىنە بالىلارغا «ئانا تىلىم بالىلار باغچىسى » دەپ بىر باغچا قۇرمايلىمۇ دىدىم . ئۇلار ھۆكۆمەت يول قويمايدۇ شۇنىڭ بىلەن  يەر ئاستى بالىلار باغچىسى   بولۇپ قالىدۇ ۋاھاكازا دىيىشىتى ... ئاغىنىلەرگە جۇڭگو قانون  بىلەن ئىدارە قىلىندىغان بىر دۆلەت  ئانا تىلدا ئۇقىدىغان يەسلى قۇرۇش قانونسىزلىقمۇ دىدىم ؟ لېكىن ئۇلار سەن بەك ساددا ئىكەنسەن دېيىشتى . لېكىن مەن تېخىمۇ جاھىللىق قىلىپ قاراپ تۇرۇڭلار يەسلى ئەمەس ئانا تىلىم باشلانغۇچ ھەتتا ئوتتۇرا مەكتەپنىمۇ قۇرغىلى بولىدۇ دىدىم  ۋە ئۇلارغا خەنزۇ يولداشلار قۇرغان  شەخسى ئوتتۇرا باشلانغۇچ مەكتەپلەرنى ساناپ بەردىم

       تېما تەستىقلانغاندىن كېيىن مەن قانونلىق ھالدا ئانا تىل يەسلىسى قۇرۇش يولدا  ماڭماقچى ۋە بارغان ئىدارە ۋە ئۇ يەردىكى خىزمەتچى خادىمنىڭ نېمە  دېگەنلىكى ۋە يەسلى قۇرۇش جەريانىدىكى ئىش ۋەقەلەرنى ئىنكاس شەكلىدە يوللايمەن .

ئامانقول

ياخشى ئويلاپسىز!چۇقۇم تىرىشىڭ،بەل قۇيۋەتمەڭ!
مېنڭچە ئانا تىلىنى ئۈگۈنىش قانۇنسىزلىققا كىرمەيدۇ.قوش تىللىق بولۇش شەرەپ،لېكىن .ئانا تىلىنى ئۇنتۇش نومۇس!
قوشتىللىق بۇلۇڭ دىگىنى ھەرگىزمۇ ئانا تىلىنى تاشلاڭلار دىگىنى ئەمەس،بەلكى خەنزۇ تىلىنىمۇ پىششىق ئۈگۈنۈپ،ئۆز تۇرمۇشۇڭلارنىڭ،جەمىيەتنىڭ ئېھتىياجىدىن چىقالايدىغان بولۇڭلار دىگەنلىكىدۇر!

باتۇق

ئىشلىرىڭىزغا ئۇتۇق تىلەيمەن.

tarhanbag

قوش تىللىق بولۇش شەرەپ،لېكىن .ئانا تىلىنى ئۇنتۇش نومۇس!
ئانا تىلنى پىششىق ئۆگەنمەي تۇرۇپ، ھەرقانداق بىر تىلنى ياخشى ئۆگىنىش مۈمكىن ئەمەس...

گۈلزار

ئابدۇقادىر جالالىدىن ئۇستازنىڭ : " ئانا تىل بىر ئادەمنىڭ ئادىمىيلىكىنى بەرپا قىلىشتا كەم بولسا بولمايدىغان ئامىل . كېيىنكى مۇرەككەپ بىلىشلەرنىڭ ئاساسىي پەقەت ئانا تىل بىلەنلا سېلىنىدۇ . ئانا تىل ئادەمگە ئادەم بولۇشنى ، نېمىنى سۆيۈش ۋە نېمىدىن نەپرەتلىنىشنى ئەڭ ياخشى ئۆگىتىدۇ . ئىنسان خاراكتېرى ئانا تىل ئارقىلىقلا ئۆزىنىڭ تاكامۇللىقىنى يارىتىدۇ .... " دىگەن .
بۇنىڭدىن باشقا نۇرغۇنلىغان يازغۇچىلىرىمىزمۇ ئانا تىلنى ئۆگىنىش توغرىسىدا مۇھاكىمىلەرنى ئېلىپ بارماقتا . مەنچە بولغاندىمۇ  بالىلارنىڭ ساۋادىنى ئالدى بىلەن ئانا تىلدا چىقىرىش  ، باشلانغۇچنى ئانا تىلدا ئوقۇتۇش ئاندىن قوش تىللىق سىنىپقا بەرسەكمۇ كېچىكمەيمىز دەپ قارايمەن .
ياخشى ئىشقا تۇتۇش قىلىپسىز.  ئىشلىرىڭىزغا ئوڭۇشلۇق تىلەيمەن .
رەھمەت  سىزگە .

helimjan

بولمايدىغان يېرى يوق، مىللى تىرىتورىتىيەلىك ئاپتۇنۇمىيە قانۇنىدا ئېنىق بەلگىلەنگەن. گۈلەن ئەپەندىمۇ مىللى تىل-يېزىقتىكى خۇسۇسى باشلانغۇچ مەكتەپ قۇرۇش توغرىلىق ئىزدىنىۋىتىپتۇ. بولسا شۇ كىشى بىلەن ئەسرارلىشىپ بېقىڭ! مانا مەن تۇنجى بولۇپ ئوغلۇمنى سىزنىڭ يەسلىگە بېرىمەن.

گۈلزار

ئەركەم ئەپەندى ئىشلىرىڭىز قانداق بولىۋاتىدۇ . داۋامىنى ئىنكاس شەكلىدە يوللايمەن دىگەن ئىدىڭىز قارىسام يوللىماپسىز .  ئەپلەشمىدىمۇ يە . بىزنى تېزدىن خەۋەردار قىلىڭ .

گۈلزار

بۇ تېما بېسىلىپ قالغىنىغا ھەيرانمەن .
ئەركەم ئەپەندى تېما يوللىغاندىكىن تېمىغا يېزىلغان ئىنكاسلارغا دىققەت قىلىڭ ، ئۆزىڭىز «    تېما تەستىقلانغاندىن كېيىن مەن قانونلىق ھالدا ئانا تىل يەسلىسى قۇرۇش يولدا  ماڭماقچى ۋە بارغان ئىدارە ۋە ئۇ يەردىكى خىزمەتچى خادىمنىڭ نېمە  دېگەنلىكى ۋە يەسلى قۇرۇش جەريانىدىكى ئىش ۋەقەلەرنى ئىنكاس شەكلىدە يوللايمەن .» دىگەنتىڭىز قېنى داۋامى ؟
  داۋامىنى كۆرۈشكە تەشنامىز .