خوش-خەۋەر دەرسلىك-كىتاپ يىڭىدىن قايتا تۈزۈلىدىكەن

ئابلىمىت

بۇ تېما ھەرقانداق بىر ئۇيغۇرنى،بولۇپمۇ تىل-ئەدەبىيات ئوقۇتقۇچىلىرىنى خۇشال قىلىدىغان ئىسىل خۇش -خەۋەر ئىكەن.شۇڭا كۆچۈرۈلمە بولسىمۇ يوللاپ قويدۇم.كۆپرەك قېرىنداشلىرىمىز خەۋەر تاپسا دېگەن ئۈمىدتىمەن.
شىنجاڭ پىداگوگىكا ئونۋېرسېتىتى ئەدەبىيات ئىنىستىتوتىنىڭ سېكىرتارى ئابدۇبەسىر شۇكۇرى مۇئەللىمنىڭ دېيىشىچە بۇ قېتىم يەنە بىر نۆۋەت يېڭىدىن دەرىسلىك كىتاب تۈزۈش ئېلىپ بېرىلىدىكەن. ئۆتكەن يىلى ش ئۇ ئا ر مائارىپ نازارىتى مەخسۇس ئادەم تەشكىللەپ ھازىر ئىشلىتىۋاتقان دەرسلىك ھەققىدە ئۈچ گۇرۇپقا بۆلۈنۈپ شىنجاڭنىڭ ھەر قايسى جايلىرىدا تەكشۇرۇش ۋە پىكىر ئېلىش ئېلىپ بېرىلغان ئىكەن. بۇ تۈرگە ئابدۇبەسىر مۇئەللىم باش بولغان بۇلۇپ، لايىھە پات ئارىدا تۈزۈلىدىكەن ۋە مۇشۇ لايىھە بۇيىچەباشلانغۇچ 1-يىللىقتىن باشلاپ تولۇق ئوتتۇرا يىللىققىچە قايتا كىتاب تۈزۈش ئېلىپ بېرىلىدىكەن.
ئەدەبىيات كىتاب تۆۋەندىكى بىر قانچە پىرىنسىپ بويىچە تۈزۈلۈش ئېلىپ بېرىلىدىكەن:   
1.    مەخسۇس ئۇيغۇر تىلى كىتاب تەسىس قىلىنىدىكەن ھەمدە ھەپتىسىگە ئىككى سائەت قىلىپ ئۆتۈلىدىكەن.     
2.    ئەدەبىيات دەرسى ھەپتىسىگە تۆت سائەت قىلىپ ئورۇنلاشتۇرۇلىدىكەن.  .
3.    ئەدەبىيات دەرسلىكتىكى زۆرۈر نەزەرىيۋى بىلىملەر قايتا كىرگۇزۇلۇپ بۇ ھەقتىكى بوشلۇق تولدۇرۇلىدىكەن.
4.    ئەدەبىيات دەرسىدە «قوش تىل ۋە ئادەتتىكى دەرسلىك» دېگەن تەلەپ چىقىرىلىپ تاشلىنىپ، ئوخشاش ماتېرىيال ئىشلىتىدىكەن. «قوش تىل ئەدەبىيات كىتاب» دېگەن ئۇقۇم چىقىرىپ تاشلىنىدىكەن.  
5.    ئەدەبىياتتىكى دەرسلىكتە ئاساسەن ئۇيغۇر يازغۇچىلارنىڭ ئەسەرلىرى كىرگۇزۇلىدىكەن. تېكىستلەردە زور ئۆزگىرش بولىدىكەن.
6.    دەرسلىكتىكى كىلاسسىك ئەسەرلەر مەزمۇنى تېخىمۇ كۆپەيتىلىدىكەن. يەنى بۇ قېتىملىق دەرس تۈزۈشتە كىلاسسىك ئەدەبىياتىمىزغا كۆپرەك كۈچ سەرپ قىلىنىدىغان بولۇپ، ئەسلىي قوليازما (مەتىن) ياكى خەلقئارالىق كود ئۆلچىمى بويىچە بېرىلىدىكەن. ھازىرقى زامان تىلدىكى يەشمىسى بېرىلمەيدىكەن. ئوقۇتقۇچىلارنىڭ قەدىمكى يېزىقىمىزنى ئوقۇيالمايدىغانلىقىنى كۆزدە تۇتۇپ، يېقىندا  شىنجاڭ پىداگوگىكا ئونۋېرسېتىتىدا ئۇچ ئايلىق تەربىيلەش ئېلىپ بېرىلىدىكەن.
7.    ھەر قايسى دەرىجىلىك تىل-ئەدەبىيات ئىمتىھانىنىڭ ماقالە يېزىقچىلىقىدا ماقالە ئەسەرگە قاتتىق تەلەپ قويۇلۇپ تەكشۇرۇلىدىكەن. شۇڭا تىل-ئەدەبىيات ئوقۇتقۇچىلىرى ھازىردىن باشلاپ ئوقۇغۇچىلارنى يېزىقچىلىق تاپشۇرۇقىغا بولغان تەلەپنى كۈچۈيتىشىمىز.

مەنبە: ئانا تۇپراق تورى

◤pari◥

بۇ ياخشى خوش خەۋەركەن  بولۇپمۇ ئۇيغۇر تىلى دەرسىنى ئايرىم تۈزگىنى ياخشى بوپتۇ .ئەسلى بۇرۇنقىسى ياخشى ئىدى .ياخشى خوش خەۋەر ئېلىپ كېلىپسىز .رەخمەت.

asrar

  ياخشى خەۋەرنى يەتكۈزگىنىڭىزگە رەخمەت ،ئەڭ خۇشال قىلارلىق يېرى شۇكى مەخسوس ئۇيغۇر تىلى كىتاپ تەسىس قىلىنغىنى بولدى..

火山

ھەقىقەتەن خوش خەۋەر ئېكەن بۇ !رەھمەت سىزگە!

پەرىشتە

ياخشى خەۋەركەن ،رەخمەت سىزگە

يۇلتۇز

ئۇيغۇر تىلىنى ئايرىپ بەرگەنى ياخشى ئىش  بولغىدەك

ئەيسا

يەنە يىقىلاي دەپ قالغان تەربىلەش  ئاۋات بولغۇدەك، مەنمۇ بىر ئەدەبىيات ئوقۇتقۇچىسى مۇشۇنىڭ بىلەن 4- قېتىملىق ئەدەبىيات ئىسلاھاتىنى كۆرىۋاتىمەن . نەپكە قارىغاندا چېكىنىش ئىغىر ... بۇ يەنە قاندااق ھالەتتە بولىدۇ ئاۋۋال شۇ ماتىرياللار قولىمىزغا تەككەن ۋاقىتتا بىلىپ سۆزلەي

umid0998

بۇ ھەقىقەتەن كاتتا خوش-خەۋەر ئىكەن. بولۇپمۇ تىل-ئەدەبىيات دەرسلىكىگە كىرگۇزۇلىدىغان مەزمۇنلارنى ئوقۇپ بەك خۇشال بولدۇم، ئۆزىنىڭ تىل-يىزىقىنى، ئەدەبىياتىغا پىششىق بولمىغان مىللەت قانداقمۇ يۇكسىلەلىسۇن؟

yarai001

ياخشى خەۋەركەن ،رەخمەت سىزگە

ۋارىس

بۇ ياخشى خوش خەۋەركەن  بولۇپمۇ ئۇيغۇر تىلى دەرسىنى ئايرىم تۈزگىنى ياخشى بوپتۇ . بۇلۇپمۇ 4.    ئەدەبىيات دەرسىدە «قوش تىل ۋە ئادەتتىكى دەرسلىك» دېگەن تەلەپ چىقىرىلىپ تاشلىنىپ، ئوخشاش ماتېرىيال ئىشلىتىدىكەن. «قوش تىل ئەدەبىيات كىتاب» دېگەن ئۇقۇم چىقىرىپ تاشلىنىدىكەن.   دىمىسىمۇ ئەدەبىيات تۇرسا بۇ!!!!!