ئوقۇتقۇچىلار بايرىمى مۇبارەك بولسۇن

كۆكنۇر

=

مۇئەللىم
.
مۇئەللىم، دىللارغا چىراغ ياققۇچى.
مۇئەللىم، بىلىمنىڭ ئالتۇن ئاچقۇچى.
مۇئەللىم، جاھانغا ئىلىم يايغۇچى.
مۇئەللىم، چۆللەردە يولنى تاپقۇچى.



ئۇلارسىز بىلىمنىڭ كانى قېزىلماس،
ئۇلارسىز تىلسىمنىڭ سىرى ئېچىلماس.
ئۇلارسىز ئالەمنىڭ سېھرى تېپىلماس،
ئۇلارسىز تارىخقا داستان يېزىلماس.



مۇئەللىم دۇنيانىڭ لىمى-تۈۋرۈكى،
پىلسىرات يولىنىڭ ياخشى كۆۋرۈكى.
سوقىدۇ ئەۋلاد دەپ ئۇنىڭ يۈرىكى،
ئەۋلادنىڭ بەختىدۇر ئارمان-تىلىكى.



ئۇ بولغاچ سەبىينىڭ كەلگۈسى پارلاق،
ئۇ بولغاچ بىلىمنىڭ بازىرى قايناق.
ئۇ بولغاچ دۇر بولار ھەردەم ئاق ۋاراق.
ئۇ بولغاچ مۈشكۈلگە ئېتىلدى ياراق.


مۇئەللىم ئەجرىدەك ئۇلۇغ ئەجىر يوق،
ئىنسانغا ئۇنىڭدىن ئارتۇق بەھىر يوق.
مەيلى سەن شاھ بولغىن ۋە ياكى ئالىم،
جەننەتتەك ئۇ ئاچقان ياخشى قەسىر يوق.
520 سىتودىيىسى

گۇلزار

ناھايىتى ياخشى يېزىلغان شېئىركەن . بۇ شېئىرنى ئوقۇپ ئۆزەمنىڭ« مۇئەللىم »بولغانلىقىمدىن پەخىرلەندىم .
رەھمەت سىزگە .
بۇ شېئىرنىڭ ئاپتورى  كىم ؟ يېزىشنى ئۇتۇپ قالدىڭىزمۇ نىمە ؟