بىر غىرىچ يوپكا كەيگەن قىز

kok~bora

بىر غىرىچ يوپكا كەيگەن قىز

قايرىپ قويۇپ ھايانى،كىيگەن يوپكاڭ بىر غېرىچ،
شۇ يوپكىنىڭ ۋەجىدىن ئاران ماڭدىڭ بىر غېرىچ.
مودا قوغلاپ ئۆزۈڭچە قىلىپ باقتىڭ ھەممىنى ،
ئۇزۇن ئۆرۈم چېچىڭنى كېسىپ تاڭدىڭ بىر غېرىچ.

كىيگەن كوپتاڭ بېلىڭنى ياپمىغاننى ئاز كۆرۈپ،
ئۆلچىمىدىن ئاشۇرۇپ ئويۇۋالدىڭ بىر غېرىچ.
ماسلاشماق بوپ دەۋرنىڭ مودىسىغا تېخىمۇ،
پاشنىسىنى ئاياغنىڭ قىلىۋالدىڭ بىر غېرىچ.

نەدىن تاپقان پۇلكىنتاڭ ،قات- قات زەنجىر بوينۇڭدا،
بولسا ئاشۇ زەنجىرنى ئۇلاي دېدىڭ بىر غېرىچ.
نەدە شۇنداق ئادەت بار،تىرنىقىنى ئۆستۈرۈش؟
ئەپسۇس ،شۇنى پەرۋىشلەپ قىلاي دېدىڭ بىر غېرىچ.

ئازلىق قىلسا ناۋادا ئاتا- ئاناڭ بەرگەن پۇل،
رازى بولماي تۇمشۇقنى سوزۇۋالدىڭ بىر غېرىچ،
چىقىپ كەتكەن كېچەڭ كۆپ،ئەنسىرىتىپ چوڭلارنى،
قاۋاقخانا ،دىبادا ئۈزىۋالدىڭ بىر غېرىچ.

چاپتىڭ شۇنداق نىشانسىز،ئويلاپ قويماي زاتىڭنى،  
چېكىندىڭ -يۇ، ئالغا ھېچ باسالمىدىڭ بىر غېرىچ.
گۈزەل خۇلق -ھايانى يوقىتىپ سەن،ھەي ئىسىت،
پەزىلەتنىڭ سۈيىدە ئاقالمىدىڭ بىر غېرىچ.

نېمە قىلساڭ مەيلىغۇ،ئۇنۇتمىساڭ ئەسلىڭنى،
ئەيش - ئىشرەت كويىدا يوقاتمىساڭ ۋەسلىڭنى،
نادانلىققا يول ئېچىپ ،قۇرۇتمىساڭ نەسلىڭنى .
ئويلان،ھالاك بولۇشقا پەقەت قالدىڭ بىر غېرىچ

مەنبە ئۇزچىن مۇنبىرى

مەرىپەت

ياخشى يېزىلغان شئېركەن .بارىلىق خانىم-قىزلار بىر قېتىم ئوقۇسا بولغىدەك...

تۇرسۇنجان

ناھايتى ياخشى

ئامان

تەربىيەۋى ئەھمىيەتكە ئىگە ياخشى تېما يوللاپسىز.
رەخمەت سىزگە.

يۇلغۇن

ھازىر بۇنداق يوپكا كىيدىغان قىزلار بۇرۇنقىدىن كۆپ ئازلىغان بولسىمۇ  بىراق باشقىلارنى دوراپ كىيىپ قالدىغانلار ھېلىمۇ ھەم مەۋجۇت ، بۇتېما ناھايتى ياخشى يولۇنۇپتۇ ، تەربىيىۋى ئەھمىيىتى يۇقۇرى تېما ئىكەن .

دىلكەش

بەك ياخشىكەن.

قاھار

ياخشى  تىما   يوللاپ  سىز   رەخمەت  سىزگە