بىر قىزنىڭ قايتا-قايتا سورىغان سوئالى
قىز بىلەن يىگىت كىچىكىدىن تارتىپ بىللە ئويناپ چوڭ بوپتۇ. قىز يىگىتتىن پەقەت ئۈچ ئايلىقلا كىچىككەن . قىز 18ياشقا كىرگەن چاغدا تۇغۇلغان كۈنىنى ئۆتكۈزۈپتۇ ،يىگىت بىر دەستە ئەتىرگۈلنى كۆتۈرۈپ كىرىپتۇ ، قىز گۈلنى كۆرۈپ ئىنتايىن خۇشال بوپتۇ .دەل شۇ كۈندىن باشلاپ قىز يىگىتنى ياخشى كۆرۈپ قاپتۇ .قىز شۇنچىلىك قىينىلىپتۇ ، بۇ گەپلەرنى يىگىتكە دېيىشنى ئويلاپتۇ ،لېكىن يەنىلا پېتىنالماپتۇ . ئۇ كۆڭلىدە بۇ گەپلەرنى دەي دېسە ئەگەر ياخشى كۆرمەي قالسا مەيلى ، ئەمما دوستلىقىنىڭ بۇزۇلۇپ كېتىشىدىن ناھايىتى ئەنسىرەپتۇ ، يەنىلا دېمەپتۇ ، قىز يىگىتنى ياخشى كۆرگەن كۈنىدىن باشلاپ يىگىتكە ئاتاپ كۈندە بىر تال قەغەز تۇرنا ياساپ ساقلاپ قويۇپتۇ . كۈندە دېگۈدەك يىگىتكە تېلىفۇن ئۇرۇپ ئەھۋال سوراپتۇ .
بۇ ئىشلار شۇ تەرىقىدە داۋاملىشىپ ئارىدىن ئالتە ئاي ۋاقىت ئۆتۈپتۇ ، بىر كۈنى قىز تۇيۇقسىز ئاغرىپ قاپتۇ . يىگىت قىزدىن تېلىفۇن كۈتۈپتۇ ، كۈنمۇ ئولتۇرۇپ كېتىپتۇ ،ئەمما قىزدىن سادا چىقماپتۇ ، يىگىت جىددىيلىشىپ كېتىپتۇ ، قىزغا تېلىفۇن ئۇرۇپتۇ ، قىز ئىڭرىغان ھالەتتە تېلىفۇننى ئاپتۇ .دەل شۇچاغدا قىزنىڭ ئاغرىپ قالغانلىقىنى بىلىپتۇ . يىگىت دەرھال ھەرىكەتكە كېلىپ ئەتىسى سەھەردە قىزنى يوقلاپ كەپتۇ، قىز ئىنتايىن خۇشال بوپتۇ ، يىگىت قىزنىڭ قولىدىكى قەغەز تۇرنىنى كۆرۈپ قىزدىن سوراپتۇ ، << نېمىشقا ئاغرىپ قېلىپمۇ قەغەز تۇرنا ياسايسەن>> دەپ سوراپتۇ ، قىز كۈلۈپ تۇرۇپ << مەن ياخشى كۆرگەن ئادىمىمگە ئاتاپ ياسىدىم >> دەپتۇ ، يىگىت << ئۇ يىگىت بۇ دۇنيادىكى ئەڭ تەلەيلىك يىگىتكەن >> دەپتۇ ، قىز << ئەلۋەتتە شۇنداق >> دەپ جاۋاپ بېرىپتۇ .
قىز پۈتۈنلەي ساقىيىپ ئەسلگە كەپتۇ ، بۇ قېتىم غەيرەتكە كېلىپ كۆڭلىدىكىنى يىگىتكە دېيىشنى ئويلاپتۇ ، يىگىىتكە تېلىفۇن قىپتۇ . قىز تېلىفۇندا << مېنى يوقلاپ كەلگىنىڭ ئۈچۈن سېنى تاماققا تەكلىپ قىلاي >> دەپتۇ ، يىگىتمۇ << ساقايغانلىقىڭ ئۈچۈن بولدى مەن سېنى تاماققا تەكلىپ قىلاي >> دەپتۇ .
قىز ئۆزىنىڭ ئەڭ چىرايلىق كىيىمىنى كىيىپ ياسىنىپ چىقىپتۇ. ئىككىسى تاماق يېگەچ ھەرخىل قىزىقارلىق گەپلەرنى قىلىشپ ئولتۇرۇپتۇ ، قىز نەچچە رەت كۆڭلىدىكى گەپنى يىگىتكە دېيىشكە تەمشىلىپتۇيۇ دېيەلمەپتۇ ، ئاخىرى ئۆزىنى تۇتۇۋېلىپ يىگىتكە ئېغىز ئېچىپتۇ ، ئۇنىڭ كۆزىگە تىكىلىپ تۇرۇپ << مەن سېنى ياخشى كۆرىمەن >> دەپتۇ ، يىگىت قىزغا << سېنىڭ بۇ جاھاندا ماڭا قىلمىغان پەقەت مۇشۇ چاقچىقىڭ قالغانتى ھە ! >> دەپ كۈلۈپ كېتىپتۇ . قىزمۇ لام -جىم دېيەلمەپتۇ ، ئۆيىگە بېرىپ ئۆزىنى كارىۋاتقا تاشلاپ ھەسرەتلىك ياش تۆكۈپتۇ .
قىز يىگىتكە تېلىفۇن ئۇرماپتۇ. ئارىدىن بەش كۈن ئۆتۈپتۇ ، قىز ھېسسىيات ئالدىدا تەسلىم بولۇپ يىگىتكە تېلىفۇن ئۇرۇپتۇ .
يىگىت :ۋەي ، ئەجەپ يوقاپلا كەتتىڭغۇ ؟
قىز :مەن ساڭا راست گەپ قىلاي.
يىگىت :بۇلىدۇ ،قېنى دېگىنە.
قىز :مەن ھەقىقەتەن چاقچاق قىلمىدىم، پەقەت سېنىلا ياخشى كۆرىمەن .
يىگىت :بولدى مەن سېنى پەقەت دوستۇم دەپ بىلىمەن ، ئۇنداق خام خىيال قىلما .
قىزنىڭ كۆزىگە ياش كەپتۇ ، تېلىفۇننى بېسىۋېتىپتۇ .قىز شۇ كۈندىن باشلاپ يىگىتتىن كۈندە بىر قېتىم سۇئال سوراپتۇ .
1-قېتىم قىز يىگىتتىن يەنە سوراپتۇ :مېنى ياخشى كۆرەمسەن؟ يىگىت :پەقەت دوستلارچە .
2-قېتىم قىز يىگىتتىن يەنە سوراپتۇ :مېنى ياخشى كۆرەمسەن؟ يىگىت :ياق.
3-قېتىم قىز يىگىتتىن يەنە سوراپتۇ :مېنى ياخشى كۆرەمسەن؟ يىگىت :سەن دېگەن دوستۇم، مەن ئۇنداق قىلالمايمەن .
4-قېتىم قىز يىگىتتىن يەنە سوراپتۇ :مېنى ياخشى كۆرەمسەن؟ يىگىت :دېدىمغۇ بىز دوست .
5-قېتىم قىز يىگىتتىن يەنە سوراپتۇ :مېنى ياخشى كۆرەمسەن؟ يىگىت :ئەڭ يېقىن دوستۇم سەن .
6-قېتىم قىز يىگىتتىن يەنە سوراپتۇ :مېنى ياخشى كۆرەمسەن؟ يىگىت :مۇمكىن بولمايدۇ .
7-قېتىم قىز يىگىتتىن يەنە سوراپتۇ :مېنى ياخشى كۆرەمسەن؟ يىگىت :بولدى قىل.ە
8-قېتىم قىز يىگىتتىن يەنە سوراپتۇ :مېنى ياخشى كۆرەمسەن؟ يىگىت :نېمانداق؟؟ ئۇنىڭدىن باشقا گەپ يوقما ؟
9-قېتىم قىز يىگىتتىن يەنە سوراپتۇ :مېنى ياخشى كۆرەمسەن؟ يىگىت :بۇگەپنى سورىمىغىنا، خوش بوپ كېتەي .
............................................
............................................
100-قېتىىم قىز ئەڭ ئاخىرقى نۆۋەت سوراپتۇ ، مېنى ياخشى كۆرەمسەن؟ يىگىت:ئۇنداق ئەمەسقۇ.
قىز تېلىفۇندا ئۆزىنىڭ توي قىلماقچى بولغىنىنى دېمەكچى بوپتۇ، لېكىن ئۇ بەرىبىر مېنى ياخشى كۆرمەيدۇ، دەپ ئويلاپتۇ .شۇنىڭدىن كېيىن يىگىتكە تېلىفۇن ئۇرماپتۇ . ئۇنى پۈتۈنلەي ئۇنتۇپ كېتىشكە تىرىشىپتۇ .
قىز چوڭلار تۇنۇشتۇرغان باشقا بىر يىگىت بىلەن كۆرۈشۈشكە چىقىپتۇ .
بۇ يىگىت قىزنى تاماققا تەكلىپ قىپتۇ ، قىز تۇيۇقسىز << نەگە بارىمىز؟ >> دەپ سوراپتۇ، يىگىت رېستۇران تەرەپنى ئىما قىپتۇ ، قىز ئۇنىڭغا << مەن سىزنى باشلىسام قانداق؟ >> دەپتۇ ، يىگىت ھەيران قاپتۇ، چۈنكى ئىلگىرى بىر قانچە قىزلار بىلەن كۆرۈشكەن، ئۇلارنى داۋاملىق رېستۇراننىڭ قىممەت باھالىق تاماقلىرى بىلەن مېھمان قىلىدىكەنتۇق ، بۇ قېتىم ئىش ئوخشىمىدى ، ئۇلار ئاددىي بىر كىچىك تېز تاماقخانىغا كىردى ، قىز << چۆچۈرە ئىچەيلى >> دېدى ، يىگىت << يە نىچۇ؟ >> دەپ سورىدى، قىز << بولدى، مەن قىيمىلىق تاماقلارنى ياقتۇرىمەن >> دېدى ، يىگىت تاماق يېگەچ قىزغا سەپ سالدى ، ئۇنىڭ ئاددى -ساددا كىيىنىشلىرى ، يېقىملىق گەپ-سۆزلىرى ، ھەقىقەتەن ئۇنىڭغا ھارارەت بېغىشلىدى .
بۇ يىگىت ئەسلىدە بىر قىزنى 3 يىلدىن ئارتۇق ياخشى كۆرگەن بۇلۇپ ، قىز پەقەت تۇتۇق بەرمىگەن، دائىم ئۇنى ئالداپ-سالداپ پۇللىرىنى خەجلەپ ، تولا ئوڭدا قۇيۇۋەتكەن ،لېكىن شۇنداق بولسىمۇ ئۇ قىزنى ياخشى كۆرگەن ، ئۇ چوڭلارنىڭ قىستىشى بىلەن ھەر قېتىم ئۇچرىشىشقا چىققاندا ، قىزلاغا ياخشى كۆرىدىغان ئادىمىنىڭ بارلىقىنى باھانە قىلىپ قايتا كۆرۈشمىگەن ئىدى. بۇ قېتىم بىر نەرسە ئۇنداق قىلىشقا يول قويمايتتى ، ئۇلار تاماق يەپ بولدى، قىز ئۆيىگە قايتماقچى بولدى، يىگىت تاكسى تۇسۇماقچى بولدى، قىز كوچا ئاپتۇبۇسى بېكىتى تەرەپكە قاراپ ماڭدى ، يىگىت خىجىل بولدى ، قىزنىڭ كەينىدىن ماڭدى ، قىزنىڭ ئۆيى ئالدىغا كەلدى ، ئۇلار خوشلاشتى ، يىگىت قىز كىرىپ كەتكىچە كەينىدىن قاراپ تۇردى.
قىز ئۆيىگە كىرىپ ئۆزىنى كارىۋاتقا تاشلاپ خىيالغا چۆكتى ، كۆڭلىدە مەن شۇنچىلىك ئوڭايسىزلاندۇرساممۇ قىلچە پەرۋا قىلمىدى ، ئۇ ھەقىقەتەن بولىدىكەن، دېگەن نىيەتكە كەلدى ، 15كۈن ئۆتتى، بۇ يىگىتتىنمۇ سادا يوق، قىز تىت -تىت بولدى ، 15 كۈننى 15 يىلدەك ئۆتكۈزدى ، ھەركۈنى دېگۈدەك ئۇنى ئويلىدى ، قىز ئۇيقىغا كەتتى، تېلىفۇن سايرىدى ، قىز چۆچۈپ كەتتى ، يىگىتتىن كەلگەن تېلىفۇن ئىدى ، ئۇلار شۇنچىلىك قىزغىن پاراڭلاشتى ، ئەتىسى باغچىدا كۆرۈشمەكچى بولدى . قىز بۇرۇنراق بېرىپ ساقلاش قارارىغا كەلدى ، بىر بېسىپ ، ئىككى بېسىپ باغچىغا كەلدى، قىز ھەيران قالدى ، چۈنكى يىگىت ئۇنىڭدىنمۇ بۇرۇن كېلىپ بولغان ئىدى ، يىگىت قىزنى كۆردى، ئاستا ئۇنىڭ قولىدىن تارتتى ، قىز قولىنى تارتماقچى بولدى يۇ لېكىن يىگىتكە كۈچى يەتمىدى ، يىگىت قىزغا << مەن ئەسلىدە بىر قىزنى 3 يىل ياخشى كۆرگەن، ئەمما ئۇ مېنى ياخشى كۆرمىدى ، مېنى شاللاق دەپ قالماڭ ، مەن سىزنى ياخشى كۆرۈپ قالدىم ، سىز بىلەن توي قىلغۇم بار ، مەن بۇ ئۆمرۈمدە سىزدەك مۇلايىم، ئاقكۆڭۈل قىزنى ئۇچرىتىپ باقمىغان ، ئەمدى سىزنى ئۇنتىيالمايمەن ،مەن بۇ 15 كۈن جەريانىدا پەقەت ئۇنىلا ياخشى كۆرىمەن دەپ ئويلىغان ئىدىم ، لېكىن 15 كۈنگىمۇ بەرداشلىق بېرەلمىدىم ، سىز مېنىڭ كاللامغا كىرىۋالدىڭىز >> دېدى ، قىز يىگىتكە ئېسىلىپ يىغلاپ كەتتى ، يىگىت قىزنى بەزلىدى ، قىز يىغىسىنى توختىتىپ، ھېلىقى يىگىتنىڭ ئىشلىرىنى دەپ بەردى ، قىز ئاخىرىدا بۇ يىگىتكە مۇنداق دېدى << مەن بۇرۇن ئۇنى ياخشى كۆرگەن، ئەمما ھازىر سىزنى ياخشى كۆرۈپ قالدىم ، توي قىلىشنى خالايمەن >> دېدى ، بۇ يىگىت ئۆزىنى ئەڭ بەختلىك ئادەم
ھېسابلىدى.
يىگىت غەيرەتكە كېلىپ ئاتا -ئانىسىغا قىز بىلەن توي قىلىش ئويى بارلىقىنى دېدى ، ئاتا -ئانا ئوغلىنىڭ بەختىدىن مەمنۇن بولدى ، ئۇلار كۆرۈشۈپ دەل 1ئاي بولغاندا توي قىلدى .
قىز توي قىلىپ بىر ھەپتە بولغاندا قولىغا قەلەم ئېلىپ ئىلگىرىكى يىگىتكە خەت يازدى .
ياخشىمۇسەن ، قانداق ئەھۋالىڭ ؟
مېنىڭ ئىلگىرى ساڭا دىگەن بارلىق گەپلىرىمنى ئۇنتۇپ كەتكىن ، مەن ئەسلىدە بۇ ئۆمرۈمدە سېنىڭدىن باشقىنى ياخشى كۆرمەيمەن دەپ ئويلاپتىكەنمەن ، بۇ پۈتۈنلەي خاتاكەن ، مەن راستىنلا دۇنيادىكى ئەڭ بەختلىك ئايال بولدۇم ، مەن يولدۇشۇمنى چىن كۆڭلۈمدىن ياخشى كۆرىمەن ، ئۇنىڭ بىلەن جاپادىمۇ، ھالاۋەتتىمۇ مەڭگۈ بىرگە بولىمەن ، ئەمدى ساڭا تېلىفۇن ئۇرۇپ سۇئال سورىمايمەن ، سەنمۇ بەختلىك بولغىن، ساڭا بەخت تىلەيمەن .
بۇ خەتنى قىزچاق سىڭلىسغا بېرىپ قويدى ، تېلىفۇندىكى كارتىنى سىڭلىسىغا بەردى ، بىرسى تېلىفۇن ئۇرۇپ قالسا ماۋۇ قەغەز تۇرنىنى خەت بىلەن قوشۇپ بېرىپ قويغىن، دەپ ھېلىقى يىگىتنىڭ نومۇرىنى دەپ بەردى .
سىڭىلچاققا تېلىفۇن كەلدى ، ئۇ يىگىتكە ھەدىسىنىڭ توي قىلىپ بولغانلىقىنى ،بېرىدىغان نەرسىنىڭ بارلىقىنى دېدى .
يىگىت خەتنى تاپشۇرۇپ ئالدى ، ئۇنىڭ كۆزلىرىدىن تارام تارام ياش تۆكۈلدى ، قەغەز تۇرنىلارنى ئۆزىنىڭ كارىۋىتىنىڭ بېشىغا ئاستى، ئەسلىدە يىگىت قىزنىڭ تېلىفۇنىنى كۈتكەن ، ئەمما قىزدىن تېلىفۇن كەلمىگەن ، ئۇنىڭغا كۆپ ئازار بەرگەنلىكىنى ئويلاپ تېلىفۇن ئۇرۇشقا جۈرئەت قىلالمىغان ، ئاخىرى يىگىت ئۆزىنىڭ بۇ قىزنى ياخشى كۆرۈپ قالغانلىقىنى ئېتىراپ قىلىپ تېلىفۇن ئۇرغان ، ئەمما ئۇ قىز بەختىنى تېپىپ بولغان . ئۇ قەغەز تۇرنىغا قارىدى ، قىزنىڭ ئاغرىپ ياتقان ھالەتتكى سىماسى كۆرۈندى ، يىگىتنىڭ قىزنى ئۇنتۇپ كەتكۈسى بار، لېكىن بىر نەرسە ئۇنى قىينايتتى.
يىگىت ھەقىقەتەن بەرداشلىق بېرەلمىدى ،بەخت يېنىدا تۇرسا بەخت ئىزدەپ يۈرگەن ، ئاخىرى قولدىن چىقىرىپ قويغان . ئەمما رېئاللىق يەنىلا شۇنداقتە ، ئۇنى ھېچكىم قايتۇرۇپ ئەكىلەلمەيدۇ ، ئۇ ئاخرى يۇرتىنى تاشلاپ سەرگەردانلىق تۇرمۇشىنى باشلىۋەتتى.
| 
[ئۇلانما كۆچۈرۈش]
قىزغىنلىق
تىللا
تۆھپە
شۆھرەت
يوللىغان ۋاقتى 2012-4-12 14:15:44
يوللىغان ۋاقتى 2012-4-12 19:06:52
يوللىغان ۋاقتى 2012-4-12 20:20:59
