1،2-يىللىق ئوقۇغۇچىلىرى تۇنجى «تاپشۇرۇقسىز تەتىل»نى كۈتىۋالدى

بۇلاق

ئۈرۈمچى  شەھىرىدىكى  ھەر  قايسى  باشلانغۇچ  مەكتەپلەرنىڭ  1-،  2-يىللىق  ئوقۇغۇچىلىرى  تۇنجى  «تاپشۇرۇقسىز  تەتىل»نى  كۈتىۋالدى  

بۇ يىل يازلىق تەتىلدە، ئۈرۈمچى شەھىرىدىكى ھەر قايسى باشلانغۇچ مەكتەپلەرنىڭ 1-، 2- يىللىق ئوقۇغۇچىلىرى تۇنجى «تاپشۇرۇقسىز تەتىل»نى كۈتىۋالدى. بالىلار سۇئاللار دېڭىزىدىن قۇتۇلۇپ، تۈرلۈك شەكىللەردىكى ئەمەلىيەتتىن ئۆتكۈزۈش پائالىيەتلىرىگە قاتنىشالايدىغان بولدى.
    ئۈرۈمچى شەھەرلىك مائارىپ ئىدارىسىنىڭ مۇئاۋىن باشلىقى ليۇ جۈن تۇنۇشتۇرۇپ مۇنداق دېدى: دۆلەت مائارىپ مىنىستىرلىقىنىڭ تەلىپىگە شۇنداقلا ئۈرۈمچى شەھىرىنىڭ مائارىپ ئەمەلىيىتىگە ئاساسەن، ئۈرۈمچى شەھەرلىك مائارىپ ئىدارىسى ئۇقتۇرۇش تارقىتىپ، ھەر قايسى باشلانغۇچ مەكتەپلەردىن تاپشۇرۇق ئومۇمىي مىقدارىنى كونترول قىلىشنى تەلەپ قىلدى. 1-، 2- يىللىق ئوقۇغۇچىلىرىغا يازلىق تەتىللىك تاپشۇرۇق ئورۇنلاشتۇرۇلمايدۇ. 3- يىللىقتىن 6- يىللىققىچە بولغان بالىلارغا كىتاب يۈزىدىن بېرىلىدىغان تاپشۇرۇق ئازايتىلىپ، ئوقۇغۇچىلارنىڭ ئىجتىمائىي ئەمەلىيەت پائالىيەتلىرىگە قاتنىشىشىغا ئىلھام بېرىلىدۇ. ئەخلاق تەربىيىسى توغرىسىدا بىر قىسىم تاپشۇرۇقلار ئورۇنلاشتۇرۇلۇپ، پەننى ئومۇمىيلاشتۇرۇش پائالىيەتلىرى، ئائىلە ئەمگىكى ۋە پىدائىيلار مۇلازىمەت پائالىيىتىگە قاتنىشىشى شۇنىڭدەك ياخشى دەم ئېلىشىغا ئىلھام بېرىلىدۇ.
    ئىگىلىنىشىچە، ھازىر، ئۈرۈمچى شەھىرىدە جەمئىي 147 باشلانغۇچ مەكتەپ بولۇپ، بۇ مەكتەپلەردە ئوقۇۋاتقان ئوقۇغۇچىلارنىڭ سانى 200 مىڭغا يېتىدىكەن. ئوقۇغۇچىلارنىڭ ئىجتىمائىي ئەمەلىيەتتىن ئۆتكۈزۈش پائالىيىتىگە تېخىمۇ ياخشى قاتنىشىشى ئۈچۈن، ھەر قايسى رايون- ناھىيەلەردىكى ياشلار- ئۆسمۈرلەر پائالىيەت مەركەزلىرى ئوقۇغۇچىلارغا ئېچىۋېتىلدى.  ئۈرۈمچى شەھەرلىك مائارىپ ئىدارىسىنىڭ مۇئاۋىن باشلىقى ليۇ جۈن مۇنداق دېدى: ھەر قايسى رايون- ناھىيەلەر يېڭىدىن ياشلار ۋە ئۆسمۈرلەر پائالىيەت مەركىزى قۇردى. تەڭرىتاغ رايونى، بۇلاقتاغ رايونى، ئىقتىسادىي تەرەققىيات رايونى، تۇدۇڭخابا رايونىدىكى قۇرۇلۇش پۈتۈپ، جەمئىيەتكە ئېچىۋېتىلدى. يۇقىرى- يېڭى تېخنىكا تەرەققىيات رايونى، يېڭىشەھەر رايونىدىكى پائالىيەت مەركىزى قۇرۇلۇشىمۇ پۈتۈپ، جەمئىيەتكە ئېچىۋېتىشكە تەييارلىق كۆرمەكتە.
مەنبەدىن كۆرۈش: http://uyghur.xjedu.gov.cn/jyy/jyxx/2013/61736.htm

بۇلاق

رايۇنىمىزدىكى ئوقۇتقۇچىلارنى خەۋەردار قىلىش ۋە رەھبەرلىرىمىزنىڭ بۇ جەھەتتە ئويلىنىپ بېقىشى ئۈچۈن بايقاشقا يوللاندى. تورداشلار بۇ ئىشقا قانداق قارايدىكىن؟

زەپەر

ئۇقۇغۇچىلارنىڭ يازلىق تەتىلنى خۇشال -خۇرام ئۆتكۈزۈش ئەمەس بەلكىم تەتىلدە تۈگۈمەس تاپشۇرۇقلارنى ئىشلەش بىلەن ئۇلارنى ئۆمۈرى دەم ئېلىش بىلەن ئەمەس بەلكىم بىر خىل تاپشۇرۇق روھى بېسىم ئاستىدا ئۈتىۋاتىدۇ . بۇلۇپمۇ بۇ خىل ئەھۋال جەنۇبى شىنجاڭنىڭ خۇتەن ۋىلايىتىدە بەك ئېغىر  تاپشۇرۇق ئىشلەش 1- يىللىقتىن باشلاپ 6- يىللىققىچە بولغان ئۇقۇغۇچىلاردا تۇلۇق سان بۇيىچە ئەمىللىشىپ كىلىۋاتىدۇ . ھەتتا تۈۋەن يىللىق ئۇقۇغۇچىللىرىمۇ 3تىن پەنگە تاپشۇرۇق ئىشلەۋاتىدۇ. بۇ جەھەتتە ئۇقۇغۇچى ۋە ئۇقۇتقۇچىلارنىڭ بېسىمى ئىنتايىن ئىغىر . بولسا ئاپتۇنۇم رايۇن رەھبەرلىرنىڭ ئويلىشىپ كۈرۈپ ئۇقۇغۇچىلارنىڭ بۇجەھەتتىكى يۈكىنى يەڭگىللەتسە دەپ قارايمەن . بولسا ئۈرۈمچىنىڭ ئۇقۇغۇچىلارنىڭ تەتىللىك ئۇرۇنلاشتۇرشىنى قوللانغان بولسا بەك ياخشى بۇلاتتى

pari

تەتىل شۇنچە ئۇزۇن تۇرسا تاپشۇرۇق بولمىسا بولماس ،