| ياخشىمۇسىز قېرىندىشىم ، بۇ تېمىنى چەككىنىڭىزنىڭ ئۆزىدىن مائارىپقا كۆڭۈل بۆلىدىڭىزنى بىلىۋالغىلى بولىدۇ .
ئەمدى نەق گەپنى قىلسام ، مەن مۇشۇ يىلى (2016.09)ئۆز ئارزۇيۇم بويىچە قاتمۇقات سىناقلاردىن ئوڭۇشلۇق ئۆتۈپ ئوقۇتقۇچىلىق سېپىگە قوشۇلدۇم . ئالى مەكتەپتە ئوقۇغان كەسپىم زامانىۋى مائارىپ تېخنىكىسى بولۇپ ئوقۇتقۇچۇلۇق ئىمتاھان بەرگەن پەن تۈرى بولسا ئۇچۇر -تېخنىكىسى .
مەكتەپنىڭ ئورۇنلاشتۇرۇشىغا بىنائەن ھازىر خوتەن شەھىرىنىڭ مەلۇم بىر مەكتەپنىڭ تارماق مەكتىپىدە ئىشلەۋاتقىلى بىر ھەپتە بولدى ، ئۆتىدىغان دەرىسىم ئادەتتىكى 3-4-يىللىقلارنىڭ خەنزۇتىلى دەرسلىكى . مەن يولۇققان ئەڭ نېگىزلىك مەسىلە شۇكى :بۇ ئىككى سىنىپتىكى 84 نەپەر ئوقۇغۇچىلار ئاساسەن دېگۈدەك ساۋاتسىز قالغان ئوقۇغۇچىلار بولۇپ ، خەنزۇتىلى پىنيىن نى يامان ئەمەس ئوقۇيدىغان ئوقۇغۇچى 5 نەپەرگىمۇ يەتمەيدۇ . بۇنداق بولۇشنىڭ ئاساسلىق سەۋەبى بولسا مەكتەپ ۋاقتىدا ئوقۇتقۇچى تولۇقلاپ ، ئوقۇغۇچىلارنىڭ تۆۋەن يىللىقتىن باشلاپ نورمال دەرس ئاڭلىشىغا شارائىت ھازىرلاپ بېرەلمىگەن . ئوقۇغۇچىلارنىڭ خەنزۇتىلى دەرىسىگە قاتنىشىشى بەك ئاز ھەم تەرتىپسىز بولغان . يەنە بىر سەۋەبى ئوقۇتقۇچى مەسئۇلىيەتسىزلىك قىلىپ بۇرچىنى ياخشى ئادا قىلمىغان ، يەنە باشقا سەۋەبلەرمۇ بار بولىشى مۇمكىن .
مەن بىر ھەپتە سەر ئۆتۈش جەريانىدا ئوقۇغۇچىلارنىڭ خەنزۇتىلى ئۆگۈنۈش ئىشتىياقىنىڭ ناھايىتى كۈچلۈك ئىكەنلىكىنى پەقەت شۇ قانغۇدەك دەس ئاڭلاشقا مۇيەسسەر بولالمايۋاتقانلىقىنى ھېس قىلدىم . دەرسلىك كىتابقا قارىسام كىتابنىڭ مەزمۇنى ئوقۇغۇچىلارنىڭ ئەمەلى خەنزۇتىلى ئاساسىغا قەتئى ماس كەلمەيدىكەن ، ئېنىقىنى دېگەندە ئوقۇغۇچىلارغا بۇ كىتابنى ئۆتىمەن دېيىش ئەما ئادەمگە كىنو قويۇپ بەرگەندەكلا ئىشكەن ، شۇڭا مەن ئايرىم بىر ئوقۇتۇش پىلانى تۈزۈپ ئالدى بىلەن ئوقۇغۇچىلارنىڭ خەنزۇتىلى دەسلەپكى ئاساسىنى يېتىلدۈرۈپ ئۆزى ئۆگەنگۈدەك دەرىجىگە ئەكىلىپ بولۇپ ئاندىن دەرسلىك كىتاب بويىچە ئوقۇتۇش ئېلىپ باراي دېگەن ، لېكىن باشقا ئوقۇتقۇچىلارنىڭ دېيىشىچە يۇقىرىدىن تەكشۈرۈپ كەلگەندە مېنىڭ قىلغىنىمنى توغرا كۆرمەيدىكەن .
مەن ھەم ئوقۇغۇچىلارنى ئايرىم يېتەكلەپ ھەم كالىندار پىلانى بويىچە دەرس تەييارلاپ ، تاپشۇرۇق ئورۇنلاشتۇرۇپ ھەممىنى قىلىمەن دېسەم يېتىشەلمەيدىكەنمەن ، شۇڭا ھەممە ئادەمنمىڭ قولى ئىچىگە ئېگىلسە كېرەك ، مەن يېڭى خىزمەتكە چىقىپلا يامان ئاتاققا قېلىشنى خالىمىدىم ، ئامالسىز ئوقۇغۇچىلارغا پىلان بويىچە تاپشۇرۇق ئورۇنلاشتۇردۇم ، لېكىن ئوقۇغۇچىلارنىڭ شۇنچە قىنىلىپ ئىشلىگەن بۇ تاپشۇرىقى ئەمەلىيەتتە ئوقۇغۇچىلارغا ھېچقانچە ئۈنۈم ئېلىپ كېلەلمەيتتى ، ئۇلار خەنزۇچە خەتنى خۇددى بىر پارچە رەسىم سىزىۋاتقاندەك نەچچە رەت قاراپ ئاندىن يازاتتى ، نە ئۇلارنىڭ كاللىسىدىكى بىخۇا تەرتىپ ، يان بۆلەك ، ھەممىسى ئۇلار ئۈچۈن ناتونۇش .
مەن شۇتاپتا تەكشۈرۈش كېلىپ ئوقۇغۇچىلىرىمنىڭ ئىشلىگەن تاپشۇرىقىنى كۆرۈپ ، مېنى سۈپەتسىز دەپ باھالاپ قويۇپ كېتىشىنى ساقلاپ ئولتۇرىۋاتىمەن .
شۇنچە ئارزۇلاپ قولغا كەلتۈرگەن بۇ خىزمەت ئىچىمنى بەك ئاچچىق قىلىپ قويدى ، مەن بۇ خىزمىتىمنى بەكلا سۆيىمەن ، ئوقۇغۇچىلارغا ھەقىقى بىلىم يەتكۈزۈش نىيىتىم بار ئىدى ، لېكىن مەن گاڭگىراپ قالدىم ، كېيىنكى قەدەملەرنى قانداق بېسىش ماڭا تېخى قاراڭغۇ ، زادى قانداق قىلىش كېرەك ...
|
|
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2016-9-11 19:50:09
