تىببىي تۇرمۇش ساۋاتلىرى

开都河

  تېببىي بىلىملىرى --- تېببىي تۇرمۇش ساۋاتلىرى


قاندا ماي تەركىبى يۇقىرى بولۇش ئوتتۇرا ۋە ياشانغانلاردا دائىم كۆرۈلىدىغان كېسەللىك بولۇپ، كۆپ مىقداردىكى ياغنىڭ قان تومۇر دىۋارىدا تىنىپ قېلىشتىن پەيدا بولىدۇ. بۇ كېسەل يۇقىرى قان بېسىم، تاجىسىمان ئارتېرىيىلىك يۈرەك كېسىلىغ يۈرەك مۇسكۇل تىقىلمىسى، مېڭىگە قان چۈشۈش قاتارلىق كېسەللىكلەرنى كەلتۈرۈپ چىقىرىدۇ. شۇڭا بۇ كېسەلنىڭ ئالدىنى مۇنداق ئېلىش كېرەك:
1. دائىم چېنىقىشقا ئەھمىيەت بېرىش كېرەك. بەدەن چېنىقتۇرغاندا قاندىكى تىنىپ قالغان ياغنىڭ پارچىلىنىشىنى تېزلەتكىلى، ئۇزاق مۇددەت چېنىققاندا ياغنى بىراقلا يوقاتقىلى بولىدۇ.
2. يېمەك-ئىچمەككە دىققەت قىلىش كېرەك. ھەر كۈنلۈك تاماق مىقدارىنى مۇۋاپىق تەڭشەپ، بەك كۆپ يېمەسلىك، بولۇپمۇ ياغلىق يېمەكلىكلەرنى ئاز يېيىش. مەسىلەن، تۇخۇم سېرىقى، سېرىق ياغ، سېمىز گۆش قاتارلىقلارنى ئاز يېيىش، يەنە بەدەندىكى ئوشۇق مىقداردىكى قەنتلەر ياغقا ئايلىنىدىغانلىقدىن، قەنتلىك يېمەكلىكلەرنى ئاز ئىستېمال قىلىش، مېۋە-چېۋە، كۆكتاتلارنى كۆپ ئىستېمال قىلىش كېرەك.
3. قاندىكى ياغ مىقدارىنى بەلگىلىك مۇددەتتە تەكشۈرتۈپ تۇرۇش لازىم.