مۇھتاج ئىنسان تەسەللىگە مەدەتكە

124516ش

                       (ئىلھام زوردۇن )
سۆز باشلايلى ئۆز يۇرت ياكى چەتئەلدىن ،
ھاياتلىقتا تۈز يول يوق ئەزەلدىن ،
ماختانسىمۇ بىرى تەلەي ئەمەلدىن ،
مۇھتاج ئىنسان تەسەللىگە مەدەتكە .

شاتلانسىمۇ ھالال ئەمگەك ئەجرىدىن ،
زارلانسىمۇ تەقدىر بەرگەن زەربىدىن .
سۆيۈنسەكمۇ بىز ئېرىشكەن غەلبىدىن ،
مۇھتاج ئىنسان تەسەللىگە مەدەتكە .


ياخشى كىيگەن ئېسىل تاۋار دۇردۇندىن ،
بولسۇن مەيلى ئېشىكلىرىڭ ئالتۇندىن .
كۆرەلمىگەچ كەلگۈسىنى دۇربۇندىن ،
مۇھتاج ئىنسان تەسەللىگە مەدەتكە .

ئۈ گەنسەكمۇ ئىشتا ھەسەل ھەرىدىن ،
دەيمىز ھايات بەك سۆيۈملۈك نەرىدىن .
چۈشمىگەچكە بەخت ئاسمان قەرىدىن ،
مۇھتاج ئىنسان تەسەللىگە مەدەتكە .
.

oko3

توغرا ھەربىر قەدەم ھەر بىر ئىشتا تەسەللى ھەم مەدەت بىزگە ئالەمچە كۈچ بېرەلەيدۇ