ئۇيغۇر خەلق ماقال-تەمسىللىرى

吐外特

بىلىمگە بېقىپ ئىززەت، ئۇستىغا بېقىپ شاگىرت.
    بىلىملىكنىڭ ھۆرمىتى زور، بىلىمسىزنىڭ ھەسرىتى.
    بىلىمدىن ئايرىلغان توزار، ھورۇنلۇقتىن ئايرىلغان ئۇزار.
    ئالىم يۇرتنىڭ شاھى.
    بىلىم ئىزدىنىشتىن كېلىدۇ، بەخت كۈرەشتىن.
    بىلىم كۈندە كېرەك، چىراغ تۈندە كېرەك.
    بىلىمسىزدە پەم يوق، تۇزسىز تائامدا تەم.
    بىلىمسىزنىڭ قىممىتى بولماس، شەپقەتسىزنىڭ ھىممىتى.
    بىلىمسىز بولسا كىشى، توغرا چىقماس ھېچ ئىشى.
    بىلىكىڭگە ئىشەنگۈچە، بىلىمىڭگە ئىشەن.
    بىلىملىك سۆزلىسە ئالقىش، بىلىمسىز سۆزلىسە قارغىش.
    بىلىمى تۇرۇپ ئىشلەتمىگەن، يەپ سىڭدۈرمىگەن تاماق.
    بىلىملىكنىڭ كۆڭلى گۈلىستان، بىلىمسىزنىڭ كۇڭلى گۆرىستان.
    قۇش قانىتى بىلەن ئۇچار، ئادەم بىلىمى بىلەن.
    تىل بىلگەن يولدىن ئازماس، ئەقىل بىلگەن چۆلدە.
    پىلدەك دۇنيادىن، قىلدەك بىلىم ياخشى.
    ئالىمسىز بولسا زامان، قاراڭغۇلۇقتا قالۇر جاھان.
    ئالەمنىڭ چىرىغى كۈندۇر، ئادەمنىڭ چىرىغى بىلىمدۇر.
    شۆھرەت ئىزدىگۈچە، بىلىم ئىزدە.
    ئوقۇغان ئوڭ بولۇر، ئوقۇمىغان توڭ بولۇر.
    مالسىزلىقتىن، ئاڭسىزلىق يامان.
    ئادەم نامى ئىلىم بىلەن، ئاتنىڭ نامى يەم بىلەن.
    كۆكتە ئۇچقاننىڭ ھۈنىرى بار.
قەشقەر يېڭىشەھەر ناھىيەلىك رادىيو-تېلېۋىزىيە ئىدارىسىدىن سابىرجان سىيىت رەتلىگەن

مىرابلا

ئەمگەكچان خەلىقىمىزنىڭ ئىسىل دۇردانىللىرى ئەجەپ ئىسىل مەنالارنى ئۈزىگە مۇجەسسەملىگەن ھە ! بارىكاللا