ئىللىقلىق ھەممىلا يەردە نۇر چاچقۇسى

pari

ئىللىقلىق ھەممىلا يەردە نۇر چاچقۇسى

“ 2014 - يىلى 1- ئاينىڭ  13 - كۈنى «  ئىللىق ئائىلە مېھرىبانلار ئۇيۇشمىسى»    تۇرپان ۋىلايىتىدىكى « تۇرپان شەھەرلىك  يار ئوتتۇرا مەكتەپ   بىلەن تۇرپان شەھەرلىك ئايدىڭكۆل ئوتتۇرا مەكتەپ » تە ئىللىقلىق يەتكۈزۈش پائالىيىتى ئېلىپ باردۇق . بۈگۈنكى پائالىيەتتە ئىككى مەكتەپتىن جەمئىي  يەتتە نەپەر ئوقۇغۇچىغا قىشلىق كىيىم - كېچەك، ئوقۇش قوراللىرى  بىلەن مېھرىبانلارنىڭ ئىسسىق كۆڭلىنى يەتكۈزدۇق ھەم ئۇلارنىڭ ياخشى ئوقۇشىغا مەدەت بەردۇق . بۇ قېتىمقى پائالىيەت بۇ سەبىلەرنىڭ ئازراق بولسىمۇ قىيىنچىلىقىنى يېڭىشىگە ياردەم بولۇش بىلەن بىرگە ئۇلارنىڭ قەلبىنى ئىللىتىپ ئوقۇشقا بولغان قىزغىنلىقىنى ئاشۇردى . بۇ سەبىلەر بارلىق مېھرىبانلارغا رەھمىتىنى ھەم ئوتلۇق سالىمىنى ئەۋەتتى .

تۇرپان ئايدىڭكۆل ئوتتۇرا مەكتەپ ئوقۇغۇچىلىرىغا ئىللىقلىق يەتكۈزۈلمەكتە

تۇرپان يار ئوتتۇرا مەكتەپتىكى ئوقۇغۇچىلارغا ئىللىقلىق يەتكۈزۈلمەكتە

بۇ پائاليەتتىن تەسىرلەنگەن ئوقۇتقۇچىلار« ئىللىق ئائىلە مېھرىبانلار ئۇيۇشمىسى » غا چەكسىز تەشەككۇرلەر ئېيتتى ، ھەم ئۆزلىرىنىڭمۇ بۇ ئۇيۇشمىغا قاتنىشىدىغانلىقىنى بىلدۈردى .ئوقۇغۇچىلار بۇنىڭدىن كېيىن داۋاملىق تىرىشىپ ئۈگىنىپ ئۆزلىرىنىڭ ئەمىلىي ھەركىتى بىلەن جاۋاپ قايتۇرىدىغانلىقىنى بىلدۈردى .

ئەسكەرتىش : ئاللاھ خالىسا مانا مۇشۇنڭىغا ئوخشاش پائاليەتلىرىمىز ئۆزلۈكسىز قانات يايدۇرۇلىدۇ . شۇڭا « ئىللىق ئائىلە مېھرىبانلار ئۇيۇشمىسى » دىكى مېھرىبانلارنىڭ ، رايونىمىزدىكى ھەر قايسى ۋىلايەت ،ئوبلاستلاردىكى مەكتەپلەردە  قىيىمچىلىقى ئېغىر ،ئىگە چاقىسىز ، ئۆزى قىيىنچىلىققا بەرداشلىق بېرىپ تىرىشىپ ئوقۇۋاتقان ئوبىكىتلارنى تەشەببۇسكارلىق بىلەن كۆرسىتىپ ، ئىللىق ئائىلە مېھرىبانلار ئۇيۇشمىسىدىكى مېھرىبانلارنىھەر تەرەپتىن قوللاپ بېرىشىنى قىزغىن قارشى ئالىمىز .
ئىللىق ئائىلە مېھرىبانلار ئۇيۇشمىسى كوللىگيىسى

akpar12307

بۇ پائالىيەتتىن ھەقىقەتەن تەسىرلەندىم ، دېمىسىمۇ بىزنىڭ ئەتراپىمىزدا بىز قىلىشقا تىگىشلىك ئىشلار شۇنداق كۆپ ، مەسىلەن شۇنداق نامراتلىق تۈپەيلى قىشنىڭ جاندىن ئۆتكۈدەك سوغۇقلىرىدا پۇتىدا يېلىڭ ئاياق بىلەن مەكتەپكە كېلىۋاتقان ئاشۇ بىچارە ئوقۇغۇچىلار، ئۆيىگە بېرىپ ئەھۋال ئىگەللىسىڭىز مال باھاسىنىڭ يوقىرلىقىدىن ئايدا بىرەر قېتىم گۆشلۈك غېزا يەپ باقمىغان ئوقۇغۇچىلار ، يەنە بەزىلىرىنىڭ ئۆيىدە يەي دىسە قۇۋەتلىك نەرسە يوق  ، مەكتەپكە سەھەر بېرىپ نەچچە سائەتتىن كېيىن ئايلىنىپ كېتىدىغان ئوقۇغۇچىلار، بۇلارنى دوختۇرغا ئاپارسىڭىز دوختۇر تەكشۇرۈشى  قۇۋەت يېتىشمىگەن دەپ چىققان ... ئىشقىلىپ سۆزلەپ كەلسەك بۇنداق ئەھۋاللار مېنىڭچە ھەممە يەردە بارغۇ دەيمەن ...
ئويلايدىغىنىم  بەلكىم بەزى بىرلىرىمىزنىڭ تۇرمۇشى ھەقىقەتەن غورىگۈل ئۆتىۋاتقان بولىشى مۇمكىن ، بەزىلىرىمىزنىڭ تۇرمۇشى ياخشىلىقىدىن تاپقان بېساتىنى قىمارخانا ، ھاراق تاماكىغا سەرىپ قىلغان بولۇشى مۇمكىن ..بىزمۇ ئاشۇ ئىللىق ئائىلە مېھرىبانلار ئۇيۇشمىسىغا ئوخشاش قىلالمىساقمۇ ، ئايدا خەجلەيدىغان ئوشۇق پۇلىمىزدىن 50 يۈەن چىقىرىپ ئاشۇ بىچارە نارسىدىلەرنىڭ پۇتىغا ئاياق ، ھېچ بولمىغاندا قولىغا ئون يىگىرمە يۈەن تۇتقۇزۇپ قويغان بولساق  ، ئۇ بىچارە قانچىلىق خۇش بوپ كەتكەن بولاتتى ...  تېما ئىگىسىگە رەھمەت .. جاپا چېكىپسىز ...  

Qarabeg

مۇشۇنداق پائالىيەتلەرنىڭ كۆپلەپ ئېلىپ بېرىلىشىنى ئۈمىد قىلىمەن.

ئايىنا

توغرا دەيسىز ئەكپەر ئەتراپىمىزدا بىز قىلىدىغان  ئىشلار ئىنتايىن كۆپ  شۇ ئىشلارنى قىلىشقا ۋاختىمىزمۇ كۆپ ئەمما  بىزنىڭ قىلسىمۇ  - قىلمىسىمۇ بولىدىغان ئىشلارنى قىلىپ شۇ قىممەتلىك ۋاختىمىزنى زېھنىمىزنى خورىتىپ يۈرۈۋاتىمىز . ئاغزىمىزدا ئەۋلات، مىللەت ، گۈزەل كىلەچەك - دەپ سۆزلەيمىز  ئەمىليىتىمىزدە بىز شۇ  ئەۋلاتلار ئۈچۈن زادى نىمە ئىشلارنى قىلدۇق،  يەنە نىمە ئىشلارنى قىلىشىز لازىم.... دىگەن مەسىلە ئۈستىدە ھەممىمىز ئويلۇنۇپ كۆرۈشۈمىز كىرەك. ‹‹ئىللىق ئائىلە مېھرىبانلار ئۇيۇشمىسى››  نىڭ بۇ پائالىيىتى ياردەمگە مۇھتاج بولغان ئەشۇ سەبىلەرنىڭ قەلبىنى زىمىستان قىشتا خۇددى باھار كەلگەندەك   ئۇلارنىڭ سەبى قەلبى ئىللىقلىققا  چۆمدۈرىدۇ .
بۇ ئوقۇغۇچىلار بىردەك تىرىشىپ ياخشى ئۆگىنىپ مېھرىبانلارنىڭ  ئۆزلىرگە ئاتا قىلغان مېھرى- مۇھابىتىگە ئۆزلىرىنىڭ ئەمىلى ھەركىتى بىلەن جاۋاپ قايتۇردىغانلىقىدىن ئىبارەت  ئىرادىسىنى بىلدۈردى . بولسا بايقاش تورىدىكى بارلىق ئەزىز  دوسلارنىڭ بۇ ئەھمىيەتلىك پائالىيەتلەرنىڭ كەڭ تەشۋىق قىلىپ‹‹ئىللىق ئائىلە مېھرىبانلار ئۇيۇشمىسى›› نىڭ بۇندىن كىيىنكى تەرەقىياتىغا كۈچ چىقىرىشىنى ئۈمۈت قىلىمىز .ھەم ئۈمۈت قىلىمەن.  
دۇنيا مېھرى - مۇھابەتكە تولسۇن !
سەبىلەرنىڭ دىلىغا مۇھاببەت ئۇرۇقىنى چاچايلى !   

pari

بۇ تېمىنى يوللاشتىن مەقسەت ئۆزىمىزنىڭ قىلغان ئىشلىرىنى تەشۋىق قىلغانلىق ئەمەس . مۇنبەرداشلار نىڭ توغرا چۈشۈنۈشىنى ئۈمۈد قىلىمەن . ئەسىلىدە ياخشى ئىش دىگەن خۇپىيانە بولۇشى كېرەك ئىدى . بىز بۇ « ئىللىق ئائىلە مېھرىبانلار ئۇيۇشمىسى »  يوقلۇقتىن يېڭىدىنلا بارلىققا كەلدى ، كىچىكلىكتىن زورىيۋاتىدۇ ، بۇ توپ پەقەت تور دۇنياسىدا قۇرۇلغان ، شۇڭا شۇ توپتىكى ئەزالارنىڭ ئىشەنچىسىگە ئېرىشىش ئىنتايىن موھىم . يەنە بىر تەرەپتىن بۇ  « ئىللىق ئائىلە مېھرىبانلار ئۇيۇشمىسى » توپڭ قۇرۇلغىلى بىر ئاي ئەتراپىدا بولغان بولسىمۇ ئەزا سانى كۈن سايىن كۆپىيۋاتىدۇ ، نىشانىمىز شۇكى ئۆزلۈكسىز ئەزا كۆپەيتىپ ، مەجبورىيەت مائارىدىكى ئوقۇش يېشىدىكى قىيىنچىلىقتا قالغان ئوقۇغۇچىلارغا ياردەم بېرىش ئوقۇشىنى ياخشى داۋاملاشتۇرىشىغا ياردەم بېرىش شۇڭا بۇ ساخاۋەتلىك ئىشنى خالايدىغانلار تۆۋەندىكى مەلۇماتلارغا نەزەر سالغايسىز.

زەپەر

پەرى بۇ رەسىملەردىن سىزنىمۇ كۈرۋالدىم دە . ناھايتى ئەھمىيەتلىك پائالىيەتتىن بىرنى قىلىىپسىلەر . رەخمەت سىلەرگە جەمىيتىمىزدىكى ئاشۇنداق تۇرمۇشتا قىيىنچىلىق تارتىۋاتقان شۇ سەبىي نوتىلارغا ياردەم قىلىش ئادىمىلىك جەھەتتە ئىنتايىن ياخشى ئىش دەپ قارايمەن . بىراق بەز بىر سەۋەپلەر تۈپەيلى مەنمۇ ئۈزەمنىڭ قۇلىنى سۇنالمىدىمدە.

吐然古丽

پەرى مەكتىۋىڭلاردا ناھايىتى ئەھمىيەتلىك ئۇيۇشمىدىن بىرنى قۇرۇپ چىقىپسىلەر،بىزمۇ مەكتەپتە مۇشۇنداق ئۇيۇشمىدىن بىرنى قۇرۇپ چىققان .بۇ ئىشىمىز ئەتراپىمىزكى نۇرغۇن ياخشى نىيەتلىك كىشىلەرنىڭ قۇللىشىغا ئېرىشىپ مەكتىۋىمىزدىكى قىيىنچىلىقتا قالغان ئوقۇغۇچىلارنىڭ يۈكىنى يېنىكلىتىپ ،ئوقۇشىنى داۋاملاشتۇرىشىغا زور دەرىجىدە ياردىمى بولدى.بۇنى بىز بىر سىنىپتىكى ھەقىقى قىيىنچىلىقى بولغان ، دەرىستە ياخشى ئوقۇغۇچىنىڭ تاكى باشلانغۇچنى پۈتتۈرگىچە بولغان جەرياندىكى ئوقۇش چىقىمىنى كۆتۈرىشنى قارار قىلدۇق.

گۈلزار

akpar12307 يوللىغان ۋاقتى  2014-1-14 15:30
بۇ پائالىيەتتىن ھەقىقەتەن تەسىرلەندىم ، دېمىسىمۇ بىزن ...

ياخشىمۇسىز ؟
ئىنكاسىڭىزغا قارىغاندا ئوقۇغۇچىلىرىڭىز ئىچىدە قېيىنچىلىقى ئېغىر ئوقۇغۇچىلار خېلى كۆپتەك قىلىدۇ . ئەگەر مۇشۇنداق ياردەمگە مۇھتاج ئوقۇغۇچۇچىلار بولسا بىز بىلەن ئالاقىلشىڭ . ئەگەر بىزنىڭ ئۇيۇشمىمىزغا قاتناشماقچى بولسىڭىز بۇ چچ توپىغا قاتنىشىڭ . 325445721
  ئۇيۇشمىغا قاتناشمىسىڭىزمۇ  ئىختىيارىڭىز . ئەمما  ياردەمگە مۇھتاج بولغان ئوقۇغۇچلارنىڭ  ئارخىپى بىلەن تەمىنلىشىڭىزنى ئۈمىد قىلىمىز .
ئائلاقىلشىشى تېلفۇن نومۇرى : 13999035153
ئەگەر سىز بايقاش  چچ توپىنىڭ ئەزاسى بولسىڭىز شۇ توپتىن  ماڭا ( گۈلزار) غا ئايرىم ئۇچۇر قالدۇرۇڭ .
سىزنىڭ ئاۋارە قىلدىم .

گۈلزار

吐然古丽 يوللىغان ۋاقتى  2014-1-16 17:48
پەرى مەكتىۋىڭلاردا ناھايىتى ئەھمىيەتلىك ئۇيۇشمىدىن ب ...

ياخشىمۇسىز ؟
بۇ مەكتەپتە ئكتكۈزۈلگەن پائالىيەت بولماستىن بەلكى تور دۇنياسىدا قۇرۇلغان ' ئىللىق ئائىلە مېھرىبانلار ئۇيۇشمىسى « نىڭ تۇرپاندا  ئېلىپ بارغان ئىللىقلىق يەتكۈزۈش پائالىيتى .
ھازىر ئۇيۇشمىمىزدا شىنجاڭنىڭ ھەر قايسى رايونلىرىدىن يىغىلغان 145 نەپەر ئەزا بولۇپ ، رايونىمىز تەۋەسىدىكى ئوقۇش يېشىدىكى ياردەمگە مۇھتاج بولغان   ئوقۇغۇچىلارغا  ئىللىقلىق يەتكۈزۈشنى مەخسەت قىلىپ قۇرۇلغان .
ئەگەر قاتناشماقچى بولسىڭىز بۇ چچ توپىغا قوشۇلۇڭ :
325445721

pari

吐然古丽 يوللىغان ۋاقتى  2014-1-16 17:48
پەرى مەكتىۋىڭلاردا ناھايىتى ئەھمىيەتلىك ئۇيۇشمىدىن ب ...

تۇراگۈل ياخشىمۇ سىز ؟؟؟
بىز مەكتىۋىمىزدىمۇ مېھرىبان ئنىلار توپى قۇردۇق ، ئەمما بۇ يەردە تىلغا ئېلىنغىنى مەكتىۋىمىزدىكى بولماستىن بەلكى بايقاش مۇنبىرىدىكى ئالى باشقۇرغۇچىمىز گۈلزار خانىمنىڭ يىتەكلىشىدىكى ھەم باشقا توربەتلەردىن توپلانغان تورداشلار مېھرىبانلار ئۇيۇشمىسىدىن تەشكىللەنگەن « ئىللىق ئائىلە مېھرىبانلار ئۇيۇشمىسى » ئېلىپ بارغان پائالىيەتلەردىن كۆرنۈشلەر . بولسا خالىسا مۇنبىرىمىزدىن تېخىمۇ كۆپ مۇنبەرداشلارنىڭ بۇ توپقا قوشۇلىشىنى ئۈمۈد قىلىمەن . رەھمەت .