ئوغرىلاردىن ئۆي ئىگىلىرگە ئۇچۇق خەت

ئىلغار

ئۈچ ئوغرى كەينى كىينىدىن ئۈچ ئۆيگە ئوغرىلىققا كىرىپتۇ ، ئوغرىنىڭ كاتتىۋېشى كىرگەنلىكى ئۆينىڭ ئىگىلىرىگە بىر پارچىدىن خەت قالدۇرۇپتۇ.
1.ھۆرمەتلىك ئۆي ئىگىسى ، ئۆيىڭىزگە ئوغرىلىققا كىردۇق، ئەسلىدە نەرسە كېرەكلىرىڭىزنى ئالايلى دىگەن ،بىراق تارتمىلىرىڭىز پايپاققا لىق تولوپتۇ، يۇيۇپ قويسىڭىز بولماسمىدى، تاس قالدۇق ھۇشۇمىزدىن كېتىپ ئۆلگىلى . بىز ئۆلسەك خۇتۇن باللىرىمىزنى  سىز باقامتىڭىز؟ ئۆيىڭىزدە يۈز جان يوقتۇ- ھە ، نىمانچىۋالا كۆپ كىيىم- كېچەك بۇ . پاكىزرەك يۈرۈڭ،مەينەتچىلىكنىڭ دەستىدىن ئىشتانلىرىڭىزئۆرە تۇرغۇدەك بوپتۇ، كېيىنكى قېتىم كەلگىنىمىزدە  ئىشتان - كۆينەكلىرىڭىز يۈگۈرۈپ ئالدىمىزغا چىقمىسۇن يەنە خەير، سىزگە ئىچىمىز ئاغرىپ ،ئۆيىڭىزنى رەتلەپ قويدۇق. ئۆيىڭىزدە بىزگە يارىغۇدەك پۇل پىچەك بولمىغاچقا ،ئېغى يىرتۇق بولسىمۇ ئۆزىمىزگە دەل كەلگۈدەك  ئىشتاندىن بىرقانچە قۇرنى ئېلىپ قايتتۇق ، بىكارغا مۈشۈك ئاپتاپقا چىقمايدىكەن ، بىزنىڭمۇ‹‹ خەخنىڭ ئۆيىگە ئاتايىتەن ئوغرىلىققا  كىرىپ ،قۇلىنى بۇرنىغا تىقىپ چىقىپتۇ ››  دىگەن ئاتاققا قالغۇمىز يوق -دە. بوپتۇ، ئوغرى بولساقمۇ يۇلى بىلەن ،ئىنساپ بىلەن بولىۋاتىمىز،ئادەم ئىنسابلىق بولا بىزچىلىك بولا
.
2.ھۆرمەتلىك ئۆي ئىگىسى ، ئۆيىڭىزگە دېرىزىدىن كىرگەن ئىدۇق، ئىشتىنىمنىڭ ئېغىنى بىر مىق يىرتىۋەتتى. ئۆيىڭىزدە پۇلغا يارىغۇدەك  نەرسىلەر يوق دىيەرلىك ئىكەن . ‹‹ ھىچ بولمىسا خوتۇنىنىڭ ئالتۇن زەنجىرى بولسىمۇ باردۇ›› دەپ ئىزدىمىگەن يېرىم قالمىدى ، بىراق پەقەتلام تاپالماي، خاپا بولغاچقا ، ۋاز كەچتىم . بۇنىڭدىن خۇتۇنىڭىزنىڭ سىرتقا چىقسا  ھەممە ئالتۇن جاپتۇقىنى بويۇن، قۇلاق، پۇت،بىلەكلىرى،ھەتتا بۇرۇنلىرىغىچە ئېسىپ چىقىدىغانلىقىنى پەرەز قىلدۇق ، ئويلاپ كۆرۈڭ، خوتۇنىڭىز ئادەممۇ ياكى ھىندىستاننىڭ پىلىمۇ؟ قۇرۇق يېنىشقا كۆڭلىمنىڭ شۈكرىسى ئۇنىمىدى، شۇڭا توڭلاتقۇدىكى ئېشىپ قالغان لەڭمەننى يىۋەتتىم  ،ئەپۇ قىلارسىز.
3.ھۆرمەتلىك ئۆي ئىگىسى ، ئۆيىڭىزگە تەستە كىردۇق ، 60 مېتىر كۇۋادىراتلىق ئۆيگە 7 ئىشىك قويغانمۇ بارمۇ ؟سىز بىر بولسا ئىشىكچى ياكى بولمىسا قۇلۇپچى. ھەممە نەرسىگە قۇلۇپ ۋە ئىشىك ياسىتىۋاپسىز، بىزگە ئىچىڭىز ئاغرىمىسىمۇ ،ئۆزىڭىزگە ئىچىڭىز ئاغرىسا بولماسمىدى ، بۇ قۇلۇپلارنىڭ ئاچقۇچىنى قايەرگىمۇ ئاسىدىغانسىز. ئۆيىڭىزدە تۈزۈك ئالدىغان نەرسە بولمىغاچقا ، تازىلىق قەغىزىدىن بىرنەچچە ۋاراق ئېلىۋالدۇق،ئۇنىمۇ ئالمىساق ، كوڭلى يېرىم بولۇپ قالمىسۇن دىدۇق.
4.ھۆرمەتلىك ئۆي ئىگىسى، ئۆيىڭىز بەك رەتلىك ئىكەن  ، ئۇنىڭدىن سۆيىندىم . مىھمانخانا ئۆيىڭىزدە بالىڭىزنىڭ تاپشۇرۇق دەپتىرى تۇرۇپتىكەن ،تەكشۈرۈپ كۆردۈم ، بالىڭىزنىڭ ئوقۇشى نىمانداق ناچار ،ئۇنىڭغا پەقەت كۆڭۈل بۆلمەپسىز، تاپشۇرۇقنى تۈزۈتىپ قويدۇم.ئۆيىڭىزدە پۇلغا يارىغۇدەك نەرسىلەر بەك كۆپ ئىكەن ، بالىڭىزغا كۆڭۈل بۆلمىگەنلىگىڭىزنىڭ جازاسى ئۆچۈن ھەممىنى ئالدۇق  ،بۇ سىزگە ئىبرەت بولسۇن .
5.ھۆرمەتلىك ئۆي ئىگىسى ، ئۆيىڭىزگە كىرسەك تېلۋۇزورىڭىز ئۇچۇق ئىكەن ، چىراقمۇ ئۆچىرىلمەپتۇ ، بۇنداق قىلساڭلا توك ئىسراپ بولمامدۇ، جەرمانە ھىسابىدا تېلۋۇزورىڭىزنى ئېلىپ چىقىپ كەتتۇق ، بۇنىڭدىن كېيىن توك ۋە سۇنى تېجەشنى ئۇنۇتماڭ.
6. ھۆرمەتلىك ئۆي ئىگىسى ، ئۆيىڭىزدىكى ھەممە نەرسىنى تاغارغا قاچىلاپ ،ئېلىپ مېڭىۋاتساق ، يەردە نوركا پەلتودىن بىرسى تۇرۇپتۇ ‹‹ۋاھ،خۇدايىم بەردى ››دەپ،مۇشۇنداقلا كۆتىرىپتىكەنمەن ، ۋاي ئىچىدىكىسى بىر يۇڭلۇق ئىتكەن ئەمەسمۇ، ئۇيقۇسىنى بۇزۇۋېتىپتۇق ، بىر تالىغىلى تۇرغانتى ، ئايھەنناس، ھەممىمىزنى چىشلىۋالدى،ئىتىڭىزدا كېسەل يوقتۇ؟ئەگەر بىزگە بىرەر ئىش بولۇپ قالسا ،سىزنى ئىزدەيمىز،بەلكى بىزگە غالجىرلىق كېسىلى يۇققان بولىشى مۇمكىن .
7. ھۆرمەتلىك ئۆي ئىگىسى،ئۆينى ئاختۇرۋېتىپ ،توي سۈرۈتىڭىزنى كۆرۈپ قالدۇق، ھەي ،نىمانداق سەت خوتۇن ئېلۋالدىڭىز ، ئۆيىڭىزدىكىلەر ئۇنىڭ بىلەن تويلىشىشقا قانداقمۇ قۇشۇلغان بولغىيتتى . نىكاھنى كەچتە ئوقۇغانمۇ يا؟ ئۇنداق سەت خۇتۇندىن ئاجرىشىپلا كېتىڭا ، بولدى. سىزنى ئۆزۈم ئۆيلەيمەن ، نېمە كۈن بۇ سىزگە .

زەپەر

كۈلۈپ ئۈچىيەم ئۈزۈلەي دىدى ئىلغار ئەپەندىم ياخشى تىمىكەن چارچىغاندا ھاردۇقۇم چىقىپ قالغۇدەك تىمىكەن  رەخمەت سىزگە كۈلكە ئاتا قىلغانلىقىڭىزغا

anwar

ھەقىقەتەنمۇ تەربىيىۋى ئەھمىيىتى ياخشى بولغان تىما ئىكەن ، بۇ خۇددى قىزىم سىزگە ئېيتاي كىلىنىم سىز ئاڭلاڭ دىگەندەك بىر گەپ ئىكەن بۇلۇپمۇ ھازىرقىدەك شەھەرلىشىش تېزلىشىپ كىشىلەرنىڭ خىزمەت بېسىمى ئېغىرلاپ
تۇرمۇش رېتىمى قالايمىققانلىشىپ كىتىۋاتقان ھازىرقىدەك بۇ ھالەتتەخېلى كۆپ ئائىللەردە بۇ قەدىرلىك ھەم
ئىنساپلىق بولغان ئۆزىنى ئوغرى دەپ ئاتىۋالغان تەنقىتچىمىز كۆرگەندەك ئەھۋاللار يوقمۇ ئەمەس ........

سەييارە0

يۇمۇرسىتىك تۇيغۇغا ئىگە،ئىبرەتلىك خەت ئىكەن،بىر دەم كۇلۋالدىم رەخمەت سىزگە.

دىلرۇس

مەن بۇ خەتلەردىن بىزدىكى تازلىققا ئەھمىيەت بەرمەسلىك، ئىسراپخورلۇق، پەرزەنتلەرنىڭ ئوگىنىشىگە كۈڭۈل بۆلمەسلىك، رېستۇرانلاردىن كېلەلمەسلىك... تەك نۇقسانلىرىمىزنى يۇمۇرىستىك رەۋىشتە سىملىق قامچا ئاستىغا ئېلىنغانلىقىنى كۆرىۋالدىم. بەك تېتىملىق تېمىكەن. رەھمەت ئۇستاز.