تەپەككۈر جەۋھەرلىرى

مەرىپەت

            
                      تەپەككۈر جەۋھەرلىرى   
   
    ئاجىزلار باشقىلارنىڭ ھىممىتىگە، كۈچلۈكلەر ئۆزىنىڭ قىممىتىگە تايىنىدۇ.   

    روھىي ئاجىزلار-كىيىمدىن، گىرىمدىن مەنە ئىزدەيدۇ.

    ئۆزىنىلا ئويلىغان ئادەمنىڭ خاپىلىقى كۆپ بولىدۇ.

    ئۆز ئەيىبىنى كۆرمىگەن ئادەم - مەڭگۈ باشقىلاردىن يامانلايدۇ.

    مۇھەببەت خارلانغان يەردە ئىپپەت بۇزۇلىدۇ.

   نادان ئەقلىگە، ئاچ نەپسىگە، ھۇرۇن ئولتۇرغان ۋاقتىغا ئالدىنىدۇ.

   باشقىلارنىڭ ئالدىدا لاپ ئۇرۇش ئۆزىنىڭ قەدىر-قىممىتىنى چۈشۈرۈشتىن باشقا نەرسە ئەمەس.

   پۇرسەت- ھاياتقا زىننەت.

   نامراتچىلىقتىن مەينەتچىلىك يامان.

   خۇشامەت ھامان ھەقىقەت ئۈستىدە ئەمەس بەلكى، مەنپەئەت ئۈستىدە بولىدۇ.

   دۇنيادا ئەڭ قارا نەرسە يالغانچىنىڭ يۈزى بىلەن مۇناپىقنىڭ دىلىدۇر.

    ئادەم ئىلىم ئۆگەنگەنسېرى كەمتەرلىشىدۇ، سەپسەتە ئۆگەنگەنسېرى ھاكاۋۇرلىشىدۇ.

    پوچىلىق قىلغان ئادەمنىڭ دىلى ئەڭ كۆپ سىقىلىپ تۇرىدۇ.

    مەغرۇر ئادەم ئۆزىنىڭ چاپىنىدا، ھاكاۋۇر ئادەم باشقىلارنىڭ چاپىنىدا تەرلەيدۇ.

    بۆرىنىڭ خىرىس قىلغىنىدىن ، تۈلكىنىڭ ھىجايغىنى يامان.

   سەن ئۆزۈڭنى دۇنيادا بىر دەيسەن، لېكىن باشقىلارمۇ ئىككى ئەمەس.

    بايلىق -ئىزدىگۈچىلەرگە ئەمەس، تىرىشىپ ئىزدەنگۈچىلەرگە مەنسۇپتۇر.

     دوستلۇق - مەنپەئەت ئالغانلارغا ئەمەس، قەدىرلىگەنلەرگە مەنسۇپتۇر.

    غەلبە- ئۈمىدىنى ئۈزگەنلەرگە ئەمەس، بەل قۇيىۋەتمىگەنلەرگە مەنسۇپتۇر.

    بىلىم-ئوقۇغانلارغا ئەمەس، تىرىشىپ ئۆگەنگۈچىلەرگە مەنسۇپتۇر.

    ۋاقىت- كۈتۈپ تۇرغانلارغا ئەمەس، ئۇنى چىڭ تۇتقانلارغا مەنسۇپتۇر.

    ياشلىق- ياشلىق قىلغانلارغا ئەمەس، ياشلىقنى زايە قىلمىغانلارغا مەنسۇپتۇر.

   ھاياتلىق- ھايات يۈرگەنلەرگە ئەمەس، ھاياتلىقنى قەدىرلىگەنلەرگە مەنسۇپتۇر.

   كىم بىلەن دوستلاشقىنىڭىزغا دېققەت قىلىڭ، چۈنكى بۇلبۇل گۈلگە،قاغا ئەخلەتكە ئاپىرىدۇ.

   دوستۇم ئاگاھ بول، تاغ پۇتلاشمايدۇ، تاش پۇتلىشىدۇ.

   بۇ جاھان ئۆتنە جاھان خارلىساڭ خارلىنىسەن .

   ئەرنىڭ بەختى ۋاپادىن كېلىدۇ، ئايالنىڭ بەختى ھايادىن.

   قەلىبتە قانچىلىك كىبىر بولسا، ئەقىلدە شۇنچىلىك نوقسانلىق بولىدۇ.

   ئەگەر ئۆزۈڭ كۈتكەننى ئۆزۈڭ ئىزلەپ تاپمىساڭ، ھاياتنىڭ ئەكىلىپ بەرگىنىگە كۆنىسەن.

   بىراۋغا يېلىنما قەدىرسىز بولۇپ قالىسەن، بىراۋنى يېلىندۇرما ئۇۋالىغا قالىسەن.

   سەن ئەڭ زىرىككەن ھازىر، كەلگۈسىدە قايتىشنى ئارزۇ قىلساڭمۇ قايتالمايدىغان ئۆتمۈش...

   سەن بىھۇدە ئۆتكۈزۋەتكەن بۈگۈن بولسا، تۈنۈگۈن ئۆلۈپ كەتكەنلەرنىڭ كۆرۈشىنى ئارزۇ قىلغان ئەتىسى...

   گەپ ئېغىزدىن چىققۇچە ئادەم باشقۇرىدۇ، ئېغىزدىن چىقىپ بولغاندا ئادەمنى باشقۇرىدۇ.


    مەنبە: توردىن يىغىپ ساقلىۋالغانلىرىم.

دىلرۇس

ئادىمىيلىك مىزانلىرىنىڭ ئىچكى ئېنىرگىسىيى بولغان تەپەككۈر جەۋھەرلىرى، بىزنىڭ ئادىمىيلىك قەدەملىرىمىزنىڭ، ئوي- خىيال، ھېسيات- تەپەككۈرلىرىمىزنىڭ نۇرلىق مايىكى ۋە ئەجداتلىرمىزنىڭ بىگە قالدۇرۇپ كەتكەن بىباھا بايلىق. بىز مۇ ماياككا ئەگىشىپ ماڭالىساق، ئىچىكى دۇنيارىمىز يۇرۇپ، ھايات مۇساپىمىز مەنىلىك ئۆتىدۇ.
قۇتلۇق كۈندە ئېلىپ كەلگەن قۇتلۇق سوۋغىڭىزغا رەھمەت.

بەختىيار(بايقاش

ئىنساننىڭ باشقا مەۋجۇداتتىن پەرقلىق يېرى شۇكى ئۇنىڭ تەپەككۇر ئىگىسى بولغانلىقىدۇر،تەپەككۇرى رودىمنىتلاشقان ئادەمنىڭ تىرىك موردىدىن پەرقى يوق.تەپەككۇر جەۋھەرلىرى بولسا ئۇزاق تارىخى تەرەققىيات داۋامىدا رىئال تۇرمۇشتىن جۇغلانغان ئەمەلىي يەكۈندۇر.تېمىڭىزغا رەھمەت!

زەپەر

رەخمەت سىزگە مەرىپەت سىزنىڭ ھەر بىر يازمىللىرىڭىز ئادامنى تۇلىمۇ قايىل قىلارلىق دەرىجىدە جۇمۇ .تەپەككۈر ئادەمنىڭ روھى كەپيپىياتىنى ئۇرغۇتىدۇ دەپ قارايمەن

ئىستەك

ئىنسان مەنىۋىتىگە لازىملىق ياخشى ئەسەر ئىكەن ، رەھمەت سىزگە

pari

ياخشىمۇ سىز  مەرىپەت خانىم ؟ يوللىغان تېمىلىرىڭىز ئۆزگىچىلىككە ئىگە . رەھمەت سىزگە .

مەرىپەت

زەپەر يوللىغان ۋاقتى  2013-7-16 09:59
رەخمەت سىزگە مەرىپەت سىزنىڭ ھەر بىر يازمىللىرىڭىز ئاد ...

سىزمۇ   يوللىغان ھەر بىر تېمىلىرىمنى زېرىكمەي ئوقۇيسىز، سىزگىمۇ رەھمت...