تەۋسىيەم

Qol~Ogli

                                                              ئاتا-ئانىلارغا تەۋسىيە

      1- پەرزەنتىڭىزگە يۇقۇرى ئۆلچەمدە تەلەپ قويۇڭ،مەكتەپكە بېرىپ ئوقۇشنىڭ ئۇلارنىڭ بىرىنچى ۋەزىپىسى ئىكەنلىگىنى ئېنىق ئەسكەرتىپ تۇرۇڭ.
      2-پەرزەنتىم ھەممىلا پەنلەردە بەك ياخشى دەپ بىخوتلۇق قىلماڭ، چۈنكى ئۇ ئەمدىلا ئوتتۇرا مەكتەپكە قەدەم قويدى، ئۇنىڭ يېتەرسىزلىكلىرى يەنىلا كۆپ.
      3- پەرزەنتىڭىزنىڭ ھەپتىلىك ئەھۋالىنى ئىگەللەپ تۇرۇڭ، ئوقۇتقۇچىلار بىلەن قەرەلىك پىكىر ئالماشتۇرۇپ تۇرۇشقا ئەھمىيەت بېرىڭ، چۈنكى ئۇ سىزنىڭ بارلىقىڭىز، ئۈمىدىڭىز.  سىزنىڭ بارلىق جاپا چېكىشلىرىڭىز پەرزەنتىڭىز ئۈچۈن ئەمەسمۇ ؟!
      4- ھەر كۈنى 15 مىنۇت ۋاقىت چىقىرىپ پەرزەنتىڭىزگە ھەمراھ بولۇڭ، پاراڭلىشىڭ، كىتاپ،  گېزىت - ژورنال ئوقۇشىغا ئىلھام بېرىڭ .
      5- پەرزەنتىڭىزگە تىنىچ ئۈگىنىش مۇھىتى يارىتىپ بېرىڭ ، ئۇ ئائىلىدىكىلەر كۆرىۋاتقان تېلۋېزورنىڭ ئاۋازىنى ئاڭلىمىسۇن، بولمىسا ئۇنىڭ دىققىتى بۆلۈنۈپ كېتىدۇ .
      6- مەيلى چۈشىنىڭ ياكى چۈشەنمەڭ پەرزەنتىڭىزنىڭ ئائىلە تاپشۇرىقىغا كۆڭۈل بۆلۈڭ، ئىمكان بار تاپشۇرۇق ئىشلىگەندە يېنىدا بولۇڭ.
      7- كىتاپ ئوقۇتۇپ بېقىڭ، ئۇ توغرا، راۋان ،تېز ئوقۇيالامدىكىن ، ئۇنداق بولمىسا ماسىلىلەرنى چۈشىنىشىگە چوڭ تەسىر يېتىدۇ .
      8- تاپشۇرۇق، كونسىپىك ۋە باشقا ماتىرياللىرىنى تەكشۇرۇپ بېقىڭ ، پەرزەنتىڭىزنىڭ خەت سۈپىتى قانداقراقكىن ، ئەگەر مەسىلە بولسا كۆپ مەشىق قىلدۇرۇڭ .ئۆلچەملىك يازىدىغان بولغىچە توختاپ قالماڭ .
      9- پەرزەنتىڭىزنىڭ تېلۋېزور كۆرۈشىگە، ئېلىكتىرونلۇق ئويۇنچۇق ئوينىشىغا، تورغا چىقىشىغا چەك قويۇڭ، نازارەت قىلىڭ ، خۇمار بوپ قىلىشىنىڭ قەتئى ئالدىنى ئېلىڭ.
      10- پەرزەنتىڭىزنىڭ دەرىس باشلاش ۋە دەرىستىن چۈشۈش ۋاختىنى ئېنىق بىلىڭ، مەكتەپكە بەك بالدۇر بېرىشىغا، بەك كەچ قايتىشىغا يول قويماڭ .
      11-  كۆپرەك پىكىر قىلىشقا ئىلھام بېرىڭ، ئوقۇتقۇچىنىڭ ئۇنىڭ ئۆزىڭىزدەكلا يېقىن كىشىسى ئىكەنلىگىنى ھەر ۋاقىت تەكىتلەپ تۇرۇڭ، چۈشەنمىگەن مەسىلىلەرنى دادىل سورىسا ئوقۇتقۇچىنىڭ خوش بولىدىغانلىقىنى بىلدۈرۈڭ .
      12- ئوقۇتقۇچىغا ئىشىنىڭ، ئەگەر سىز يېقىندىن ماسلاشسىڭىزلا پەرزەنتىڭىزنى سىز كۈتكەندەك نەتىجىگە ئېرىشتۈرەلەيدىغانلىقىنى چۈشىنىڭ .
      بۇ مېنىڭ سىلەرگە تەۋسىيەيىم ،ئەمىلى ھەركىتىڭلار بىلەن ماسلىشىشىڭلارنى ئۈمۈت قىلىمەن .

                                                               ھۆرمەت بىلەن : پەرزەنتىڭىزنىڭ مۇئەللىمى

pari

ئاتا ئانىلارغا ياخشى تەۋىسىيە بوپتۇ ، ھەممە .اتا- ئانا كۆرەلىگەن بولسا ، شۇ بويىچە قىلالىغان بولسا  شۇ بىچارە ئوقۇتقۇچىلارغا نۇرغۇن ئاۋارىچىلىقلار ئازايغان بولاتتى . رەھمەت ،

دىلرۇس

بۇ تەۋسىيىدىن نۇرغۇن يېتەرسىزلىكىمنى بىلىۋالدىم ھەم نېمە قىلىش كېرەكلىكىنىمۇ ئېنىق چۈشىنىۋالدىم. بۇ تەۋسىيىنى ئاتا- ئانىلار ئەمەليىتىدە كۆرسىتەلىسە، ئەشۇ كۆز قارچۇقلىرىمىزنىڭ ئىستىقبالىدا گەپ يوق.
ئەڭ ئېسىل سوۋغا ئېلىپ كەلگىنىڭىزگە تەشەككۈر!

قەسىر

پەرزەنتىڭىزنىڭ ئۆزى قىلالايدىغان ئىشنى قىلىشىغا يول قويۇڭ.

  ئازراق ۋاقت چىقىرىپ گۈزەل تەبىئەت مەنزىرىلىرى بىلەن ئۇچۇراشتۇرۇپ،دۇنيانى-تەبىئەتنى چۈشىنىش پۇرسىتى بىلەن تەمىن ئېتىڭ.

   كىچىكىدىن باشلاپلا ۋەتەن-ئانا يۇرتنى چوڭقۇر قەدىرلەيدىغان،سادىق روھنى جارى قىلدۇرۇڭ.

   ئەمگەكنى سۆيۈدىغان ئىشچان-تېتىك روھى ساغلام پەرزەنتلەردىن بولىشىغا كاپالەتلىك قىلىڭ.

   ئۆرپە-ئادەتلىرىمىزنى مۇكەممەل ئۆگىتىڭ شۇنداقلا، ئۆرپە-ئادەتلىرىمىزگە قانداق مۇئامىلە قىلىشنىڭمۇ يول-يوسۇنىنى بىلدۈرۈپ قويۇڭ.
   ____ قەسىر

   قىممەتلىك تەۋسىيىڭىزدىن سۆيۈندۈم،رەھمەت!

بەختىيار(بايقاش

Qol~Ogli ئەپەندى سىز يوللىغان بۇ سەممىي تەكلىپلەرنى بەكمۇ ياقتۇردۇم.بەلكىم بۇ تەكلىپلەرنى كۆپ ساندىكى ئاتا-ئانىلار كۆرەلمەسلىكى مۇمكىن،ئەمما مۇنبىرىمىزدىكى بالا تەربىيىلەشنىڭ ئالدىنقى سېپىدا تەر تۆكۈپ ئەجر-مېھنەت سېڭدۈرۈۋاتقان ئوقۇتقۇچىلار ۋە سىنىپ مەسئۇللىرى ئاتا-ئانىلارغا ئېچىلغان سۆھبەت يىغىنلىرىنىڭ مەزمۇنى قاتارىدا ئۇلارغا يەتكۈزسە،بۇنىڭ ئۈنۈمى ياخشى بولىدۇ دەپ ئويلايمەن.مەنمۇ شەخسەن يۇقىرىقى تەكلىپلەردىن ئۆزۈمدە بار بولغان كەمچىلىكلەرنى بايقىدىم.ئۇنى تۈزۈتىشكە چوقۇم تىرىشىمەن.نادىر يازمىڭىزنى رۇياپقا چىقارغان تەپەككۇرىڭىزغا بارىكاللا!!!

aybarqin

ئەجىرىڭىزگە تەشەككۇر، مەن ئاددى بىر ئائىلە ئايالى بولساممۇ بۇ ئىسل تەكىلىپلەرنى كۇرەلىگەنلكىمدىن  بەكمۇ خۇش بولدۇم.

ئامان

مېنىڭچە پەرزەنت تەربىيىسىنىڭ مەخسىدى بىر، ئەمما ئۇسۇلى ھەرخىل بۇلىدۇ. مۇھىمى كۆيۈنۈش بىلەن تەلەپچانلىقنىڭ مۇناسىۋىتىنى توغرا بىر تەرەپ قىلالىغاندا پەرزەنت تەربىيەسى مۇۋاپىقىيەتلىك ئىشلەنگەن بۇلىدۇ.
ئاتا-ئانىلار بىلىۋېلىشقا تېگىشلىك ياخشى تەكلىپلەر ئىكەن، رەھمەت سىزگە. مۇشۇنداق ئەھمىيەتلىك تېمىلىرىڭىز ئۈزۈلۈپ قالمىغاي.