گېرمانىيەلىكلەرنىڭ بالىلىرىدا ياخشى ئادەت يېتىلدۈرۈش ئۇسۇلى

泉的男孩

گېرمانىيەلىكلەرنىڭ بالىلىرىدا ياخشى ئادەت يېتىلدۈرۈش ئۇسۇلى
پىسخولوگلارنىڭ قارىشىچە، بالىلارنىڭ خارەكتېرى ئون ياشتىن ئىلگىرى يېتىلىپ بولىدىكەن. ئوخشىمىغان تەربىيە شەكلى ئوخشىمىغان خارەكتېرنى شەكىللەندۈرىدىكەن. ياۋروپالىق بالىلار بىلەن ئاسىيالىق بالىلارنىڭ ھەرىكەت ۋە خارەكتېرىدىكى ئوخشىماسلىق مائارىپ باشقۇرۇش شەكلى بىلەن مۇناسىۋەتلىك ئىكەن. مەسىلەن: ياۋروپالىق بالىلار شوخ كېلىدىكەن، ئاسىيالىق بالىلار جىمغۇر كېلىدىكەن.
گېرمانىيەلىك ياش-ئۆسمۈرلەر تەربىيەسى مۇتەخەسسىسى، پىروفېسسور سوف مۇنداق دېگەن: گېرمانىيەدە بالىلار قاچىسىدىكى تاماقنى ئاشۇرۇپ قويماي يەپ بولىدۇ. ئايىغى چىقىشى بىلەن ئۇلارغا ئاقكۆڭۈل بولۇش تەربىيەسى بېرىلىدۇ. گېرمانىيەلىكلەر بالىلىرى ئۈچۈن ئەرمەك ھايۋانلارنى بېقىپ، ئۇلارنى بۇ ئەرمەك ھايۋانلار بىلەن ئۇچراشتۇرۇپ، ئاجىزلارغا كۆڭۈل بۆلۈشنى، باشقىلارغا قانداق كۆيۈنۈشنى ئۆگىتىدۇ.
پىروفېسسور سوفنىڭ قارىشىچە، ئاتا-ئانىلارنىڭ مېھرىبانلىقى بالىدا خارەكتېر يېتىلدۈرۈشتە ئىنتايىن مۇھىم رول ئوينايدىكەن. ئاتا-ئانىلارنىڭ بالىلىرىغا بەك كۆيۈنۈشى-بالىدا يۆنىلىۋېلىش خارەكتېرىنى يېتىلدۈرۈپ قويىدىكەن. شۇڭا كۆيۈنۈش چەكتىن ئېشىپ كەتمەسلىكى كېرەككەن. گېرمانىيەلىك ئاتا-ئانىلار بالىلىرىغا چوڭلارغا ئوخشاش مۇئامىلە قىلىدىكەن. گېرمانىيەدە بالىلارنىڭ ئايرىم ئۆيى بولىدىكەن. بۇ ئۆي بالىلارنىڭ مۇستەقىل ھەرىكەت قىلىدىغان ماكانى بولۇپ، ئاتا-ئانىلار بۇ ئۆيگە بالىلىرىنىڭ رۇخسىتىسىز كىرىپ، نەرسە-كېرەكلىرىنى ئاقتۇرمايدىكەن ۋە كۆرمەيدىكەن.
گېرمانىيەلىك ئاتا-ئانىلار بالىلىرىدىن ياردەم سورىغاندا: «ماڭا ياردەم قىلساڭ بولامدۇ؟» دېگەندەك سۆزلەرنى ئىشلىتىدىكەن، ھەرگىزمۇ قوپال، بۇيرۇق تەلەپپۇزىدىكى سۆزلەرنى ئىشلىتىپ، بالىلارنى بىرەر ئىش قىلىشقا زورلىمايدىكەن. بالىلار بۇيرۇلغان ئىشنى قىلىپ بولغاندىن كېيىن، ئاتا-ئانىسى ئۇلارغا «رەھمەت» دەپ رازىمەنلىكىنى بىلدۈرىدىكەن. قانداقلا ئىش بولسۇن، بالىلىرى بىلەن مەسلىھەتلىشىدىكەن. مەسىلەن: ئاتا-ئانىلار بالىلىرى بىلەن بىللە تېلېۋېزور كۆرگەندە، باشقا قانالنى كۆرۈش خىيالى بولسا، بالىلىرىدىن :«قانال يۆتكەن كۆرسەك بولامدۇ؟» دەپ رۇخسەت سورايدىكەن.
گېرمانىيەلىك ئاتا-ئانىلار بالىلىرىنىڭ باشقىلارنىڭ ياردىمىگە ئېرىشىشىگە يول قويمايدىكەن. بالىلار يىقىلىپ كەتسە ئالدىراپ يۆلىمەيدىكەن. بەزى بىر ئىشلارغا توغرا كەلگەندە، ئۇلار ئىنتايىن قاتتىق قول ئىكەن. گېرمانىيەنىڭ سابىق زۇڭلىسى شېرودېر بالىلىرىنىڭ پارچە-پۇرات خەجلىشى ئۈچۈن، ئايدا 11 ياۋرولا بىلىدىكەن. گېرمانىيەلىك ئاتا-ئانىلار بالىسى تۇغۇلغاندىن كېيىن مەخسۇس بانكا كارتىسى بېجىرىپ بېرىدىكەن. مەقسىتى-بالىلارغا كىچىكىدىن باشلاپلا، مال-مۈلكىنى باشقۇرۇشنى ئۆگىتىش ئىكەن. ئىش ئۇققىدەك بولغاندىن كېيىن، پارچە پۇلىنى ياكى ئىشلەپ تاپقان پۇلىنى پىلانلىق چىقىم قىلىشنى ئۆگىتىدىكەن. ئەگەر بالىلار كۆپرەك پۇل خەجلىمەكچى بولسا، چوقۇم بەلگىلەنگەن ئۆي ئىشلىرىنى قىلىپ بولۇشى، ئاندىن ئاتا-ئانىسىغا ياردەملىشىپ، ئاياغ سۈرتىشى كېرەككەن. تەتىل مەزگىلىدە بالىلار تىرىشچانلىق بىلەن ئىشلەپ، ئىقتىسادچانلىق بىلەن تۇرمۇش كەچۈرۈشنى ئۆگىنىدىكەن. ئوغۇللار گېزىت تارقىتىش، چىملىقتىكى ئوت-چۆپلەرنى ئوتاش دېگەندەك ئىشلارنى قىلىپ پۇل تاپسا، قىزلار باشقىلارنىڭ بالىلىرىغا قاراپ ۋە ئاشخانىلىرىدا ئىشلەپ پۇل تاپىدىكەن.

Qol~Ogli

        ھەر قايسى ئەللەرنىڭ جۈملىدىن ھەر قايسى مىللەتلەرنىڭ بالا تەربىيەلەش ئۇسۇللىرى شۇ بىر ئەل(دۆلەت، رايون)نىڭ رايون ئالاھىدىلىگى ، جۈملىدىن شۇ بىر مىللەتنىڭ پېسخېكىسى بىلەن زىچ مۇناسىۋەتلىك ، مەلۇم رايوندىكى بالا تەربىيەلەش ئۇسۇلىنى قارىغۇلارچە كۆچۈرۈپ ئىشلىتىش ئەمەلىيەتكە ئۇيغۇن بولمايدۇ .
        مىللىتىمىزنىڭ بالا تەربىيەلەش ئۇسۇلى ئەڭ مۇنەۋەر ئۇسۇل ، چۈنكى ئەجداتلىرىمىزدىن باشلاپ بىزگىچە بولغان بالا تەربىيەسىدە  بالا تۇغۇلغاندىن باشلاپلا نىمىنىڭ توغرا، نىمىنىڭ خاتا بولىدىغانلىقى ، نىمىنىڭ گۈزەللىك، نىمىنىڭ رەزىللىك بولىدىغانلىقى، ھۆرمەت قىلىش بىلەن ئىززەت قىلىشنىڭ مۇناسىۋېتى ... قاتارلىق بىر قاتار تەربىيە بىلەن بىۋاستا ياكى ۋاستىلىق ئۇچىرىشىدۇ ،شۇڭا بالىرىمىزدا كىچىگىدىن  مۇھەببەت - نەپىرەت قارىشى ئېنىق، ۋاپادار، سەمىمىي، غۇرۇرلۇق بولۇش ئىڭى يۈكسەك ... بولۇشتەك خاراكتىر بىلەن يېتىشىپ چىقىدۇ . شۇڭا مىللىتىمىزنىڭ بالا تەربىيەلەش ئۇسۇلىنى باشقىلار ئۆرنەك قىلىشقا ئەرزىيدۇ .

يۈسۈف

چۆ ئوغلىنىڭ ئىنكاسىغا قوشۇلىمەن

بەختىيار(بايقاش

مەنمۇ چۆل ئوغلىنىڭ پىكىرنى قوللايمەن.بالا تەربىيسى رايون ئالاھىدىلىكى،ئىتقاد قاتارلىق بىر قانچە تەرەپلەرگە چېتىلىدۇ.

ئىلغار

ياخشىتېما يوللاپسىز ،مەنمۇ چۆل ئوغلىنىڭ پىكىرنى قوللايمەن.

دىلرۇس

ئۆرنەك قىلىشىمىزغا ئەرزىيدۇ.