ئوقۇتقۇچىنى ئوقۇغۇچى ئۇرسا قايسى ئورۇنغا مەلۇم قىلىش كىرەك؟

泉的男孩

ئوقۇتقۇچىنى ئوقۇغۇچى ئۇرسا قايسى ئورۇنغا مەلۇم قىلىش كىرەك؟
مەن خىزمەت تارىخىمدا ئوقۇتقۇچى ئوقۇغۇچىنى ئۇرۇپتۇ دىگەن سۆزلەرنى ئاڭلىغان ھەم مەنمۇ بىرقانچە قىتىم ئوقۇغۇچىنى ئۇرغان بىراق ئوقۇغۇچىنىڭ ئوقۇتقۇچىنى ئۇرغانلىغىنى ئاڭلىغان بولساممۇ ئۆز كوزۇم بىلەن كورمىگەن.بۇقىتىم مەكتەپتىكى بىر خىزمەتدىشىمنى ئوقۇغۇچى سىنىپتىلا ئۇرۇپتۇ،ئەسلى ئىش مۇنداق بوپتۇ :ئوقۇتقۇچى دەرس ئۆتەۋاتقان ۋاقىتتا بىر ئوقۇغۇچى پاراڭ سىلىپ دەرس ئىنتىزامىنى بۇزۇپتۇ،ئوقۇتقۇچى تىنچ ئولتۇرۇشنى تەكىتلىسىمۇ تىنىچ ئولتۇرماپتۇ،ئوقۇتقۇچى ياش بولغاچقا ئاچچىغى كىلىپ ئۇنداقتا سىنىپتىن چىق دەپ مەيدىسىدىن ئىتتىرۋىتىپتۇ ،بۇ چاغدا ئوقۇغۇچى ئوقۇتقۇچىغا مۇش ئىتىپتۇ،ئەڭ قىزىقى شۇ سىنىپتىكى يەنە بىر ئوقۇغۇچى كىلىپ ئوقۇتقۇچىنىڭ قولىنى تۇتۇپ بىرىپتۇ،ئۇقۇتقۇچى سىنىپتا ئۇچ مۇش يەپتۇ،ئاھۋالنى يىزىلىق قانۇن ئورۇنلىرىغا مەلۇم قىلساق ئوقۇغۇچنىڭ يىشى توشماپتۇ تەربىيە بىلەن ئۆزگەرتىڭلار دەپ جاۋاپ چىقتى.ئوقۇغۇچىنى ئوقۇتقۇچى ئۇرسا مەسئۇل ئورۇنلار بار ئىكەن ،ئوقۇغۇچى ئوقۇتقۇچىنى ئۇرسا قايسى ئورۇن مەسئۇل بولىدۇ؟ تورداشلارنىڭ ياردەم بىرىشىنى سورايمەن.

pari

سىزنىڭ مۇنبىرىمىزگە يېڭىدىن ئەزا بوپ كىرگىنىڭىزنى قىزغىن تەبرىكلەيمەن . شۇنداقلا يوللىغان تېمىڭىزنى ئوقۇپ چۈشەندىم ، مەيلى سىز قەيەردىن بولماڭ ، نەگە ئېيتماڭ سىز ھامان ئوقۇتقۇچى ، تەربىيلىگۈچى ،شۇڭا يەنىلا سەۋرىچان بولغىنىڭىز ياخشىمىكىن دەپ ئويلايمەن .باشقىلارمۇ ئۆز كۆزقاراشلىرىنى ئېيتىپ باقسۇن !
سىزگە تەۋىسىيە قىلىدىغىنىم : نامىڭىزنى ئانا تىلىمىزدىن بولغان مەنىلىك نامغا ئۆزگەرتىۋېلىڭ .
مانا بۇ تېمىنى كۆرۈڭ :
/bbs/forum.php?mod=viewthread&tid=11982

زەھرا

ئوقۇتقۇچى ئۈچۈن بۇنىڭدىن ئېغىر ھاقارەت ،بۇنىڭدىن ئېغىر خورلۇق يوق دۇنيادا ........
ئەمما «ئوقۇتقۇچىلار قانۇنى »بىزنىڭ ئېھتىياجىمىزنى قاندۇرالمايۋاتامدۇ قانداق؟
مەن ئائىلە سۆھبەتكە بارغان ئوقۇتقۇچىنى ئۇرغان ئائىلە باشلىقىغا ھېچقانداق جازا بەرمەي بەلكى ،ئوقۇتقۇچىغا يالغۇز سۆھبەتكە بارغان ،گەپ -سۆزدە ئىلمىي بولمىغان ،دېھقان بىلەن گەپ تالاشقان ......
دېگەندەك بىر تالاي گۇناھلارنى ئارتىپ بىر تەرەپ قىلغانلىقىنى كۆرگەن  ،بەلكىم،ئۇ ئوقۇتقۇچىغىمۇ قالپاق جىق ،
مېنىڭچە قانۇندىن خەۋرى بار بىرەرسى مەسلىھەت بېرىپ باقسا ،ياكى بولمىسا «قانۇن ۋە پۇقرا»غا ئىنكاس قىلىپ باقساق قانداق بولار ؟...
ئىشقىلىپ بۇ دىلونىڭ غەلبە قىلىش مۇمكىنچىلىگى بەك كىچىك.

سەييارە0

ئۇقۇغۇچىنى ئوقۇتقۇچى ئۇرسا سورايدىغان ئۇرۇن كۆپ،لىكىن ئوقۇتقۇچىنى ئۇقۇغۇچى ئۇرسا سورايدىغان ئۇرۇن يوق،زامان نىمە بوپ كىتۋاتدۇ.

زەپەر

چۇقۇم سەۋرىچان بۇلۇش  كىرەكتە . بىز ئۇقۇتقۇچىلارنىڭ ھالىغا يىتىدىغان ،ھەم بىزنىڭ قانۇنلۇق مەنپەتىمىزنى قوغدايدىغان ئۇرۇنلار يوق . بۇ ئىشلارمۇ تۈزىلە ئىلاھىم . بىزلەر جەمىيەتتە ئىنتايىن تۈۋەن تەبىقىدىكى ئادەملەركەنمىز دەپ ئويلىدىم . شۇڭا مەن ئۇقۇتقۇچىلىقتىن ئىبارەت بۇ كەسىپتىن تۇلىمۇ تويدۇم . بۇ جەھەتتە مۇۋاپىق كەسىپ ئالمىشاي دەۋاتىمەن .
قېنى باشقىلارمۇ ئۆز كۆز قارشىنى ئوتتۇرغا قۇيۇپ باقسۇن

گۈلخان

سەۋرچان بولماقتىن ئۆزگە چارە يوقتەك...... ...چۈنكى  جايىنى تېپىپ ئەرز قىلغان ھالدىمۇ  سىز شەرەپلىك ئوقۇتقۇچى، ئادەم تەربىيىلىگۈچى.«ئوقۇغۇچىغا   بولغان تەربىيە توغرا ئەمەس »دەپ يەنە بىرمۇنچە قوساق كۆپۈكى تارتىۋالىدىغان ئىش چىقىدۇ.ئېغىر-بېسىقلىق بىلەن سىلىق -سىپايىلىق بىلەن ئوقۇغۇچىنىڭ ئاتا-ئانىسى، شۇ ئوقۇغۇچى بىلەن  مەكتەپ مۇدىرى ۋە باشقا رەھبەرلەر سۆھبەتلىشىپ  ئۇلارغا خىزمەت ئىشلەپ قايىل قىلىپ ،ئوقۇتقۇچىدىن كەچۈرۈم سوراتقۇزۇشنىڭ يولىنى قىلغان  مۇۋاپىقمىكىن................مەن شۇنداقراق ئويلىدىم. باشقىلارنىڭ يەنە قانداق ياخشى مەسلىھەتى باركىن؟

پەرىشتە

بۇنىڭ ئۆزى باللاردا ئائىلە تەربىيسىنىڭ ۋە مەكتەپ ،جەميەت تەربىيسىنىڭ يېتەرلىك ئەمەسلىكنى بىلۋالغىلى بولدۇ ،ئەگەر شۇ مۇئەللىم شۇ ئۇقۇغۇچنىڭ كۆڭلىدە مۇھىم ئۇرۇندا تۇرالمىسا ياكى بۇ ئۇقۇغۇچى ئەزەلدىن شۇنداق ئەسكى مىجەزلىك بولسا ئۇقۇتقۇچى بولغان ئادەم چۇقۇم سەۋرچان بولوپ تەربىيە بېرشى لازىم ،لىكىن مىنىڭچە مۇئەللمگە ،بىلىم ئال ،ياخشى ئادەم بول دەپ تەربىيە بەرگەن ئادەمگە مۇش كۆتەرسە بۇ بېر ئەقلسىزلىق ،ۋېجدانسىزلىق ،بۇ بىز ھەممەيلەن ئۇيلىنىشقا تېگشلىك مەسلە.مىللەتنىڭ كەلگۇسى سانالغان بۇ سەبىلەردە(ھەممسى ئەمەس) باشقىلارنى ھۆرمەتلەشتىن  ئېغىز ئاچقىلى بولمىسا ،مىننەتتدارلىقتىن ئېغىز ئاچقىلى بولمىسا ،بۇ مائارپچىلار ۋە ئاتا ئانلار جىددى ئۇيلىنىشقا تىگشلىك مەسلە .چۈنكى بۇنداقلاردىن ئۆز ئاتا -ئانسىغمۇ ۋاپا كەلمەيدۇ ....مۇئەللىم سەۋرچان بولۇڭ .....

بەختىيار(بايقاش

مەنچە بولغاندا بۇ مەسىلىنى ئىككى نوقتىدا تۇرۇپ،تەھلىل قىلىش كېرەك.
بىرىنچى:‹‹سىز ئوقۇغۇچى ئورنىدا بولسىڭىز،سىزدە سەۋەنلىك بولماي ئوقۇتقۇچى تەرىپىدىن مەيدىڭىزدىن ئېتتىرىلىپ،ساۋاقداشلارنىڭ كۆز ئالدىدا سىنىپتىن قوغلانسىڭىز›› سىز قانداق قىلىسىز؟
ئىككىنچى:‹‹سىز ئوقۇتقۇچى ئورنىدا بولسىڭىز،ئوقۇغۇچىلىرىڭىز دەرسخانىدا ئىنتىزامسىزلىق قىلسا،سىز قايسى خىل ئۇسۇللار بىلەن ئۇلارنى قايىل قىلاتتىڭىز؟››....
ئوقۇغۇچنىڭ ئوقۇتقۇچىغا قول ياندۇرۇشى كۆپچىلىك دەپ ئۆتكەندەك چوڭ ئەقىلسىزلىق شۇنداق بولغانىكەن،ئوقۇغۇچى زادى نېمە ئۈچۈن قول ياندۇرىدۇ؟؟؟بۇنىڭ سەۋەبىنى ئوبىكتىپ ۋە سوبىكتىپ جەھەتتىن ئەتراپلىق تەھلىل قىلىش كېرەكمۇ قانداق؟...
باشقىلارمۇ ئۆزلىرنىڭ كۆز قارىشنى ئوتتۇرىغا قويۇپ بېقىشىنى تەۋسىيە قىلىمەن.

زەھرا

مەن بەختىيار مۇئەللىمنىڭ پىكىرىگە قوشۇلىمەن .
مېنىڭچە ،بۇ ئوقۇغۇچىغا گۈلباھار خانىمنىڭ لىكسىيىسىنى ئاڭلاتساق....

Alyar08

مەنمۇ بىر ئوقۇتقۇچى ، ئوقۇتقۇچى دەرسخانىدا ئوقۇغۇچىلارنى ئۆزىنىڭ پىداگوكىلىق  پاراسىتى بىلەن ئۆزىگە رام قىلىپ ، دەرسخانىغا ئېلىپ كىرەلىگەندە ، شۇنداق  ۋەقە    (ئوقۇغۇچىدىن ‹‹ئەدىپىنى يىيىشتەك ۋەقە )  يۈزبىرىشتىن ئاۋال ئوقۇتقۇچى، سەۋىرچان بولۇپ ، ئوقۇغۇچىنىڭ زىتىغا تىگىپ ، پارتىلىشىغا سەۋەپ  بولمىغاندا بۇنداق ھەل قىلغىلى بولمايدىغان باش ئاخىرى يوق زىدىيەت شەكىللەنمەيدۇ. ئوقۇغۇچىلاردا بۇرۇنقىدەك ئوقۇتقۇچى ئۇستازلارغا شھرتسىز بويسۇنىدىغان، چوقۇنىدىغان ئوقۇغۇچىلار يوق دىيەرلىك. ئوقۇغۇچىلاردا ئەخلاق بۇزۇلدى، ئەنئەنىۋى گۈزەل ئەخلاق يىمىلىشكە قاراپ يۈزلەندى.  مانا بۇ سەۋەپلەر بىز ئوقۇتقۇچىلار دىن  تېخىمۇ مۈشكۈل ۋەزىپىەە ئاتلىنىشىمىزنى تەلەپ قىلىدۇ.   دەرسخانىدا ئوققۇتقۇچىغا قول ياندۇردىغان ئوقۇغۇچى بار بولىشى مومكىن  ئەمما بۇ خىل ئەھۋال ئومومىيۈزلۈك ئەمەس، ئەخلاقىي ناچار دىگەن ئوقۇغۇچىمۇ بىرقىسىم ئوقۇتقۇچىلارغا تىكىلىپ قاراشقىمۇ جۈرئەت قىلالمايدۇ.ئوقۇغۇچنىڭ ئوقۇتقۇچىغا قول ياندۇرۇشى   چوڭ ئەقىلسىزلىق ، شۇنداقلا ئۇستازغا قىلىنغان ئەڭ زور ھاقارەت، شۇنداق بولغانىكەن،ئوقۇغۇچىنىڭ قول ياندۇرۇشتىكى سەۋەبنى ئەتراپلىق تەھلىل قىلىش كېرەك. ئوقۇتقۇچى ئۈچۈن مېنىڭچە ، سەۋىرچانلىق، ئېغىر بېسىقلىق ، تەمكىنلىك ئەڭ ياخشى دۇرىمىكىن دەيمەن. خاتالىق ئۆتكۈزگەن ئوقۇغۇچىنى سىنىپتىن قوغلاپ غورورىغا تەگمەستىن ، ئۆز ئىشىغا پۇشايمان قىلدۇرۇپ ، مۇئەللىمگە چوڭقۇر ھۆرمەت تۇيغۇسى يىتىلدۈرۈش مومكىن.
مېنىڭچە سىز  ئائىلە باشلىقى ، مەكتەپ مەسئۇلى ئارقىلق ئوقۇغۇچىنىڭ قىلىمىشىنى  ئوقۇغۇچىنىڭ   ئۆزىنىڭ  ۋىژدان سوتى ئارقىلىق چىرايلىق ھەل قىلىڭ.  
باشقىلارنىڭ پىكىرىنىمۇ ئاڭلاپ باقارسىز.