ئېرىڭىز سىزنى تېخىمۇ ياخشى كۆرسۇن

مەرىپەت

                                 
                                ئېرىڭىز سىزنى تېخىمۇ ياخشى كۆرسۇن
            

                                

  
                     
ئېرىڭىزنىڭ  تېخىمۇ ياخشى كۆرىشىگە ئېرىشمەكچى بولسىڭىز، تۆۋەندىكى 20 خىل ئۇسۇلنى سىناپ بېقىڭ.
  1. زۆرۈر بولمىسىمۇ خىزمەت ۋاقتىدا ئۇنىڭغا تېلىفۇن بېرىپ قويۇڭ.
  2. كاماندىروپكىغا چىققاندا، مۇھەببەتكە تولغان سۆيگۈ مەكتۇبىنى يېزىپ ئۇنىڭغا بولغان چوڭقۇر سېغىنىشىڭىزنى ئىپادىلەڭ.
  3. ئەرلەر ئۈچۈن ئېيىتقاندا، كۈندە ساقال ئېلىش ئاۋارىچىلىك ئىش، بەزىدە ئۇنىڭ ساقىلىنى ئېلىپ قويۇڭ.
  4. ئۇنى ماختاش، تەرىپلەشتىن تارتىنماڭ،  ئۇنىڭغا بولغان مىننەتدارلىقىڭىزنى يۇشۇرۇپ ئولتۇرماڭ، جۈملىدىن ئۇنىڭ ياخشى كەيپىياتىدىن ھۇزۇرلىنىڭ، ئۇنىڭغا سىزنىڭ رىغبەتلەندۈرشىڭىز  ۋە ئىلھاملاندۇرىشىڭىزنىڭ ئۇنىڭ ئۈچۈن ئەڭ چوڭ مەنىۋى يۆلەك ئىكەنلىكىنى بىلدۈرۈپ قويۇڭ.
  5. ئۇنىڭ دوستلىرى بىلەن ئوبدان ئۆتۈڭ. يۈز- ئابرۇيىنى چوڭ  بىلىدىغان ئەرلەرگە نىسبەتەن ئېيتقاندا ، ئۇنىڭ دوستلىرى ئىنتايىن مۇھىم. ئۇلار مۇھەببەتنى دەپ دوستلۇقتىن ئايرىلىپ قېلىشنى خالىمايدۇ. ئۇنىڭ دوستلىرى بىلەن چىقىشىپ ئۆتۈشمۇ مۇھەببەتنى مۇستەھكەملەشنىڭ ئوبدان ئۇسۇلىدۇر.
  6. بۈگۈن كەچتە ئۇنىڭ ھېسسىياتىنى ئۇرغۇتىدىغان بىر قۇر جەلىپكار ئىچ كىيىم كىيىڭ.
  7. كەچتە ئۇنىڭ بەدىنىنى ئۇۋۇلاپ قويۇڭ.
  8. مۇۋاپىق بىر ئاخشامنى تاللاپ، ئۇ ئەڭ ياخشى كۆرىدىغان مۇزىكىنى قويۇپ چاي ئىچكەچ ئۇنىڭ بىلەن مۇڭدىشىڭ، ئاراڭلاردىكى كۆڭۈلسىز ئىشلارنى تەگەشمەي ، ئارزۇ- ئارمان ۋە كەلگۈسى ھەققىدە پاراڭلىشىڭ.
  9. ئۇ ياخشى كۆرىدىغان كىنو، كونسېرتنىڭ بېلىتىنى سېتىۋېلىپ ،ئۇنىڭغا سوۋغا قىلىڭ.
  10. ئىلگىرى ئىشلىتىپ باقمىغان سۆز - ئىبارىلەر بىلەن ئۇنى ماختاپ قويۇڭ.
  11. ئۇ بەك چارچاپ كەتكەندە ، ئۇنىڭغا مۇنچىنىڭ سۈيىنى تەڭشەپ بېرىڭ، ئۇ سىزنىڭ ئۇنىڭغا كۆڭۈل بۆلىدىغانلىقىڭىزنى ھەم كۆيۈنىدىغانلىقىڭىزنى ھېس قىلسۇن.
  12. ئۇنىڭ بىلەن بىرگە بەدەن چېنىقتۇرۇڭ، زادىلا قولىڭىزدىن كەلمەيدىغان چېنىقىش تۈرى بولسىمۇ مەيلى.
  13. بەزىدە ئۇنىڭغا ئەركىلەپ قويۇڭ،
  14. ئائىلە يىغىلىشلىرى ياكى دوستلار يىغىلىشلىرىدا كۆپچىلىك ئالدىدا ئۇنى ماختاڭ.
  15. ئۇنىڭ بىلەن بىرگە شەھەر سىرتىغا چىقىپ دالا تامىقى يەڭ.
  16. ئۆيدىن چىقىدىغان چاغدا ، ئۇنىڭ كىيىم -كېچەكلىرىنى تۈزەشتۈرۈپ قويۇڭ.
  17. ئۇنىڭغا يارايدىغا ساقال پىچىقى سېتىۋېلىپ ئۇنىڭغا سوۋغا قىلىڭ.
  18. پەرىشان بولۇپ قالسا، ئۇنىڭ كۆڭلى خۇش بولىدىغان ھەرقانداق ئىشنى قىلىشنى خالايدىغانلىقىڭىزنى بىلدۈرۈڭ.
  19. ئۇ كاماندىروپكىدىن قايتىپ كەلگەندە، سېغىنىشىڭىزنى ئىپادىلەپ ئۇنى قىزغىن قۇچاقلاڭ.
  20. خاتىرە كۈنلەردە ئۇنىڭ ئىدارىسىگە بېرىپ سوۋغات تەقدىم قىلىپ ، ئۇنى ھەيران قالدۇرۇڭ، ھەممەيلەن سىزنىڭ ئۇنى ياخشى كۆرىدىغانلىقىڭىزنى بىلسۇن.

  مەنبە: ‹‹ خانىم -قىزلار نازاكىتىنىڭ سىرى›› نامىلىق كىتاپتىن ئېلىندى.   
                  
                                 

قەسىر

21-خىزمەت يۈكىنى يېنىكلىتىپ، ۋەزىپىلىرىنى ئورۇندىشىپ بېرىڭ.
22-ئۇ ياخشى كۆرگەن نەرسىسىنى ياخشى كۆرمىسىڭىزمۇ ياخشى كۆرۈپ قويۇڭ.
23-ۋاقت يار بەرسە  بىللە ساياھەت قىلىڭ.
24-ئېرىڭىز خالىمىغان سورۇنغا قەتئىي بارماڭ.
25-بەك سېمىز بولۇپ كەتمەڭ ھەم بەكمۇ ئورۇق بولۇپ كەتمەڭ.
26-شەخسىي تازلىقىڭىزگە ئالاھىدى دىققەت قىلىڭ بولۇپمۇ، ياز كۈنلەردە.
27- ئېرىڭىز بار چاغدا بىركىمدىن تېلېفۇن كەلسە،كىم ئىكەنلىكىنى بىلدۈرۈپ قويۇڭ.گۇمانلىنىپ قالمىسۇن.
28-ئېرىڭىزنىڭ شەخسىي ئىشلىرىغا زىيادە سەزگۈر مۇئامىلە قىلىشتىن ساقلىنىڭ ۋە ئۇنىڭغا ئىشىنىڭ.
29- كەچتە ۋاقتىدا ئۇخلاپ،ئەتتىگەندە ۋاقتىدا تۇرۇپ ناشتا قىلىشىغا كاپالەتلىك قىلىڭ.
30-كۈندىلىك ئوزۇقلىنىش ئەھۋالىغا سەزگۈر پوزۇتسىيەدە مۇئامىلە قىلىڭ،تەكشۇرۈپ تۇرۇڭ!

  داۋامىنى يېزىپ باقتىم
   رەھمەت، ياخشى مەزمۇنلاردىن خەۋەر تاپتىم،ئۈگۈنىۋالغۇدەك مەزمۇنلار ئىكەن.

مەرىپەت

قەسىر يوللىغان ۋاقتى  2013-6-8 18:35
21-خىزمەت يۈكىنى يېنىكلىتىپ، ۋەزىپىلىرىنى ئورۇندىشىپ ب ...

ئەتراپلىق شەرھىلەپسىز، بىلمىگەن نوقتىلارنى بىلىۋالدىم، رەھمەت سىزگە

خۇمارى

ئەرلەر خۇددى كىچىك بالىغا ئوخشايدۇ.ئۇ بىزنىڭ بارلىق مىھرىمىز بىلەن ئۇنى سۈيىشىمىزگە،پەپىلەپ ئاسراپ ئۆستۈرشىمىزگە مۇھتاج.دىگەنلىرىڭلار بەك ئورونلۇق گەپلەر ئىكەن.ئەڭ مۇھىمى ئەرلەرنىڭ كۆڭلىنى ئائىلىگە باغلاش كىرەك.بولمىسا كەپتەرلەر بېشىمىزدا ئەگىپ يۇرۇپ ،ئائىلىمىزگە ئۇۋا سالىدىغان ئىشلار بولۇپ قالىدۇ.

سەييارە0

مۇنبەردىكى خانىم-قىزلارنىڭ پايدىلىنىشى ئۇچۇن ياخشى تېما يوللاپسىز،كۆپ رەخمەت سىزگە.

گۈلزار

يوقۇردىكى دوستلۇرۇمنىڭ تەلىملىرىدىن خۇش بولدۇم .رەھمەت سىلەرگە .

بەختىيار(بايقاش

ئۆز-ئارا چۈشىنىش،ھۆرمەتلەش،ئىشنىش،كۆيۈنۈش،ياخشى كۆرۈش بولسا ئىناق ئائىلە قۇرۇشنىڭ مۇستەھكەم ئاساسىدۇر.
تېمىڭىزغا رەھمەت مەرىپەت خانقىز.

مەرىپەت

بەختىيار(بايقاش يوللىغان ۋاقتى  2013-6-8 23:47
ئۆز-ئارا چۈشىنىش،ھۆرمەتلەش،ئىشنىش،كۆيۈنۈش،ياخشى كۆر ...

بەك توغرا ئېيتتىڭىز، سىزگىمۇ رەھمەت...

pari

نۇرغۇن ئىشلارنى بىلۋالدىم رەھمەت .

ئۇيغۇرۇم

ئەرخۇتۇنلارنىڭ ئارىسىدىكى مىھرى مۇھەببەت چەكسىز ئىشەنىچ ئۈستىگە تۇرغۇزۇلغان بۇلىدۇ. ئەگەر سەللا مەسىلە كۈرۈلسە ئۇ ناھايتى ئاسانلا گۇمران بۇلىدۇ. شۇنىڭ ئۈچۈن دوسلارنىڭ بۇلۇپمۇ ئاياللارنىڭ يۇقارقى مۇھەببەت دەستۇرىدىن ئۈزىنىڭ بەختلىك تۇرمۇشى ئۈستىدە ئۆرنەك ئېلىپ كەلگۈسىدىكى بەخىتلىك تۇرمۇشى ۋە ئۆزلىرىنىڭ ئىللىق ئائىلىسى ئۈچۈن ئۇل ھازىرلىشىنى ئۈمۈد قىلىمەن .
  
   تىمىڭىز بەك ياخشى ھەم ئەتىراپلىق چىقىپتۇ رەھمەت سىزگە...............................!