ئەقىللىق ئاياللاردىن بولۇڭ

مەرىپەت

                                             ئەقىللىق ئاياللاردىن بولۇڭ        
        
                                 

  
   ئەقىل- پاراسەت ھەرگىزمۇ تۇغما بولمايدۇ. ئۇ تىرىشىپ ئۆگىنىش ، تەجىربە - ساۋاقلارنى يەكۈنلەش ، قوبۇل قىلىش ئارقىلىق ئادەمنىڭ ۋۇجۇدىدا ئاز- ئازدىن يىغىلىدۇ. ئەقىل- پاراسەت ئاياللاردا كەم بولسا بولمايدىغان مۇھىم ئامىلدۇر. ھەقىقىي ئەقىللىق ئاياللار ئۆزىنى ئەقىللىق چاغلايدىغان ، ئەمما قورسىقىدا ئۇمىچىنىڭ تاينى يوق بىلەرمەنلەردىن ماھىيەتلىك پەرقلىنىدۇ. ئەقىل- پاراسەت ئاياللارنىڭ بىلىش ئىقتىدارىغا مۇناسىۋەتلىك. ئەقىللىق ئاياللار مەيلى كىشىلىك ھاياتتىكى چوڭ ئىشلار ۋە ياكى كۈندىلىك تۇرمۇشتىكى ئۇششاق-چۈششەك ئىشلارنى بولسۇن، ئۆزىنى تۇتىۋالغان ھالدا دانالىق بىر تەرەپ قىلالايدۇ . ئەقىللىق ئاياللار تەمكىنلىك بىلەن ئۆزىگە ئىشەنچ تۇرغۇزالايدۇ، ئۆزىنىڭ ئۆزگىچە پەزىلىتى ۋە ئىقتىدارىنى نامايان قىلىپ ، كىشىلەر ئىچىدىن باش كۆتۈرۈپ چىقالايدۇ.
  شۇنى كۆرسىتىپ ئۆتۈش كېرەككى ، ئاياللارغا چىراينىڭ گۈزەل بولۇشىلا كۇپايە قىلمايدۇ، ئۇلاردا يەنە ئەقىل- پاراسەت بولۇشى كېرەك، ئەقىللىق ئاياللار ئۆزىنى قەدىرلەشنى بىلىدۇ.
  ئۆزىنى قەدىرلەش دىگەنلىك، ھاياتلىقتىكى ھەر بىر كۈننى قەدىرلەش دىگەنلىكتۇر، ئۆزىنى قەدىرلەش خۇددى باشقىلارنى ئوبدان قەدىرلەشكە ئوخشاشلا مۇھىمدۇر ، ئادەم ئۆزىنى سۆيەلىگەندىلا ، ئاندىن باشقىلارنىمۇ چىن دىلىدىن سۆيەلەيدۇ.
  ھەق گەپنى قىلغاندا،  ئەر- ئاياللارنىڭ ئەقلىي ئىقتىدارى باراۋەر بولىدۇ، ئۆگىنىش پۇرسىتىمۇ ئوخشاش بولىدۇ. شۇڭا، ئەر- ئاياللارنىڭ ئەقىل- پاراسىتىمۇ كۆپ پەرقلىنىپ كەتمەيدۇ. ‹‹ ئاياللارنىڭ ئەقلىي ئىقتىدارى ئەرلەرنىڭكىگە يەتمەيدۇ›› دېگەندەك گەپلەرنىڭ پەيدا بولۇشىدىكى سەۋەپ، ئەر- ئاياللارنىڭ ئەقىل-پاراسەتنى قوللىنىش ساھەسىنىڭ ئوخشاش بولمىغانلىقىدىندۇر.  كۆپ ساندىكى ئەرلەرنىڭ ئەقىل-پاراسىتى ئىشلارنى پىلانلاش، قوماندانلىق قىلىش، ئەلنى ئەمىن تاپقۇزۇش قاتارلىق ساھەلەردە قوللىنىلىدۇ، ئاياللارنىڭ  بولسا ئۆي ئىشلىرىنى قىلىش ، باھا تالىشىپ مال سېتىۋېلىش قاتارلىق ئىشلاردا كۆپرەك ئىپادىلىنىدۇ.مەسىلەن: ئەرلەر بىلەن ئاياللاردىن: ‹‹بىر دۆۋە پۇرچاقىنىڭ ياخشى - ناچىرىنى قانداق ئايرىغىلى بولىدۇ؟›› دەپ سورىساق ، ئەرلەر كۆزىنى پارقىرىتىپ ، بېشىنى قاشلاپ قاراپ تۇرىدۇ. ئاياللار بولسا: ‹‹ سۇغا چىلاش، تاسقاش ئارقىلىق ئايرىغىلى بولىدۇ›› دەپ تېزلا جاۋاپ بېرەلەيدۇ.

  مەنبە: ‹‹ خانىم-قىزلار نازاكىتىنىڭ سىرى›› نامىلىق كىتاپتىن ئېلىندى.  

            
            

قەسىر

ئەقىللىق ئاياللاردىن بولۇش مەزمۇنى ھەقىقەتەن قايىل قىلارلىق شەرىھلىنىپتۇ.ئەقىللىق ئاياللاردىن بولغاندىلا ئائىلىمىز،پەرزەنت،ئۆمۈر يولدىشىمىز ھازىر ھەم كەلگۈسىدىمۇ گۈزەل بەخت تۇيغۇسىدا ياشايدۇ.
   تېمىڭىزگە رەھمەت!
                              

سەييارە0

«   ئەقىل- پاراسەت ھەرگىزمۇ تۇغما بولمايدۇ. ئۇ تىرىشىپ ئۆگىنىش ، تەجىربە - ساۋاقلارنى يەكۈنلەش ، قوبۇل قىلىش ئارقىلىق ئادەمنىڭ ۋۇجۇدىدا ئاز- ئازدىن يىغىلىدۇ. ئەقىل- پاراسەت ئاياللاردا كەم بولسا بولمايدىغان مۇھىم ئامىلدۇر. ھەقىقىي ئەقىللىق ئاياللار ئۆزىنى ئەقىللىق چاغلايدىغان ، ئەمما قورسىقىدا ئۇمىچىنىڭ تاينى يوق بىلەرمەنلەردىن ماھىيەتلىك پەرقلىنىدۇ. »ناھايتى ئەھمىيەتلىك ئېيتىلغان سۆز بوپتۇ،تېمىڭىزغا كۆپ رەخمەت.

دىلرۇس

ئەقىللىق ئاياللاردىن بولۇش، ئاياللار ئۈچۈنلا ئەمەس بەلكى، مىللەت، دۆلەت ئۈچۈنمۇ ئىنتايىن مۇھىم. بايقىشىمچە، بالىلار ئەقىل- پاراسىتىنىڭ تەرەققىياتىدا ئانىنىڭ تەسىرى مۇھىم رول ئوينايدۇ. ئەقىللىق ئاياللار ئائىلە، خىزمەت ۋە پەرزەنت تەربىيىسى قاتارلىقلارنى ئاقىلانىلىك بىلەن بىر تەرەپ قىلالايدۇ. مۇشۇنداق ئەھمىيەتلىك يازمىلار ئارقىلىق ئانىلىرىمىز، بولۇپمۇ ئانا بولۇش ئالدىدا تۇرغان گۈل چىراي خانىم- قىزلىرىمىزغا يول كۆرسىتىپ بېرىش تەخىرسىزدۇر. مەن، بۇ نادىر يازمىڭىز ئۈچۈن سىزگە قۇرق بولسىمۇ تەشەككۈرۈمنى بىلدۈرىمەن، ئەجىرىڭىزگە ھەشقاللا!

Qol~Ogli

       تۈگىمەس ئائىلە ئەمگىگى(تاماق ئېتىش، كىر يۇيۇش،ئۆي تازىلاش، بالا بېقىش، نان يېقىش.....قا)ئوخشاش ئەمگەكلەر ئاياللارنىڭ ئۈلۈكسىز تەربىيەدىن بەھىر ئېلىشىغا ئىمكانىيەت بەرمەيدۇ ياكى بەك ئاز بولىدۇ ، شۇنداقتىمۇ ئاياللار ئەمەلى خىزمەتلەردا ئەرلەردىن قىلىشمايدۇ . ھەقىقەتەن قالتىس-تە

گۈلزار

ئادەملەرنىڭ خارەكتىرى بىلەن قىزىقىشى ئوخشاش بولمايدۇ شۇنىڭغا ئوخشاش ئۇلارنىڭ ئەقىل  پاراسىتىنى  ئىشقا سېلىش ئۇسۇلىمۇ ئوخشىمايدۇ . ئاياللارنىڭ ئۆي ئىشلىرنى ياخشى بىر تەرەپ قىلىش ھەم ئۇلارنىڭ بالا تەربيلىشىمۇ ئۇلارنىڭ ئۆزىگە خاس ئىقتىدارى بولۇپ ھېساپلىنىدۇ .
رەھمەت دوستۇم   

زەپەر

رخمەت سىزگە مەرىپەت . يېقىندىن بىرى خانىم قىزلار ئۈچۈن دىققەت قىلىدىغان ياخشى تىمىلارنى يوللاپ ئۇلارنى ياخشى تەربىيلەپ كىلىۋاتىسىز . مەن بارلىق خانىم قىزلار نامىدىن سىزگە رەخمەت ئىيتىمەن

مەرىپەت

دىلرۇس يوللىغان ۋاقتى  2013-6-10 14:46
ئەقىللىق ئاياللاردىن بولۇش، ئاياللار ئۈچۈنلا ئەمەس بە ...

دىگىنىڭىز ئىنتايىن توغرا بولدى.  بالىلارنىڭ ياخشى تەربىيە ئېلىشىدا ئانا ئىنتايىن مۇھىم رول ئوينايدۇ. شۇڭا خانىم- قىزلىرىمىز  ئائىلىنىڭ تۈگىمەس ئىشلىرىنى  ئۆزىگە باھانە  قىلىۋالماي  خىزمەت بىلەن ئائىلە ئىشلىرىنى مۇۋاپىق ئورۇنلاشتۇرۇپ، ۋاقىتنىڭ ئىچىدىن ۋاقىت چىقىرىپ كىتاپ ئوقۇپ ئۆزىنىڭ نەزەر دائىرسىنى كېڭەيتىپ ، سەۋىيەسىنى ئۆزلۈكسىز ئاشۇرۇپ كەلگۈسى ئەۋلاتلارنى ياخشى تەربىيىلىيەلەيدىغان ئىقتىدارنى يىتىلدۈرىشى لازىم.

مەرىپەت

زەپەر يوللىغان ۋاقتى  2013-6-12 17:07
رخمەت سىزگە مەرىپەت . يېقىندىن بىرى خانىم قىزلار ئۈچۈن  ...

خانىم-قىزلىرىمىز  ھېچ بولمىغاندا مۇنبەردىكى تېمىلارنى ئوقۇپ ئازراق بولسىمۇ تەربىيە ئالامدىكىن دەپ يوللاپ قويدۇم.
سىزگىمۇ رەھمەت...