ئىمتىھان بېرىش تاكتىكىلىرى ھەققىدە

بۇلاق

ئىمتىھان بېرىش تاكتىكىلىرى ھەققىدە

ئابدۇغوپۇر مۇھەممەد
(توغرا جاۋاپقا ھۆكۈم قىلىشنىڭ  تاكتىكىسى، ھەرقانداق يېزىقچە ئىمتىھانغا ماس كېلىدۇ)

   
  بەزى ئۇچۇرلار يېڭىدىن ئارىسىغا كىرگۈزۇلدى.
سۇئال چىقارغۇچىلارمۇ ئادەم بولغانلىقى ئۈچۈن سۇئال چىقىرىش جەريانىدا ئۇلارمۇ مەلۇم پىسخىكىلىق بوشلۇقلارنى قالدۇرۇپ قويىدۇ، چەتئەل تەھلىلچىلىرى بۇ بوشلۇقتىن پايدىلىنىپ پايدىلىنىپ سۇئالنىڭ جاۋابىدىن قىلچە خەۋەرسىز تۇرۇپ توغرا جاۋاپنى %90توغرا يېزىشنىڭ ئۇسۇلىنى تېپىپ چىققان، باشقا جاۋاپ بېرىش سۇئاللىرىنىڭ چېتىشلىق دائىرىسى بەك كەڭرى بولغاچقا «ئىلاجىنى قىلىپ ئاق قويماڭ، غېرىچلاپ نۇمۇر قويىدىغان بىرەرسىگە ئۇچراپ قالسىڭىز ئامىتىڭىز »دېيەلەيمىز خالاس، ماقالە يېزىش ئۈچۈن كۆكنۇر نېت تورىدىن پايدىلانسىڭىز بولىدۇ.
مۇتىخەسىسلەرنىڭ قارىشىچە بوش ئورۇنلارغا سۆز تولدۇرىدىغان خەنزۇچە، ئىنگىلىزچە ئىمتىھانلاردا شۇ بوش ئورۇن بېرىلگەن ئابزاسنىڭ ئالدى-كەينىدە شۇ بوش ئورۇنغا تولدۇرىغان سۆزنىڭ ئۇچراش دەرىجىسى %85كە يېتىدىكەن.«توغرا»ياكى«خاتا»دەپ ئايرىش سۇئاللىرىنىڭ ئادەتتە %70خاتا جاۋاپ بېرىلىدۇ، شۇڭا بىلمىگەننى خاتا دەپ ئايرىپ قويساق كۆپىنچە توغرا ئايرىغان بولىمىز. بىزنىڭ بۇيەردە نوقتىلىق توختالماقچى بولغىنىمىز، ئىمتىھانلاردا كۆپرەك سالماقنى ئىگىلەيدىغان «تاللاش سۇئاللىرى»توغرىسىدا توختىلىمىز.
سۇئال چىقارغۇچىلار توغرا جاۋاپنى چالا بولۇپ قالمىسۇن دەپ تەپسىلىرەك يازىدۇ، شۇڭا ئادەتتە ئۇ باشقا جاۋاپلاردىن ئۇزۇنراق بولىدۇ. ئەمما ئۇلارنىڭ سىزنى ئازدۇرۇش ھىيلىسىنى قوللىنىدىغانلىقىنى ئۇنتۇپ قالماڭ. تۆۋەندە بۇلارغا تاقابىل تۇرۇشنىڭ ئۇسۇللىرىنى تونۇشتۇرىمىز. ئېسىڭلاردا بولسۇن بۇنى پەقەت توغرا جاۋاپقا ھۆكۈم قىلالمىغاندىلا ئىشلىتىمىز. يەنە كېلىپ بۇ باشقىلارنىڭ قەغىزىگە تەلمۈرۈپ كۆچۈرگەندىن كۆپ ياخشى، ئۆز كۈچىڭىزگە تايىنىشنى، كاللا ئىشلىتىشنى ئۆگىنىۋالىسىز.
1- خىل ئۇسۇل: سۇئال چىقارغۇچىلار سىزنى ئازدۇرۇش ئۈچۈن شەكلى ئوخشاش، مەزمۇنى يېقىن جاۋاپلارنى بېرىدۇ، بۇ ئەمەلىيەتتە بىز ئۈچۈنمۇ بىر پايدىلىنىش بوشلۇقى قالدۇرۇپ قويغان، يەنى يېقىنراق بولغان جاۋاپلارنىڭ توغرىلىق نىسبىتى ئەڭ يۇقىرى. مەسىلەن: بىر جاۋاپنىلا تاللاش سۇئالىدا بۇنداق تاللاشلار ئۇچرايدۇ.ئا: 9            ب:14           س:19         د:22بىز بۇ سۇئال قايسى پەنگە تەۋە بولسۇن بۇنىڭ جاۋابىنى بىلمىدۇق، ئەمما  سۇئال چىقارغۇچىلار نىڭ سىزنى ئازدۇرۇش ھىلىسىنىڭ قارشىسىدىن چىقىپ، يېقىنراق جاۋاپلارنى ئايرىپ چىقساق، 14 ۋە 19 ،  چۈنكى ھەر ئىككىسى ئونلۇق  دائىرىسىدە، شۇڭا بۇ ئىككى جاۋاپنىڭ بىرسى توغرا بولىدۇ، بۇ چاغدا بىز قالغان ئىككى جاۋاپنى خاتا دەپ ھۆكۈم قىلىمىز،  ئەمدى بۇ ئىككى جاۋاپنىڭمۇ توغرىسىنى تېپىپ چىقىش ئۈچۈن يەنە كۆز يۈگۈرتسەك 19بىلەن 9  بىر-بىرىگە ئوخشاشلىقى بار، ھەر ئىككىسىنىڭ ئاخىرى 9بىلەن ئاخىرلاشقان، شۇڭا ھەر ئىككى خىل ئوخشاشلىق ئىچىدە 19نىڭ بارلىقىنى ھىس قىلىمىز، شۇڭا بۇ سۇئالدا«19»نىڭ يەنى « س» جاۋاپنى توغرا دەپ ھۆكۈم قىلىمىز، يەنى« س» جاۋاپنىڭ توغرىلىق نىسبىتى %90بولىدۇ
.2- خىل ئۇسۇل: تاللاش سۇئاللىرىدا بېرىلگەن قارمۇ-قارشى جاۋاپنىڭ بىرسى توغرا. قالغان ئىككى جاۋاپنى شاللىۋەتسەك بولىدۇ،  بۇنداق تاللاشنىڭ توغرىلىق نىسبىتى %90بولىدۇ.
مەسىلەن:
ئا: قىزىل گۈل       ب:قىزىل گۈل ئەمەس    س:تىكەن         د:ئازغان
بۇ سۇئالدا «ئا»ياكى«ب»جاۋاپنىڭ بىرسى توغرا. چۈنكى بۇلارنىڭ مەنىسى ئۆز-ئارا قارمۇ-قارشى، بىلىنىپ تۇرۇپتىكى سۇئال چىقارغۇچى بۇ جاۋاپنى نىقاپلاشقا خېلى كۈچ چىقارغان.
3-خىل ئۇسۇل:  ئالدىدا ئېيتىپ ئۆتكەندەك ئۇزۇنراق بولغان جاۋاپنىڭ توغرىلىق نىسبىتى نىسبەتەن يۇقىرى بولىدۇ، چۈنكى توغرا جاۋاپنىڭ چالا قېلىشى سۇئال چىقارغانلار ئۈچۈن ئىلمىي خاتالىق ھىساپلانغاچقا، ئۇلار توغرا جاۋاپنى ئەستايىدىل، تەپسىلىرەك يازىدۇ.
4-خىل ئۇسۇل: سۇئال چىقارغانلار توغرا جاۋاپنى ئاسان كۆزگە چېلىقمايدىغان قىلىپ ئورۇنلاشتۇرۇشنى ياخشى كۆرگەچكە توغرا جاۋاپنىڭ«ئا»،«د»جاۋاپلىرىدىن بەكرەك«س»،«ب»جاۋاپلىرىنىڭ توغرىلىق نىسبىتى نىسبەتەن يۇقىرى بولىدۇ، بولۇپمۇ«س»جاۋاپ،  پەقەت ئارىيالمىغاندا «س»جاۋاپنى تاللاپ قويساق باشقا جاۋاپلارغا قارىغاندا توغرىلىق نىسبىتى يۇقىرىراق بولىدۇ.
5-خىل ئۇسۇل: تۇنچى سەزگۈڭىزگە ئىشىنىڭ، چۈنكى سىز ئۇنتۇپ قالدىم دەپ ئويلىغان نۇرغۇنلىغان بىلىملىرىڭىز يوشۇرۇن ئېڭىڭىزدا ساقلىنىپ قالغان بولىدۇ، تۈنچى قاراشتا تونۇشتەك، توغرىدەك ئىنكاس پەيدا بولىشى بەلكىم سىز ئۆگەنگەن شۇ بىلىملەرنىڭ توغرا ئەكس ئېتىشى بولىشى مۈمكىن،  ئويلىغانسېرى بۇ تۇيغۇ يوقاپ، جاۋاپلار تېخىمۇ ئارىلىشىپ كېتىدۇ، شۇڭا تۈنچى سەزگۈڭىزگىمۇ سەل قارىماڭ.
6-خىل ئۇسۇل: جاۋاپنى بىۋاستە جاۋاپ يازىدىغان قەغەزنى ئۆزىگە يېزىش ، ئىشلىيەلمىگەننى(كېيىن بىر تەرەپ قىلىش ئۈچۈن) كەينىگە قالدۇرۇش. بۇنداق بولغاندا كۆپ ۋاقىت تىجىلىدۇ.
7-خىل ئۇسۇل: ئاڭلاش سۇئالىنى ئىشلىگەندە چوقۇم سۇئال ئاڭلاشتىن بۇرۇن شۇ سۇئالنىڭ بېرىلىشىنى يەنى تاللاش تەلەپلىرىنى كۆرىۋىلىش كېرەك ، شۇنداق بولغاندا نىشانلىق ھالدا ئاڭلىغىلى بولىدۇ، دىققىتىمىزنى شۇ سۇئالدىكى نوقتىغىلا قارىتالايمىز، دىققىتىمىزنى بۆلۈش، بىزنى ئازدۇرۇش ئۈچۈن بېرىلگەن باشقا ئەخلەت ئۇچۇرلارغا دىققىتىمىزنى چاچمايمىز. ئاڭلىتىۋاتقاندا سۇئالنى ئوقىساقمۇ  دىققىتىمىز چېچىلىدۇ. تولۇق ئاڭلىيالماي قالىمىز.
8-خىل ئۇسۇل: ئاڭلاش سۇئالىدا بەزى سۇئاللاردا خەنزۇتىلى ئىمتىھانى ياكى ئىنگلىزتىلى ئىمتىھانى بولسۇن توغرا جاۋاپ كۆپىنچە "ياق"، "ئۇنداق ئەمەس" سۆزلىرىدىن كېيىن كېلىدۇ.
9-خىل ئۇسۇل: خەنزۇتىلى ئىمتىھانى ئوقۇپ چۈشۈنىش سۇئالىدا توغرا جاۋاپ كۆپىنچە "بىراق، ئەمما"مەنىسىدىكى
سۆزلىرىدىن كېيىن كېلىدۇ. 可是，但是
ئىنگلىزتىلى ئىمتىھانى ئوقۇپ چۈشۈنىش سۇئالىدا توغرا جاۋاپ كۆپىنچە  However, but  دېگەن سۆزلەردىن كېيىن كېلىدۇ.
. بۇئادرىستىن كۆرىۋالساڭلارمۇ بولىدۇ:
http://www.koknur.net/list.asp?unid=3023
مېنىڭ ئىنگلىز تىلى دەرسى بېرىدىغان ئوقۇتقۇچۇم بۇنىڭدىن پايدىلىنىپ، ئۆزى بىر ئېغىزمۇ بىلمەيدىغان فرانسوزچە ئىمتىھاندىن ئۆتۈپ كەتكەن ئىكەن...
سىزگە ئازراق مەنپەئەتى بولغان بولسا خەيرلىك دۇئالاردا ئەسلەپ قويارسىز، ئەجىرلىرىمىز زايا كەتمەس !!!
سىزگە ئامەت يار بولغاي!!!
-------------------------------------------------------------------------
ئەسكەرتىش:
بۇ تېمام ئىمتىھانغا تەييارلىق قىلىشتا سىلەرنى بىخۇت قىلىپ قويمىسۇن، پەقەت ئۆزەڭلەرگە ئىشەنچ تۇرغۇزىشىڭلارغا  پىسخىك جەھەتتىن ياردىمى بولار دېگەن ئۈمىدتىمەن، ئاساسى نەتىجە ئۆگىنىش قىلىشتىن كېلىدۇ، بۇ تاكتىكىنى بىر نەچچە سۇئاللاردىلا ئىشلىتەلىشىڭلار مۈمكىن، چۈنكى بۇنى ئۆزلەشتۈرۈشكىمۇ جەريان كېتىدۇ. بۇ تېمام ئىمتىھاندا ياخشىراق نەتىجە ئېلىشقا ياردىمى بولارمىكىن دېگەن مەقسەتتە يوللانغان، ھەرگىزمۇ ئۈگەنمەسلىكنى تەشەببۇس قىلمايدۇ. ياخشى ئۆگىنىپمۇ يەنە جاۋاپ بېرەلمەيدىغان سۇئاللارغا دۇچ كەلگەندە ئۈمىدسىزلەنمەي، مايكېل سكۇلفىلد دەك مۇۋاپىق ئامالىنى تېپىشنى ئۆگىتىش مەقسەت، خاتا چۈشەنمەڭ ،  ھەر قانداق قىيىن شارائىتتىمۇ يېڭىشنىڭ ئامالىنىڭ بولىدىغانلىقىغا ئىشىنىڭ.   
ئۆگىنىشىمگە تەسىر كۆرسىتىدۇ دەپ قارىسىڭىز ئىشلەتمىسىڭىز بولىدۇ.  
مەنبە: كۆكنۇر تورى

pari

ئىنتايىن دەل ۋاقتىدا يوللانغان تېما بوپتۇ بۇ  ئىمتىھان بەرگۈچقلەر بىر قېتىم كۆرۈپ چىقسا بولغۇدەك ،رەھمەت

زەپەر

بىلىۋېلىشقا تىگىشلىك بولغان مۇھىم تاكتىكەنغۇ بۇ

دىلرۇس

بۇ ياخشى تېمىكەن. ئىمتىھان بەرگۈچىلەر بىرقانچە قېتىم ئوقۇپ چىقسا بولغۇدەك. مەن بۇ يەردە مۇئەللىپنىڭ «ئاساسى نەتىجە ئۆگىنىش قىلىشتىن كېلىدۇ دېگەن پىكىرىنى قۇۋەتلەيمەن، شۇنداقلا ئىمتىھان بېرىش تاختىكىسى بولۇشنىمۇ قۇۋەتلەيمەن. بۇ ئىككىسى بىرلەشسە ئەجىر بىكار كەتمەيدۇ. بۇ تېمىنى يوللىغىنىڭىزغا كۆپتىن- كۆپ رەھمەت!

ئىستەك

مەن يېقىندا خەنزۇتىلى ئىمتىھان بىرەتتىم ، ئۇسۇلنى بىر سىناپ باقاي جۇما ، ئەگەر راستىنلا ئىمتىھاندىن ئۈتۈپ قالسام تىما ئىگىسىنى تارتۇقلايمەن ،

بەختىيار(بايقاش

ھەممە ئىشتا پەم كېرەك دېگىنى مۇشۇدە!رەھمەت سىزگە.

دىلكەش

مۇھىم تاكتىكىلاركەن .راس ئاساسى باردەك ھىس قىلدىم .

بۇلاق

دىلرۇس يوللىغان ۋاقتى  2013-6-5 02:25
بۇ ياخشى تېمىكەن. ئىمتىھان بەرگۈچىلەر بىرقانچە قېتىم ئ ...

ئورۇنلۇق پىكىر. پەقەتلا ئۆگىنىش قىلىپ ئىمتىھان بېرىش تاكتىكىسىنى بىلمىسە يەنىلا ئۆگەنگىنى بىكار بولىدۇدە

دىلرۇس

شەخسىي تەجىربەمدىن قارىغاندىمۇ، بۇ تاختىكا ئەسقاتىدۇ. بىر شەرت تەييارلىق پۇختا بولىشى كېرەك. پۇختا تەييارلىققا، ئۈنۈملۈك تاختىكا قوشۇلسا بۇ خۇددى «ئالتۇن ئۈزۈككە ياقۇت كۆز» قويغاندەك ئىش بولىدۇ-دە، نەتىجە قولىڭىزدىن قېچىپ قۇتۇلالمايدۇ.