بالا تەربىيەلەشتە ساقلىنىۋاتقان ناباب ئۇسۇللىرىمىز

مەرىپەت

                                 
                               بالا تەربىيەلەشتە ساقلىنىۋاتقان ناباب ئۇسۇللىرىمىز   
                  


نۆۋەتتە ، بىر قىسىم ئاتا -ئانىلاردىكى ناچار، قوپال ئائىلە تەربىيەسى بالىلارنىڭ ساغلام چوڭ بولۇشىغا ئېغىر تەسىر يەتكۈزۈپ ، ئۇلارنىڭ پىسىىكا جەھەتتىن غەيرىي، بىنورمال چوڭ بولۇپ قېلىشىغا سەۋەب بولۇپ قالماقتا.

  1. ئاتا- ئانا مېھرىدىن مەھرۇم قېلىش: بالا ئۇزاق مۇددەت ئاتا-ئانىسىنىڭ مېھرىگە ۋە ھېسداشلىقىغا ئېرشەلمەسلىك سەۋەبىدىن ، ئاتا-ئانىسىنىڭ ئۆزىگە بولغان غەمخورلىقى ھەم كۆيۈنىشىنى چۈشەنمەسلىكتىن كېلىپ چىقىدىغان ئۆچمەنلىك ۋە جىمغورلۇق.

  2. ئاتا-ئانىنىڭ بالىغا بولغان پوزىتسىيەسى بىردەك بولماسىلىق: بالىنى تۇرۇپلا مەيلىگە قويىۋېتىش، تۇرپلا بەك چىڭ تۇتۇش ياكى ئانا بەك ئەركىلىتىۋېتىش، دادا بەك قاتتىق تەلەپ قويۇش.

  3. قېرىنداشلار ئارىسىدىكى جېدەل: بالا ئاتا-ئانىسىنىڭ ياخشى كۆرۈشىنى ۋە ئائىلىدىكى يۇقىرى ئورنىنى قولغا كەلتۈرۈش ئۈچۈن ئاكا-ئۇكا، ئاچا-سىڭىللىرى بىلەن جېدەل چىقىرىپ ، دوستانە ئۆتمەسلىك.

  4. جازالاش: بالا جىسمانىي، روھىي جەھەتتە جازاغا ئۇچراش ياكى قاتتىق  خورلۇققا ئۇچراش ، دائىم تىل- ئاھانەت ، كەمسىتىلىش ئىچىدە چوڭ بولۇش.

  5. ھەددىدىن زىيادە تەلەپ قويۇش: بالىنىڭ چوڭ-كىچىك ھەممە ئىشلىرىغا ئارىلىشىۋېلىپ، تەلەپنى ئۆز ئارزۇسى بويىچە قاتتىق قويۇش، قىلىپتا قۇيغاندەك ئۆلچەملىك چوڭ بولۇشقا زورلاش، باشقا بالىلارغا ئارىلىشىشقا ، ئارزۇسى ۋە قىزىقىشىغا قەتئي يول قويماسلىق.

  6. دائىم ئالداش: بەزى بالىلار ئاتا-ئانىسىغا تولا ئالدىنىۋەرگەنلىكتىن ،ئۇلارمۇ ئۆزىدە ئاتا-ئانىسىنى ئالدايدىغان يامان، ئەسكى ئادەتنى يىتىلدۈرىۋالىدۇ.

  7. ۋەزىپە يۈكلەش جەھەتتىكى قالايمىقانچىلىق: بەزى ئاتا- ئانىلار ھەمىشە بالىلىرىدىن ئۇلارنىڭ يېشى، جىنسى ، قابىليىتىگە ماس كىلمەيدىغان ۋەزىپىلەرنى ئۈستىگە ئېلىشنى تەلەپ قىلىدۇ ۋە قىلىشقا زورلايدۇ.

  8. بالىنى ئۆزى تەرەپتە تۇرۇشقا مەجبۇرلاش: بەزى ئاتا-ئانىلار ھەق -ناھەقنى ئايرىمايلا ، بالىسىنى ئۆزى تەرەپتە تۇرۇشقا مەجبۇرلايدۇ، بالىسىنىڭ ھېسسىياتى بىلەن قىزىقىشىنى كونتۇرۇل قىلىشنىلا ئويلايدۇ، يۇقىرىقى سەۋەبلەر تۈپەيلىدىن ياراملىق چوڭ بولۇۋاتقان بالىلارمۇ ئەكسىگە يېنىپ قالىدىغان ئەھۋاللار كۆرۈلۈپ قالىدۇ.

  مەنبە: ‹‹شىنجاڭ ئاياللىرى ›› ژورنىلى


                     

سەييارە0

بالا تەربىيلەشتە دىققەت قىلىشقا تىگىشلىك ئۇسۇللار ئىكەن،رەخمەت سىزگە.

pari

ياخشىمۇسىز مەرىپەت خانىم ؟ ئوماقلارنىڭ ئۇلۇغ  بايرىمى تەبرىكلىنىۋاتقان بۈگۈنكى كۈندە شۇ ئوماقلارغا بولغان تەربىيەمىزدىكى نوقسانلارنى ياخشى يوللاپسىز ، رەھمەت سىزگە

گۈلزار

ئاتا - ئانىلارغا ياخشى سوۋغا ئېلىپ كېلىپسىز .  رەھمەت سىزگە دوستۇم .

Qol~Ogli

نامۇۋاپىق مۇكاپاتلاش ۋە قازالاشمۇ بالىلاردا يامان تەسىر پايدا قىلىدىغان ئامىللارنىڭ بىرى .

زەپەر

بالا تەربىيلەشتە چۇقۇم ھەر بىر ئاتا ئانىنىڭ بىلىشى تۇلىمۇ زۈرۈپ بولغان مۇھىم بىلىمكەن رەخمەت سىزگە