ئەچكۈ جان قايغۇسىدا،قاسساپ ياغ قايغۇسىدا

ayqeqak

مەن  خۇتەن ۋىلايىتى كېريە ناھىيىسىدىكى بىر جاپاكەش ،نامرات ئوقۇتقۇچى. لېكىن روھىم كاتتا باي. شۇڭلاشقا ھازىر ئېيتماقچى بولغان دەردىمنى  ئىچىمدىلا بىلىپ ئاچچىق يۇتۇپ يۈرگىلى  بىر نەچچە يىل بولدى..بۇ دەرت بەلكىم پۈتكۈل ئوقۇتقۇچىلارنىڭ بېشىدا بۇلىشى مۈمكىن ھەم دەردىنى ئىچىگە يۈتۈپ  يۈرگەن ،قايناپ تاشالماي  ئاران  چىداپ تۇرغان بۇلىشى مۈمكىن.
شۇڭا مۇنبەر ئەھلى بۇ دەردىمىزگە دەرمان بۇلىشىپ بەرسەڭلار، مەن گەپنى مېغىزلىق ،قىسقا قىلاي،كۆپ ۋاختىڭلارنى ئېلىپ زىرىكتۈرۈپ قويغۇم يوق.
     2009-يىلى ناھىيىلىك مائارىپ ئىدارىسى ناھىيە بويىچە ئوقۇتقۇچىلارنىڭ مەكتەپ پورمىسىنى بىرلىككە كەلتۈرۈش  توغرىسىدا ئۇقتۇرۇش تارقىتىپ،،ئوقۇتقۇچىلارغا بىر يۈرۈش  قارا كۆك كاستۇم -بۇرولكا،ئىككىدىن ئاق كۆينەك  زاكاس قىلغان.بۇ كىيىمنىڭ ئىچكىرى ئۆلكىلەردىكى ئۆلچەملىك زاۋۇتلاردا تىكىلىدىغانلىغىنى ئېيتقان. پورمىلار ئوقۇتقۇچىلارغا تارقىتىپ بېرىلگەندە ئىشنىڭ قىزىقى بولدى ،بۇ كىيىملەر تىكىلىشى ئۆلچەمسىز،رەختى سۈپەتسىز ئىدى.ئۇنىڭ ئۈستىگە بۇكىيىمنىڭ باھاسىنىڭ قىممەتلىگىچۇ تېخى. 800 يۇەن. بۇ ناھىيىمىزنىڭ بىرەر يېزىسىدا ياكى مەلۇم بىر بۇلۇڭ-پۇشقاقتا نائۇستا تىككۈچى تەرىپىدىن ۋەزىپىگە تىكىلگەندەك قىلاتتى.ھەممەيلەننىڭ قۇساق كۈپىگى يەتكۈچە بولسىمۇ ،بىرنەچچەيلەننىڭ غۇدۇراپ دوق قىلىشلىرى بىلەنلا توختاپ قالدى.كۆپىنچىمىز بۇ كىيىمنى كىيمەي ،كونا پورمىمىزنى كىيىپ يۈردۇق.چۈنكى بۇ بىرىنچى قېتىملىق پورما  ئەمەستى ،ئەلبەتتە.
  بۇ ئىشنىڭ پايدىسى كۆپ بولسا كېرەك،بىر قىسىم نائىنساپلار بۇنىڭغا كۆنۈپ قالدى بولغاي ،شۇنىڭدىن باشلاپ پورما دولقۇنى كۈتۈرۈلدى.بىر نەچچە ئاي ئۆتمەيلا مەكتەپ رەھبەرلىگى يەنە پورما ئەكەلدۈرىدىغانلىقىنى ،باھانىڭ يېرىمىنى مەكتەپ كۈتىرىدىغانلىغىنى ئېيتىپلا ئىش باشلىدى.پورمىمۇ كەلدى.ئالدىنقى قېتىملىغى بىلەن ئوخشاش سۈپەتسىز،باھاسى 600 يۈەن.مەكتەپ 200 يۈەننى چىقارغان بولدى،يەنە بىزنىڭ غېرىپ مائاشىمىز بىلەنلا بۇ ئىشمۇ تۈگىدى.2010-يىلغا كەلگەندە بۇئىش يەنە باش كۈتۈرۈپ چىقتى .يەنە ئوخشاش تەكرارلاندى. شۇنىڭدىن باشلاپ ھەر مەۋسۇمدا يېڭى پورما كىلىپ تۇردى،مائاشىمىز ئوخشاشلا تۇتۇلۇپ تۇردى.2011-يىلى،2012-يىلىمۇ ئوخشاش تەكرارلاندى.2012-يىلدىكى پورمىمىزنى شاڭگاڭنىڭ داڭلىق شىركىتى ‹‹خۇڭدۇ ››گۇرۇھىنىڭ مەخسۇس بۇيرۇتمىسى ئىكەنلىكى،باھانىڭ 3 دىن بىرى مەكتەپ تەرىپىدىن كۈتۈرىلىدىغانلىقى ئېيتىلىپ پورمىمۇ كەلدى.خۇڭدۇ گۇروھى ماركا يىتۈشتۈرەلمىگەن ئوخشايدۇ بۇ كىيىملەرنىڭ ماركىلىرى بىر بىرىگە ئوخشىمايدۇ،يەنە بەك ئالدىراشمۇ قانداق بۇ ماركىلار پەقەت جايىغا چاپلانمىغان،بىرى مايماق ،بىرى سەيناق.بىرى قىيپاچ،بىرى تەتۈر،بىرى ئوڭ،بىرى دۈم...
باھاسىدا  بەكتەپ كۈتىرىدىغان قىسمىدا مەكتەپنىڭ قىيىنچىلىغىنى كۆزدە تۇتۇپ ئۆزىمىز تۈلىدۇق.بىزنىڭ قىيىنچىلىغىمىز ‹‹بولمىغاندىكىن››،چۈنكى بىز مائاشىمىزنى خەجلەيدىغان يەر تاپالماي قالغان،پۇللىرىمىز يانچۇقلاردا سېسىپ كەتكەن .ئىدى.
ئ2013-يىلى كىرىۋىدى مارىپ ئىدارىسى قىزىپ كەتتى .يەنە پورما ،بۇ قېتىمقىسى ئالدىنقىلارغا  ئوخشىمايتتى،بۇقېتىم ناھىيىمىزدا تولا توپا ياغقاچقا پاكىزە كىيەلمەيدىكەن دەپ بىزگە كۈڭۈل بۈلۈپ ئىككى يۈرۈش پورما كەلتۈرىدىكەن.باھاسى  1600 (بىرمىڭ ئالتە يۈز) يۈەن ئىكەن بۇنى تېخى بۈگۈن ئۇقتۇردى،ھېچكىم غىڭ قىلالمىدى.چۈنكى ئوقۇتقۇچى دىگەن بەك بەتخەج بۇلۇپ تاپقان پۇلۇمىزنىڭ ھەممىسىگە پورما ئېلىپ كىيىۋالىمىز،  خۇددى سارجى چاپان ،بۈدۈر چاچ،ئۈچ كۈن بولدى قۇساق ئاچ دىگەندەك.
بىزغۇ مەيلى بوپتۇ خەجلەپ بۇلالمىغىدەك 2000(ئىككى مىڭ) يۈئەن مائاشىمىز بولغاندىكىن.لېكىن ئوقۇغۇچىلىرىمىزمۇ بۇ قىسمەتتىن خالى قالمىدى.ئۇلارمۇ ‹‹بېيىپ›› كەتتى.يازلىق پورمىسى قىزىل،كۆك،قارا،ئاق تۆت يۈرۈش قىشلىقى تۈت يۈرۈش ،يەنە تېىخى يېڭى رەڭلىكلىرى يولدا كىلىۋاتقانمىش!
مۇنبەر ئەھلى ،مۇناسىۋەتلىك رەھبىرى يولداشلار!!! ھالىمىز خاراپ بولدى،ئالۋاڭ ھاشار كۆپلىگىدىن. بوينىمىز قىسماق بولدى كۈن ئالماقنىڭ تەس لىگىدىن. يەنە بۇنىڭغا  قۇشۇلۇپ ھەر ئايدا بىزدىن يامانلاپ يېنىمىزغا كەلگىلى ئۇنىمايۋاتقان %30  مائاشىمىزمۇ بىزنى ئىگىپ خىزمەتنى ئويلىيالماس ،تۇرمۇش ھەلەكچىلىكىدە باش كۈتۈرەلمەس قىلىپ قويدى،بۇ دەردىمىزگە دەرمان بولغايسىلەر.ئۆچكە جان قايغۇسىدا،قاسساپ ياغ قايغۇسىدا.
مەنبە: باغداش تورى. بايقاش ئوقۇتقۇچىلار كۆپ توپلاشقا مائارىپ تورى بولغانلىقى ئۈچۈن بايقاشقا قايتا يوللاندى.

بەختىيار(بايقاش

توۋا،مۇشۇنداق ئىشلارمۇ بار ئىكەن-ھە! ئۇ نائىنسابلار مەكتەپنىڭ پۇلنى يىگىنى ئاز كېلىپ،جاپاكەش ئوقۇتقۇچىلارنىڭ ئازغىنە مۇئاشىغا چاڭ ساپتۇ...بۇ قىلمىشلارنىڭىمۇ سورىقى بار.

بايقاش

بۇ مەسىلە ھەقىقەتەن مەۋجۇت، ھازىرغىچە نەچچە يۈرۈش قىممەت باھالىق مەكتەپ فورمىلىرى كەلتۈرۈلدى. لېكىن ھەممىسى ئىشىكىدىن توقۇمى يۇغان، تىكىلىش ۋە رەخت سۈپىتىگە قاراپلا باھا بىرەلەيسىز. ئاخىرى بولماي ئۆزىمىز باشقتىن سېتىۋېلىپ مەكتەپ فورمىسى قىلىپ كىيىۋاتىمىز.

سەييارە0

بۇ مەسىلە ھەقىقەتەن مەۋجۇت،بىزنىڭ ناھيەدىكى مەلۇم يىزدىمۇ مۇشۇنداق ئىشلار بولغان،ئەكەلدۇرگەن كىيىملىرىنىڭ بەزسى چوڭ،بەزىللىرى كىچىك،رەختىنغۇ دىمەيلا قۇياي،قاچانمۇ تۇگەر مۇشۇنداق سېلىقلار.

★parixta★

توۋا !جاپاكەش ئوقۇتقۇچىلارنىڭ مائاشى باشقىلارنىڭ  چۆنتىكىنى توملايدىغان بايلىق كانىغا ئايلىنىپ قالغان ئوخشىمامدۇ؟‹‹مەكتەپ فورمىسى ››دىگەن چىرايلىق نام ئۇلارنىڭ رەزىل مەخسىتىنى  يوشۇرۇشتىكى ۋاستىسى بوپتۇ.....بىزغۇ مەيلى بوپتۇ خەجلەپ بۇلالمىغىدەك 2000(ئىككى مىڭ) يۈئەن مائاشىمىز بولغاندىكىن.لېكىن ئوقۇغۇچىلىرىمىزمۇ بۇ قىسمەتتىن خالى قالمىدى.ئۇلارمۇ ‹‹بېيىپ›› كەتتى.يازلىق پورمىسى قىزىل،كۆك،قارا،ئاق تۆت يۈرۈش قىشلىقى تۈت يۈرۈش ،يەنە تېىخى يېڭى رەڭلىكلىرى يولدا كىلىۋاتقانمىش!
..............................

ئىلغار

زادى پۇلغا تويمىدى بۇ خەخ !بىزنىڭ يېزىدىمۇ شۇنداق،بۇنداقلا  ئاستا ئاستا بۇرنىغا يەپ ، يىگەننى قۇسۇپ، بىركۈنىمەس- بىركۈنى تۈزۈلۈپ قالار بۇ جەمىيەت