سامساقنىڭ دورىلىق رولىنى بىلەمسىز؟

مەرىپەت

   
                                               سامساقنىڭ دورىلىق رولىنى بىلەمسىز؟

  سامساقنىڭ تەركىبىدە ئاقسىل، ماي، شېكەر ۋە ۋىتامىن  C,B,A  قاتارلىقلار مول بولغاندىن سىرت ، يەنە كېسەللىكنىڭ ئالدىنى ئالىدىغان ، كېسەللىكنى داۋالايدىغان بىر خىل تەركىپ- سامساق مادددىسى بار. بىراق پىشۇرۇلغان سامساقنىڭ ئۈنۈملۈك تەركىبى ئاساسىي جەھەتتىن بۇزغۇنچىلىققا ئۇچرايدۇ. شۇڭا، ئۇ تىگىشلىك رولىنى جارى قىلدۇرۇلمايدۇ، شۇڭلاشقا سامساقنى خام يېيىش كېرەك. دورىلىق ئۈچۈن ئىشلىتىدىغان سامساق ئوبدان باش ئالغان ، ئۇزۇن ساقلانغان بولسا ئۈنۈمى شۇنچە ياخشى بولىدۇ. تۆۋەندە سامساق بىلەن كېسەل داۋالاش ئۇسۇللىرىنى تۇنۇشتۇرىمىز:
  
  1. ئۈچەي ياللۇغى ، تولغاقنى داۋالاش: 15~20 گرام سامساقنى سوقۇپ ، يۇمشاتقاندىن كېيىن ، سوغۇق قايناقسۇ بىلەن ھەركۈنى ئەتىگەن ، كەچتە بىر ۋاختىن ئىچىلىدۇ.

  2. سوزۇلما خاراكتېرلىك جىگەر ياللۇغىنى داۋالاش: سامساقتىن بىر-ئىككى باشنى يۇمشاق سوقۇپ، ماش شورپىسىغا ئاق شېكەر بىلەن قوشۇپ سېلىپ ، سوۋۇتۇپ كۈنىگە ئىككى قېتىم ئىچسە بولىدۇ.

  3. ئۆپكە تۇبېركۇلوزىنى داۋالاش: 15 گرام سامساقنى ئەزگەندىن كېيىن ، بىر دانە تۇخۇمنى قايناۋاتقان سۇغا چېقىپ ( شېكەر ياكى تۇز سېلىشقا بولىدۇ) ،  سۇ ئىلمان بولغان چاغدا ئېزىلگەن سامساقنى سېلىپ ئەتىگەن، كەچتە بىر قېتىمدىن ئىچسە بولىدۇ.

  4. كۆكيۆتەلنى داۋالاش: 6 ~10 گرام سامساقنى ئېزىپ ، قايناقسۇ قوشۇپ بىر كېچە تۇرغۇزغاندىن كېيىن ، ئۇنىڭغا شېكەر سېلىپ كۈنىگە ئۈچ قېتىم ئىچسە بولىدۇ.

  5. زۇكامدىن بولغان باش ئاغرىش، بۇرۇن ئىتىلىپ قېلىش، مۇزلاش، قىزىش ئەھۋاللىرى كۆرۈلسە:  سامساقنى سوقۇپ، سۈيىنى چىقىرىپ ئون ھەسسە سۇ قوشۇپ، بىر كۈندە بىرقانچە قېتىم بۇرۇنغا تېمىتسا بولىدۇ.  10 گرامدىن سامساق ، سۇڭپىيازنى ئېزىپ ، قايناقسۇغا قارا شېكەرنى ئارىلاشتۇرۇپ ئىسسىقىدا ئىچسە بولىدۇ.

  6. ئۆتكۈر بۇرۇن ياللۇغى، بۇرۇن بوشلۇقى ياللۇغىنى داۋالاش: سامساقنى ئېزىپ سۈيىنى  چىقىرۋەتكەندىن كېيىن ، ئىككى ھەسسە ھەسەل قوشۇپ، ئۇنىڭغا پاختىنى چىلاپ، بۇرۇن بوشلۇقىغا تىقسا بولىدۇ.

  7. يۇقىرى قان بېسىمىنى داۋالاش: 500 گرام يالغۇز باشلىق سامساقنى شېكەر ئارىلاشتۇرۇلغان ئاچچىقسۇغا 15~ 20 چىلاپ قويغاندىن كېيىن، ھەر كۈنى ئەتىگەندە ئاچ قورساق ۋاقىتتا 10 گرام سامساق ، ئىككى قوشۇق ئاچچىقسۇ ئىستېمال قىلىدۇ. يېرىم ئاي بىر داۋالاش جەريانى بولىدۇ. بۇ ئۇسۇل بىلەن قان بېسىمىنى چۈشۈرگىلى بولۇپلا  قالماستىن ، يەنە دەم سىقىلىش، سوزۇلما خاراكتېرلىك نەپەس ياللۇغى ، جاھىل يۆتەللەرنىمۇ داۋالىغىلى بولىدۇ.

  مەنبە: ‹‹ئەڭ ياخشى دوختۇر-ئۆزىڭىز›› نامىلىق كىتاپتىن ئېلىندى.

سەييارە0

سامساقنىڭ شىپالىق رۇلنى بىلدۇرگىنىڭىزگە كوپ رەخمەت.