ھايۋان
مۇئەللىم:پۇتۇڭغا نېمە كىيىۋالدىڭ؟
ئوقۇغۇچى:خۇرۇم ئاياق.
مۇئەللىم:قېنى،دەپباقە،خۇرۇم نەدىن كەلگەن؟
ئوقۇغۇچى:........
مۇئەللىم:سېنى خۇرۇم ئاياق بىلەن تەمىنلىگەن زادى قايسى ھايۋان دەۋاتىمەن؟
ئوقۇغۇچى:دادام.
باشقىلارنىڭ...
ماتىماتىكا ئوقۇتقۇچىسى:ئەگەر ئىشتىنىڭنىڭ بىر يانچۇقىدىن100يۈەننى،يەنە بىر يانچۇقىدىن200يۈەننى تېپىۋالساڭ،ئۇ ھالدا جەمئىي قانچە يۈەن تېپىۋالغان بولىسەن؟
ئوقۇغۇچى:باشقىلارنىڭ ئىشتىنىنى كىيىۋالغان ئوخشايمەن،مۇئەللىم.
كۆزەينەكلىك يىلان
دادىسى:ئەگەر كۆزەينەكلىك يىلانغا ئۇچراپ قالساڭ قانداق قىلىسەن؟
ئوغلى:تاش بىلەن كۆزەينىكىنى چېقىۋېتىپ قېچىپ كېتىمەن.
مۇھەببەت خېتى
-سۆيۈملۈكۈم،مەن سىزنى سۆيىمەن،سىز بىلەن توي قىلىشنى تولىمۇ ئارزۇ قىلىمەن.ئەگەر قوشۇلسىڭىز جاۋاب قايتۇرۇڭ،قوشۇلمىسىڭىز بۇ خەتنى دوستىڭىز مارىيەگە بېرىپ قويۇڭ.
ئۇنتۇغاق
بىمار:ئەستە تۇتۇش قابىلىيىتىم بەكلا ئاجىزلاپ كېتىپ بارىدۇ.
دوختۇر:قايسى دەرىجىدە؟
بىمار:قاراڭ دوختۇر،ئاشخانىغا تاماق يېگىلى كىرگەندە پۇل تۆلەشنى،ئاپتوبوسقا چىققاندا بېلەت ئېلىشنى ئۇنتۇپ قالىدىغان بولۇپ قالدىم.
دوختۇر:كېسىلىڭىزگە دىئاگنوز قويۇشتىن ئاۋۋال داۋالاش ھەققىنى تۆلىۋېتىڭ.
چۈشەنمەيدۇ
ئىككى ئاغىنە مەيخانىدا ھاراق ئىچىشىپ ئولتۇرۇپ،بىرى يەنە بىرىگە دەپتۇ:
-ئايالىم مېنى پەقەت چۈشەنمەيدۇ،سېنىڭ ئايالىڭچۇ؟
-بىلمەيدىكەنمەن،ئايالىم ئەزەلدىن سېنى تىلغا ئېلىپ باقمىغان.
سالام خەت
روھىي كېسەللەر دوختۇرخانىسىدىكى بىر بىمار سالام خەت يېزىۋاتقانىكەن،سېستىرا ئۇنىڭدىن سوراپتۇ:
-كىمگە خەت يېزىۋاتىسەن؟
-ئۆزۈمگە.
-نېمىلەرنى يازدىڭ؟
-خەتنى تېخى تاپشۇرۋالمىغان تۇرسام،نېمىلەرنىڭ يېزىلغىنىنى مەن نەدىن بىلەي.
ئاز سۆزلەش
جون:ئايالىڭىزقانداق چاغدا ئاز سۆزلەيدۇ؟
ھېنرى:2-ئايدا.
جون:نېمىشقا؟
ھېنرى:2-ئاي28كۈن ئەمەسمۇ؟ | 
شۆھرەت
تۆھپە
تىللا
قىزغىنلىق
ۋاقتى: 2013-2-24 23:44:33
ئىگىسى
