بالىلارغا يېمەكلىك تەييارلىغاندا، نۇرغۇن ئانىلار ئاساسلىقى يېمەكلىكنىڭ ئوزۇقلۇق قىممىتى ۋە تەمىگە ئەھمىيەت بېرىدۇ، ئەمما بەزى يېمەكلەرنى بالىلارغا بەرمىگەن ياخشى، چۈنكى بۇنداق يېمەكلىكلەر بالىلارنى بارغانچە «دۆت» قىلىۋېتىدۇ، ئانىلار شۇنىڭغا دىققەت قىلىشى كېرەككى، ھېچقانداق خەتىرى يوقتەك كۆرۈنگەن يېمەكلىكنىڭ ھېچقانداق خەتىرى يوق بولىشى ناتايىن.

تۆۋەندىكى بەش خىل يېمەكتىن قاتتىق ھەزەر ئەيلەڭ:

1. تەركىبىدە پېروكسد بولغان مايلىق يېمەكلىكلەر

تەركىبىدە پېروكسىد بولغان مايلىق يېمەكلىكلەر چوڭ مىڭىنىڭ بالدۇر قېرىشى ۋە دېۋەڭلىكنى كەلتۈرۈپ چىقىرىپ، چوڭ مىڭىنىڭ يېتىلىشىگە بىۋاسىتە تەسىر كۆرسىتىدۇ.

سۈر گۆش، ئىسلانغان بېلىق قاتارلىق 200 سېلسىيە گرادۇستىن يۇقىرى قىزىقلىقتىكى مايدا قورۇلغان ياكى ئۇزۇن مەزگىل ئىسلانغان يېمەكلىكلەرنىڭ تەركىبىدە پېروكسىد ماددىسى بىر قەدەر يۇقىرى بولغاچقا ئاتا-ئانىلار بالىلارغا بۇنداق يېمەكلىك ئاز يىگۈزۈشى كېرەك.

2. تەركىبىدە قوغۇشۇن بولغان يېمەكلىكلەر

تىببىي تەتقىقاتلاردا كۆرسىتىلىشىچە، قوغۇشۇن مېڭە ھۈجەيلىرىنى ئۆلتۈرۈپ، مېڭىنى زەخىملەندۈرىدۇ. قوناق ئېتىلدۇرمىسى، ھاك بىلەن پىشۇرۇلغان تۇخۇم، پىۋا قاتارلىقلارنىڭ تەركىبىدە قوغۇشۇن بىر قەدەر كۆپ بولغاچقا، ئاتا-ئانىلار بالىلارغا بۇنداق يېمەكلىك ئاز يىگۈزۈشى كېرەك.

3. تەركىبىدە ئاليۇمىن بولغان يېمەكلىكلەر

بالىلارغا دائىم تەركىبىدە ئاليۇمىن بولغان يېمەكلىكلەرنى بەرگەندە، بالىلارنىڭ ئەستە تۇتۇش قابىلىيىتىنى تۆۋەنلىتىپ، ئىنكاسىنى ئاستىلىتىۋېتىدۇ ھەتتا دېۋەڭلىكنى كەلتۈرۈپ چىقىرىشىمۇ مۇمكىن. شۇڭا ئاتا-ئانىلار بالىلىرىغا پىلتە قۇيماق، قۇيماق قاتارلىق تەركىبىدە ئاليۇمىن بىر قەدەر كۆپ بولغان يېمەكلىكلەرنى ئاز يىگۈزۈشى كېرەك.

4. زىيادە تۇزلۇق يېمەكلىكلەر

زىيادە تۇزلۇق يېمەكلىكلەر يۇقىرى قان بېسىم، ئارتېرىيە قېتىشىش قاتارلىق كېسەللىكلەرنى كەلتۈرۈپ چىقىرىپلا قالماستىن، يەنە ئارتېرىيە قان-تومۇرلىرىنى زەخىملەندۈرۈپ، مېڭە توقۇلمىلىرىنىڭ قان بىلەن تەمىنلىنىشىگە تەسىر كۆرسىتىپ، مېڭە ھۈجەيرىلىرىگە قان ۋە ئوكسىگېن يېتىشمەسلىكنى كەلتۈرۈپ چىقىرىشى مۇمكىن، بۇ ھەم ئەستە تۇتۇش قابىلىيىتىنىڭ تۆۋەنلىشى، ئەقلىي قابىلىيىتىنىڭ ئاستا بولىشىنى پەيدا قىلىدۇ. ئادەم تىنىنىڭ تۇزغا بولغان ئېھتىياجى قۇرامىغا يەتكەنلەر كۈنىگە يەتتە گرامدىن تۆۋەن، بالىلار كۈنىگە تۆت گرامدىن تۆۋەن بولىشى كېرەك. كۈندىلىك تۇرمۇشتا ئاتا-ئانىلار بالىلىرىغا تۇزلىغان سەي دېگەندەك تۇزلۇق يېمەكلىكلەرنى ئاز بېرىشى كېرەك.

5. تېتىتقۇسى كۆپ بولغان يېمەكلىكلەر

تىببىي تەتقىقاتلاردا كۆرسىتىلىشىچە، ئاياللار ئەگەر ھامىلىدار مەزگىلىدە دائىم تېتىتقۇسى كۆپ يېمەكلىكلەرنى يېگەندە ھامىلىنىڭ سىنك ماددىسىنىڭ كام بولىشى كېلىپ چىقىدۇ، بىر ياشتىن تۆۋەن بالىلار تېتىتقۇسى كۆپ يېمەكلىكلەرنى يېگەندە مېڭە ھۈجەيرىلىرىنىڭ ئۆلىشىنى كەلتۈرۈپ چىقىرىشى مۇمكىن. دۇنيا سەھىيە تەشكىلاتى مۇنۇلارنى ئوتتۇرىغا قويدى: قۇرامىغا يەتكەنلەرنىڭ كۈنىگە ئىستېمال قىلىدىغان تېتىتقۇسى تۆت گرامدىن ئېشىپ كەتمەسلىكى كېرەك. ھامىلىدار ئاياللار ۋە بىر ياشتىن تۆۋەن بالىلار تېتىتقۇ ئىستېمال قىلماسلىقى كېرەك. بالىلار چوڭ بولغاندىمۇ تەركىبىدە تېتىتقۇ بولغان يېمەكلىكلەرنى ئاز يېيىشى كېرەك.

(تەھرىر : admin)

• كىچىك بالىلار سۇ ئۈزگەندە نىمىلەرگە دىق
• ئائىلىدە بېسىم ئېغىر بولسا ، بالىلار ئا
• بېلىق يەپ بەرگەن بالىلار ئەقىللىق بولىد
• ئالىملار ئەمالار يېزىقىنى قولايلاشتۇرد
• بالىلارنىڭ يېمەكلىكلىرىمۇ بالىلارنىڭ د
• كالا سۈتى بىلەن بېقىلغان بوۋاقلارنىڭ ئى
• بالىلارغا ئىسسىقلىق چىققاندا...
• ئېرىمچىك بالىلارنىڭ چىشىنى قۇرت يېيىشى
• بالىلارنى دەم ئېلىش كۈنى كۆپرەك ئۇخلىتى
• ئوزۇقلۇقنىڭ ئېشىپ كېتىشى بالىلارنىڭ ئە
• سۇلياۋ ئورالمىلىق يېمەكلىكلەر بالىلارد
• ھاۋا بۇلغىنىشىنىڭ ئېغىرلىشىشى بالىلار
• بالىلارغا شاكىلاتنى كۆپ بەرمەڭ
• بالىلارنىڭ كانىيىغا نەرسە تۇرۇپ قالغان
• ئېلىمىزدىكى تاماكا چېكىدىغان ياش-ئۆسمۈ
• تېرە كېسىلى بار بالىلار سوغۇق ئىچىملىك