ئۇيغۇر مىللىتى ئۇزۇن زامانلاردىن بۇيان ، تاللاپ ئوزۇقلىنىش ئارقىلىق كېسەللىككە بولغان قارشىلىق كۈچىنى ئاشۇرغان ھەم بەزى كېسەللىكلەرنى داۋالاشنىمۇ بىلگەن . ئاسان ھەزىم بولۇپ ، تېز سۈمۈرۈلىدىغان ، قۇۋۋرىتى كۈچلۈك ، چوڭ – كىچىك ، ئەر – ئايال شۇنداقلا قېرى – ياش ھەممىسىنىڭ ئستېمال قىلىشىغا ماس كېلىدىغان بىر قەدىمىي تائام — ‹‹ كاللا چۆپى ›› بولۇپ ، بۇ ئاتۇش شەھىرىنىڭ سۇنتاغ يېزىسىغا تەۋە تۆركۆل كەنتىدىن شىنجاڭنىڭ ھەممە جايلىرىغا كېڭەيتىلگەن . ‹‹ كاللا چۆپى ›› گە كېرەكلىك ماتېرىياللار : شۇ كۈنى بوغۇزلىنىدىغان بىر قوينىڭ كاللا – پاچاقلىرى ، بۇغداي ئۇنى ( بىر ئادەمگە 150 گرام ) ، تۇز ، چامغۇر ( بىر – ئىككى كىلوگرام ) ، باشپىياز ( ئىككى تال ) ، سۇ ئېتىش ئۇسۇلى : ئالدى بىلەن قوينىڭ كاللا – پاچاقلىرى ئوتتا ئۈكلىنىپ ، پاكىز ئادالىنىدۇ . ئاندىن پاكىز يۇيۇپ ، سۇغا سېلىپ پىشۇرۇلىدۇ . پىشۇرۇش جەريانىدا ، سۇ قايناپ كۆپۈك چىققان ھامان ، كۆپۈك پاكىز ئېلىنىدۇ . ‹‹ پولو قورۇشتىن ، شورپا سورۇشتىن ئوخشايدۇ ›› دېگەندەك ، بۇ چۆپنىڭ تەملىك – تەمسىزلىكى كۆپۈكنى پاكىز ئېلىش – ئالماسلىقى بىلەن مۇناسىۋەتلىكتۇر . كۆپۈك پاكىز ئېلىنىپ بولغاندىن كېيىن ، دۈملەپ پىشۇرۇلغان قوي كاللا – پاقالچاقلىرىنىڭ تۆۋەندىكى جاغ سۆڭىكى ئايرىلغاندا چامغۇر ياپىلاق توغراپ سېلىنىدۇ . پىشقاندا سۈزۈپ ئېلىپ ، كاللا – پاقالچاقلارنىڭ تۆۋەندىكى جاغ سۆڭىكى بىلەن قۇتىسى ( كاللىنىڭ ئىچىدىكى گۆشى ) نىڭ بىر قىسمى چۆپنىڭ ئۈستىگە سېلىشقا ئايرىپ قېلىنىپ ، قالغانلىرى يېيىشكە سۇنۇلىدۇ . نېپىز يېيىلىپ پىشۇرۇلىدۇ . ئاش پىشاي دېگەندە باشپىياز ئۇششاق توغراپ چويلىغا سېلىنىپ قايناۋاتقان چۆپ پىشقاندا تاۋاققا ئېلىپ ، ئۈستىگە ئايرىۋالغان گۆشلەر ئۇششاق توغراپ سېلىنىدۇ . تەھىرلىگۇچى:بەشتاش
|
