مەكىت ناھىيەسىدە يۈز بەرگەن يەر تەۋرەشتە 378 ئادەم ئاپەتكە ئۇچرىدى، 54 ئېغىز ئۆي ئۆرۈلۈپ چۈشتى

    قەشقەر ۋىلايەتلىك خەلق ئىشلىرى ئىدارىسىنىڭ تونۇشتۇرۇشىچە ، تەۋرەش مەركىزى مەكىت ناھىيە بازىرىدىن 71 كىلومېتىر، قەشقەر شەھىرىدىن 197 كىلومېتىر ، مارالبېشى ناھىيەسىدىن 57 كىلومېتىر يىراقلىقتا بولۇپ ، مەكىت ناھىيەسىنىڭ بازار جەمى يېزىسى ، مارالبېشى ناھىيەسىنىڭ ئاقساقمارال يېزىسى ، سېرىقبۇيا بازىرى ۋە ئەتراپتىكى رايونلاردا كۈچلۈك تەۋرەش سېزىمى بولغان .

    نۆۋەتتە ، يەرلىك ھۆكۈمەت ۋە خەلق ئىشلىرى تارماقلىرى ئاپەت يۈز بەرگەن نەق مەيدانلارغا بېرىپ ، ئاپەت ئەھۋالىنى تەكشۈرۈپ ، ئاپەتتىن قۇتقۇزۇش خىزمىتىگە قوماندانلىق قىلىۋاتقان بولۇپ ، ئاپەتكە مۇناسىۋەتلىك تەپسىلىي ئەھۋاللار يەنىمۇ ئېنىقلىنىۋېتىپتۇ.