بالىياتقۇ ئىچىدە تۇرۇپ دوختۇرنىڭ قولىنى چىڭ تۇتۇۋالغان بوۋاق

قورساقنى يېرىپ بالا ئېلىش ئوپېراتسىيەسى قىلىۋاتقاندا، قىز بوۋاق قولىنى چىقىرىپ، دوختۇرنىڭ قول بارمىقىنى چىڭ تۇتۇۋالدى

     ئامېرىكا تاراتقۇلىرى، ئەنگىلىيە «كۈندىلىك پوچتا گېزىتى» 4 – يانۋار خەۋەر قىلىشىچە، ئامېرىكا ئارىزونا شىتاتى گېلەندەر شەھىرىدىكى ئېغىر ئاياق ئايال ئېلشىيا ئاتېكىنس يېقىندا دوختۇرخانىدا قورساق يېرىپ بالا ئېلىش ئوپېراتسىيەسى قىلدۇرغان، ئوپېراتسىيە قىلىنىۋاتقان چاغدا دوختۇر تېخى بۇ ئايالنىڭ قورسىقىدىكى بالىنى ئېلىشقا ئۈلگۈرمەي تۇرۇپلا، قىز بوۋاق ناھايىتى تەخىرسىزلىك بىلەن كىچىك قولىنى ئانىسىنىڭ بالىياتقۇسىدىن چىقىرىپ، دوختۇرنىڭ قولىنى چىڭ سىقىۋالغان، خۇددى دوختۇرغا «مېنى تېزرەك بۇ يەردىن چىقىرىۋېتىڭ!» دىگەندەك. قىز بوۋاقنىڭ دادىسى تېزدىن فوتو ئاپپاراتىنى ئېلىپ كېلىپ، قىز بوۋاقنىڭ ئانىسىنىڭ قورسىقىدا تۇرۇپ قولىنى چىقىرىپ، دوختۇرنىڭ قولىنى تۇتۇۋالغان، بۇ ئاز كۆرۈلىدىغان مەنزىرىنى سۈرەتكە تارتىۋالغان. بۇ سۈرەت ئاتېكىنس ئار ئايال تەرىپىدىن ئىجتىمائىي ئالاقە تورىغا تارقىتىلغاندىن كېيىن، ھازىر 2013 – يىللىق ئەڭ قىززىق تور سۈرەتلىرىنىڭ بىرىگە ئايلىنىپ قالغان.