جېجۇ دېڭىز ساقچىلىرى جۇڭگو بېلىقچىسىدىن يەنە ئىككى كىشىنىڭ جەسىتىنى تاپتى

جۇڭگونىڭ كورىيەنىڭ جېجۇدا تۇرۇشلۇق باش كونسۇلخانىسىنىڭ ئەمەلدارى تۈنۈگۈن كەچ ئاشكارىلاپ مۇنداق دېدى: جېجۇ دېڭىز ساقچىلىرى جۇڭگو بېلىقچىلىق كېمىسىنىڭ خادا تاشقا سوقۇلۇپ كېتىش ۋەقەسىدە بەختسىزلىككە ئۇچرىغان يەنە ئىككى كىشىنىڭ جەسىتىنى بايقىدى. ھازىرغىچە، بۇ خادا تاش ۋەقەسىدە 18 كىشى قۇتقۇزىۋېلىندى، 8 كىشى قازا قىلدى، باشقا 7 كىشىنىڭ ئىز-دېرىكى بولمىدى.

جۇڭگونىڭ جېجۇدا تۇرۇشلۇق باش كونسۇلى جاڭ شىن مۇنداق دېدى: جېجۇ ئارىلىنىڭ ۋەقە يۈز بەرگەن دېڭىز تەۋەلىكىدىكى تەيفىڭ بورىنى ئۆتۈپ كەتتى، ھاۋادا ياخشىلىنىش كۆرۈلدى، جېجۇ دېڭىز ساقچىلىرى پۈتۈن كۈچى بىلەن ئىزدەۋاتماقتا ۋە بەختسىزلىككە ئۇچرىغۇچىلارنىڭ جەسىتىنى ئىزدىمەكتە، ئاندا-ساندا كۆرۈلىدىغان چوڭ دولقۇن قۇتقۇزۇش خىزمىتىگە نۇرغۇن قىيىنچىلىقلارنى ئېلىپ كەلدى.

جاڭ شىن مۇنداق دېدى: قۇتقۇزىۋېلىنغان كېمە خادىملىرى سېگۋىپو شەھىرى ئەتراپىدىكى مېھمانخانىغا ئورۇنلاشتۇرۇلدى، ئارىسىدىكى بەش يارىدار دوختۇرخانىدا داۋالىنىۋاتىدۇ.