خاماس رافا چېگرا ئېغىزىنى قايتىدىن ئىككى تەرەپكە ئېچىۋېتىشنى تەلەپ قىلدى

شىنخۇا ئاگېنتلىقى،گازا،12-ئاۋغۇسىت تېلىگىراممىسى:

   پەلەستىن ئىسلام قارشىلىق كۆرسىتىش ھەرىكىتى خاماس 12-ئاۋغۇست مىسىر ھۆكۈمىتىدىن چېگرا تەكشۈرۈش پونكىتىنىڭ ھۇجۇمغا ئۇچراش سەۋەبىدىن ئېتىلىپ قالغان رافا چېگرا ئېغىزىنى قايتىدىن ئىككى تەرەپكە ئېچىۋېتىشنى تەلەپ قىلدى.

    گازا رايونىنى كونتىرول قىلىپ تۇرغان خاماس شۇ كۈنى بايانات ئېلان قىلىپ، گازا رايونىدىكى بىردىنبىر ئىسرائىلىيە كونتىرول قىلمايدىغان چېگرا ئېغىزى نەچچە مىڭلىغان ساياھەتچىلەرگە تەسىر كۆرسەتتى دېدى، بۇ پەلەستىندىكى سىرتقا چىقىپ داۋالىنىشقا، ئوقۇشقا ۋە سودا قىلىشقا ئېھتىياجلىق كىشىلەرنى ئۆز ئىچىگە ئالىدۇ. بىز رافا چېگرا ئېغىزىنى داۋاملىق تاقاپ قويۇشنىڭ ئاساسى يوق دەپ قارايمىز.

   5-ئاۋغۇست، مىسىرنىڭ سىناي يېرىم ئارىلىنىڭ شىمالى بىلەن گازا رايونى چېگرىداش جايدىكى رافا چېگرا ئېغىزىدىكى بىر تەكشۈرۈش پونكىتى قوراللىق ئۇنسۇرلارنىڭ ھۇجۇمىغا ئۇچراپ، 16 ئەسكەر قازا قىلغان، 7 كىشى يارىلانغان. ۋەقە يۈز بەرگەندىن كېيىن، مىسىر ھۆكۈمىتى رافا چېگرا ئېغىزىنى مۇددەتسىز تاقاشنى جاكارلىغان. ھازىرغىچە، گازا رايونىدىكى مىسىرغا بارىدىغان يولنى ئېچىپ باقمىدى.

ھەمبەھىرلىنىڭ