مېيىپ بوۋاي ھاسا تاياققا تايىنىپ يەر تېرىپ ئىككى نەۋرىسىنى ئوقۇتتى

ھاسا تاياققا تايانغان مېيىپ بوۋاي يەرگە ئۇرۇق سالماقتا

   بىر پۇتى ناكا مېيىپ بوۋاي غەيرەتلىك بوۋاي ھاسا تاياققا تايىنىپ يەر تېرىپ ئىككى نەۋرىسىنى ئوقۇتقان .
پۇ شىڭچۈەن بولسا چۇڭچىڭدىكى ئۇزۇن ئۆمۈر كۆرۈش رايونى يۈنتەي بازىرى مېيتو كەنتلىك ، 1977 - يىلى ، 23 ياش ۋاقتىدا ئەترەت بىلەن ئىشلىگىلى چىققاندا ئېھتىياتسىزلىقتىن تىك ياردىن تېيىلىپ چۈشۈپ كېتىپ ئوڭ پۇتىنى كىسۋىتىلگەنكەن . پۇ بوۋاي نۇرغۇن جاپا-مۇشەققەتلەر بىلەن ئوغۇللىرىنى بېقىپ قاتارغا قوشۇپ ئۆيلۈك-ئوچاقلىق قىلغانىكەن ، كىم بىلسۇن دەيسىز نەۋرىلىرىمۇ پۇ بوۋايغا قالدى ، تۇرمۇشى تەستە ئۆتۈپ كېتىۋاتقان بۇ بوۋايغا بۇ جاپانىڭ باشلىنىشنى بولۇپ قېلىشىنى كىممۇ ئويلىغان .
2001 - يىلى چوڭ ئوغلى پۇدەيچىياۋ راك كېسىلى بىلەن قازا قىلغان ، ئىككىنچى يىلى چوڭ ئوغلىنىڭ ئايالى قايتىدىن تۇرمۇشقا چىققان ،  تۆت ياشلىق نەۋرىسى پۇلىپىڭ بوۋاي موماي ئىككىيلەنگە قالغان . ئۇزاق ئۆتمەي ئىككىنچى كېلىنى نامراتلىققا چىدىماي ئوغلى پۇۋېينى تاشلاپ كەتتى . ئىككىنچى ئوغلى پۇشىياۋجىياڭ ئاچچىقىدا ئۆينى تاشلاپ سىرتقا ئىش ئىزدەپ چىقىپ كەتكەن ، شۇ كەتكىنىچە ھېچقانداق خەۋىرىمۇ بولمىغان .
موماي قىزىلئۆڭگەچ راكى بىلەن ئۆلۈپ كەتكەندىن كىيىن بۇ ئۆينى قامداش پۇ بوۋاينىڭ زىممىسىگە يۈكلەندى . ئىككى نەۋرىسىنى بېقىش ئۈچۈن پۇ بوۋاي ھاسىغا تايىنىپ پۈتۈن كۈچى بىلەن  يەر تېرىغان . پۇ بوۋاي بىر قېتىم پۇ بوۋاي مايسا تىكىۋاتقاندا سول پۇتى پاتقاققا پېتىپ قېلىپ سۇلۇق ئېتىزلىقتا پۇتىنى مىدىرلىتالماي قالغان . ئىككى نەۋرىسى يېرىم كۈن ھەپىلىشىپمۇ پۇ بوۋاينى پاتقاقتىن تارتىپ چىقىرالماي سۇلۇق ئېتىزدا زوڭزىيىپ ئولتۇرۇپ ھۆڭرەپ يىغلاپ كەتكەن . بوۋاي ۋە ئىككى نەۋرە ئۈچەيلەن سۇلۇق ئېتىزلىقتا بىر سائەتكە يېقىن تۇرغاندىن كىيىن يولدىن ئۆتۈپ كېتىۋاتقان شۇ يېزىلىق كىشىلەر تەرىپىدىن تارتىپ چىقىرىۋېلىنغان .
 پۇ بوۋاينى خۇشال قىلىدىغىنى ئىككىلا نەۋرىسى ئىنتايىن غەيرەتلىك  چىداملىق بولۇپ ، ئوقۇش نەتىجىسىمۇ ياخشىكەن .  ئۇلارنى كىچىك دېمەڭ ، چوڭى بۇ يىل 12 ياش ، كىچىكى  8ياش ، ئۇلار پۇ بوۋاينىڭ قابىل كىچىك ياردەمچىلىرى ، سۇ تۇتۇش ئوغۇت توشۇش ، ئېتىزلىقتىكى ياۋا ئوتلارنى يۇلۇش قاتارلىقلارنىڭ ھەممىسىنى ئۇ ئىككى شاكىچىكلەر تالىشىپ قىلىدىكەن .
 

ھەمبەھىرلىنىڭ