ئەنگلىيە «كۈندىلىك پوچتا گېزىتى» نىڭ خەۋىرىگە قارىغاندا، ئەنگلىيەلىك بىر يىگىت ئالدىنقى ئايدا دۇنيادىكى ئەڭ كىچىك ماشىنا ئۆي لاھىيلەپ چىققان. ئۇنىڭ ئۇزۇقلۇقى ئارانلا 2 مېتىر بولسىمۇ، لىكىن ئۆيگە 19 ديۇيملۇق تېلېۋىزور، قاچا-قۇچا، كىتاپ ئىشكابى، كارۋات، سىمسىز قۇڭغۇراقلىق سائەت قاتارلىقلار بار ئىكەن.
QTvan دەپ ئاتىلىدىغان بۇ ماشىنا ئۆينى يانىك رەد لاھىيلىگەن بولۇپ، قىممىتى 5500 فوند ستېرلىڭ ئىكەن.
ئېيتىشلارغا قارىغاندا، بۇ كىچىك ماشىنا ئۆي بىر موتسىكىلىت ۋە بىر چاتما ئۆيدىن تۈزۈلگەن بولۇپ، ئەڭ يوقىرى تېزلىكى 3.2Km/h ئىكەن، قىسقا ئارىلىقلارغا ئىشلىتىشكە ماس كېلىدىكەن.

رېكنىڭ دىيىشىچە، QTvan ئىنگىلىزچە queuing (ئۆچرەتتە تۇرۇش)، tea (چاي) ۋە caravan (ماشىنا ئۆي) دىگەن سۆزلەرنىڭ قىسقارتىلمىسىنى بىرىكتۈرۈش ئارقىلىق ياسالغان ئىكەن. ئەنگلىيە موھىت ترانسپورت جەمئىيىتى ئۇنىڭ بۇ لاھىيەسىنى كۆرۈپ ناھايىتى خۇشال بولغان، ھەمدە موتسىكلېت ئىشلىتىدىغان  220 مىڭ كىشىنىڭ بۇ خىل ماشىنا ئۆيى سېتىۋېلىش ئېھتىماللىقى بارلىقىنى پەرەز قىلىشقان.
نۆۋەتتە، ئاساسىي ئەسلىھەلەردىن باشقا، يەنە قوياش ئېنېرگىيە تاختىسى، گۈدۈك، ئارقىنى كۆرۈش ئەينىكى، سۈنئىي ھەمراھ تېلېۋىزىيە قوبۇللىغۇچ، ئويۇن ئويناش ئۈسكۈنىسى، ئىسستىش سېستىمىسى، ماشىنا سىرتىغا ئورۇنلاشتۇرۇلىدىغان يۈك-تاق جاۋىنى قاتارلىقلارنى تاللاپ ئورنىتىشقا بولىدىكەن.
ئەنگلىيە موھىت ترانسپورت جەمئىيىتىنىڭ باياناتچىسى رىدنىڭ دىيىشىچە، موتسىكلىت ئىشلىتىدىغانلار بارغانسىرى كۆپەيمەكتە، مەن دەسلەپتە بۇ خىل لاھىيەنى كۆرگەندە، ئەگەر بۇنىڭ توكى قالمىسا، ئەنئەنىۋىي موتسىكلىتلاردەك ئادەم چاقىرىپ كېلىپ ئىتتىرىشنىڭ ھاجىتى يوقلىقىنى، توك قاچىلاپلا داۋاملىق مېڭىۋەرسە بولىدىغانلىقىنى ئويلىدىم، بۇنىڭدا يەنە كىشىلەر ئۇخلىسىمۇ بولىدىكەن.