جۇڭگو خەۋەرلەر تورىنىڭ 27-ماي يوللىغان تېلگىراممىسى:ئەنگىلىيە رادىئو شىركىتىنىڭ 26-ماي خەۋەر قىلىشىچە، ئامېرىكا ھەربىي دائىرىلىرى پاكىستاندىن بىر قىسىم ئەسكەرلىرىنى چىكىندۈرىدىغانلىقىنى جاكارلىدى. بەش بۈرجەكلىك بىنا،  پاكىستان ھۆكۈمىتى ئامېرىكىنىڭ پاكىستاندا تۇرۇشلۇق ئەسكىرىنى ئازايتىشنى تەلەپ قىلغانلىقىدىن، بىر قىسىم ئەسكەرلىرىنى چىكىندۈرىدىغانلىقىنى بىلدۈردى.
     پاكىستان ھۆكۈمىتى ئامېرىكا ئالاھىدە قىسىمى مۇشۇ ئايدا بىن.لادېننى ئۆلتۈرگەندىن كېيىن، ئامېرىكىدىن ئەسكەرلىرىنى ئازايتىشنى تەلەپ قىلغان ئىدى.
      ئامېرىكىنىڭ 200 دىن ئارتۇق ئەسكىرى پاكىستاندا شۇ يەرلىك ئەسكەرلەرنى مەشىق قىلدرۇرۇشقا ياردەم قىلىۋېتىپتۇ. بۇنىڭدىن باشقا  پاكىستاندا يەنە بىر قىسىم مەركىزى ئاخبارات ئىدارىسى خادىملىرى ۋە ئالاھىدە ھەركەت قىسىمى خادىملىرىمۇ بار ئىكەن.
     ئامېرىكا ھەربىي تەرەپ باياناتچىسى ئۆتكەن ئىككى ھەپتىدە پاكىستان تەرەپ ئامېرىكىدىن ئەسكەرلىرىنى ئازايتىشنى تەلەپ قىلغانلىقىنى، ئامېرىكا تەرەپنىڭ ئەسكەر چىكىندۈرۈشنى قارار قىلغانلىقىنى بىلدۈردى. بىراق ، ئامېرىكا چىكىندۈرىدىغان ئەسكەرلەر ئىچىدە پاكىستاندىكى ئامېرىكىنىڭ مەركىزى ئاخبارات ئىدارىسىنىڭ خادىملىرى ۋە ئالاھىدە ھەركەت ئەتىرىتى خادىملىرى بارمۇ-يوق؟ بۇنىسى ھازىرغىچە ئېنىق ئەمەس ئىكەن.
     بىر قىسىم ئامېرىكا ھەربىيلىرى پاكىستاننىڭ ئامېرىكا تەرەپتىن ئەسكەرلىرىنى ئازايتىشنى تەلەپ قىلىشىنى ئامېرىكا ئالاھىدە ھەركەت ئەتىرىتىنىڭ بىن.لادېننى ئۆلتۈرگەنلىكىدىن نارازى بولغانلىقىنى بىشارىتى، دەپ قارايدىكەن.
   ئامېرىكا-پاكىستان مۇناسىۋىتى ئىزچىل مۇرەككەپ بولۇپ كەلمەكتە.