جۇڭگو ئاخبارات تورى ، 19–ئىيۇل تېلېگراممىسى: چەت ئەل ئاخبارات ۋاستىلىرىنىڭ خەۋىرىدىن قارىغاندا ، ئامېرىكا ھۆكۈمىتى 18–ئىيۇل ئەنگىلىيە نېفىت شىركىتىدىن مېكسىكا قولتۇقىدىكى نېفىت ئېقىپ چىققان قۇدۇق ئەتراپىدىكى ‹‹نېفىت ئېقىۋاتقان يېڭى نۇقتا›› ۋە ‹‹بىنورمال ئەھۋال›› لارنى دوكلات قىلىشنى تەلەپ قىلغان .
 
   15–ئىيۇل ، ئەنگىلىيە نېفىت شىركىتى مېكسىكا قولتۇقىدىكى نېفىت ئېقىپ كېتىش ھادىسىسى يۈز بەرگىنىگە ئۈچ ئاي بولاي دېگەندە، يېڭى نېفىت توسۇش قۇرۇلمىسىنىڭ سۇ ئاستىدىكى نېفىت ئېقىپ چىقىۋاتقان تۇرۇبا ئېغىزغا ئوڭۇشلۇق قاپلانغانلىقىنى ، ‹‹خام نېفىتنىڭ مېكسىكا قولتۇقىغا ئەمدى ئېقىپ كىرەلمەيدىغانلىقى›› نى جاكارلىغان ئىدى.
   ئەنگىلىيە نېفىت شىركىتى نېفىت ئېقىۋاتقان قۇدۇققا قارىتا ‹‹نېفىت قۇدۇقى مۇكەممەللىك سىنىقى›› ئېلىپ بارغاندىن كېيىن ، بۇ نەتىجىنى ئېلان قىلغان . بۇ شىركەت 10–ئىيۇل ئېقىۋاتقان نېفىتنى تىزگىنلەش كونا قۇرۇلمىسىنى چۇۋۇپ ئېلىۋېتىپ ، ھازىرقى تىزگىنلەش قاپقىقىنى ئورناتقان ئىدى .