سۈنزىنىڭ ھەربىي ئىشلار دەستۇرى ۋە ھازىرقى زامان كارخانا باشقۇرۇش

903

ھازىرقى زامان ئىقتىسادىي پائالىيەتلىرى قانۇنلۇق،ئادىل ھەم ئاشكارا بولۇشى شەرت،مۇناسىۋەتكە تايىنىش،ئالدامچىلىق ۋە سۈيقەست قىلىشلارنىڭ ھەممىسى

ماۋۇ خەقلەر بىلەن ياشاپ بۇلارنىڭ ئادەتلىرى بۇيۇنچە ئىش بىجىرىپ بۇلارنىڭ دۇنيا قارىشىنى ئۇزىگە دۇنيا قانۇنىيىتىدەك سىڭدۇرۋالغان كىشىلەرگە گەپ قىلىش ئارتۇقچە . بۇلارنىڭ بۇ ئاتالـمىش تەلىماتلىرى جۇڭگۇدا يۇرۇشكىنى بىلەن چەتەلدە ئەخلەتنىڭ ئورنىدا سانىلىدۇ  چەتەللىكلەر ھەتتا بۇنداق ھىلە مىكىرنى قاتتىق  يامان كۇرىدۇ .
بۇ توغۇرلۇق دەپ كەلسەك مىساللار كۆپ
ئەڭ ئاددىسى  كۇرىۋاتىمىز  جۇڭگۇدىن  چىققان سايائەتچىلەرنىڭ بىر برىگە قانداق ھىلە ئىشلىتىپ بىر بىرىنىڭ  ئورنىنى قانداق ئىگىلىۋېلىپ بارغانلىغىنى  ئاخىرى  ئۇلار ئوتتۇرسىدا قانداق جىدەل ماجىرا چىقىپ  باشقىلارنىڭ قانداق نەپىرىتىنى قوزغاۋاتقانلىغىنى كۇرىۋاتىمىز   .  جۇڭگۇدىن چىققانلارنىڭ  ئازىراق پايدىنى دەپ چەتەلدە قىلىپ يۇرگەن ئىنسانغا يات قىلـمىشلىرىنى . ھەممىسى ئۇزىنىڭ كىچىككىنە مەنپەئەتىنى دەپ  كىلىپ چىققان قىلـمىشلار كۇرىۋاتىمىز .  بۇنداق ئۇزىنىڭ مەنپەتنى دەپ باشقىلارنى پۇتلاش ۋە باشقىلارغا ئورا كولاش جۇڭگۇدا دانالىقنىڭ  ئەقىللىقلىقنىڭ سىمولى بولغان بىلەن چەتەلدە  ھەممە ئادام يىرگىنىدىغان بەت قىلىقلىق ھىساپلىنىدۇ .   

ئاشقىن

tadlax يوللىغان ۋاقتى  2016-2-16 17:05
ھەر قەۋىمنىڭ ئۆزگە چۇشلۇق ئەقىل پاراسىتى بولىدۇ. كۇڭز ...

    ئىختىيار قىلغانلارنىڭ سۈنزى تەلىماتىنى ئۆگىنىشى چەكلەنمىدى،ئۆگەنگىسى بارلار ئۆگىنىۋېرىڭلار.

ixtningkuqigi

..... ئاشقىن  ،  پۇتىن  ، ئابلىمىت   ئەپەندىلەرنىڭ    ئىنكاسلىرىنى  ئوقۇپ    ئاجايىپ  چوڭقۇر  خىياللارغا   كەتتىم  ... نىمە دىگەن  دانا پىكىر ، دانا  ئوي  خىياللار   ھە  ؟  مۇشۇنداق  ئىنكاسلارنىڭ  چۈشىشىگە  سەۋەپچى  بولغان  تېما  ئىگىسىگىمۇ  رەخمەت ......

niyaz1

لۇشۈن ئەپەندى ياشلارغا، كونا كىتابلارنى ئوقۇماڭلار، ھەممىسى ئەخلەت، زەھەر دەپ تەۋسىيە قىپتىكەن. لۇشۈن ئەپەندىنىڭ كۆزدە تۇتقىنى ئاشۇ كىلاسسىك كىتابلاردىكى ھىيلە-نەيرەڭلەر ياشلارنى زەھەرلىمىسۇن دېگەنلىككەندە.

elqut

ئاق مۇشۇك، قارا مۇشۇك، چاشقان تۇتقان خو مۇشۇك!
كۆپچىلىكنىڭ مۇنازىرىلىرى بەكمۇ قىزغىن بولىۋاتىپتۇ، لىكىن ھەيرانمەن؟ مۇنازىرە ئاپتورنىڭ ئوتتۇرىغا قويغان كارخانە باشقۇرۇش جەھەتتىكى تەھلىلى ۋە ئوتتۇرىغا قويغان قاراشلىرىنىڭ توغرا خاتالىقى، ئۇنىڭ ئەمەلىيەتتە قوللىنىش قىممىتى بار يوقلى، ئۇنىڭ كارخانە باشقۇرۇش جەھەتتە كۆرسىتىدىغان ئىجابى ياكى سەلبى تەرىپى توغرىسىدا بولماي، بەلكى قانداقتۇر بىز 1001 كىچە سەرىپ مۇنازىرە قىلساقمۇ قىلچە ئۆزگىرىش بولماي، ئات ئايلىخانغا، سۇ سايلىغانغا دەپ مېڭىۋېرىدىغان ئىككى مەسلەككە باھا بېرىش ۋە ئۇلارنى ئىككى رەتكە ئايرىش ئۈچۈن بولىۋىتىپتۇ.
مۇنازىرىلەردە گەرچە مەلۇم بىر مەسلەككە چوقۇنماسلىق، ئۆزىمىزنىڭ خاسلىقىنى گەۋدىلەندۇرۇش تەكىتلىنىۋاتقان بولسىمۇ، بىز يەنىلا بىر مەسلەكنى چەتكە قېقىپ يەنە بىر مەسلەككە چوقۇنۇش ئەھۋالى بولىۋېتىپتۇ.
كاللام ئاددى، بىلىم سەۋىيەرىم چەكلىك بولغاچقىمۇ بەزىدە ئويلاپ قالىمەن، بىز نىمە ئۈچۈن كۆپۈنچە ئەھۋاللاردا ئۆزىمىز ئۆزگەرتەلمەيدىغان ياكى پايدىلىنالمايدىغان ساھەلەر ئۈستىدىكى مۇنازىرىگە بەكەرەك ئېسىلىۋالىمىز؟ نىمىشكە ئۆزىمىزگە بىۋاستە باغلىنىش بولغان، ۋە بىۋاستە مەنپەئەت يەتكۈزىدىغان تېمىلاردىن دائىم ئەگىپ ئۆتۈپ كېتىمىز؟
بۇ تېمىدا بىز نىمىشكە ئاپتور ئوتتۇرىغا قويغان كارخانە باشقۇرۇش جەھەتتىكى تەھلىللىرنىڭ توغرا خاتالىقى ياكى ئۇنىڭ بىزنىڭ ئىگىلىك تىكلەش ئىشلىرىمىزغا ياردەم بېرەلەيدىغان بېرەممەيدىغانلىغىنى تەھلىل قىلمايمىز؟
نىمىشكە ئاپتور پالانى يەردە مۇنداق تاكتىكىنى تەكىتلەپتۇ، بۇنى كارخانە باشقۇرۇشتا ياكى كەسىپ باشقۇرۇشتا بۇنداق قوللانساق مۇنداق ئەكىس تەسىر بېرىشى مۇمكىن بۇنى مۇنداق ئۆزگەرتىپ ئىشلىتىش كېرەك دەپ مۇنازىرە قىلمايمىز؟
ئەگەر بىز شۇنداق مۇنازىرە ئېلىپ بارغان بولساق ئىگىلىك تىكلەش يولىمىزدىكى نۇرغۇن مەسىلىلەر ھەل بولغان بولاتتى، ۋە ئەمەت سودا دەستۈرى، سەمەت كارخانە باشقۇرۇش ئەندىزىسى دىگەندەك ئۆزىمىزگە خاس بىر قاتار دەستۇرلەر شەكىللىنەتتى، شۇنىڭ بىلەن بىز ئاۋۇ ئۆلۈپ تۇپراققا ئايلىنىپ بولغان سۇنزى بوۋاينى تەھلىل قىلىش ئورنىغا ئەمەت بىلەن سەمەتى تەھلىل قىلاتتۇق.

niyaz1

ئۇنى كارخانا باشقۇرۇشقا مەجبۇرىي تېڭىۋالغىچە، كارخانا باشقۇرۇشنىڭ ئەڭ ياخشى نەزەرىيەلىرىنى ئۆگەنگىنىڭلار ياخشى ئەمەسمۇ. سۇنزى بىڭفانى ئىشلىتىپ كارخانىسىنى گۈللەندۈرىۋەتكەن مىساللارنى كەلتۈرسىڭىز خەقنى قايىل قىلغىلى بولاتتى.
«ئۆزەڭنىمۇ ئۆزگىنىمۇ بىلسەڭ يېڭىلمەيسەن» دېگەننى مەھسۇلاتىڭنى چۈشەنسەڭ، بازارنى چۈشەنسەڭ زىيان تارتمايسەن دەپ چۈشىنىمىز دەپ بىكارلا زورۇققاندىن.

bugra47

elqut يوللىغان ۋاقتى  2016-2-17 18:13
ئاق مۇشۇك، قارا مۇشۇك، چاشقان تۇتقان خو مۇشۇك!
كۆپچىلى ...

كارخانا باشقۇرۇشتىمۇ ئەسقاتمايدىغانلىقى ھەققىدە 14-نچى قەۋەتتە مەنمۇ مىسال بېرىپ ئۆتتۈم، ئەمىليەتتە مەنمۇ ئىگىلىك باشقۇرۇشتا ئوقۇغان، ھەم ئىگىلىك تىكلەش تەجىربەم بار بىرى،  نەچچە يىلدىن بۇيان سۈنزى ھەربى ئىشلار دەستۇرىنى قولدىن چۈشۈرمەي ئوقۇۋاتىمەن، تەدبىقلاشقا ئۇرۇنۇپ كېلىۋاتىمەن. ئەمما ئىجابى رولىنى كۆرۈپ باقمىدىم، شۇنداقلار مەن يۇقىرقى ئىنكاسىمدا تىلغا ئالغان بىر نەچچە  دۆلەتلەردىمۇ جۇڭگولۇق بەزى كارخانچىلار بىلەن بۇ توغۇرلۇق سۆزلىشىپ باقتىم.  كارخانا باشقۇرۇشقا تەدبىقلاش مەسىلىسىگە ئىجابى قارىمايمەن

jahangir123

    تېما ئىگىسىگە تەشەككۈر.
    تورداش ئاشقىن بۇرادەر خېلى دەرىجىدە نادىر ئىنكاسلارنى تەغدىم قىلىپتۇ. رەھمەت سىزگە!
    ‹‹سۇنزىنىڭ ھەربىي ئىشلار دەستۈرى›› نى نۇرغۇن يىللار ئىلگىرى مەنمۇ ئوقۇغانىدىم. مەن ئوقۇغان خەنچە كىتاب ئاساسلىقى جەڭ تاكتىيكىلىرى بىلەن مۇناسىۋەتلىك بولغان قەدىمكى زامان خەن ئىدىيوملىق سۆز بىرىكمىلىرىكەن. ھەربىر ئىدىيوملىق سۆز بىرىكمىلىرىنىڭ كەينىگە نەچچە ئون بەت كېلىدىغان دۇنيانىڭ يېقىنقى ۋە ھازىرقى زامان تارىخىدا يۈز بەرگەن چوڭ-كىچىك ئۇرۇشلار تەقلىد قىلىپ چۈشەندۈرۈلۈپتىكەن. مەن بۇ كىتاپتىن سىتىراتېگىيىگە دائىر نەزىرىيىۋىي بىلەملەرنى ئۇچۇرىتالمىدىم. پەقەت ئىدىيوملىق سۆز بىرىكمىلىرىنىڭ كەينىدە كەلگەن ھازىرقى زامان ئاپتورلىرى تەرەپىدىن قوشۇمچە قىلىنغان جەڭ مىساللىرىدىن زورلاپ-تېڭىلغان ئاز-تولا نەزىرىيېۋىي بىلىملەرنىلا ھېس قىلغاندەك بولدىم.
    ‹‹سۇنزىنىڭ ھەربىي ئىشلار دەستۈرى››دىكى تۇراقلىق سۆز-ئىبارىلىرىنىڭ مۇتلەق كۆپ ساندىكىسى جەڭ تاكتىيكىلىرى بىلەن جىپسىلىشىدۇ. سىتىراتېگىيە ئۇقۇمىنى نەزىرىيېۋىي تەپەككۈر باسقۇچىغا كۆتۈرۈپ بېرەلمەيدۇ. ھېچبولمىغاندا مەن ئوقۇغان كىتابتا شۇنداق. مەيلى سۇنزىنىڭ جەڭ تاكتىيكىسى بولسۇن، ياكى جۇ گىلىياڭنىڭ ھەربىي پەنتلىرى بولسۇن، بۇلارنىڭ بىر قىسمى ئەمەلىي جەڭ ئەھۋالىغا ئۇيغۇن كەلسە، يەنە بىر قىسملىرى كۆزگە كۆرۈنمەس رېجىسسور تەرەپىدىن ئالدىن-ئالا قېلىپقا سېلىنىپ، بەدىئىي توقۇلما دەرىجىسىگىچە بېرىپ يەتكەن.
      يۇقىرىدا ئاشقىن تورداش دېگەندەك، جۇڭگونىڭ قەدىمكى زامان ئۇرۇشلىرى ھىيلە-مىكىر بىلەن تولغان. بۇنداق دېگەنلىك رېئاللىقتا شۇنداق بولغان دېگەنلىك ئەمەس. بۇلارنىڭ بىر مۇنچىسى كىتابىي ئىبارىلەر. يەنە ئاپتورنىڭ سوبېكتىپ ئارزۇسى بويىچە قېلىپقا سېلىنىپ، پىششىقلاپ ئىشلەنگەن كۆرۈنىشلەر. مۇشۇنداق قېلىپلاشقان ئۇرۇشلار ئوتتۇرا تۈزلەڭلىكتىن ھالقىپ دۇنياغا يۈزلىنەلمىگەن. جاسارەت، جەڭگىۋارلىق، مەردانىلىق ۋە قوماندانلىق سىتىدات تەييار رامكىدىن بۆسۈپ چىقالماي، ئىمپېرىيە دەۋرىگە يۈرۈش قىلىشتەك دۇنياۋىي سەۋيىگە يېتەلمىگەن. جەڭگى-جېدەل قورغاننىڭ سىرتىغا ئۆتەلمىگەن. قانداقلا بولمۇسۇن بۇ نەچچە مىڭ يىللىق تارىختىن ھېس قىلىشقا تامامەن بولىدىغان بىر ئاددى ھەقىيقەت.
    ‹‹سۇنزىنىڭ ھەربىي ئىشلار دەستۈرى››نى ھازىرقى زامان كارخانا ئىلمى بىلەن بىرلەشتۈرۈش ھەققىدىكى خەنچە كىتابنىمۇ كۆرگەنتىم. قانداق دېسەم مۇۋاپىق بولىدۇ، بىلمىدىم. بەلكىم بۇمۇ سۇنزىنىڭ يېڭى تەپسىرى بولسا كېرەك.