سۈنزىنىڭ ھەربىي ئىشلار دەستۇرى ۋە ھازىرقى زامان كارخانا باشقۇرۇش

tadlax

سۇنزىنىڭ تاكتىكىلىرىغا سەل قارىغىلى بولمايدۇ. بۇلۇپمۇ ئىختىسادبىلەن بولغان مۇناسىۋىتى بۇنىڭغىمۇ سەل قارىغىلى بولمايدۇ.

elqut

ئىككىنجى باب  تەييارلىق

بۇ بابتا ھەربىي يۈرۈش بىلەن ئىقتىسادنىڭ  مۇناسىۋىتى تەھلىل قىلىنغان بولۇپ ھەربىي يۈرۈشتىكى سۈرئەت بىلەن ئۈنۈم، ھەربىي يۈرۈش جەريانىدىكى ھەرخىل چىقىم، ئەسكەرلەرنىڭ ئاكتىپچانلىقىنى قانداق قوزغاش ۋە سەپەرۋەر قىلىش، پايدىلىنىشقا بولىدىغان بارىلىق مەنبەلەردىن ئۈنۈملۈك پايدىلىنىش تەشەببۇس قىلىنغان.
مەن بۇ بابتىكى مەزمۇنلارنى كارخانا باشقۇرۇش ساھەسىگە تۆۋەندىكىچە تەدبىقلىدىم.
1- سۈرئەت بىلەن ئۈنۈمنىڭ مۇناسىۋىتى： پەقەت سۈرئەتنىلا قوغلىشىپ ئۈنۈمنى ئويلاشمىغاندا سۈرئەت تىز بولغان بىلەن ئۈنۈمى كۆرۈلمىسە نەتىجە قۇرۇق گەپ، ئارتۇق چىقىم. ئۈنۈمنى قوغلىشىپ سۈرئەتكە ئېتىبار بىرىلمىسە ۋاقىت، زېھىن ۋە ئىقتىساد  ئىسراپچىلىقى، ئوتتۇرچە ئۈنۈم يوق دىيەرلىك، يەنىلا ئارتۇق چىقىم.
2- چىقىم بىلەن كىرىمنىڭ مۇناسىۋىتى：كارخانا ئۈچۈن ئۈنۈملۈك قىممەت ئېلىپ كىلىدىغان چىقىم چىقىم ئەمەس. تۈرنى ئىجرا قىلىش جەريانىدىكى قاتتىق ۋە يۇمشاق دىتاللارغا（ئادەم كۈچ،  مۇقىم مۈلۈك، ئاقما مۈلۈك، تېخنىكا ۋە باشقا ） كىتەرلىك زۆرۈر نەرسىلەرنىڭ چىقىمىدىن قاچماسلىق ھەم ئارتۇقچە چىقىمدىن ساقلىنىش. بۇزۇپ چاچماسلىق، ھەم سىقىپ تۇرىۋېلىپ ئىش ئۈنۈمىنى تۆۋەنلەتمەسلىك.  
3- خادىملارنى سەپەرۋەر قىلىش ۋە ئاكتىپچانلىقىنى قوزغاش：ئىش باشلاشتىن ئىلگىرى تۈر گورۇپپىسىدى بارىلىق ئەزالارغا نىشانغا يەتكەندىن كىيىن ئېرىشىدىغان مۇكاپات ۋە باشقا تەمىناتلارنى ئېنىق بىكىتىپ شۇ ئارقىلىق بارىلىق ئەزالارنىڭ ئاكتىپچانلىقىنى قوزغاش.
4- كېرەكلىك بايلىقلارغا قانداق ئېرىشىش： تۈرگە كېرەكلىك بايلىقلارنىڭ（ئادەم كۈچى، تېخنىكا، مالىيە كۈچى ۋە باشقا بايلىقلار）قانچىلىكى بار، يەنە قانچىلىك لازىم، بۇ بايلىقلارغا ئېرىشىشنىڭ ئەڭ ئاددى ھەم تەننەرخى تۆۋەن، ئۈنۈمى يۇقرى ئۇسۇلدا ئېرىشكىلى ۋە پايدىلانغىلى بولىدۇ؟ دىگەن مەسلىدە ئويلىنىش.
ئومۇملاشتۇرغاندا يەنىلا شۇ گەپ《ئۇرۇشنىڭ توققۇزى رەڭ، بىرى جەڭ》. تاكتىكىنى توغرا تاللاش. ئەمەلىيەتنى ئاساس قىلىش.
ئۆزلەشتۈرگۈچى： تاھىرجان مەزىن
رەتلىگۈچى: غۇلجا شەھەر مىللىي كارخانىچى سودىگەرلەر ئۇيۇشمىسىدىن تاشپولات بىلال ئەلقۇت

Umut903

putin يوللىغان ۋاقتى  2016-2-14 10:34
ئىنتايىن ياخشى يازما ئېلان قىلىپسىز .
‹سۈنزى ھەربىي ئ ...

ھۆرمەتلىك ئىۋانوۋىچ شوۋائىچ پۇتىن ئەپەندىم: ناھايىتى تۇغرا ئېيتىپسىز!

ئاشقىن

elqut يوللىغان ۋاقتى  2016-2-15 00:09
ئىككىنجى باب  تەييارلىق

بۇ بابتا ھەربىي يۈرۈش بىلەن ئى ...

   سىزنىڭ بۇ دەۋاتقانلىرىڭىز ھەرگىزمۇ سۈنزىنىڭ تەلىماتلىرىدىن كەلگەن دۇردانىلەر ئەمەس،بەلكى ھازىرقى زامان كارخانا باشقۇرۇش ئىلمىدىكى ئاددى ساۋاتلار.سۈنزىنىڭ تەلىماتلىرىنى كۆككە كۆتۈرگەن ئىكەنسىز،ئەلۋەتتە خاسلىقى بار مەزمۇنلار،يەنى سۈنزى تەلىماتىدا دېيىلمىگەن بولسا،ھېچكىم بىلمەسلىكى مۈمكىن بولغان مەزمۇنلار بولسا ئوتتۇرىغا قويۇش كېرەك.ئاندىن ئادەم قايىل بولىدۇ.
   سۈنزى تەلىماتلىرى بىلەن ھازىرقى زامان كارخانا باشقۇرۇش ياكى سودا ئىلىملىرىنىڭ ئانچە-مۇنچە ئوخشاشلىقى بولۇشى تەبى.لېكىن ئوخشاپ قالغىنى ئۈچۈنلا ئۇ سۇنزى تەلىماتىنىڭ مەھسۇلى بولۇپ قالىدىغان ئىش يوق.چۈنكى بۇ زامانىۋىي تەلىماتلار باشقىلارنىڭ مۇستەقىل،ئىجادىي ئەمگىكىدىن كەلگەن،ھەرگىزمۇ سۈنزى تەلىماتىنى تەتقىق قىلىش ئارقىلىق قولغا كەلگەن ئەمەس.ئەكسىچە،بىزنىڭ دۆلىتىمىزدىكى سۈنزى تەلىماتىغا تايىنىپ تىرىكچىلىك قىلىدىغان مۇتەخەسىسلەر،ھازىرقى زامان كارخانا ئىلمىدىكى سۈنزى تەلىماتى بىلەن ئازدۇر-كۆپتۇر ئوخشاشلىقى باركەن دەپ ھېس قىلغان مەزمۇنلارنى سۈنزىنىڭ تەلىماتىدا دېيىلگەن دىمەكچى،ماقۇل دەپ بەرسىڭىز ئۇزۇنغا بارماي ئەشۇ تەلىماتلارنىڭ ھەممىسى سۈنزى تەلىماتىدىن كەلگەن دەيدۇ تېخى.
   دىمەكچى بولغىنىم،خاس مەزمۇنلار بولسا قارشى ئېلىپ قوبۇل قىلىمىز،لېكىن ھەممە ئادەم بىلىدىغان ياكى باشقىلارنىڭ مۇستەقىل ئەمگىكىدىن كەلگەن ئىجادىي مەزمۇنلارنىمۇ ئۆزىگە مەنسۇپ قىلىۋالىدىغان قىلمىشلارنى ئىلىمگە قىلىنغان ھۆرمەتسىزلىك دەيمىز.ئەمىلىيەتتە،«قۇتئادقۇ بىلىگ»دىمۇ ھازىرقى زاماندا نۇرغۇن ساھەلەرگە ماس كېلىدىغان مەزمۇنلار بار،ماس كەلدى دەپلا ئۇ يەر بۇيېرىنى قۇراشتاشتۇرۇپلا يۈسۈپ خاس ھاجىپ تەلىماتى ئىدى دېۋالغىلى بولمايدۇ.سۈنزى تەلىماتىمۇ ئوخشاش.

putin

ئاشقىن يوللىغان ۋاقتى  2016-2-14 21:10
ھازىرقى ھالەت سۈنزى تەلىماتىنىڭ كارامىتىدىن ئەمەس، ...

   تارىخنى مانداق بولغان بولسا ،مانداق بولاتتى دىمەيمىز بەلكى .پۇرسەت تۇتقانلارنىڭ ئامىتى كىلىدىغان جاھان بۇ .ئەگەر دۆلىتىمىزنىڭ تەييارلىقى بولمىغان بولسا ،مۇشۇنداق بىر روھى جەھەتتىن تايانچىسى بولمىغان بولسا ،بىزدەكلا پۇرسەتنى قولدىن بىرەتتى .مىنىڭچە دۇنيادا ئاجىز قەۋم يوق ،بىراق روھى غالىبىيەتچىلىك قىلىپ ،ئۆزىنى زەئىپلەشتۈرىدىغان مېللەت بار.

ئاشقىن

putin يوللىغان ۋاقتى  2016-2-15 12:25
تارىخنى مانداق بولغان بولسا ،مانداق بولاتتى دىمەيم ...

  سىز دۆلىتىمىز سۈنزى تەلىماتىنى روھى تايانچ قىلىپ تۇرۇپ پۇرسەتنى چىڭ تۇتالىغان دېمەكچىمۇ؟ئەگەر شۇنداق بولسا دەلىل كەلتۈرۈپ بېقىڭ.
  سۈنزى تەلىماتىدىن ئىبارەت ھەربىي تەلىمات ئوتتۇرا ئىقلىمنى "ياۋايىلار"بىلەن بولغان جەڭ مەيدانىدا غەلىبىگە ئېرىشتۈرەلمىگىنى بىلەن،سۆھبەت شىرەسىدە غەلىبىگە ئېرىشتۈرگەن دېسە كۈلكىلىك بولامدۇ قانداق؟ئەگەر شۇنداق دېگىلى بولسا،ئۇ چاغدا سۈنزى تەلىماتىنى ھەربىي دەستۇر دېمەي،سۆھبەت دەستۇرى دەپ ئۆزگەرتىشكە توغرا كېلىدۇ.
   كوڭزى ساقال قوياتتى،شۇڭا ساقال قويۇشنى كوڭزى ئىجاد قىلغان ،ساقال قويىدىغانلار ئۈنى ئۈلگە قىلسا ساقىلى ئۆلچەملىك بولىدۇ دەيدىغانلارمۇ چىقامدۇ نىمە؟

ablimit007

ئاشقىن يوللىغان ۋاقتى  2016-2-14 11:32
«سۈنزىنىڭ ھەربىي ئىشلار دەستۇرى»ئۇنچە ئۇلۇغلاپ كەتك ...

ئېسىل ئىنكاس بوپتۇ، موڭغۇل ۋە مانجۇلار سۈنزىنىڭ ھەربىي دەستۇرىنى ئۆگەنمەي تۇرۇپمۇ تەڭداشسىز جاسارىتىنى پۈتۈن دۇنيا ئەھلىگە نامايەن قىلدى. دۇنيا تارىخىنى ئۆگىنىمەن دەيدىغان ھەر قانداق ئادەم موڭغۇلدىن ئىبارەت بۇ جاسارەتلىك مىللەتتىن چەتنەپ كېتەلمەيدۇ. دېمەك موڭغۇللار دۇنياغا ئۆزىنى تونۇشتۇرۇپ يۈرمىسىمۇ بولىدۇ، چۈنكى دۇنيا ئەھلىنىڭ موڭغۇللارنى بىلمەسلىككە باھانىسى يوق، بۇندىن كېيىنمۇ شۇنداق بولىدۇ. جۇڭگونى ئۈزۈل-كېسىل بىرلىككە كەلتۈرگەن ئىككى مىللەت بار، بۇنىڭ بىرى موڭغۇل، يەنە بىرى مانجۇلار. دۇنايدىكى موڭغۇللارنىڭ نوپۇسى 10 مىليوندىن ئاشىدۇ، ئاساسەن ئۆزىنىڭ تىل-يېزىقىنى، ئۆرپ-ئادەتلىرىنى ساقلاپ قالغان بىر پۈتۈن مىللەت. ئەكسچە مانجۇلار خەنزۇلارنىڭ ۋە باشقا مىللەتلەرنىڭ گەدىنىگە دەسسەپ يۈرۈپ ھاكىمىيەت تۇتۇپ ھوقۇق يۈرگۈزگەن بولسىمۇ خەنزۇلارنىڭ باشقا مىللەتلەرنى ئاسسىمىلىياتسىيە قىلىدىغان داش قازىنىغا چۈشۈپ كېتىپ ھالاك بولدى. شۇنىڭ بىلەن مانجۇلار تارىخ سەھنسىدىن رەسمىي چېكىندى. بۇ 10 نەچچە مىليون ئۆزىنى مانجۇلارنىڭ ئەۋلادى دەيدىغان بىچارە بايقۇشلارنىڭ ئىچىدە مانجۇ تىلىنى بىلىدىغانلاردىن ئاران 6 ئادەم بارمىش. سۈنزىنىڭ ھەربىي ئىشلار دەستۇرىنىڭ پايدىلىنىدىغان قىسمەن يەرلىرى بولسىمۇ، لېكىن كۆپ قىسمى ھىيلە-مىكىرىدىن ئىبارەت. موڭغۇل ۋە مانجۇلار ئاساسلىقى ئۆزىنىڭ تەڭداشسىز ئۇرۇش قىلىدىغان ئەسكەرلىرى ۋە ئۆزىنىڭ ئۇرۇش تەدبىرىنى قوللانغان. گەرچە ئوتتۇرا تۈزلەڭلىك قوشۇنى سۈنزىنىڭ ھەربىي ئىشلار دەستۇرىنى قوللىنىپ تۇرۇپ نەچچە مىليون ئەسكىرىنى ئۇرۇشقا سالغان بولسىمۇ موڭغۇل ۋە مانجۇلارنىڭ قوشۇنى ئالدىدا كارغا كەلمىدى. ئاقىۋەتتە موڭغۇل ۋە مانجۇلارغا قۇل بولدى، موڭغۇل ۋە مانجۇلار خەنزۇلارنى شۇنچىلىك قىرغىن قىلدىكى ئۆلتۈرۈلگەن خەنزۇلارنىڭ تولىلىقىدىن ھېسابلاش مۇمكىن بولمىدى. ھازىرقى تارىخشۇناسلارنىڭ بايانلىرىغا قارىغاندا موڭغۇل ۋە مانجۇلارنىڭ قېلىچى ئاستىدا جان بەرگەن خەنزۇلارنىڭ سانى 70 مىليوندىن ئاشىدۇ. ھەتتا چىڭگىزخان ۋە ئۇنىڭدىن كېيىنكى موڭغۇللارنىڭ تاجاۋۇزچىلىقىدا شىمالىي جۇڭگو تەۋەسىدە ئادەم نەسلى ئىنتايىن ئاز قالغان، شىمالىي جۇڭگودىكى كۆپ قىسىم شەھەرلەرنى موڭغۇللار ئوت قويۇپ، ئادەملرىنى قەتلىئام قىلىپ ۋەيران قىلىۋەتكەنلىكى تارىخ كىتابلىرىدا ئېنىق قەيت قىلىنغان. بىز يۇقارقى بايانلارغا قارىساق سۈنزىنىڭ ھەربىي ئىشلار دەستۇرىنىڭ مانجۇ ۋە موڭغۇللار بىلەن بولغان ئۇرۇشتا قىلچىك پايدىسى بولمىغانلىقىنى بىلىمىز. لېكىن بۇ كىتابنىڭ پايدىلىنىش قىممىتىنىڭ يۇقىرى يەرلىرىمۇ كۆپ.

ئاشقىن

ablimit007 يوللىغان ۋاقتى  2016-2-15 13:38
ئېسىل ئىنكاس بوپتۇ، موڭغۇل ۋە مانجۇلار سۈنزىنىڭ ھەرب ...

ئەمىلىيەتتە مانجۇ ۋە موڭغۇللار بىلەن بولغان ئۇرۇشتىلا ئىسپاتلىنىپ قالماستىن،قەدىمكى زاماندا سۈنزى تەلىماتىغا بوي سۇنمايدىغان باشقا «ياۋايى»مىللەتلەر بىلەن بولغان ئۇرۇشتىمۇ ئىسپاتلانغان بۇ سۈنزى تەلىماتىنىڭ يارىماسلىقى.