سۈنزىنىڭ ھەربىي ئىشلار دەستۇرى ۋە ھازىرقى زامان كارخانا باشقۇرۇش

porkotak

ئاشقىن يوللىغان ۋاقتى  2016-2-14 11:32
«سۈنزىنىڭ ھەربىي ئىشلار دەستۇرى»ئۇنچە ئۇلۇغلاپ كەتك ...

  بىز جۇڭگونىڭ ئىچىدە ياشاۋاتقان ئىكەنمىز سۈنزى تەلىماتىنى ئۆگەنمەيمۇ ئامالىڭىز يوق، خەق سىزگە ئورا كولاۋاتسا يەنە مەردلىك قىلىمەن دىسىڭىز سىيىت نوچىدەك كۈنگە قالىدىغان گەپ. يەنە كىلىپ ھازىر ئۇيغۇرلىرىمىزمۇ ئورا كولاشتا ھىچكىمدىن قېلىشمايدىغان بولۇپ كەتتى. سىز جۇڭگودىلا ياشايدىكەنسىز سۈنزى تەلىماتىنىڭ پىسخكىڭىزنى ئۆزگەرتمەسلىكىگە ئامالىڭىز يوق.

porkotak

  دۇنيادا ھەربىي تاكتىكا دەستۇرلىرى ئارىسىدا ئاياللار ھىيلىسىنى ئىشلىتىش توغرىسىدا دەستۇر يېزىلغان تۇنجى كىتاپ مۇشۇ بولىشى مۇمكىن، بۇ كىتاپ ئۆز مەقسىتىگە يىتىش ئۈچۈن ۋاستە تاللىماسلىقنى تەرغىپ قىلىدۇ.

putin

ئاشقىن يوللىغان ۋاقتى  2016-2-15 13:17
سىز دۆلىتىمىز سۈنزى تەلىماتىنى روھى تايانچ قىلىپ تۇ ...

   ئىسىڭىزدە بولسۇن ھاكىمىيەتنى ئالغانلار باتۇر لىكىن باھادىر ئەمەس ،ھاكىمىيەت باشقۇرۇشنى بىلگەنلەر باھادىر ۋە باتۇر .سۈنزى ھەربىي ئىشلار دەستۈرى دۇنيادىكى ئەڭ قىممەتلىك ھەربىي ،سىياسىي،ئىجدىمائىيەتكە چىتىلىدىغان قامۇسلۇق كىتاب .بۇ ئەسەرنىڭ خەنلەرنىڭلا بولۇپ قالماستىن ئوتتۇرا تۈزلەڭلىك ،شىمالى جۇڭگۇ ۋە جىياڭنەننىڭ جەنۇبىدىكى خەنلىشىپ كەتكەن قەدىمىي مېللەتلەرنىڭ ئەقىل -پاراسىتى سىڭگەن ئەسەر .
   سىزنىڭ بۇ ئەسەرنى ياقتۇرماسلىق ۋە چوڭ كۆرمەسلىك ھوقۇقىڭىز بار .بىراق ،ئەگەر بىز مۇشۇ ئەسەرنى ئوقۇپ ،چۈشىنەلەيدىغان بولساق يامانمۇ ؟ھىچ بولمىسا ئۆزىنىڭ يىغىدا ،ئۆزىنى قۇرۇش دىگەن ھەقىقەتنى بىلسەك ،ھەربىر زىيالىيلىرىمىزدا ئىغىز قارشىلىقىدىن ئەمىلىي مۇداپىيە كۆرىدىغان پوزىتسىيە شەكىللەنسە يامانمۇ ؟بىز ‹‹كۆرەمەسلىك››نى توختاتساق بولاتتى .

ئاشقىن

porkotak يوللىغان ۋاقتى  2016-2-15 13:57
بىز جۇڭگونىڭ ئىچىدە ياشاۋاتقان ئىكەنمىز سۈنزى تەلىم ...

سۈنزى تەلىماتىنى سىز ئۆگەنگەنمۇ،ياكى سىز بىلىدىغان باشقا بىرسى ئۆگىنىپتىكەنمۇ؟%99.999جۇڭگولۇق بۇ دەستۇرنى ئۆگىنىپ باقمايمۇ ياشاۋاتىدىغۇ،ئۆز كەسپى بىلەن شۇغۇللىنىۋاتىدىغۇ؟شۇڭا قارىشىڭىزنىڭ ئاساسى يوق.
  ھازىرقى زامان پەنلىرى تەرەققى قىلىپ،ھەممە ساھەگە سىڭىپ كىردى،ھەممە ساھەنىڭ مۇكەممەل ھەم سىستېمىلاشقان ئىلمىي دەستۇرلىرى بار.بىزنىڭ يەنىلا مۇشۇ پەننى بىلىملەرنى ئاساس ئورۇنغا قويۇپ ئۆگەنگىنىمىز تۈزۈك.بىر سۈنزى تەلىماتىنى كۆتۈرۈۋېلىپ،ئۇ سەھەگىمۇ قادىر،بۇ ساھەگىمۇ قادىر دەپ كۆككە كۆتۈرسەك،ئەخمىقانىلىق بولىدۇ. ئالايلۇق،ئەسلىدە سىستېمىلاشقان كارخانا ئىلمىدە ئاددى ساۋات بولغان بىر تەلىماتنى،بىۋاستە ئۆگەنگەننىڭ ئورنىغا سۈنزى تەلىماتىنى ئۆگىنىش ئارقىلىق ئاستا-ئاستا ھېس قىلىش ئارقىلىق ئۆگەنسەك ئۈنۈمى قانچىلىك بولىدۇ؟شۇڭا ،كونكىرىرنى پەنلەردە دېيىلمىگەن،لېكىن شۇ پەنگە نىسبەتەن قىممىتى بولغان مەلۇم بىر دەستۇر سۈنزى تەلىماتىنىڭ ئىچىدىن چىقىپ قالسا،ئاندىن شۇنى ئۆگەنسەك،مەدھىيىلىسەك بولىدۇ.
  

ئاشقىن

putin يوللىغان ۋاقتى  2016-2-15 14:10
ئىسىڭىزدە بولسۇن ھاكىمىيەتنى ئالغانلار باتۇر لىكىن ...

سۈنزى تەلىماتىنى ئۆگىنىشكە قارشى ئەمەسمەن،لېكىن كۆككە كۆتۈرۈپ ئۇچۇرۇشقا قارشى.
ئىككىنچى گەپ،سىز دېگەن خەنلىشىپ كەتكەن ئەشۇ مىللەتلەرمۇ(كېيىن مانجۇلارمۇ شۇنداق بولدى)سۈنزى تەلىماتىنى مۇقەددەس ئورۇنغا قويۇۋالغاچقا،ئۆزىنىڭ ئەسلىنى يوقاتقان.

   تېمىغا سىياسى مەزمۇنلارنى سۆرەپ كىرمىگەن بولسىڭىز،بولمىسا ئەركىن مۇنازىرە قىلغىلى بولماي قالىدۇ.

ئاشقىن

    سۈنزىنىڭ قىسمەن دەستۇرلىرى ھەقىقەتەنمۇ ھازىرقى زامان كارخانا باشقۇرۇشىغا ماس كېلىدۇ،لېكىن كۆپىنچە دەستۇرلىرى ئىنتاىن زىيانلىق.چۈنكى ھازىرقى زامان كارخانا ئىلمى سەمىمىيەتنى،ئىناۋەتنى, سۈپەتنى ۋە ئۆز ئارا ئىشەنچنى مۇقەددەس  ئورۇنغا قويىدۇ،ئالدامچىلىقنى قەتئىي چەكلەيدۇ.ھالبۇكى،سۈنزى تەلىماتلىرىدىن ئىزدىگەننى تاپماق تەس،ئەكسىچەچەكلەنگەن مەزمۇنلار چۇۋۇلۇپ چىقىدۇ.

yusup78

سۈنزىنىڭ ھەربى ئىشلار دەستۇرىنى ئۈگۈنۈپ قويغانىڭ نىمە يامانى بار، بىر ئادەمگە 72 خىل ھۈنەرمۇ ئازلىق قىلىدۇ دەپتىكەن دانالار.

elqut

سۈنزىنىڭ ھەربىي ئىشلار دەستۇرى ۋە ھازىرقى زامان كارخانا باشقۇرۇش ساھەسىگە تەدبىقلىنىشى ھەققىدە ئويلىغانلىرىم
تاھىرجان مەزىن
ئۈچىنچى باب
تەدبىر
1.        ھۇجۇم تەدبىرى
بۇ بابتا سۈنزى ھۇجۇمغا ئۆتۈشتىن ئاۋۋال ئۆزى ۋە دۈشمەننى تولۇق چۈشىنىش، دۈشمەننىڭ ۋە ئۆزىنىڭ ئەھۋالىنى چىقىش قىلىپ ئۈنۈملۈك ھۇجۇم تەدبىرى بەلگىلەش، دۆلەت باشلىقىنىڭ قوماندان ۋە سەركەردىلەرگە كۆرسىتىدىغان پاسسىپ تەسىرى ۋە ئۇرۇشتا غەلبەقىلىشتىكى بەش خىل ئامىلنى چۈشەندۈرگەن بولۇپ.  مەن بۇ مەزمۇنلارنى كارخانا باشقۇرۇش ساھەسىگە  تۆۋەندىكىچە تەدبىقلىدىم :

1)        «ئۇرۇش قىلماي دۈشمەننى بوي سۇندۇرۇش» :
بۇ سۆزنى سودا ساھەسىدىكى رىقابەتكە تەدبىقلىساق، ئىجرا گورۇپپىسىنىڭ كوللىكتىپ ئەقلى ۋە كوزۇر «بايلىقىغا» تايىنىپ رىقابەتچىنى ئۆزىمىزگە قوشۇۋېلىش، رىقابەتچىمىز بىلەن ئىتتىپاقلىشىپ ئۆزىمىزنىڭ سودا ئېمپىرىيسىنى قۇرۇپ چىقىش. بۇ سودا رىقابەتتىكى ئەڭ ئاقىلانە تاللاشتۇر. چۈنكى رىقابەتچى بىلەن ئۇزۇن مۇددەت تىركىشىش ۋە قارشىلىشىش ھەر ئىككى تەرەپنىڭ كۈچىنى ئاجىزلىتىدۇ. ئارتۇقچە چىقىم كۆپىيىپ غەلبە قىلىش ئېھتىماللىقى ئازلايدۇ.
2) يەكمۇ-يەك رىقابەتلىشىش :
يۇقىردا دىيىلگەندەك قوشۇش ياكى قوشۇلۇش مۇمكىن بولماي، ئۆزئارا يەكمۇ يەك رىقابەتلىشىش توغرا كەلگەندە قانداق قىلىش كېرەك؟
ئون ھەسسە ئارتۇق كۈچ بىلەن رىقابەتچىنى 《مۇھاسىرىگە》ئېلىپ، بەش ھەسسە ئارتۇق كۈچ بىلەن «ھۇجۇمغا ئۆتۈش»، ئىككى ھەسسە ئارتۇق كۈچ بىلەن رىقابەتچىنى مەغلۇب قىلىش. ئەگەر تەڭلىشىپ قالغۇدەك بولسا ياكى رىقابەتچىنىڭ كۈچىنى بۆلىۋىتىش، ياكى ئۆزىنى قاچۇرۇپ يەكمۇ-يەك رىقابەتتىن ساقلىنىش، قوشۇش-قوشۇلۇش.

3)         زىدىيەتتىن ئەگىپ ئۆتۈپ پۈرسەتتىن پايدىلىنىش:
يەكمۇ-يەك رىقابەتلىشىشمۇ مۇمىكىن بولمىغاندا قانداق قىلىش كېرەك؟
رىقابەتچىنىڭ ئىستىراتىگىيىلىك پىلانىنىڭ ئاجىز نۇقتىسىنى تېپىپ، دەل شۇ نۇقتىدىن چىقىپ ئاجىز نۇقتىلارنى ئاز-ئازدىن تارمار قىلىش، خۇددى بېلىقنىڭ قانات قۇيرۇقلىرىنى بىردىن بىردىن يۇلۇپ ئاخىرىدا سۇ ئۈزەلمەس قىلىپ قويغىلى بولغاندەك، رىقابەتچىنى ئاستا-ئاستا پالاچ ئەھۋالغا چۈشۈرۈپ قويۇپ ئاندىن چوڭ نىشان ئۈچۈن  تىرىشىش.
2. مۇدىرىيەت باشلىقى ياكى كارخانا خوجايىنىنىڭ ئىجرا گورۇپپىسىدىكى باشقۇرغۇچىلارغا بولغان پاسسىپ تەسىرى:
（1） ئىجرا گورۇپپىسىنىڭ ئىلگىرلىيەلەيدىغان- ئىلگىرلىيەلمەيدىغانلىقىنى بىلمەي تۇرۇپ ئىلگىرلەشكە بۇيرۇق چۈشۈرۈش.
（2） ئىجرا گورۇپپىسىنىڭ چىكىنش-ياكى چىكىنمەسلىكىنى بىلمەي تۇرۇپ چىكىنىش بۇيرۇقى چۈشۈرۈش.
（3）ئىجرا گورۇپپىسىنىڭ ئىچكى قىسىمدىكى ئەھۋاللارنى چۈشەنمەي تۇرۇپ مەمۇرىي جەھەتتە باشقۇرۇشقا ئارلىشىش.ھەرقايسسى گورۇپپىلارنىڭ ئىستىراتىگىيىلىك پىلانىنى چۈشەنمەي تۇرۇپ باشقۇرۇش ۋە ئىجرا ئىشلىرىغا ئارلىشىش.
يۇقارقى ئۈچ خىل ئەھۋال خادىملارنىڭ «پۇت قولىنى چۈشەپ قويغان» بىلەن باراۋەر بولۇپ، شۇ سەۋەبلىك خادىملار ۋە باشقۇرغۇچىلار مۇدىرىيەت باشلىقى ياكى كارخانا خوجايىنىنىڭ ئىقتىدارىدىن گۇمانلىنىدۇ ياكى ئىشەنمەيدۇ دە بىزارلىق تۇيغۇسى شەكىللىنىپ قائىدە-تۈزۈملەرگە رىئايە قىلمايدۇ. بۇ رىقابەتچىگە ياردەم قىلىپ، ئۆزىنى ھالاك قىلغانلىق بولۇپ ھېسابلىنىدۇ.
3. رىقابەتتە غەلبە قىلىش ياكى مەغلۇب بولۇشنى بەلگىلەيدىغان بەش خىل ئامىل
（1）قانداق ئەھۋالدا قايسى خىل يوسۇندا رىقابەتلىشىشنى بىلىش ياكى بىلمەسىك.
（2）رىقابەت جەھەتتىكى كۈچىنىڭ كۈچلۈك ئاجىزلىقىنى بىلىش بىلمەسلىك.
（3）كارخانىدىكى يۇقىرى تۆۋەن قاتلامدىكى ئەزالارنىڭ بىر نىيەت بىر مەقسەتتە بولۇش بولماسلىقى.
（4） پۇختا تەييارلىق بىلەن تەييارلىقسىز ھالەتنىڭ پەرقىنى بىلىش بىلمەسلىك.
（5）مۇدىرىيەت باشلىقى ياكى كارخانا خوجايىنىنىڭ ئىجراغا مەسئۇل دىرىكتورنىڭ خىزمىتىگە ئارلىشىپ كاشىلا تۇغدۇرۇش تۇغدۇرماسلىقى.
سۈنزى دەيدۇكى« ئۆزى ۋە رەقىبىنى چۈشەنگەن جەڭدە غەلبە قىلىش مۇقەررەر، ئۆزىنى چۈشىنىپ، دۈشمەننى چۈشەنمگەن جەڭدە غەلبە بىلەن مەغلۇبىيەت باراۋەر، ئۆزىنىمۇ رەقىبىنىمۇ چۈشەنمگەن جەڭدە مەغلۇبىيەت مۇقەررەر»
خۇلاسە:
يەنە شۇ كونا گەپ«ئۇرۇشنىڭ توققۇزى رەڭ، بىرى جەڭ ». ھەرئىشتا ئەمەلىيەتنى ئاساس قىلىش ،  تاكتىنى توغرا تاللاش.
ئالدىنقى ئۈچ باپتىن خۇلاسە:
سۈنزىنىڭ ھەربىي ئىشلار دەستۇرىنىڭ ئالدىنقى ئۈچ بابى بىر بۆلەك بولۇپ، بۇ بۆلەكتە جەڭگە چىقىشتىن ئاۋۋالقى ئىستىراتىگىيىلىك تەييارلىققا مۇناسىۋەتلىك بىر قىسىم مەزمۇنلار بايان قىلىنغان. ھەربىر بابنى بىر سۆزگە يىغىنچاقلىغاندا پىلان، تەييارلىق، تەدبىر دىن ئىبارەت ئۈچ سۆز ئارقىلىق بۇ بىر بۆلەكنىڭ مەزمۇنىنى ئەكىس
ئەتتۈرۈش مۇمكىن.
  لوگىكا نۇقتىسىدىن چۈشەندۈرگەندىمۇ ئىشتىن ئاۋۋال تەييارلىق قىلىش كىرەك ئەلىۋەتتە. تەييارلىقنىڭ بېشىدا ئاۋۋەل مۇكەممەل بىر پىلان تۈزۈش ئارقىلىق ئىش قىلىش جەريانىدا قايسى نۇقتىلارغا دىققەت قىلىش كېرەكلىكىنى ئالدىن ئويلىشىپ قويۇش. ئىككىنچى قەدەمدە تۈزۈلگەن پىلانغا ئاساسەن تەييارلىق قىلىش ۋە تەييارلىق جەريانىدا پىلان بىلەن تەييارلىقنى بىر-بىرىگە ماسلاشتۇرۇش. ئۈچىنچى قەدەمدە پىلان ۋە تەييارلىققا ماس كىلىدىغان ئۆزى ۋە رەقىبىنىڭ ئارتۇقچىلىق ۋە كەمچىللىكىنى ئاساس قىلىپ تۇرۇپ ئاخىرقى ئسىتىراتېگىيىلىك ھۇجۇم تەدبىرىنى بەلگىلەش.

ئەسكەرتىش: بۇ ئەسەرنىڭ مەيلى دۆلىتىمىز مەيلى خەلىقئارادىكى نوپۇزى ئاللىقاچان كەڭ جامائەتچىلىك تەرىپىدى مۇئەييەنلەشتۈرۈلگەن، لىكىن ھەر قانداق بىر ئەسەرگە يازغۇچىنىڭ ئازدۇر كۆپتۇر شەخسى خاھىشى سىڭىپ كىتىدىغان بولغاچقا بىر قىسىم  تەدبىر بەلگىلەش ھەققىدىكى  پىكىرلەرگە تەنقىدى يوسۇندا مۇئامىلە قىلىشىڭلارنى،  مىللىتىمىزنىڭ ئەنئەنىۋى ئەخلاق كۆزقارىشى ۋە دۆلىتىمىزنىڭ قانۇن-تۈزۈملىرىگە ئۇيغۇن كېلىدىغان ھالەتتە، ئادىل رىقابەتنى ئاساسى مىزان قىلىپ، ئىجابى يوسۇندا ئاكتىپ پايدىلىنىشىڭلارنى تەۋىسىيە قىلىمەن！

ئۆزلەشتۈرگۈچى: تاھىرجان مەزىن
غۇلجا شەھەر مىللىي كارخانىچىلار ئۇيۇشمىسىدىن تاشپولات بىلال ئەلقۇت رەتلىگەن.